تجربتي بالطلق الصناعي

تجربتي بالطلق الصناعي 7amal /templates/dist/assets/img/logo.png
السلام عليكم
انا من حوامل اخر يونيو
كنت اخذ مثبتات للثامن .. بكتب تجربتي مع الطلق الصناعي للي تبغى تقرا تجربة غيرها وتتطمن..
بعد اول اسبوع من التاسع لاحظت الدكتورة ان موية الجنين ناقصة كانت 8..
الدكتورة قالت تسوي لي طلق صناعي بس انا ترددت لان الرحم مقفل وعالي .. طلعت ع مسؤوليتي وبعدها باسبوع موعد ثاني وكمان طلعت ع مسؤوليتي ..
بداية اخر اسبوع بالتاسع رحت وكانت المويه نقصت زيادة صارت 5 .. وقتها وافقت ع التنويم وسوت لي الدكتورة تحريض بيدها ودخلوني اخذ طلق صناعي بالتحاميل .. لان التحاميل تفتح الرحم وبعدها يجي الطلق اما الابر تزيد الطلق ماتفتح الرحم ..
بديت باول تحميله الصباح وبعد ٨ ساعات موعد التحميله الثانية بس ما اعطوني لان الطلق كان كثير بس محتمل .. ثاني يوم الصباح كشفوا وكان الطلق مستمر بس الرحم مو راضي يفتح ولسه عالي .. اعطوني التحميله الثانية و بدا الطلق يزيد وصرت اسمع طقطقه بالرحم وبدت تنزل المويه .. مرت ٣ ساعات وكشفوا والحمدلله كان الرحم بدا يفتح ..

الطلق كان شديد وحامي و ما شاء الله ولدت العصر بآخر لحظة قبل العملية لان البيبي تعب..

ملاحظة اذا الحامل معاها امساك راح يكون الرحم عالي ويصعب نزول الجنين للحوض وراح يعطونها حقنة شرجيه تنظف البطن بعدها ينزل الجنين بسرعه ..