يسعد اوقاتكم جميعاً .. القصة و مافيها .. انا أم جديدة وابني صار عمرو شهر و 5 أيام و نحن ب غربة و ماعندي رفقات ولا قرايبين .. وما بطلع ولا بفوت الا مشاوير ضرورية و معي زوجي .. وانا اصلا بيتوتية .. المهم👇🏼
بعد الولادة .. تغير زوجي كتير و صار و كأنو قطة سودة و فاتت بيناتنا .. أخلاقو صارت ديقة و بيعصب من اي كلمة مع انو قبل كان هادي كتير و متفهم و بيعطيني وقت
هلأ صار كلشي أهم .. الا انا و هالولد .. مع انو هو يلي راكض ورا الخلفة والولاد و ما حملت بكيفي ... 🤷🏻♀️
هو كان يتشغل شغلين و هلا بقي على واحد .. بس هالحكي من قبل الولادة بكتير .. يعني يلي عم يقلي من قلة الطلعة من البيت او من ترك الشغل
هو اصلا تارك الشغل من وانا حامل وما كانت هيك نفسيو ... وهلأ و بيطلع و بيشوف رفقاتو وعندو شغل تاني و ما عم يقصر بتغيير الجو .. والوضع المادي الحمد لله منيح كتير
😅و لا حدا يقلي فتشي موبايل و كزا
كلشي كلمات سر عندي ...
و اي وقت فيني اخد الموبايل يلي بدياه و استعملو
و مافي شي ابدا بيخص الخيانة .. هو صاحب دين و أصلا بيعرف انو أحب ع قلبي يروح يتزوج و يجي مين يشيل كتف عني ..🌚
و حاكيتو بهدوء أنو أنت متغير و في شي شاغلك و حاسة جاييك اكتئاب
لان بيشغل حالو بمسلسل او نوم او شغلات تافهة و بيأجل الشغلات المهمة و صايبو حالة كسل فظيعة .. و هو مو هيك طبعو
قلي اي مزبوط نفسيا مو مرتاح
بس قد ما سايرتو وحاكيتو و تصارحنا ما عم تنحل القصة ولا عم يخف الوضع🥹
عم يضغط عليي بشغل البيت و الولد ومابيساعدني الا بطلوع الروح
و بتعرفو الولدانة حتى لو طبيعي بيضل في تعب و نفاس و في جرح عجان وفي بواسير الله يكرمكم.. و هاد غير الهرمونات ... يعني حاسة الزلمة يلي اجاه اكتئاب ما بعد الولادة مو انا❗❗❗
رغم انو بحكيلو يا حبيبي يا روحي عم اتوجع تعبانة نعسانة .. بيضل يطلب انا اعمل اغلب الشغلات
مع انو هو غربة اكتر من 5 سنين لحالو يعني مو غشيم عن شغل البيت
معقول خلص ! صارت هيك الحياة و الروتين ؟؟ كتير خايفة يكبر ابني بهيك جو وانا عم رضع و بسمع النفسية بتأثر عالحليب 😞
الله يفرج همي و همكم يارب
اكتبولي في شي وحدة مرقت بهيك تجربة !! وكانت مؤقتة ولا الولادة و جية البيبي هية نقطة تحول بالحياة الزوجية❗
العضوة: 1785841 , منذ 4 أشهر
والله كان قلتلك ممكن بس اهلو اصلا بيحكو معي اكتر ما يحكي معن و هو بيطلب مني احكي معن عنو هو لان هو اصلا ما بيعطيهن وقت كمان ماعندي اصلا غير بنتين احمى ولا شفتن ولا شافوني بس عالتلفون و كتير بيحبوني و بيوقفو معي و بصفي و انا نفس الشي وما صدف انو بيحكي معاهم الا وانا موجودة لانو بيعطيني استلم الحديث و هو بيلتهي بشي تاني و اخوتو الشباب لا شافوني ولا شفتن كل واحد مغترب بمكان يعني علاقتي مع اهلو رسمية و محترمة و ما بيقصرو بواجباتن ولا بقصر بواجباتي بالعكس والله هنن رغبانين فيني و بيحبو يتقربو مني اكتر ما انا ارغب بهالشي🤷🏻♀️العضوة: 1785841 , منذ 4 أشهر
تصدقي راح عن بالي العين اللهم اجعله خير و من ناحية الروتين هو عامل روتين لحالو اصلا مو مرتبط بأموري انا و الولد💔 لوضحلك ااوضع اكتر مثلا اخر موعد دكتور للولد كان من كم يوم و صار في تأخر شوي بالعيادة و فعلا تأخرنا عندن المهم .. حسيتو انزعج كتير لان تأخر ع رفقاتو .. و حسسني انو رفقاتو و مواعيدو اهم من موعد دكتور الولد و كتير سلبية افكارو صايرة بينتقد كلشي كلشي و بيعصب ع شغلات تافهة حتى مرتين صار يعيط عالولد لان عم يبكي كتير مع انو هو واعي وعارف انو هاد لسا عمرو شهر شو عندو غير يبكي💔العضوة: 1620937 , منذ 4 أشهر
الله يهدي بالك مابعرف شو يلي عم يحصلك معا الله يعافي اذا مار بكتئاب يارب بس بتوقع انو مشتاق لأهلو اخوتو امو برأي جيبو امو لعندكم تقعد كم شهر تغير جوو معاها او انتي اعملي سهرة بليل جو رومنسي وحلو عصائر وشغلات هاي رومنسية 😀 بلكي الله يتغير روتين تبعكم هو يتحسن حالو الله يهدي بالك يارب ويحسن احوالكم احوال المسلمين جميع ياربالعضوة: 1723440 , منذ 4 أشهر
لا تقلقي فترة وتعدي بإذن الله لا تضغطي ع نفسك ولا عليه والشغل سوي اللي تقدري عليه والباقي يتأجل اعملي لك روتبن ف البيت يخفف عنك الضغط شوي مثلا تقرأي لك لو صفحة من كتاب تتابعي برنامج تحبيه وقت نوم البيبي وزوجك اتركيه لانه واضح بيعاني من اكتئاب فعلا ع التصرفات اللي ذكرتيها صارت تطلع منه حاسس بضغط والمسؤولية مو سهله خاصة انكم ف غربه هذا غير إنه ممكن صار يشوفك اغلب الوقت مشغوله مع البيبي الامومه والابوه من اقوى التحديات اللي يخوضوها الناس في حياتهم هونيها ع نفسك فترة وتعدي باذن الله وتصير ذكرياتالعضوة: 1620937 , منذ 4 أشهر
يلي عم يصير مع جوزك احيانًا بصير معي هذا من الغربة وروتين وتكرار الأيام بس تقرب من الله يعالج هل شي هذا ًالغربة اخ منها اسأليني انا 12 سنة وانا حاس حالي بس بتنفس بوكل بشرب فقط الحمدالله ع كل حالالعضوة: 1785841 , منذ 4 أشهر
كلك ذوق اختي ما قصرتي امو وابوه متوفيين و ما حدا قدمن اهلو يقدر يجي ولا نحن نقدر نروح لان ما عندي اقامة لسا و بخصوص الرومنسية لساتني نفاس😂😂معقول هاد الموضوع مضوجه و مغير طبعه؟العضوة: 1785841 , منذ 4 أشهر
فعلا تصرفاتو ما بتدل ع غير اكتئاب هيك كان رأيي 🥹 سبحان الله والله هي مسؤولية بس ما بيمشي الحال نهرب منها انا كنت رافضة نجيب اطفال اول سنتين و هو ما رضي وما سمحلي اعمل منع ابدا ولا طريقة المفترض يكون شوي متحمس او عم يحاول يخفف عني بلاقيه بيرمي الهم عليي انا و الولد مو ذنبو ما يجي من قلبي اتهرب من مسؤوليتو متل ما زوجي يعمل وانا عم ساوي يلي عم تحكي عنو انتي بس لما يجي وقت واتوجع من ضهري او ما الحق اهتم بالولد او البيت او الاكل و يبكي .. تجيني لحظات انهيار انو هو مو معي ولا عم يساعدني حتى لو كان بالبيت ما يتحرك اذا ما ترجيتو 😩 الله يفرج و يجعلها فترة قصيرة و تعدي .. مشكورة اختي🌹العضوة: 1785841 , منذ 4 أشهر
طب وانا اذا اجاني اكتئاب نترك الولد يشق حالو بكاء المفترض الزوج هو الاكبر الأوعى الأقوى و صارلو بالبلد قبلي بكتير غريب يعني والله وهو يطلع يفوت يشوف ناس انا بس بالبيت و مع هالولد يعني ما بدي قولها .. بس جد خدامة .. حتى مو متل مابعرف لايمت ممكن الوحدة تتحمل هيك وضع😞العضوة: 1785841 , منذ 4 أشهر
مشكورة كلك ذوق اختي ..🌹 الحمد لله على كل حال يارب تكون بس هيك القصة انا عندي شعور انو ندمان عالزواج من اصلو😞 الله يهدي بال المسلمين جميعا ياربالعضوة: 1684308 , منذ 4 أشهر
أنا صار معي نفس شي وقت جبت ابني صار يعصب على اتفه اسباب وماعاد بدو يبقى بالبيت وكل ما يبكي ابني قلي سكتي ابنك وشيلي ابنك كانو ابني بس مو ابنو إذا صار شي مع ولد يحط حق عليه قضيته فترة سنة من اصعب سنين عمري ومع انوا قبل ولد كنا نروح ونجي ونتسلى سوى وكل شي سوى صار إذا بدي احكي كلمة يصير منها قصة أنا بصراحه حسيت انوا هو زوجي طول عمرو قاعد بالغربه لحالو فجأ صار مسؤل من بيت ومرأة وولد هو مو متعود يحمل مسؤليه ابني كان كتير ينق أنا مااعرف أتعامل معو لان اول طفل بعدها لحمدلله شوي شوي خف وتأقلم حاولي اول فترة تتركي شوبدو يعمل يعمل ماتحاول تفرضي عليه شي وانتي شغلي حالك بأبنك لان كل ماضغطي اكتير رح يزيد اكتير مع وقت رح يمل من وضعو ورح يرجع متل ماكان وحاولي تشغلي قرآن بالبيت قرآن بعمل سكينه بالبيت اسفه طولة عليكي والله يريح بالك ياربالعضوة: 1785841 , منذ 4 أشهر
💔💔💔 مشكورة على ردك كلك ذوق الله يصبرني و يصبرو والله ما اشارك لحدت غريب ناس قليلة اصلا يلي اتواصل معاها و لو جينا و ما صورنالهم يصير زعل و حساسية خاصة يلي ما قادرين يجيبو ولاد😞 ومابتقدري تسيطري ع هيك شغلات حتى لو الناس يلي عم تحاكيها قلالالعضوة: 1825741 , منذ 4 أشهر
زوجك بيمر بوضع مادي سئ فهو يهرب من المسئولية بدون مايخبركالعضوة: 1785841 , منذ 4 أشهر
اي كان بالبداية ممتاز و يحس اني تعبانة و يشيل عني مشان نام بس بعد الولد صار هو ينام اكتر مني و منو🙈 و بخصوص المنع .. من قبل ما اولد عم فهمو و اقنعو انو مستحيل فكر ب ولد تاني قبل ٥ سنين و هو بعد ما ولدت حسيت اقتنع و فعلا وشاف الوضع صعب بدون قرايبين او اهل او حدا يساعد او يشيل عننا .. و صار يفكر نغير البلد كرمال هالسببالعضوة: 1785841 , منذ 4 أشهر
ولا يهمك بالعكس جد حرفيا متل ما عم تحكي عم يصير يعني كان انسان هادي و بيمزح و بيتحمل حكي هلأ من أي كلمة بيبلش يزورني و مايعجبو و يسكت و ما يكمل الحديث حسبنا الله طلع اكتئاب ما بعد الولادة للرجال😢مو النا السيط علينا والفعل عليهم💔😞العضوة: 1785841 , منذ 4 أشهر
معقول انا ما كون حاسة ب سوء الوضع المادي؟ يعني بجوز ما يحكي اوك بس مو لازم شوف هالشي بعيني انو شوي ناقصو شي! انا عم حسو وضعو المادي مو سيء عادي متل ما هو الله اعلم يا اختي🤷🏻♀️ كلك ذوق مشكورة على ردك🌹