قصة ولادتي وما بعدها

قصة ولادتي وما بعدها 7amal /templates/dist/assets/img/logo.png
كيفكون صبايا انا الحمدلله ولدت بالشهر الخامس ٢٠١٨ يعني من شي سنة طبعا انا بكرية بس هلق حبيت احكيلكن قصة ولادتي بعرف انو متٱخرا شوي بس يلا عادي هلق لفضيت...😓😌😂عم امزح معكن بس صار معي اكتئاب الولادة ومن جديد صرت حن لوقت ولادتي وقول لشو كنت ازعل وانزعج وهيي شغلات رح تمرق سواء زعلت او فرحت... اول شي ياحبيباتي انا دخلت الشهر التاسع وكنت كتير تعبانة بالحمل تورم جسمي وبطني كبر كتير مية الراس كانت زايدة ويوميا حط تمر واغلي جنبو كمون او يانسون اشربو يوميا هاد الشي بعد الفطور كان رمضان المهم ضليت عالهالحالة من بداية التاسع ضل اسبوع ليخلص شهري وماولدت وكنت روح عالدكتورة كل اسبوع تشوف التوسع عاملتا شغلتي لانو قريبي ع بيتي😂😂 بلشت اطلع يوميا بعد العصر وقبل المغرب امشي شي ساعه وارجع اتروش بمي دافية كمان خلص الاسبوع وماولدت 😢ضل بس يوم واحد ليخلص شهري اجيت نمت قلت ماعد اعمل شي تعبت وقت بدي اولد الله بيسهل واذا ماولدت بعمل عملية بكون هيك اخترلي ربي تسحرت ونمت وجه الصبح اجيت صحيت الساعه ٨ ع مغص خفيف فكرت محتاجة فوت الحمام رحت ولا نزلت مي كتير مني ولقيت السدادة تبع عنق الرحم نازلي حكيت لماما قلتلي هي ولادة فورا اتصلت بدكتورتي... وهون بلشت المغامرات والله العظيم رح كفي بس بدي شوف تفاعلات مو متل كل مرة ماحدا يعلق ورح احكيلكن شو صار بعد ولادتي يلي هوي سبب اكتئابي