قصة ولادتي

السلام عليكم بنات طبعا اني صار ١٣يوم من ولدت والحمد لله لكن حبيت احكيلكم قصة ولادتي طبعا اول مدخلت شهر التاسع واني العب رياضه واشرب قرفه وغيره من مسهلات الولاده لكن دون جدى تعبت من الثكل والالم وماانام بليل نصحتني ماما روح لدكتوره من رحت لدكتوره كالت عندج ولاده اذا تردين اجيبج بلعياده بس السعر جان كولش هواي٥٠٠الف تقريبا كوتلهه هواي انطتني علاج كالت ع للعلاج جيبين بقيت يومين وكذلك العب رياضه وبيومهه ل٤الصبح العب رياضه واشرب هيل مفور نمت كعدت الصبح تعبانه كوتله لماما اني بعد ماريد كولش اسوي إلى ان ربي يسهلهه الضهر اتغديت وكولت خلي اتمشه سبحت بنتي وغديته ونيمته ورحت اتمشه مشيت ٥خطوات تقريبا حسيت مي نزل عليه كأني ادرر العفورحت غسلت وراها كعدت ماما كوتله طك مي الراس عندي ماما كلتلي يله ع المستشفه اني دخلت الحمام سبحت وغيرت ملابسي ورحت اني وماما واخويه وخابرت زوجي وصلت المستشفه٢الضهر امي الراس مستمر ينزل عليه دخلت المستشفه فحصتني الدكتوره كالت بعدج بس طاكه مي الراس خلولي مغذي وابره واني ماعندي اي اوجاع وراها انطوني تحميله وكذالك اني التيمي ولاعندي اي الام وبعدهه انطوني مغذي ثاني واني ماعندي اي الام إلى أن انطوني المغذي الثالث والدكتوره والنيرس متعجبين بيه يكولون ماكو هيج شي مستحيل كول هذي الادويه وانتي مدتولدين من شكلولي المغذي الثالث لنهايت المغذي صارت عندي الام بس الالم حييييييل قوي منطاني مجال نهائيا بحيث ضليت اصيح ماما تعاليلي اجتي ماما واكوله دكتوره الطفل راح يطلع تعاي فحصيني دكول بعدج كولت لماما ماما اخذيني للحمام أخذتني ماما واني اعيط وابجي من الالم ادررت وحسيت الطفل راح يوكع مني طلعت ركض كولت لنيرس الله يخليج بس فحصيني والله راح يوكع الطفل وهيه ممصدكه لان اني مجان عندي اي الم وع كثر المغذيات والابر اجتي فحصتني ضلت اصيح حيل ولاده تعالو يبنات الطفل راسه هذا طالع اجتي الدكتوره كلتلي ادفعي اهنا اني بردت راحت كول الالام الأمانة الم بيه قبل شويه صحت بصوت يالله خلصني حيييل واني ادفع وراهه دفعت تقريبا٣دفعات طلع ابني وراحت كول المعانات بعد دخولي للمستشفه يومين وزوجي واخويه بباب المستشفه خطيه زوجي يريد يوكف كلبه من الخوف وانتهت رحلت وهنا ع وهن ربي بجاه حبيبك المصطفه ارزق كول محروم من الذريه وارزق كول حامل السلامه بحق حبيبك محمد يالله واسفه ع الاطاله