السلام عليكم خالتي عمرها ٥١ سنه وماكتب لها الله انها تحمل رغم ان كل شي فيها سليم من مخزون مبيض وتبويض ورحمها مافيها اي عله او مشكله صحيه لدرجه سوولها تحليل الرياض وارسلوه برا شامل عن الجنيات والمشاكل وكلها سليمه
خالتي متزوجه من ١٨ سنه تقريبا وسوت من بعد اول سنه زواج لها انابيب نجح بس شهر وطاح بعدها سوت كذا مره وفسد بوقتها بعدين سوت حمل ونجح وكملت شهرين بس طلع الجنين ميت ببطنها مافي نبض وعطوها حبوب وسقطته بعدها سوت وفشل من قبل مايحطونه ببطنها
زوج خالتي متزوج من قبل ماياخذها وعنده ثلاث اطفال وهو سليم مافيه شي بعدها صارت معه مشاكل بحكم انه كبر عمره بدايه ٦٠ عنده تشوه وضعف بحركه الحيوانات المنويه بس هذي المشاكل صارت له حاليا وتعالج عنها مافيه شي الحين
ودي انصحها تروح للاردن وتسوي بس هل تحسون في امل؟ او تعرفون احد زي قصه خالتي؟ اهلي والمشايخ قالو ان فيها سحر بس خالتي من زمان تراجع مشايخ وماخلت شيخ الا وجته وحتى الطب الشعبي ومستشفى التخصص بالرياض وباقي المستشفيات
الرياض راجعتهم قبل سنتين ورفضو يسوون لها قالو مافي امل وبس عشان خاطر خالتي سوا لها تلقيح صناعي وطبعا هذا مستحيل ينجح لانه ينفع لحالات معينه بس شفت دكاتره من الاردن يقبلون حتى العمر الكبير بس ودي برايكم ونصيحتكم والله ان قلبي يتقطع عليها حتى الحين دورتها شوي بدت تتغير واخاف تنقطع وهنا فعلا تفقد الامل
