السنة_من_نار_بقلم_نداءالصوالحي
__ الجزء الأول ___
صوت الرعد الي مغطي ع كل الأصوات.. البرق الي بيضوي بالعتمة الشديدة.. واقفة وشابكة ايديها ببعض وعم تراقب بقطرات المطر الي بتنزل ع الشباك قبالها..
جسمها قشعر وحست بالبرد.. مشيت لحد خزانتها وطالت جاكيت صوف لبستو وثواني وحست بالدفا سيطر ع جسمها..
قعدت ع سريرها ومسكت الموبايل ودقت ع امها ونطرت لترد
هاجر: الوو.. مسا الخير بنتي
ياسمينة: مسا الورد امي.. كيفك
هاجر: بخير حبيبتي كيفك انتي طمنيني عنك وصلتي!!
ياسمينة: إي ماما من ساعة
هاجر: في حدن مشاركك بالغرفة
ياسمينة: اي خبروني انه في صبية اكبر مني سنة ثالثة مقيمة هون من قبلي بس لسا مااجت ع الغرفة ما تعرفت عليها
هاجر: اي انتبهي ع حالك وع طول طمنيني
ياسمينة: ان شاء الله ماما
العضوة: 275918 , منذ 4 سنوات
هاجر: واذا احتجتي شي اتصلي فيني او في بابا ونحنا بنبعتلك فوراً ياسمينة: خلص ماما ما تقلقي هاجر: الله معك حبيبتي ويوفقك ياسمية: يارب حبيبتي رح روح نام هلء بخاطرك هاجر: الله معك.. باي ... طفت الموبايل وتمددت ع تختها.. بس قبل ما تغمض عيونها انفتح باب الغرفة وفاتت صبية لجوا.. صبية طويلة وجسما عريض شوي.. شعرا مجعد ولاخر ضهرها.. وبياضها ناصع اطلعت ع ياسمينة وابتسمت هيام: اهلا اهلا.. انتي الطالبة الجديدة مو عدلت ياسمينة حالها ووقفت لتسلم عليها ياسمينة: ايه انا.. وانتي هيام هيام: ايواا صحيح.. تشرفنا ياسمينة: الشرف الي هيام: وجهك مريح وباينتك حبوبة ياسمينة: تسلمي هيام: بدي تعرفي اني هون رئيسة الطلبة واي شي بتحاجيه بس خبريني.. لو حد دايقك خبريني.. لو انسرقتي خبريني.. يعني فيكي تعتبريني المخابرات هون ياسمينة: ههههه شي حلوو هيام: ايه بعجبك دق موبايل ياسمينة اعتذرت من هيام وردت ع المكالمة ياسمينة: كيفك باباا.... اي ياروحي.... لا تمام.... من شي ساعة ونص.... يخليلي اياك ياعمري .... وانت كمان.... بااي هيام: ابووكي!! ياسمينة: اي كان عم يطمن علي ويشوفني وصلت ولا لا هيام: وهيك بتحاكيه.. حسيت كإنه اختك مو ابوكي ياسمينة: اي بابا متل صديق واكتر هيام: هههه قلتيلي صديق.. ممم وامك ليه ما حكتيها قبل لا تقفلي معه ياسمينة: ماما حكتني من شوي.. يعني لوحدها لانهن منفصلين من وانا صغيرةالعضوة: 275918 , منذ 4 سنوات
هيام: والله!!! ياويلي اكيد ابوكي السبب وخانها وهيك ياسمينة: لاا شو عم تقوولي لا مو هيك بابا ما في منه بس كانت خلافات بين اهل امي واهل ابي وانفصلو هيام: خلافات ههه هلء اكيد امك هيك خبرتك من وانتي صغيرة حتى ما تكرهك بالوالد هههه ياسمينة: لا هيام بابا وماما بحترمو بعض كتير وماصار بينهم متل ما عم تقولي وانا ع طول بروح عندهم بقضي شهور عند بابا وشهور عند ماما وتنيناتهم بحترمو بعض وما فرقهم غير خلافات وعدم تفاهم هيام: اهاا ايه ما علينا.. المهم اني تشرفت فيكي رح اتونس كتير بوجودك معي.. اقعدي خلينا نحكي ونسهر ياسمينة: انتي لوحدك بهالغرفة من زمان.. ما كان معك رفيقة بالغرفة من قبل هيام: امبلا .. غدير ياسمينة: ووينها هيام: اتخرجت هي السنة ومن وقت ما اتخرجت ما شفتا ياسمينة: اي يلا انا ليكني بدالا هيام: ههه اي ان شاء الله بنبقى رفقات وسوا سهرو ياسمينة وهيام سوا.. اتعرفو ع بعض اكتر.. ياسمينة حكتلا لهيام عن حياتا عن امها وابوها وانها وحيدتهم واجت ع هي الجامعة وع السكن لعندهم لانها ما لقت التخصص يلي بدها اياه عندهم بالمحافظة.. ف اضطرت تنتقل ع محافظة تانية وتسجل بجامعة بعيدة عن بيتها وتعيش بالسكن بين عالم ما بتعرفها بس فيها ابن خالتها رامي يلي امها وصته عليها كتير ..العضوة: 275918 , منذ 4 سنوات
وهيام يلي كانت عم تحكي عن حياتها بحقد وكره.. كانت عم تسب وتلعن كل ما تجيب سيرة ابوها واخوتها التنين خبرت ياسمينة قديه اتعذبت هيا وامها من ابوها واخوتها الشباب.. قديه انضربت امها من ابوها.. وقديه خانها.. قديه اخوتها الشباب حرموها وضربوها وهتوها.. قديه كانو مظلومين هيا وامها بين رجال ما عندهم رحمة.. لوقت ما قدرو يهربو ع مدينة تانية ويبعدو عنهم.. ياسمينة: لك مو مصدقة.. في اب بيعمل هيك.. مو معقول هيام: متل ما عم قلك.. لك هاد ما كان ابي.. هدول ما كانو اخوتي.. كانو شياطين.. كانو اولادو لإبليس.. بس الحمدلله الي امي بالاخر اخدتني وهربتنا من الجحيم يلي كنا فيه ياسمينة: وما دورو عليكم بعدها هيام: امبلا لهلء عم يدورو.. لهيك انا جيت ع السكن هون وامي بتبقى بالبيت يلي بتخدم فيه حتى ما يلاقونا ياسمينة: ورح تبقو هيك هربانين هيام: ايه ولا نرجع للجحيم يلي كنا فيه ياسمينة: ما بعرف شو احكي.. مو مصدقة يلي عم اسمعو هيام: لا صدقي.. الرجال كلهن ذئاب ع هيئة بشر .. بيستغلو المرأة وبيشمرو ع انيابهم وقت اللزوم وبينهشو لحمها ياسمينة: بس مو كل الرجال هيك. ليكي ابي.. هيام: حبيبتي ابوكي متلهم.. وكل الرجال متل بعضا.. بس انتي ما وعيتي ع وجوده بحياتك.. ما شفتي خلافاته مع امك ولا الي كان يعمل و.. لهيك بقيت صورته نضيفه بذاكرتك ياسمينة: ما بعرف هيام: لازم تعرفي.. انتي معرفتك ضعيفة كتير سوسو.. ومعلوماتك قديمة.. انتي من بكرة رح تكوني بجنبي لازم تندمجي معنا.. ياسمينة: مين انتو ياسمينة: نحنا عنا مجموعة هون بالجامعة لحقوق المرأة بنعمل جلسات توعية وندوات.. بنوعي الطالبات وبنعرفهم حقوقهم ومتطلباتهم يلي المجتمع حارمهم اياها ....العضوة: 275918 , منذ 4 سنوات
الحديث طال بين هيام وياسمينة.. والاحاديث تجر بعضها.. كانت ياسمينة عم تصغي بكل انتباه وتركيز.. ما كانت ترمش ولا تحكي.. كانت عم تسمع شغلات لأول مرة بتسمعها.. انجذبت لهيام.. وشخصيتها.. وتحررها وفكرها.. انجذبت لكلامها عن المرأة وحقوقها وحست انه لازم تكون هيك وواجبها تعمل متلها.. تاني نهار فاقت ياسمينة بكير.. غسلت وجهها ودهنت مرطب ع بشرتها الحنطية الناعمة.. فردت شعرا البني الطويل.. ولبست جينز وقميص ابيض معرق بورد وبوت زهري وحملت شنتايتها.. نزلت ودقت ع رقم ابن خالتها رامي يلي اعتطها اياه امها.. كان ينطرها بالكفتيريا اول ما وصلت ما عرفتو يمكن لانه صرلا سنين ما شافتو.. رجعت دقت عليه ياسمينة: وينك انت.. انا واقفة وعم دور عليك رامي: اي انتي ام الابيض ياسمينة: ايه رامي: اي شفتك ليكني اشرتلك تعي تعي قربت ياسمينة وسلمت عليه وقعدت رامي: بتشبهي خالتي كتير ياسمينة: وانت كمان رامي: بشبه خالتي ياسمينة: هههه لا بقصد بتشبه خالتي.. امك يعني رامي: هههههه بعرف بس عم امزح معك ياسمينة: خلينا نقوم ما في وقت رامي: اوك لانه كمان انا عليي محاضرات راحو ع الجامعة وبلشت تحضر وترتب امورها واوراقها ونزلت المواد يلي بدا تبلش فيهم هالفصل ورامي كان ياخدها ويجيبها ويعرفها ع كل الاماكن.. بعد ساعات لما خلصو.. استأذن منا وراح.. وهيا قبل ما ترجع ع السكن التقت بهيام ومعها كم صبية.. هيام: ياسمينوو ياسمينة: صباح الخيرالعضوة: 275918 , منذ 4 سنوات
هيام: صباح الفل حبيبتي.. تعي لعرفك.. هي مها.. وهي دلال معي بالمجموعة يلي خبرتك عنها ياسمينة: تشرفت فيكن هيام: يلا تعي معنا خليني عرفك ع كل شي مشيت ياسمينة ورا هيام يلي بلشت تعرفها ع كل الصبايا ووين بيلتقو وحضرت معهن ندوة قلبت كيانها وتفكيرها.. وغيرت نظرتها بلمح البصر من مجرد القصص والحكي يلي عم تسمعو من البنات.. سحبت حالا وبدا ترجع ع السكن وعقلها عم يودي ويجيب وتفكر بكل الحكي يلي كانو عم يقولوه.. حرية المرأة وحقوقها.. العمل والعلم والثقافة والسياسة والحرية والعزوبية وطرد فكرة الزواج وتحكم رجل بحياتها.. دق موبايلها قطع سرحانها كان المتصل ابوها.. قلبها انقبض وحست بشوية حقد اتجاهه ما بتعرف منين اجا.. كنسلت المكالمة وكملت طريقها.. وقبل ما ترفع راسها كانت ضاربة بشي خلاها توقع عالارض سليم: اسف كتير.. صرلك شي مد ايدو يساعدها.. قامت ونفضت تيابها واطلعت فيه.. سكتت وماطلع الحكي معها.. ضلت تطلع بعيونه وهوا يطلع بعيونها.. كان جذاب بطريقة غريبة.. عيونه الدبلانة بلون العشب.. رموشه الكثيفة.. بشرتو السمرا.. وشعرو الخروبي المقلوب لورا.. انتبهت ع حالها.. وهوا انتبه.. واتنيناتهم بعدو نظرهم.. ياسمينة: ما صار شي.. حصل خير.. سليم: بتمنى ما تكوني إنئذيتي ياسمينة: لا لا بخير ما تقلق سليم: اول مرة بشوفك هون ياسمينة: ايه انا جديدة هون امبارح جيت.. انا ياسمينة سليم: وانا كمان جديد من شهر جيت.. انا سليم تشرفت فيكي ياسمينة: الشرف الي عن اذنك سحبت حالا وراحت وسليم بعدو عم يراقبها ومتابعها بعيونه.. ما كان قادر يشيل نظرو عنها.. في شي جذبه الها..العضوة: 275918 , منذ 4 سنوات
_ الجزء الثاني _ وصلت ع غرفتها.. كانت هيام واقفة ع الشباك هيام: جيتي ياسمينة: اي من زمان صرلك هون؟ هيام: لا من شوي.. من بعد ما انتي طلعتي من الندوة انا كمان طلعت.. شو بشوف تعرفتي ع سليم ياسمينة: اي هلء ضربت فيه بالصدفة.. بتعرفيه هيام: ومين ما بيعرفه.. الطالب الجديد اجا من شهر.. مغرور وانطوائي ما اله رفقات وما بيحكي مع حد.. عجييبة انه حكي معك ياسمينة: يمكن هيام: هلء اتركينا منه.. شو كيف لقيتي الندوة والوضع ياسمينة: شي غرييب.. بس حسيت باني شي مهم لما كنت بينكم.. كلامكم والحقوق يلي بتحكو عنها.. فعلا شي كان لازم اعرفو من زمان هيام: اي لكان.. انتي هلء رفيقتي وواجب عليا خليكي توعي وتعرفي جنس ادم منيح قبل لا توقعي بالوحل ياسمينة: بس انه اكيد مو كلهن يعني هيام: حبيبتي كلهننن .. المهم يلا تعي نسهر مع الصبايا هلء بكونو مجتمعين بغرفة مها .....العضوة: 275918 , منذ 4 سنوات
كانت عم تمر الأيام وياسمينة عم تنجر ورا هيام ورفقاتها.. قربت تصير وحدة منهم بلشت تروح محاضراتها.. وتقسم الوقت ما بين المحاضرات ودراستها والندوات والجمعات كان طول الوقت ابوها يدقلها عالموبايل ودائماً تتجاهل اتصالاته.. ما بتعرف شو السبب بس كانت عم تحس بالحقد اتجاهه كل ما تسمع قصة جديدة من معاناة بنت.. كانو قاعدين بالندوة وقت فات دكتور من الجامعة عليهم.. دكتور نبيل: شو انتو ما بدكم تبطلو هالخرافات يلي بتعملوها هيام: ل و سمحت دكتور نبيل انت كيف بتتعدى ع مجموعتنا هيك نبيل: بتسمي هاد الكلام الفارغ مجموعة.. عم تلمي شوية بنات وتقوي عينهم وتحرضيهم عالرجال وتقولي مجمووعة كانت ياسمينة عم تطلع ع هيام وطريقة حكيا مع الدكتور يلي هزمته بالجدال بطريقة محترمة وخلته ينسحب بهدوء.. كانت عم تعجب بشخصيتها كل مرة اكتر من يلي قبلها..العضوة: 275918 , منذ 4 سنوات
بعد ما خلصت الندوة قامت وراحت عالكفتيريا.. كانت حاسة بجوع كبير.. طلبت سندويش وعصير وراحت قعدت ع طاولة.. وهيا عم تاكل حست بحد وقف قبالها.. رفعت راسا ولقت سليم عم يطلع فيها ويبتسم سليم: فيني اقعد ياسمينة: اح اح اح زورت بالاكل وبلشت تسعل.. ركض جبلا مي واعطاها اياها.. شربت شوي واطلعت فيه ياسمينة: احم.. اتفضل اقعود سليم: ما تكون شوفتي خنقتك لهيك زورتي ياسمينة: لاا ابدا.. بالعكس سليم: كيفك ياسمينة: بخير.. كيفك انت سليم: انا بخير الحمدلله.. ياسمينة: اطلبلك شي تاكل! سليم: هههه هلء مفروض انا يلي اطلب موالعضوة: 275918 , منذ 4 سنوات
انتي ياسمينة: ما فرقت انا او انت سليم: لا كيف ما فرقت انا الرجال ماعجبها حكيو ورفعت حاجبها وهدا عم تزورو.. سليم: ليه انزعجتي ما بقصد شي.. يعني بقصد انه عيب خلي صبية حلوة متلك تطلبلي اكل وضل قاعد مو حست انه كلامه منطقي ابتسمت وهزت راسها.. كملو حيكهن بتعارف وقصص هادية وابتسامة ما فارقتهم.. كان الحديث عم ياخدهم ويسرق الوقت منهم.. بلشو كل يوم بعد ما يخلصو المحاضرات يلتقيو ويتغدو سوا..العضوة: 275918 , منذ 4 سنوات
كانت ياسمينة عم تتعود ع سليم.. وتحب وجوده رغم الندوات والتوعيات الي لسا بتحضرها.. والكره يلي بلش يربى بقلبها ضد الرجال.. بس لما كانت تقابل سليم تنسى الكره وتنسى كل يلي كانت تسمعه.. لوقت ما كانو قاعدين وسليم فاتحها بموضوع الندوات سليم: لشو عم تحضريهم.. انا شايف انه كلو غلط وندوات ضررها اكبر من نفعها بعدي عنهم ياسمينة: شو بعد عنهم.. هالندوات علمتني كتير شغلات.. ورح تفيدني بحياتي كتير.. حتى اعرف كمان اتعامل مع الي متلك سليم: الي متلي! ياسمينة: مابقصد.. يعني بقصد الرجال بصفة عامةالعضوة: 275918 , منذ 4 سنوات
سليم: بس مو كل الرجال متل بعضهم.. ياسمينة: لا كلهم متل بعضهم.. بس اغلبهم مخبايين بتوب الملاك وبدهم ظرف معين حتى يظهر الشيطان يلي جواهم انزعج سليم كتير من كلام ياسمينة وطلع سيجارة من جيبه وولعها وبلش ينفخ فيها.. حست ياسمينة بانزعاجة وحبت تغير الموضوع.. وبلشت تحكيله عن محاضراتها ودكتور نبيل وكرهه الها ولهيام ومجموعتهم.. === كان الصمت مخيم ع المكان ليلتها.. وصوت الرعد غالب ع كل الاصوات.. وقت سمعو نقر خفيف ع باب الغرفة ياسمينة: هيام.. هيام هيام: اي سمعتالعضوة: 275918 , منذ 4 سنوات
ياسمينة: اقوم شوف مين هيام: لا حبي انا بقوم خليكي بلا ما يكون حد عم يعمل معنا مقلب فتحت الباب شوي شوي واطلعت يمين يسار ما شافت حد.. قبل ما تسكر الباب لمحت ظرف عالارض.. طملت واخدته وفاتت لجوا وقفلت الباب ياسمينة: شو هاد هيام: ما بعرف باينته معجب الي او الك باعتلنا رسالة غرام ههههه ياسمينة: هههه افتحي وإقرأي لنشوف شو فيها هيام: اي لحظة قعدت هيام وبلشت تمزع بالظرف لفتحته ومسكت المكتوب وبلشت تقرأ وهيا عم تبتسم.. بس ثواني وإتلاشت ابتسامتها واطلعت ب ياسمينة نظرة غضب ياسمينة: لك شبك قلبتي هيك هيام: خدي إقرأي ياسمينة: هاتي لشوف اخدت ياسمينة المكتوب وبلشت تقرأ بصوت مسموع وصوتا كان عم يرجف كل ما تزيد سطر ( إلى سليطة اللسان هيام.. أول تحذير وقد يكون الأخير أوقفي المهزلة التي تجمعين الطالبات فيها.. توقفي عن تحريضهم.. وملء رؤوسهم بالسخافات التي لا اساس لها من الصحة.. أضبطي لسانك قبل أن أضبته لكي.. أطفئي النار التي اشعلتيها في ألسنة الطالبات.. وخاصة تلك التي معك في الغرفة.. سأعتبركم اطفال وأنتظر سماع توقفكم عن ما تفعلوه.. وإلا لن يعجبكم تصرفي تحيآتي.. رجل من الرجال) هيام: شكله واحد عم يتغابى علينا.. مفكرني رح خاف منه غببي ياسمينة: بس هاد شكله عم يحكي جد هيام: ولا جد ولا شي.. ما بيطلع بايده شي.. ياسمينة: معقول يكون دكتور نبيل هيام: لاا دكتور نبيل صحيح بيكره جمعاتنا بس ما بيصغر عقله وبيعمل هيك شي ياسمينة: وشو رح نعمل.. نبلغ الشرطة هيام: شرطة شوو لك هاد ولد مقهور منا وعم يحاول يلعب فينا ما تخافي.. بالعكس انا بكرة رح زيدها واقلبها فوق راسهم كمان وانتي لازم شوية ثقة وقووة بعديلي هالخوف والتوتر عن قلبك ياسمينة: ههههه لك مو خايفة بس ما بدي تقلب الحكاية جد هيام: لا حبيبتي ما بتقلب جد نحنا هون بأمان مانها لعبة.. نامي ياروحي لا تقلقي يلا تصبحي ع خير ياسمينة: تلاقي الخير ==== كانت قاعدة بالكفتيريا بعد ما خلصت محاضرتها وعم تفكر بالي صار الليلة.. بجية سليم وهوا عم يبتسم ومشتاق.. سليم: إتأخرت عليكي ياسمينة: ____ سليم: ياسميينة وين شااردة ياسمينة: ايه ايه سليم اسفة كنت عم فكر بشي.. كيفك سليم: شبك بشو عم تفكري ياسمينة: ولا شي ما تهتم سليم: اشتقتلك احمرو خدودها وابتسمت وحكت بخجل ياسمينة: وانا اكتر سليم: طبالعضوة: 493677 , منذ 4 سنوات
كملي حبيبتي انا كتير بيعجبوني روايات تسلميالعضوة: 275918 , منذ 4 سنوات
يلا خبريني بشو بالك مشغول .. ولا ما بتثقي فيني ياسمينة: امبلا طبعا بس.. قبل ما تكمل كلاما كان رامي جاي ومقاطعها رامي: شو ياسمينة بشوفك هون.. اهاا ومع سليم سليم: اهلين رامي شو بدك ياسمينة: هلا رامي كيفك.. سليم.. رامي بكون ابن خالتي سليم انقلب وجهه وانزعج.. ورامي قعد حد ياسمينة واشرلها ع سليم رامي: وهوا!! ياسمينة: سليم رفيقي.. صديق عزيز سليم: والله صديق!!! انا قايم عن اذنكم ياسمينة: لك سلييم.. سليم وين رايح رامي: لك اقعدي وين لاحقتيه هاد واحد معقد ابعدي عنه ياسمينة: راامي ما دخلك هاد رفيقي وانا ما بتخصني خلافاتكم لحقت سليم ووقفته لتحكي معه.. ورامي ضرب ايده عالطاولة بعصبية وغيرة.. وصلت لعند سليم وكان باين عليه الغضب وعيونه عم تقدح شرار ياسمينة: لك ليه رحت هيك من شو زعلت التفت عليها وحكى بحزن.. سليم: هلء انا بالنسبة الك بس مجرد صديق اتوترت ياسمينة وصار وجهها الوان.. قلبها رجف وابتسمت وسحبت حالها وهربت خافت تواجهه او تحكيله عن مشاعرها.. بس وصلت ع غرفتها اختنقت لانها هربت وتركته.. بعتتله مسج وخبرته انه هوا اكتر بكتير من صديق.. سليم بس قرأ المسج إبتسم وإرتاح.. وقلبه كان رح يطير من الفرحة لانه حاسس بحب كبير اتجاه ياسمينة ==== المسا بعد ما خلصت الندوة وسهرو البنات سوا.. وبعد ما حكيو بمواضيع جديدة بتخص المرأة.. توجهو هيام وياسمينة ع غرفتهم وهما عم يضحو ويحكو كانت رفقتهم عم تزيد وصداقتهم تكبر.. كانو كل يوم يسهرو سوا وياسمينة افكارها تتعلق اكتر بالمواضيع يلي تسمعها..العضوة: 275918 , منذ 4 سنوات
اول ما فاتو عالغرفة وسكرو الباب.. كل وحدة رمت شنتايتها وتوجهت ع سريرها اطلعت هيام ع تختا بس شافت الي عليه صرخت بصوت عالي.. _الجزء الثالث _ ركضت ياسمينة لعندها لتشوف ليه هيام صرخت.. وبس شافت المنظر هيا كمان صرخت وركضت عالحمام لتستفرغ ياسمينة: ااخ لك شوو هاد ياربي هيام: الله يلعنوو يلي عمل هييك.. لك شو هاد تعي شوفي ياسمينة: موو قادرة رح يغم ع قلبي من المنظر هيام: لك هاد لساان ياسمينة: شووو هيام: لك والله لسان.. اوولي ع قلبي رح استفرغ مو قادرة ياسمينة: لك اتصلي ع الشرطة يلاا هيام: شوو اتصل مجنونة انتي ما رح يصدقوونا.. بعدين هاد شكلو لسان قطة او شي حيوان حجمه صغير مو لبني آدم ياسمينة: واذاا.. رح اتصل عالشرطة هيام: لك رح يفكرونا عم نعمل مقلب ياسمينة: مقلب شوو.. يعني رح نضل هيك.. شو رح نعمل فيه هيام: هاد اكيد يلي بعت الرسالة الليلة الماضية وما ردينا عليه هلء عم يخوفنا ياسمينة: والعمل شو هيام: هاتي ظرف من جوا بدي نظف هالقرف وحياتك لاعرف مين هالوسخ يلي عم يلعب معنا ياسمينة: لك انا بلشت خاف هيام: خبرتك ماتخافي هي كلها تهديدات لانه مقهور منا ومن يلي بنعمله.. قلتلك الرجال كلهم هيك شياطيين شوفي كيف عم يهددنا ياسمينة: ايه والله معك حق هيام: عم يلعب باعصابنا حتى نوقف حكي عنهم بس ما حزر بقيو ياسمينة وهيام ينظفو مطرح الدم واللسان يلي مرمي ع تختا لهيام ومغرق المكان بالدم.. بعد ما خلصو تنضيف ورميو كل شي حاولو ينامو بس طول الليل بالهم مشغول وعم يفكرو مين ممكن يلي عمل هيك ==== تاني نهار بعد ما فاقو وراحو ع محاضراتهم اتوجهو للمكان المخصص الهم وهيام بلشت تحكيلهم عن التهديدات يلي بتوصلها.. كانت قوية وما في شي بيهزها.. خلصت حكي وطلبو من صبية جديدة تخبرهم حكايتها يلي عانت فيها مع زوجها.. حكيت عن زواجها وهيا بعمر صغير وكيف ما كان يقبل يخليها تكفي دراستها وعاملها متل الجارية اله ولاهله بقيت سنين هيك لوقت ما تعرفت ع هيام عن طريق اختها وساعدتها وخلتها تطلع من الجحيم يلي عاشته..