منذ 4 سنوات
  • مرحلة مابعد الولادة
بتنبسط وقت تعمل شغلة بالبيت المفروض يعملها الرجل وجوزا بطجلا العبارة الشهيرة تبع والله إنك يا مرتي مرة بمية زلمة بربي بتزهزه وبتروق وكأنه حكالها بيت من قصيدة ل نزار قباني 😂 وشووو بتنطرب فيها وكأنه غنالها مطلع أغنية لكاظم الساهر 😂 قال شووو !!! والله يا زلمة اليوم شفت الحنفية بتنقط ، وك شلعتها شلع وركبت حنفية جديدة وصارت المي تخدق خدق😂 وقال شو كمان !!! ركبت جرة الغاز ، زعلت عليك قلت حرام بيجي تعبان من شغله😂 وأحلى شي هي يلي بتقول يا جوزي تعا قلك شو صار اليوم كنت قاعدة هيك بالمطبخ طلعلي جردون !!! رحت شلفت عليه المساحة وبلشت عليه ضرب ضرب جبته فعيس معيس بالأرض ، ومسكته من دنبه وديته الحاوية😂 وك بتحكيهم وكأنها عاملة إنتصارات عالمية 😂 أنو سيدتي تعي لهون ، تعي لهون الزلمة مين قلك بحب هيك ؟! اصلا انتي هيك اشتغلتي شغل الزلمة والمرة سوا تركيه يعرض عضلاته وقت يفك الحنفية قدامك ، حسسيه انو هوي بطل كيف هيك قدر يغيرها .. وك استغربي ، اعطيه حالة اندهاش ، ريآكشن حب !! حسسيه وقت يبدل مراية مكسورة أو يركب جرة غاز أنو هوي فعلا" البيت بلا رجل ما بيسوى شي حسسيه انك امرأة وأنثى ناعمة رقيقة ما الها قدرة تعمل هيك ، حتى لو بتعرفي لك وقت يمزح معك بشي قرصة أو نعرة عملي حالك انشليتي ، مو تعملي حركات تلاميذ الإبتدائي تبع نياااهاهاها أصلا ما وجعتني😆 #لك_سيدتي بزمتي وقت يشوفك انك خايفة وطالعة عاالكرسي وتقليلو في مخلوق مرعب طلع من البلوعة (( أوعك تقولي#جردون)) بتلعني أخت الدلع هيك 🙂 ويجي هوي يشمر عن كمامه ويلحق الجردون ويفعسوا بصباطه ، رح تعطيه هداك الإحساس انو هوي السترونغ ، هوي السوبر مان ، هوي المخلّص والرجل القوي .. والله والله والله رح ينبسط ويحس حاله شغلة مهمة ، مو انتي يلي مشتغلة كلشي ، خلي أشياء الرجل هوي يشتغلا ، انتي اهتمي بنفسك ، بثقافتك ، بطبخك ، بولادك ، بشكلك بشعرك ، بلبسك ، بأضافيرك ، بأهتماماتك ، بجوك ، بعالمك ...... عشان ما تزعلي بكرة اذا لقيتي مسج لجوزك بالواتس أب مع صبية مفعمة بالكياتة عما تقلو بيبي هيك تلكتني لحالي، أنا كتير خيفانة لأنو لئيت سرسور بغرفتي ، وزعنانة كتير لأنو أدفري أنكسر 🥺💔 هوي يقلها نيالو للسرسور لأنو معك ، وانشالله رقبة مرتي يلي انكسرت ولا أدفرك يا بيبي😂😂😂 بقلمي الخطير

3 تعليقات

العضوة: 256138 , منذ 4 سنوات

@user-350981 مشكوره حبيبتي

العضوة: 430227 , منذ 4 سنوات

اهااااااااا ولما يكون الزلمة يعل قلب ابوي لحتا يشيل حالو لغير غرفة مو يغير حنفية ويركب مراية اش بدك تحكين معاه