منذ سنة
  • مرحلة الولادة
الحمدلله حمدا كثيرا طيبا مباركا فيه 💓💓 الحمدلله يا بنات ولدت يوم الثلاثاء المسا ع التسعه الا ربع بعمليه وجبت بنت 😍 سميتهاا حور 💕💕💕 طبعا انا الجنين كان مقعدي وع اساس الخميس الدكتور بدو يحددلي موعد عمليه وسبحان الله قبل ما يحدد بيومين كنت طاشه عند دار اخوي من الظهر للمغرب وما كان فيه اشي نهائيا وروحت بعد المغرب ورحت ع امي وقاعده مع امي وقمت صليت العشاء وعال العال فجأه الساعه ٨ وخمس دقايق انا متمدده وباكل تفاح اجتني مغصه قويه ما لحقت اغمض عيوني من قوة المغصه الا و اشي انفجر و دفق علي مره وحده صرخت وحكيت لامي في اشي بينزل وركضت ع الحمام وانها مية الراس بس طلعت من الحمام بصرخ صراخ من الوجع فورا اجاني وجع وع طول امي رنت ع اخوي كونه بمكان اقرب من مكان زوجي دقيقه كان ع الباب جروني جر ع السياره مش قادره اتحرك من الطلق طبعا كل هاد الحكي خلال اقل من ١٠ دقايق والمستسفى اقل من عشر دقايق كنا فيها المهم بس وصلت حكيت للقابله البيبي مقعدي وانكبت مية الراس والطلق قوي حكتلي جهزي حالك للفحص الداخلي بس يا بنات نزلت الاواعي الا اشوف اشي نازل من المهبل وانه الحبل السري بين اجري واصرخ عليها وتيجي تركض زي المجنونه ويلتمو عندي كل الممرضات ودكتورتين وحده تنومني بسرعه وتنط عندي ع التخت وتمسك الحبل وتفوته جوه الرحم واضل حاطه ايدها جوه وتحكيلي لا تدفعي و وحده ثانيه تغيرلي اواعيه وتلبسني المريول طبعا بسرعه جنونيه ويحكولي ادعي انه نقدر نلحق البيبي لانه نبضه ضعف جدا وانا ويلي الم الطلق المخيف الي انا فيه ولا هم انهم بدهم يعملولي عمليه ولا خوفي ع جنيني المهم فتت قسم الولاده ع ٨ ونص ع الساعه تسعه الا ربع طلعو ع اهلي حكولهم اني ولدت وع طول حطو البنت بالخداج وحطولها اكسجين وانا ع العشره الا ثلث تقريبا طلعوني وبنتي ع الوحده ونص باليل جابولي اياها وضعها الحمدلله بخييير وراضعه وامورها تمام بس انا كنت كثير تعبانه وبعد ما ولدت تخيلوو حطولي كيسين طلق عشان يرجع الرحم لوضعه الطبيعي وما يصير نزيف بس كانو يعطوني معهم مسكنات بس كان في الم وبس خلص الطلق بلش وجع العمليه وجع مش طبيعي عمري ما حسيت بهيك الم مش قادره اتحرك مش قادره ارفع اجري مش قادره اقوم يالله تعب تعب مش طبيعي يا الله الولاده الطبيعه ارحم بمليون مره يا بنات لا تفكرو مجرد تفكير تعملو عمليه اذا كان مسموحلكم تولدو طبيعي غير الغازات يا بنات متت منها اكتافي من الغازات موتوني المهم انا اليوم طلعت الحمدلله لسا في وجع وتعب بس اهون من قبل وهاد الي صار معي 😁😁😁 الله يقومكم بالسلامه جميعا

13 تعليقات

العضوة: 466190 , منذ سنة

الف الحمدالله ع سلامتك ولاتك كانت مثل فلم هنديةمغامرات بس بضل ذكرى حلوه الله يحفظها وتفرحي فيها يارب

العضوة: 1409279 , منذ سنة

الحمدلله على السلامه والف مبروك ودعواتك لي اختي ربي يرزقني بنت الله يسعدك

العضوة: 1327536 , منذ سنة

الحمد الله على سلامتك انتي والبيبي وعقبالي يارب وتكون ولاده ميسرهه يارب😩😩😩

العضوة: 1013209 , منذ سنة

الله يسلمكم جميعا ربي يرزقكم ساعه سهله ميسره يا رب

العضوة: 1013209 , منذ سنة

اه والله الحمدلله عدت تساهيل

العضوة: 1454196 , منذ سنة

في اي اسبوع ولدتي من الحكي تاعك خوفتيني انا الجنين مقعدي و كملت الاسبوع 39 و لسا ما ولدت

العضوة: 1013209 , منذ سنة

بالاسبوع ٣٨ والله انا دكتوري كان يضل يحكي بكير بكير عادي احتمال يلف واحتمال يكون وزنه مناسب مع حجم الحوض عندك وتولديه مقعدي عادي ما بأثر بس كنت حاسه والله اني ما رح استنى الموعد الي رح يعطيني اياه لانه انا والده مرتين قبل هالمره الاولى كانت مبكره بالثامن والثاني اول ١٠ ايام بالتاسع وكنت والده يعني ما بطول وما رد علي الدكتور بحكيلي عادي

العضوة: 1454196 , منذ سنة

الحمدالله على سلامتك اختي انا قالتلي وزن الجنين كبير في الاسبوع 37كان 3كغو 600غ يعني الان يكون زاد و ماعندي اعراض ولادة و خايفة اولده مقعدي و ما اقدر

العضوة: 1442116 , منذ سنة

الحمد لله حق حمده على سلامتك وسلامة الطفلة😭 وربي يقوي كل الطاقم اللي الله سخره لك ويعطيهم الصحة والعافية

العضوة: 66140 , منذ سنة

الحمدالله على سلامتك وسلامة البيبي وربي يخفف عنك الوجع وكله بأجره أن شاءالله

العضوة: 1013209 , منذ سنة

لا يقلبي لا تستني اذا البيبي حجمه كبير بتخافي تخنقي عليه ديري بالك خليهم يحددولك عمليه الله يقومك بالسلامه يا رب

العضوة: 1013209 , منذ سنة

اللهم آميييين يا رب الله يسلم عمرك يا رب

العضوة: 1013209 , منذ سنة

امييين يا رب الله يسلم عمرك يا رب