السلام عليكم يا صبايا افيدوني انا بكريه وخلصت شهري ، لي ١٠ أيام بالعاشر وقبل يومين بدأ معاي ألم الصباح استمر ٥ ساعات تقريباً منتظم كل نص ساعه وبعدها كل ربع ساعه ووقف ، من بعد الفجر بدأ الين الساعه ١٠ الصباح وبعدها استحميت بمويه دافيه ونمت ٣ ساعات وصحيت على ألم ولقيت افرازات كثير بنيه لزجه كأنها مختلطه بدم ومغص شربت ساخن وقعدت اكمل اشغالي وأصبّر نفسي والافرازات تنزل ما وقفت الين اخر اليوم وهي تنزل رحت المستشفى المغرب وكشفت الدكتوره قالت مفتوح الرحم١سم وعملوا تخطيط وكان فيه طلقه واحده اللي كبيره وقالوا لي تنويم قلت لهم طيب عادي اذا رجعت البيت وانتظر يزيد الالم واجي قالوا عادي وخلوني اوقع على ورقة رفض دخول المستشفى ، وأكّدت سألت الدكتوره انه مافي خطر علي والامر تمام قالت ايو قلت لها طيب متى احتمال يجيني الألم ويزيد قالت بكرة او بعده اكيد بس لازم تجي بكرة تنويم حتى اذا مافي ألم وخرجت من عندهم جاء اليوم الثاني وكان فيه ألم زي اليوم الاول ما اشتد اكثر فقط فترة الصباح وبعدها مغص طول اليوم وما رحت المستشفى قلت استنى شويه على نفسي الين يزيد واليوم اللي بعده اللي هو امس ما قدرت انام من الساعه ٥ الفجر اليين الساعه ١٢ الظهر والألم منتظم كل ٢٠ دقيقه وبعدها قلّ الوقت شوي بين الألم وبعد الظهر وقّف ونمت ساعتين او ثلاثه وصحيت ومافي أي ألم بس صار يجي مره واحده واقعد اكثر من ساعه ويجي مره ثانيه ورجع ينزل الافراز المخاطي البني من جديد ورجع المغص الحين تجيني الطلقه وبعدها تجي ثانيه بعد ساعه تقريباً شوروا علي ايش اسوي !؟ زوجي يقول أودّيك تتنوّمي نخاف على موية الجنين لان نزلت مويه خفيفه جداً أمس وانا خايفه من المستشفى يعطوني طلق صناعي او عمليه