السلام عليكم .. للبنات اللي تبي تعرف من تجربتي لابرة الظهر كتبت لكم هذا الموضوع لعل فيه فايده لكم .. الموهيم لازم تعرفين انها تختلف من بنت لبنت بالنسبه لربعي وكل قرايبي اللي اخذوا ابرة الظهر مدحووووه وحبوه وقالوا عادي نولد عشرين ما دام في شي اسمه ابرة ظهر ..وصراحه محد قريب مني سبها ابدا .. انا ي طويلين العمر رحت لقوى الامن وطلبت ابرة ظهر .. لان مافي بنج بالعالم ينفع معايه الكمامه اشوفها لعبه م تدوخني ولاشي ، ابرة المسكن وجودها زي عدمها حتى بنج الاسنان م يخدرني ابدا .. وبالفعل ادوني ابرة ظهر .. وتسكن الالم عندي بالنسبة 40٪ يعني احس ب الطلق بس اهون من كل ولاده وذي نتيجه تعتبر طيبه .. لكن لمن طلعت من الكشك بدات الالام ب الظهور ظهري كانه مكسور ورجلي نايمه .. احس بدوخه وغثيان بسيط .. فاللي تتبنج طبيعي وتدوخ من الكمامه وماعنده مشاكل من البنج او التخدير وتبي تجرب الله يوفقه .. اما اللي مثل حالتي م تتخدر بسرعه فـانصحها بلاش لان ماراح تستفدين شي الا الالم يزيد عليك بعد الولادة ، احسن شي بالموضوع اللي رجلها تعورها جدا ترا تتخدر من ابره الظهر ولاتحسين فيها بوقت الولاده .. وبالنهاية اسال الله ان ينفس كربكم ويسهل ولادتكم وتقومون بالسلامه يارب انتم واطفالكم بصحه وعافيه يارب .. استودعتكم الله 🌷