منذ سنة
  • ما قبل الحمل
كيفكم بنات ان شاء الله اموركم تمام انا يابنات عندي مشكله ولدت اول طفل بعمليه وحملت بعده وولدت الولاده الثانيه طبيعي لكن للاسف مادري وش سووا فيني الدكاتره وقت الولاده وصار فيني شق من الدرجه الثالثه لدرجه انه مجرد خرجوا البيبي اعطوني ابره ظهر تخدير نصفي ونقلوني خيطوني في غرفه العمليات وتنومت عندهم اربع او خمس ايام المهم بعد الولاده تعذبت من الخياطه مرررره مؤلمه صار فيني اكثر من ١٥ غرزه داخليه وخارجيه وفي النفاس تعبت وسويت عمليه زايده ف تجمع علي التعب تعب الخياطه وتعب عمليه الزايده وصار في الخياطه التهاب وروائح كريهه ولاحظت ان الخياطه كلها انفكت والمكان مفتوح كامل المهم انا اللحين حامل في اخر الشهر الثامن وتكلمت مع الدكتوره عن هالموضوع وانه مأزمني في اشياء كثيره وأبي حل قلت لها اني ابي يظبطون الوضع مع ولادتي هذي فقالت لا مارح نقدر نسوي لك اي شيء الا بعد ماتولدين بسته شهور انا صراحه استغربت ! هل تشوفون ان كلامها صح او انه عادي مع ولادتي هذي يصلحون خياطه ويرممون المنطقه مره وحده الله يجزاكم خير ردوا علي🌹

9 تعليقات

العضوة: 1307107 , منذ سنة

بنات الله يسعدكم اقل شيء ارفعوا الموضوع ابي ردود ناس مجربه

العضوة: 1195701 , منذ سنة

رفع الله يفرج همك

العضوة: 1100095 , منذ سنة

اي اسمع كثير يقولون انو دكتوراتهم يقولون بعد ٤ او ٥ شهور عشان الرحم والمهبل يرجعون لوضعهم الطبيعي وبعدها تقدر تضبط عكس اذا كانت الوحدة لسى والدة ممكن تضطر الدكتورة تقص لحم كثير

العضوة: 1334672 , منذ سنة

@user-1307107 من وجهة نظري انك تجربين اكثر من دكتورة وتقولي لها المشكله بعضهم والله ما عندهم سالفة.. هو ممكن تعملك بعد الأربعين عشان تضمن انه ما يلتهب وتكوني وقتها باتم صحتك.. تعملك مره وحده جراحه تجميلية..

العضوة: 1307107 , منذ سنة

@user-1195701 امينن الله يسعد قلبك

العضوة: 1307107 , منذ سنة

@user-1100095 بس اذا صار تمزق اللحين من مكان ثاني بعد يخيطوني وبعد سته شهور يرجعون يخطيون مره ثانيه 😢

العضوة: 1307107 , منذ سنة

@user-1334672 انا بعد احس انه افضل تسويه لي بدري مو اذا مرت شهور يشقون ويخيطون من جديد 💔افكر استشير دكتوره منن مستشفى خاص رغم الوضع المادي ماش لكن ماابغى ارجع اعيد التجربه اللي مريت فيها مره ثانيه لانها فضيييعه الله لايذوقها احد

العضوة: 1334672 , منذ سنة

@user-1307107 فيه حساب دكتوره ع الانستغرام وترد ع الكومنت وحتى الخاص بس عشان زحمة الناس يمكن تتأخر بالرد بس ممتازه ان شاء الله تفيدك وربي يفرج همك 😘

العضوة: 1307107 , منذ سنة

مشكووره 🌸 امييييننن ويفرج همك ويسعدك ي رب💞