راح اتكلم بهلموضوع لان الم الرضاعة كلش صعب وممكن كثير بنات يتركو الرضاعه بسبب هلشي ويظنون انو الرضاعة مؤلمة.
من اسباب الم الثدي انو تكون الرضاعه مو منتضمه ويمتلي الثدي بالحليب ومايفرغ فتصير كمية الحليب الي يتنجها الجسم مو منتضمه فلازم الانتضام بالرضاعه خاصه اول فترة بعد الولادة مهم انو الطفل يرضع كل ساعتين او تلاث ساعات عالاقل.
والبعض يعاني من الم بالحلمه ويزيد الالم بعد كل رضاعه وممكن توصل لتشققات وجروح سبب هلشي انو طريقه الرضاعة مو صحيحه يعني الطفل ماياخذ الحلمة بكاملها فيصير يضغط على نهاية الحلمه عمود نحل هلشي لازم ننطي الثدي مده انو يتعالج فنكدر نشفط الحليب ونشرب الطفل بالرضاعه(الممه) او نستخدم واقي الحلمه خاصه اذا الطفل يرفض الرضاعه بالصناعيه وخلال هاي المده نستخدم كريمات الرضاعه هواي انواع موجوده وان شاء الله خلال مدة قصيرة يصير الثدي زين واكرر انتبهو لطريقه الرضاعه.
حبيت اكتب هلموضوع لاني عانيت هواي منه انا رضعت بنتي طبيعي وماكانت عندي اي معلومات فاتمنى افيد اي وحده
العضوة: 1463488 , منذ سنة
الله يجزاكِ الخيرالعضوة: 1191323 , منذ سنة
@user-1463488 شكرا