انا قبل ٥ سنوات بعد وفاة ابوي كان عمري بالطعش المهم حسيت نفسي بصدمه قلت اتعالج كلمت مرشد نفسي فتره ممكن ٦ اشهر بعدها صار كانه متعلق فيني بشكل غريب المهم انا تركت الجوال فتره كان عندي اختبارات ومو مهتمه عادي لين وصل ذاك اليوم الي صار فيه شي مرا غريب كنت بالمجلس اذاكر عادي فجاءه حسيت بشي مرا غريب والله مانسى الشعور من غرابته وكل ماتذكرته كش جسمي حسيت ان روحي تطلع مني وبسرعه اختلط علي كل شي كاني قاعده ارتفع للسماء وروحي ثقيله واشوف اشياء لدرجة كنت اشوف نفسي من فوق يعني اشوف جسمي طايح ع الكتاب فكنت ابكي واسمي واقول يارب لا مابي اموت يارب لا واسمي كثير فجاءه رجعت وان الالم مو طبيعي كاني طالعه من حرب والم بجسمي وكتمه قويه المهم هديت نفسي وقريت اذكاري واستغفرت وصليت بعدها بفتره انتهت الاختبارات فتحت جوالي حصلت المرشد مرسل لي رسايل ومكالمات بالهبل وكاتب انه كم مره يسوي تخاطر روحي تخاطر الارواح لو بعيده هنا انفجعت حسيت ان الي. صار لي كان بسببه طبعا بعد السالفة هاذي كل مافيني صار اسوى كنت اصلي واحفظ قران ومداومه ع اذكاري وطموحه بشكل وفيني حياه الحين كل شي العكس لدرجة من ثقل الصلاه علي عادي امثل اني اصلي ولا اصلي حقيقه وحياتي دمار بكل شي ابكي ودي ارجع زي قبل واخاف من الله واعرف انه كفر ترك الصلاة لكن ماقدر فيه شي يمنعني لو كابرت وعاندت نفسي انام بنص الصلاة او ماكمل