منذ 4 سنوات
  • مرحلة الولادة
مسالخير يا ماميات ... بدي منكن كل وحدة تحكي تجربتا بالولادة والاوجاع يلي كانت تجيها . مبارح واليوم عم يجيني اوجاع كالتالي : مبارح من الساعة ١٢ بالليل للساعة ٣ الصبح مغص بالضهر وسفل البطن عم يسحب لتحت مع نغزات خفيفة بالمهبل صرت عير وكانت منتظمة بس بعدين مازادت ولاشي تلاشت اليوم اجى وجع غير ....اجى ضربتين بالضهر والبطن بنفس الوقت مع نغز بالمهبل وكانو شي بيسحب لتحت طبعا عملت مساج زيت زيتون وحبة بركة وحمام سخن ودفيت حالي واستمر الوجع من الساعة ٤ العصر وحاليا الساعة ١٢ ونص بالليل والمغص شغال بس مو متل الصبح . انا حاسة انو لسا بكير لروحة المشفى لهيك ناطرة بس يقوى وصير مو قادرة اتحمل الوجع بروح بس فيكن تفيدونا بتجاربكن كيف كانت الاوجاع معكن ؟؟؟ طبعا مبارح شربت قرفة مع تمر وعملت تمارين قرفصاء لحد ما فرط قلبي ونعست ونمت وبس فقت ماكان في شي لوقت صارت الساعة ٤ العصر رجع الوجع بقا والله اعلم قربت الولادة بحكم انا هلى بالاسبوع ٣٩ و٥ ايام . ياريت تحكولي وشكرا سلف 😊

10 تعليقات

العضوة: 438080 , منذ 4 سنوات

ياروحي الله بسهلك ويهون عليك انا بكريه واول مره مابعرف كيف بفيدك لكن دعواتي معاك ان ربي يسهلك ولادتك وتقومي انتي والبيبي بصحة وسلامه امانه ادعيلي ان الله يسهلي ولادتي واولد بدري ونكون بصحه وسلامه انا والجنين دعوتك مجابه وقت الطلق بذن الله 🥺❤️💔

العضوة: 388825 , منذ 4 سنوات

تسلمي يارب والله وانا كمان بكرية وناطرة ربك يأذن بجية البيبي وبدعي لكل الامهات والحوامل ربي لايحرم الضنى لحدا ويفرح قلب كل صبية بشوفة طفل لالها ويسهل الولادة على كل الامهات ويقومنا بصحة وعافية وخلقة تامة لاولادنا ياااارب . انشالله ربي بقومك بخير وسلامة وصحة وعافية ومجبورة الخاطر .

العضوة: 146350 , منذ 4 سنوات

انا بولادتي بلش الوجع الساعة ١٢ بليل بنفس الموعد المقرر للولادة بكرية كنت كملت الأربعين المهم اجا وجع ظهر وكان يلف علة بطني الوجع ويروح بس ما رحت المشفى قلت لحد ماعد اتحمل ماكنت بعرف انو لازم اخد دوش ساخن وهي الشغلات ضليت مستطحة وكل مايجي الوجع افيق زوجي لحد الساعة ٥ الصبح رحت المشفى بس مارضيت روح بسيارة قلت بدي امشي المشفى جنبي لان وكنت خايفة بس مومصدقة لاولد فحصتني القابلة وقالتلي فاتح معك الرحم ٨ سانتي كيف تحملتي الوجع بس طولت كتير لولدت ضليت للساعة ٣ الظهر وماشقوني وماعطوني تحريض عذبوني كتير والبيبي كان وزنو ٣٦٠٠ وانشقيت من الشد تبعي

العضوة: 146350 , منذ 4 سنوات

الله يسهل امرك وتولدي بخير وسلامة

العضوة: 388825 , منذ 4 سنوات

الحمد لله ع سلامتك وسلامة البيبي ماشاء الله وزنو بجنن 😍😍😍 عنجد كيف تحملتي يعني فتح ٨ سم وكيف كان الوجع محتمل ؟؟؟ انتي وين مقيمة؟؟؟ الله يسهل عليي يارب وعملولك قطب وزبطو القصص وهيك ولا كيف

العضوة: 146350 , منذ 4 سنوات

@user-388825 اي حمدالله اجا وزنو منيح كنت كتير باكل اكل صحي انا بألمانيا ساكنة وعنجد بتحسي تساهيل من الله بيعطيكي قوة انتي ماتهكلي هم بس يحطولك ابنك او بنتك بحضنك صدقيني بتنسي الدنيا والوجع وبالنسبة للقطب اي تقطبت وكل رجع متل اول ويلي بقلك ما بيرجع ماتردي وبيجوز حسب جسم الوحدة وقابليتو للشفا انا حمدالله كلو طبيعي..

العضوة: 388825 , منذ 4 سنوات

الف الحمد لله كتير منيح انا والله بتكل هم الاعتناء فينا لانو الدكاترة بالمانيا للاسف انا مو محظوظة فيهن والحمد لله يعني لاخايفة ولا شي بالعكس كتير متحمسة وماعم فكر بالموضوع حتى ما وتر حالي واتشنج لانو كلو باثر . عطوكي شي كريمات تستخدميها ؟وقديش صرلك ولدانة هلى ؟؟

العضوة: 146350 , منذ 4 سنوات

انا هلئ بشهر التاسع ب ٣٦ اسبوع هي ولدت ي التانية .لا ماعطوني والله كريمات بس ازا بدك هنن بيعطوكي ازا محتاج الأمر حمدالله كنت كتير محظوظة فيهن وعشر تيام كان كل شي تمام بس اكيد بضل شوية وجع بيروح مع الوقت. انتي وين بألمانيا؟

العضوة: 388825 , منذ 4 سنوات

انا بمنطقة اسمها ماينز ...راين لاند وانتي؟؟ الله يقومك بخير وسلامة يارب @user-58905

العضوة: 146350 , منذ 4 سنوات

@user-388825 انا ببرلين اكيد بتعرفيها وانتي الله يقومك بخير وسلامة ويسهلك ولادتك حبيبتي