منذ سنة
  • مرحلة الولادة
بنولد بدون مشي ؟ بنات لو جلسنا بدون مانشرب محفزات ولا نمشي هل بنولد ولا لازم نسويها ؟! انا عني لي اسبوع مااسوي ولاااااشي دخلت الاسبوع الاربعين وقلت خلاص مالي نفس بشي رجولي متورمه ومعاد فيني ........................ هذا موضوعي قبل ستة ايام وبما اني ولدت ابحكيلكم تجربتي وعدلت الموضوع رحت لدكتورة ٥ الفجر كلي اكتئاب بعد مادخلت خلصت ٤١ اسبوع وقلت لها سوي لي تحريض قالت اهم شي انك تتحملي قلت لها امري على الله وسوتلي لازم يا بنااات تكون قد التحريض لان هو درجات اذا تبغين تفتح سانتي اثنين وكذا وكل ماكان قووي طبعاً بيفتح اكثر انا الي قدرت عليه ٣ ونص وابنصرع 😭 بس خلاص ابغى أولد .. المهم بعدها رجعت البيت تعبااااانه مررا نمت وقلت اذا صحيت بستغلها بعد مااكل شي خفيف وفعلاً سويتلي مرقه خضار شربتها وسرت أمشي متواصله ٤٥ دقيقة ، بعدين أريح و زي كذا .. واكمل مشي وقللتها خليتها ٣٥ لحد ماوصلت ٢٠ دقيقة وبعدها ريحت ساعتين ، وسار ينزل مني هذا الوقت افرازات زي الجل شفاف وكل شوي ويكثر وانا قلت راح استغلها و مسكت الكرسي وسرت انزل وابعد رجولي بلي اقدر واطلع تقريباً الي قدرت عليها خمس مرات وجااااني شد عضلي 😭😭 وقمت حميت زيت زيتون وحبة بركة ودهنت افخاذي وبطني تقريباً ربع ساعه وبعدها نمت ساعة وحسيت بطلق بظهري وكان وقتها العشاء ومشيت تقريباً عشر دقايق وسويت لي سلطة جرجير وخس واكلتهم وريحت وبعدين سويت لي شوربة خضار وشربتها وكان الطلق يجي ويروح بس مو منتظم يعني مره عشر دقايق مرا ١٥،دقيقة وقلت يابنتي امشي عشان لاتروح الطلقة وسار ينزل افرازات أكثر .. الساعة ١:٣٠ انتظم الطلق وسار كل ١٠ دقايق وفي ظهري لحد الساعة ٥ الفجر ماقدرت اتحمل خلاص سار كل ٣ دقايق دخلت واستحميت بمويا دافية ولكن مع ألم غير محتمل اطلاقاً 😭😭😭.. دخلت المستشفى قالت فاتح ٦ سانتي وانا طالبه ابرة ظهر من أول قالت لا ي شيماء مايمدي لازم فحوصات وانتي خلاص ولادة قلت لالالا 😭😭😭 لازم اخذها مااقدر اتحمل قالت طيب بسرعة خلينا ناخذ الدم ويااارب يعجلون بنتيجة عشان تاخذينها اقوولكم وقتها ادعي من كل ربي اني يسير وسهل واخذها 😮‍💨 .. بكمل بليل ان شاءالله لأني اكتب وانا تعبانه 🫶🏻. انتظروني 🥺🥺❤️‍🩹 ................... نكمل .. عاد اخذتني الممرضة بالعربية اسرع شي لغرفة المخاض وقالو لزوجي ماتدخل قلت لالالا لازم يدخل قالت ممنوع قلت ليه طيب خااص 😭 وبحكم انا مو عند أهلي وهم في مدينة ثانية ساكنين فانا كل شي كان لوحدي ولحالي من الحمل والولادة 💔 فعاد دخلت وكان الطلق حامي مررا مررا يعني بالجهاز ١٠٠٪؜ اخ ياربي 😮‍💨😩 والساعة 6:10 الصباح وستة ونص دخل طبيب التخدير وقال شووفي ي شيماء انتي تعرفي مخاطر أبرة الظهر ونسبة استجابتها من بنت لبنت يعني في وحده تستجيب ع طول وفيه بعد ساعتين وفي الي مايستجيب جسمها بالمره وتعرفي تسوي هبوط بالدم وصدااع وجلس يقولي مخاطررها قلتتت عااااااادي موو مشكله الألم الي في اقرب للموت اعطيني اياه خلاص ماتحمل قال طيب ابغاك تساعديني لان بالجهاز انتي طلقك قووي وحامي وابدخل القسطرة وقولي اذا جاتك الطلقه أوقف وتعرفون سار بين كل طلق وطلق دقيقة بسس 😭💔.. فمسكتني ممرضتين وخلوني اركع لأخر شي وبعدين يحط لك تخدير موضعي وبعدين يدخل القسطرة .

53 تعليقات

العضوة: 1207505 , منذ سنة

لو عملتي شو ساعته بدو ينزل انا ببنتي كانو يحكولي غير تتعسر ولادتك لاني مابمشي نهائي ولا بعمل شي بلبيت رحت عند جارتي المغرب وميه الرأس عندها نزلت كان مغص خفيف لايذكر كلو تساهيل ربك

العضوة: 1137510 , منذ سنة

والله ان كلامك سليم وهذا الي اقوله 😅

العضوة: 1128471 , منذ سنة

متى قالولك تاريخ الولاده

العضوة: 1128471 , منذ سنة

بكريه اذا بكريه عاجي تروحين لهم ويدوكي مهله بس لازم تروحين

العضوة: 1137510 , منذ سنة

لا موبكريه روحت وماقالو شي بس ع لسانهم امشي واناا والله قدمي مو متحمل المشي وطفشت

العضوة: 1128471 , منذ سنة

زيك انا بس ب الاسبوع ٣٩ ومافي اي بوادر ولاده

العضوة: 1137510 , منذ سنة

خلينا نريح ولانسوي شي هو متى مابغى طلع وش نسوووي تعبنا

العضوة: 96326 , منذ سنة

@user-1137510 بس مرات الانتظار مو بصالحج اني بنتي اولى انتظر لان دخلت العاشر طلعت لونه اخضر قالو المشفى لو متأخره يوم كان ماتت لا سامح الله بوقته بالرغم اروح ويرجعوني ما عندج ولاده

العضوة: 384041 , منذ سنة

والله انا عندي ولادتين واثنينهم مامشيت فيهم ولا تعبت حالي ابدا واموري مشت تمام التمام بس كنت اشرب اعشاب اول ماادخل التاسع اكثر شي كمون او نعنع احبهم

العضوة: 1137510 , منذ سنة

وش نسوي طيب اذا ربي اراد له عمر بيجي احنا نسوي الي علينا والباقي مو بيدنا مايفيد القلق والتفكير

العضوة: 1137510 , منذ سنة

والله هو ذا الي بسويه وذا الصح اشغلونا بالمشي .

العضوة: 1207505 , منذ سنة

اشربي عصير اناناس يرطب رحمك ويسر ولادتك ويجعلها ولاده سهله ميسره بدون تعب يارب ربي يفرجها عليك وتولدي وتبشرينا يارب الجماع الجماع والقرفصاء روعاا بتسهيل الولاده

العضوة: 1137510 , منذ سنة

والله ياقلبي الاناناس طلع من خشمي واصلن اشربه من اول ماحملت فمايسوي شي اللهم امين ولكل حامل يارب 🙏

العضوة: 1298815 , منذ سنة

لا تردين انا بحملي الاول والثاني كنت امشي كثيير لمدة ساعة ونص وانا بس امشي بالاخر ولدة طلق اصطناعي بدون تفتحات والحمل الثاني قيصيري