دائما أشوف البنات يسألون عن احتياجات البيبي ووش يشترون فقررت انزل موضوع عشانهم وعشاني وقعدت اقرأ وأسأل إلي عندهم خبرة عشان يفيدوكم ويفيدوني 👏🏻💕 اول شي ربي يسعد قلوبكم وتشوفون اطفالكم بخير وصحه وسلامة أول شي راح أنصحكم نصيحهةةة لما تروحون تشترون الملابس لازم تشوفون مكتوب عليها قطن ٪؜ لان جسم الطفل مايتحمل أول الايام بالذات وهالنقطه مهمه جدا أول يوم تفرغو بالسوق فقط الي بالسعوديه انصحها تروح سنتربوينت او ردتاغ او تونتي فور 👍🏻♥️ ملابسهم جميله للاطفال تأخذين 6 ملابس داخليه من 0-3 وتاخذين بربتوزات اللبس الكامل برضو ست من 0-3 هالملابس لأول الايام لان الطفل راح يكبر بسرعه ويضايقه هاللبس ومايجي على مقاسه بقية الملابس الداخليه والخارجيه خذيها من 3-6 أشهر ونصيحه خذو ألوان فاتحه 🥺❤️ خذو ثلاث او اربع من أغطية الرأس وخذو شراب للارجل وخذو كفوف عشان مايخربش وجهه الحلو😭😂 وصدريات خذو من ثلاث الى اربع مااظن تحتاجون اكثر مناشف صغيره عشان تمسحين فيها برضه وتاخذين لفات خذي لفات خفيفه كم مابغيتي اظن 5 يكفو لانه لازم تغيري وتاخذين لفتين ثقيله شوي خذي منشفة استحمام للبيبي 🛁 وخذي لحاف او غطاء للنوم 😴 هنا انتهينا من السوق واشياء البيبي خذو ملابس خفيفه لانه مايتحمل ملابس رسميه او شي زي كذا 🥺 بعد 6 اشهر لبسوه الي تبغو ويوم تطلعين للصيدليه 👏🏻💕 تاخذي رضاعتين 🍼🍼 رضاعه للحليب ورضاعه للمويا وافضل شي يكون زجاج عشان يكون تعقيمهم اعمق من العاج وتاخذين الفرشه الي تنظفين فيها الرضاعه وتاخذي لهايه لعناية جسم الطفل تاخذي أشياء الشور مثل شامبو - صابون - ليفه مخصصه للاطفال 🧽 وتاخذين بودره للجسم - زيت أطفال - وفازلين من جانسون 👌🏻 وتاخذين مشط تسريح الشعر والمشط الصغير عشان الطفل يكون فيه قشره راح تحتاجينه مسحه طبيه للسره - واعواد اذن وتاخذين مقص اظافر وتاخذي حفايظ لاتكثرين عشان تشوفين النوع الي راح تحبيه وبكذا تكوني جهزتي البيبي 👏🏻💕💕 برضو لاتنسو الشنطه ولا تنسو سرير النوم الصغير راح تحتاجونه اول الايام اتمنى اكون أفتدكم واذا نسيت شي ياريت البنات يكتوبه عشان تتذكرو