خسوف القمر - الثأر
انت قمري ،، تشبهين النجوم بوسط السماء انت وحدك التي تستحقين مُسمى قمري
🥀🥀🥀🥀🥀🥀🥀
المقدمة
بصوت يحيى : الشعور بالضعف بعز قوتك هدا اصعب شعور ممكن يمرق على البني ادم ،، لما تشوف روحك بين ايديك بتنزف وانت ما طالع بإيدك تعمل شي ،، روحك عم تنسحب منك وانت قاعد قدامها عاجز عن عمل اي شي ،، تمنيت بهاي اللحظة اكون انا الي عم بموت ، اكون انا الي عم بطلع بالروح ،، يمكن كان الوجع اقل ،، الموت لما بيجي ما بوجع الي عم يموت ، بوجع الناس الي حولييه ،، هاي اللحظة ما راح انساها ،، انا وجعت قمري بكل مرة بقرب منها ،، انا ما كنت قد الامانة ... وهاي المرة اخدت القرار الصعب بس كان الحياة بالنسبة لغيري ،، وجودي مع الناس الي بحبها كان اذى الهم ،، قربي كان بوجع اكتر من بعدي ،، بس انا بني ادم ضعيف ... ضعيف كتير قدام عيون قمري …بس دايماً كنت مؤمن ما بعد الضيق الا الفرج
🥀🥀🥀🥀🥀🥀🥀
بصوت قمر - انا بالنسبة الي اصعب شعور لما تفقد الامان مع شخص كان امانك ، كنت انت بالنسبة الو امانة امنو فيها اغلى حدا على قلبهُ والاصعب ما تكون قدها ... اصعب شعور لما امانك يشكل خطر على حياتك ، عارف لما تصل للموت وترجع! الموت بارد كثير .. كنت دايما اشوف يحيى بمناماتي , كنت اشوفهُ نار بتلسعني لما اقرب عليه .. يااااه ما اصعب الشعور يكون الشخص الي ساكن بقلبك واقف بعيد عنك فاتح دراعاتهُ ليستقبلك بحضنه وبس تقرب على حضنه يحرقك ،، بس الاصعب من هيك تفقد الثقة بالشخص الي كان بالنسبة الك هو الثقة .. بس متل ما المثل بقول .. القط ما بحب الا خناقه .. وهاي انا ما بقدر ابعد عنو .. كل ما ابعد برجع بتعلق فيه اكثر من الأول .. كيف لا وهو الهوا الي بتنفسو..
🥀🥀🥀🥀🥀🥀🥀
..: معقول بعد الحب الي حبيتك ياه تتهميني اني بدي اقتلك ، انا روحي بعطيكي ياها وما بسأل وانت تتهميني اني بدي اقتلك 🥀
..: كنت اضل تقلي اني نقطة ضعفة ،، وكلهم ماسكينك من ايدك الي بتوجعك ..وانا قررت اقطع هاي الايد ،، انا الايد الي بتوجعك بدي اقطعها
..:ذكرياتنا الحلوة مع شخص بنحبو،، هي الي بتخلينا نغفر ونسامح على كل الاخطاء الي بتصير منو🥀
...: انت مستنية مني آذيكي لحتى تقولي يحيى مانو منيح !!!🥀
..: اهـهـهـهـهـه لو تعرفي قدي اشتقتلك 🥀
...: بابا يحيى خلص راح وتركني اتعذب لحالي🥀
..: خليكي قوية ، بدنا نربي ابنا انا وانت مع بعض ، بدنا نبعد عن كل الدنيا ونكون جنب بعض🥀
..: اهلا وسهلا فيك حبيب ابوه البطل .. عمر الصغير .. راح تكون قوي متل ابوك .. 🥀 لا تصدق اي حدا اذا قلك اني تخليت عنك وعن قمري بيوم من الايام
..: .. لي ما حدا عم يرحمني .. لي مكتوب عليي اعيش بعذاب كل عمري .. لي كل حبايبي راحوا .🥀🥀
🖤🖤🖤🖤🖤🖤🖤
العضوة: 825077 , منذ سنتين
#خسوف _القمر_ الثأر 💔💔 #الجزء_الاول #بقلمي _ Bayan _Sh بغرفة باردة كانت نايمة والاجهزة محاوطتها من كل جهة ،، ما في غير صوت جهاز القلب بكل الغرفة كانت نايمة بكل هدوء ، وجهها الابيض ورموشها الطويلة الي عاطينها جمال حتي وهي نايمة .. شعرها الذهبي الي منثور على المخدة بعشوائية ،، كانت مثل الملاك فاتت الممرضة عندها .. طلعت ابرة وغزتها بكيس السيروم اطلعت على مؤشرات جهاز القلب وابتسمت وجهت نظرها على وجهها ..: ملاااك ونايم ، لا انا راح اسميكي الاميرة النائمة ،، الله يحميكي على هالجمال حتى وانت هيك بتوخدي العقل ،، اتنهدت بصوت مسموع ..: مانك ناويلة ترحمي ،، كل يوم بيجي لهون بالساعات بضل يتأملك ويترجاكي تقومي ،، والله قلبي بتقطع عليه ،، حرام بكفي عذاب هاي الك هون اكتر من ست اشهر ،، ارحمي مسحت على ايدها .. كانت راح تقيم ايدها لما شعرت بحركة باصابعها لفت عليها شافتها بتفتح عيونها بصعوبة طلعت ركض من الغرفة ..: دكتور باسل ، دكتور .. قمر فتحت عيونها قام الدكتور من مكانه ..: اعطي خبر للدكتور المناوب يجي بسرعة عغرفة المريضة الممرضة : حاضر دكتورالعضوة: 825077 , منذ سنتين
فات الدكتور باسل عغرفة قمر ، شافها بتفتح وبتغمض عيونها بتعب قرب عليها وبلش يفحصها باسل: كل المؤشرات الحيوية ممتازة بس ردة الفعل بطيئة، بس في تحسن فتحت قمر عيونها ..: وين انا قرب باسل منها ورجع يفحصها ..؛ لااا اطلعتي اقوى من ما تخيلنا قمر بتعب ..: قدي الي هون يومين !؟ باسل تجاهل سوالها ومسك السماعة وحطها على صدرها قمر: شو الي صار باسل : اتلقيتي رصاصة بصدرك ونزفني كتير بس الحمدلله لحقناكي على اخر لخطة والرصاصة ما كانت بمكان خطر بس بسبب النزيف الاوكسجين بطل يصل للدماغ وفوتي بغيبوبة .. حمدلله على سلامتك لا تتعبي حالك .. (وجه كلامه للممرضة).. انا راح اخبر يحيى طلع باسل من الغرفة وسكر الباب ،، تفاجئ لما شاف يحيى واقف قدام الغرفة مكتف ايديه وراكي عالحيط اطلع عليه باسل وابتسم ..: ابن حلال كنت رايح عغرفتي بدي اتصلك يحيى: في شي جديد باسل ؛ قمر صحيت عدل يحيى وقفتو وراح لعند باسل ..: وايمتى كنت ناوي تخبرني قبل ما ينطق باسل بحرف كان يحيى فايت عغرفة قمر اطلعت عليه الممرضة..: حمدلله على سلامتها وطلعت من الغرفة تاركة يحيى وقمر ومشاهرهم المخربطة بلش يحيى يقرب عليها واجريه يضربو ببعض ما كان مصدق انه اخيراً قمر صحيت قمر بس شافت يحيى لفت وجهها لعند الشباك وما قبلت تطلع عليهالعضوة: 825077 , منذ سنتين
يحيى : قمري ،، واخيراً رجف قلبها لما سمعت اسمها من تم يحيى يحيى: الك ست اشهر حارمتيني من عيونك وصوتك ،، لا تحرميني اكتر ،، اطلعي عليي قمر ،، سمعيني صوتك اطلعت عليه وعيونها ملانة دموع ..: روح من هون يحيى انصدم يحيى من كلام قمر ،، ما كان مستني منها هدا الجفى كلو .. اخد نفس طويل وزفره بقهر ..: انت تعبانة قمري ،، لا تتعبي حالك ، حمدلله انك رجعتيلي واخيراً ،،بكفيني انك تكوني موجودة بحياتي حتى لو بعيدة عني ،، انا كنت بموت باليوم الف مرة وانت بعيدة عني ، بترجاكي لا تحرميني منك بعدت قمر نظرها عنو ..: طلقني يحيى فتح يحيى عيونو عالاخر بعد ما سمع هالكلمة من قمر ،، كان متوقع منها كل شي ،، كان متوقع منها تقلعو وما تحكي معو تبعد عنو, تهرب ،، كان بدو يعطيها فرصة لترتاح لحالها ،، توخد وقت تفكر بعلاقتهم بس الطلاق .... كان اخر شي ممكن يفكر فيه ,,, لا كان الشي الوحيد الي ما خطر على بالو يحيى؛ اطلقك !؟ قمر : ما عاد بدي ياك ،، خلص اطلع من حياتي ،، انا بدي اعيش بسلام اطلع عليها يحيى بحزن ..: حاضر راح اعمل كل شي بدك ياه بس لتطلعي من هون واقفة على اجريكي وتفكري منيح بالموضوع قمر بعصبية ..: يحيى لا تحلم بفرصة تانية ،، شو بعد بدك تفرجيني اكتر من هيك !؟ يحيى بقلة حيلة ..: خلص متل ما بدك انا راح امشي بالمعاملة بس اهم شي تكوني مرتاحة قمر : لا تخاف راح اكون مرتاحة كتير وانا بعيدة عنك يحيى : حاضر..... قرب عليها وطبع بوسة على جبينها ،، ولف حالو وطلع من الغرفة ................................ طلع من المشفى ركب سيارتو وانطلق ،، ضل ماشي بالسيارة بدون وجهة لحتى شاف حالو قدام المقبرة نزل من السيارة وفات لعند قبر عمر قعد عالارض وصار يحمل كمشة من التراب ويرجع يفلتهن ..العضوة: 825077 , منذ سنتين
يحيى بتعب ..: بنتك بدها تتركني ،، بدها توخد روحي مني ،، من بعد ما صارت الي بدها تروح بهالبساطة ،، بنتك بدها تطلق ،، قلي شو اعمل وانا ما بقدر على فراقها ،، الست اشهر الي مضوا حسيت كأنهم مية سنة وهي بعيدة عني ،، رجعتلي الروح بس قالوا انها صحيت ،، كنت راسم الف مشهد لهدا اليوم ،، كان نفسي اخدها بحضني استنشق عطرها ادخلها جوا قلبي. بس كسرتني ،، بدها اطلقها ،، بدها توخد روحي مني ،، لي هيك قاسية ،، كيف بدها تخليني اعيش بلا روح ،، قلي كيف صرخ بكل صوتو ..: اخخخخخخخخ 🥀🥀🥀العضوة: 1079126 , منذ سنتين
بنتظار التكلمه ويسلم ايدكي سلفالعضوة: 825077 , منذ سنتين
وايديكي حبيبتي، بس افضى ان شاءلله بنزل البقيه🌺😻العضوة: 1079126 , منذ سنتين
الله يقويكي وايمتا تفضي خليكي ع راحتك وربي يسعدكالعضوة: 721839 , منذ سنتين
وين التكمله الله يسعدك من امس انتظرالعضوة: 851287 , منذ سنتين
@user-825077 يسلم ايداكي ههههه عجلي بتكمله الفضول ذبحنا🤣العضوة: 825077 , منذ سنتين
بالمشفى كان امجد ونشأت معهم امل وراما متوجهين لغرفة قمر دق نشأت على الباب دقة خفيفة ،، فتح الباب ومد راسو ..: ممكن نفوت !؟ اطلعت قمر ناح الباب شافت نشأت ورفقاتها معو ..: فوتوا فاتوا وسلموا عليها راما: كتير اشتقنالك نشأت ؛ وين يحيى !؟ كأنو ما بعرف !؟ شبكت امل ايديها بحب ..: شكلها بدها تعملو ياها مفاجئة امجد: راح احكي معو وقلو يجي قمر : ولا حدا يتصل فيه نشأت : لي يا قمر لو شفتي حالتو وهو مستني تصحي ، خليني خبرو كتير راح يفرح ويضل جاي ركض قمر بعصبية ..: قلتلك لا ،، يحيى خلص راما: شو يعني خلص !؟ قمر: راح نطلق شهقت امل ..: انت شو بتحكي !؟ لي لحقتو تتجوزوا لحتى تطلقوا نشأت : شو بتخبصي انت !؟ قمر صرخت بصوت عالي ..: اطلعوا من هون ما بدي اشوف حدا مدت حالها عالتخت وغطت وجهها لحتى تخبي دموعها راما: روحوا انتو وانا وامل بنضل معها لحتى تهدا 🌑..............🌑 طلعوا نشأت وامجد من الغرفة مسك نشأت موبايلو واتصل ليحيى بس ما كان في رد .. نشأت : ما برد على اتصالاتي ، تعال نشوفوا بالبيت امجد: يلا روح واقفين قدام بيت يحيى الي بالمدينة لانو من يوم الحادثة ترك بيت الجبل بذكرياتو واستأجر بيت جديد دقو الجرس كثير ، بس ما في رد بعد ما يأسوا انو يفتح وقرروا يمشوا ،، سمعو طقت المفتاح نشأت : اخيراً كنا راح نمشي فتح الباب على وسعو وفات لجوا امجد: لي عامل بحالك هيك !؟ يحيى :.... نشأت: يعني الي حكتو قمر صحيح ،، بدكوا تنفصلوا رفع يحيى حاجبو ..: هي الي بدها تطلق انا لا نشأت: وهالشي بساتاهل تعمل بحالك هيك يحيى : انا بشر ماني حجر امجد : معك حق ،، بس اعطيها فرصة تانية ، بعدها تعبانة ومصدومة اتركها فترة بس تهدى بتتراجع عن الي قالتو نفخ يحيى بضجر ..: الله كريم 🥀🥀🥀🥀🥀🥀 بمكتب الدكتور باسل كان قاعد ورا مكتبه براجع شوية اوراق اندق الباب باسل : تفضل فات دكتور طويل ابيض البشرة بعيون زُرق باسل ؛ اهلا دكتور فؤاد .. اشرلو عالكرسي .. تفضل قعد الدكتور فؤاد ..؛ انا شفت ملف الحالة الي قلتلي عنها ،،العضوة: 825077 , منذ سنتين
باسل : شو رأيك !؟ فؤاد : لازم اشوفها واحكي معها ،، وبعدها راح اقدم التقرير باسل: وانت برأيك راح تستجيب معك فؤاد: ما بقدر اقرر شي بلا ما اقعد معها مرة او مرتين باسل: لازم تبدأ معها بأسرع وقت ممكن فؤاد : انا راح اروح عندها ،، بشوفك 🥀........... 🥀 طلع فؤاد من مكتب باسل وتوجه لغرفة قمر فات لعندها بكل ثقة ،، اطلعت عليه قمر قمر بعصبية ..: انا منيحة لا بقى تعطوني مهدئات فؤاد : انا الدكتور فؤاد ،، جاي لحتى نحكي وندردش مع بعض اذا بتحبي لفت وجهها للجهة الثانية ..: لا ما بحب واتفضل اطلع برا راح لعند الشباك ...: انا مرة وصلت للموت ، بس الحمد لله قمت منها ورجعت اقوى من الاول .. بتعرفي شو عملت !؟ اطلعت عليه قمر بدون ما تحكي فؤاد: بعدت عن كل شي خطر عليي ، يعني انا كان عندي صديق كنت احبه كثير ،، المتور ،، كان اكثر من صديق الي ، بس مرة من المرات خاني ووقعت عنو وانا بسرعة عالية ،، وكنت راح اموت ،، يعني اغر صديق عندي كان راح يتسبب بموتي ،، لهيك بعدت عنو وما عاد ركبت متور بحياتي قمر: وشو بتقول اذا الي وصلك للموت رفيق دربك وكل حياتك !؟ فؤاد : بعطي حالي فرصة اعيش حياتي بدونو ، وبعدها بقرر قمر: بس انا قررت فؤاد : القرارات السريعة الي بنوخدها بلحظة غضب هاي اسوء قرارات ، ودايما نتائجها سلبية علينا ، واحنا الي راح نتأذى بالاخر قمر :..... فؤاد: اخدنا الحديث وما تعرفت عليكي قمر: يعني بدك تفهمني انك ما اطلعت على ملفي ، وجاي عندي صدفة فؤاد : لا مو صدفة ، يعني بعرف انك قمر وهدا الشي واضح ما بدو تنين يحكو فيه ،، بس بحب اعرف تفاصيل اكثر ما راح تكون مكتوبة بملف المشفى ،، يعني قدي عمرك ، شو دارسة ، شو بتعملي بحياتك قمر: عمري اليوم ولا قبل سنة !؟ قرب فؤاد عليها وقعد عالكرسي الي جنبها ..: شو بتفرق !؟ قمر : بتفرق كثيير ، قبل سنة كان عمري خمسة وعشرين سنة ، اما اليوم عمري مية سنة وشوي فؤاد: وشو الي كبرك هالقد !؟ قمر: لما بتختار شخص غلط بتكبر معو مية سنة بدل ما ترجع طفل ،، بتصير تخاف تخطي خطوة وحدة لحالك ،، فؤاد: ما سألتي حالك لي !؟ شو هي الظروف الي انحط فيها لحتى تصيري انت بخطر غمضت عيونها قمر بحسرة وانذكرت الي صار فيها قبل اكثر من سنة والاعتداء الوحشي الي تعرضتله من الصقر وحياتها الي نقلبت بهدا اليوم ،، وبلشو دموعها ينزلوا بغزارة ،، لفت وجهها عنوالعضوة: 825077 , منذ سنتين
فؤاد: لا تتعبي حالك خلص اهدي ، انا صار لازم اروح بشوفك بكرا 🥀🥀🥀🥀🥀 بمستودع بعيد عن المدينة كان قاعد اللواء جمال مع مجموعة من الضباط ومن بينهم يحيىالعضوة: 825077 , منذ سنتين
الضابط: وصلنا بلاغين من شهر عن اختفاء بنات بجيل العشرين ،، البلاغين تقريباً نفس التفاصيل وكمل ..: باشرنا التحقيق وعثرنا على جثث البنات مرمية جنب شارع فرعي ،، وبعد تقرير الطبيب الشرعي ،، تبين انو البنات انقتلن ومن بعد اخدوا اعضائهن اللواء جمال : ما في بلاغات شبيهة الظابط: في بلاغات عن اختفاء ولاد باعمار بين ال خمس والعشر سنين ، بس ما تم العثور على جثث لالهم يحيى: مين الي بقدم البلاغات ، الاهل !؟ الضابط: لا البلاغات مقدمة من ملجئ للايتام يحيى : الضحايا من نفس الملجئ الضابط: نعم سيدي اللواء جمال .: يحيى ملف القضية معك، راح يكون معك فريق وبتخبرني بكل التطورات ، حازم راح يرجع على اخر الشهر وراح يكون بالاتصال مباشر معنا وقف يحيى وقدم التحية ..؛ حاضر سيدي وقف اللواء وحط ايده على كتف يحيى ..: راح تكون هاي القضية اصعب من قضية الصقر ، عدونا مو معروف هاي المرة يحيى: لا تخاف حضرة اللواء ، انا لها 🥀.............🥀...........🥀 🥀...........🥀العضوة: 825077 , منذ سنتين
تاني يوم كان قاعد بالمستودع بقلب بملف القضية وبإنتظار الضباط المشاركين معو بالقضية دقايق واندق الباب ، فاتت صبية باخر العشرين طويلة بشعر احمر بشرتها بيضا اطلع عليها يحيى من فوق لتحت ،،: نعم !؟ ..: انا ،، انا ال،... ال ،،، يحيى : هاااااااي ،، شو في ما بتعرفي تحكي جملة كاملة على بعضها ،، انا انا انا ،، انت شو ،، شو بقدر اساعدك !؟ ..: انا من الفريق ضحك يحيى بصوت عالي ..: فريق شو ! شو وجاي تعملي عندي ، اكيد مخربطة ب ، انا هون.. وقطع كلامه صوت دق عالباب يحيى : تفضل فاتو ثلاث شباب ملبكين وفايتتين ببعضهم يحيى: ها كملت ، نعم!! انتو كمان من الفريق !؟ يلا يا حبايبي روحوا من هون انت مخربطين ..: اللواء جمال طلب منا ، احنا الضباط المشاركين معك بالقضية يحيى : وانت المندوب الي بتحكي بأسمهم يا ...!؟ ...:الملازم يوسف ضحك يحيى نص ضحكة ..: يوسف والشباب ..: الملازم ايهم ...... 🥀............العضوة: 1145816 , منذ سنتين
رفع،