السلام عليكم بنات انا حامل فالشهر السابع وعندي بنت عمرها عشر شهور يعني الفرق بكون بين الطفلين سنة وشهر تقريبن انشاءالله مشكلتي ان انا ساكنه فبيت اهل زوجي بغرفة صغيرة وحمام مشترك يعني حتى بالغرفة ما اخذ راحتي اذا أتكلم صوتي ينسمع برع ومرات اتوهق اذا حد فالحمام اضطر اني اسير حمام الأولاد برع الحين زوجي قال انه بيبني ملحق بس اكيد يبغيله شهور لبن يخلص وهاك الوقت بكون انا مربية وما عارفة شو اسوي وبنفس الوقت محد يتحمل بنتي كل شي علي يعني ولا مرة حد طبخ لها بس يعطوها من أكلهم ومرات يعصبو عليها عشان بنتي وايد حركيّة المشكلة الثانية ان بيت اهلي طابقين وعرفتي فوق ومن الحين انا ما اقدر اسير تحت وارجع فوق والله تعبت حتى امي تعبت من بنتي وما تتحملها المشكلة الثالثة زوجي ما يبغي خدامة وانا ما عندي حد يساعدني الكل لاهي بنفسه والله تعبت مرات أندم اني تزوجت وحملت وما عارفة شو تسوي بكون فذمتي طفلين والظروف صعبة وأم زوجي ما تقصر تحب المشاكل تشيش و زوجي علي ما يحتاي اكمل تقدرو تشوفو موضوعي عنها