منذ 3 سنوات
  • مرحلة مابعد الولادة
بعدما ولدت الحمد لله وهذا مولودي الثاني ولدته بقيصرية بسبب نزول المشيمة وبنتي جبتها ولادة طبيعية حابة أكتب رأيي في التخدير الكامل لعل احد يستفيد .. طبعاً أنا كنت موقعة على التخدير الكامل من قبل العملية لكن الأطباء الله يهديهم بالغصب قالو بنعطيك النصفي عشان الكامل يؤثر عالام والبيبي وفيه سلبيات والخ .. انا اخترت الكامل عشان ماابغى ابرة الظهر المهم ودخلت العمليات وعطوني ابرة الظهر وبدأو العملية حسيت بحرارة في رجولي لكن لما بداو العملية حسيت وهم يقطعون بطني وصرخت من الالم والدكتور توتر كثير وقال وقفوا العملية بسرعه وبعدها قامو ماسكين مكان العملية ويضغطون عليه باصابعهم عشان ماينفتح وجابولي الشي اللي يطلع منه دخان وعرفت انهم بداو التخدير الكامل وفي ثواني ماحسيت بشي ومادري متى قمت من التخدير بس كنت بغرفة ثانية والبيبي جنبي كاني حلمت وقمت من الحلم الله يسامحهم عطوني ابرة ظهر عالفاضي المهم بعد العملية حسيت بالم في مكان الجرح طبعاً وصوتي لحين خربان واليوم خامس يوم عالعملية احس فيني بلغم واخاف من الكحة وماقدر امشي او اقعد كثير وطبعا ظهري يعورني كثير كثير بس ماحسيت بالصداع والالم الراس مثلما سمعت بس دوخة خفيفة وبرررررد شديد كاني بثلاجة رغم انهم حطو لي سخان وفوقي اربع اغطية بس ماكان يكفي وهذي تجربتي مادري في حد جرب بعد وش رايكم

15 تعليقات

العضوة: 673154 , منذ 3 سنوات

احيانا التوتر بيخلنا نشد وبتالي مابنتخدر صح ممكن إلى صار معك من توتر الله يسهل لي ولك عندي بمحيط عايلي حابين نصفي الله بيعين

العضوة: 786105 , منذ 3 سنوات

خوفتيني😭 انا خذيت ولاته لي ٢ بنج كامل والان الثالثه ناويه نصفي ان شالله لان الكامل اتعب صدري والله

العضوة: 303533 , منذ 3 سنوات

انا اول ماعطوني الابرة على الفور بداو بالعملية عشان كانو خايفين يجي علي نزيف ماعرف هل الوقت ماكان كافي للتخدير ولا ليش مانفعني لاني حسيت بكل شي

العضوة: 673154 , منذ 3 سنوات

لاتخافي انا شفت مواضيعها ثانيه صاحبه موضوع انتي من الأساس داخله وكارهه حمل وانك بتجيب قيصري اما جمنج لاتخافي اهم شي اسأل عن أفضل طيب تخدير مشفاكي وأنه وقت تحسي بتوتر يعطوكي منوم

العضوة: 673154 , منذ 3 سنوات

في بنات قابلين ع ولادات احس موضوع بيخوفوهم أو يوترهم معرف

العضوة: 303533 , منذ 3 سنوات

ماكتبت الموضوع عشان اخوف احد لكن كثير كان يسال عن الكامل لان الاغلب جرب النصفي فانا كتبت رايي كذلك في النهاية الدكاترة يفهمون كل شي

العضوة: 786105 , منذ 3 سنوات

طيب ي قلبي انتي كنتي تشربين قهوه! لان يقولون الي تكثر منبهات ماتتبنج انا حاليا وحامي حثال البن والهيل وخايفه ماتبنج 😭 والله اني اكتب لك وتخيلت حثال واشتهيته يارب رحمتك

العضوة: 870766 , منذ 3 سنوات

لا حبيبتي يمكن لانك متوتره انا جربت البنج الكامل مرتين وجربت النصفي مرتين وبصراحه الكامل كان احسن من النصفي بالنصفي من كثر ماكنت متوترة حسيت بجرح العمليه بس ماصحت ولاشي بس قلت لدكتورة التخدير اني قاعد احس بالم وقالتلي هذا بسبب التوتر وصارت تتكلم معاي لحتى انتهو ومارجعت حسيت بشي لانو كنت اتكلم ونسيت التوتر بس اول شي لاني كنت خايفه

العضوة: 764595 , منذ 3 سنوات

ياحبيبتي الحمد لله على سلامتك .. النصفي افضل بكثير من الكامل وانتي توترتي ، بس ان شاء الله تقومين بالسلامة و بولاداتك الجاية تولدين طبيعي . . بس ترى النصفي افضل من الكامل

العضوة: 757920 , منذ 3 سنوات

الحمدالله على سلامتك،، حابه اسالك عن نزول المشيمه كان عندك من اي درجه لان انا نازله من الدرجه الثالثه وخايفه من المضاعفات الله يكتب اللي فيه الخير

العضوة: 756140 , منذ 3 سنوات

مجربه النصفي مرتين وباقي شهر وشوي ع ولادتي وترتيني 😂😂😂 وانا مجربته خفت من كلامك

العضوة: 804723 , منذ 3 سنوات

وش رايك في النصفي ؟؟

العضوة: 303533 , منذ 3 سنوات

كانت نازلة كليا مب جزئيا وملتصقه بالرحم فكان صعب ترتفع مع اني كنت مرتاحة ومااسوي شي ثقيل

العضوة: 303533 , منذ 3 سنوات

اممم طبيعي اتوتر كانت رجولي ترتجف من الخوف والدكاترة كانو يكلموني بس كنت عارفه انهم يسوون كذا عشان يلفتون انتباهي وفوق كذا كان الجو بارد ويوتر والدكاترة يتكلمون عن اشياء خطرة ويركضون ويصارخون في بعض اكيد بتوتر

العضوة: 756140 , منذ 3 سنوات

@user-804723 والله حلوووو الحمدلله راحه ماتحسين بشي ابد