#رَجُل_كلاسيكي_بقلم_رُلى_كوجك الجزء الأول - ايمت بتحب تبدأ الشغل + بركي اليوم انشالله - أي مكتب بتحب حطك + يلي بتشوفو مناسب استاذ - طيب خليك مع قصي.. مكتبه عاليمين هو خبير وصرلو 10 سنين بيشتغل هون.. وبتستفادو من بعض اكيد + فضلت علينا استاذ جواد استاذ جواد: يلا على مكتبك طلعت برا المكتب وانا عم الهت بسبب أسئلة جواد يلي حصرتني.. طالعت موبايلي من جيبي وبعتت رسالة " خلصت المهمة الأولى".. كملت مشي وانا عم اسأل عن مكتب قصي يلي حاسو غليظ كتير.. دخلت عالمكتب كان شاب ثلالثيني ( بحدود ال 30) وجهو عابس وعم يعطي ملاحظات للشغيل الجديد بكلمات سيئة اياس: مرحبا قصي: بس ما يكون المعلم باعتلنا واحد بهيم ما بيفهم متل هاد يلي قدامي اطلعت فيه بنظرة حزم وقلت اياس: لا والله انا شايف المعلم غلطان انو بعتو لعند هيك غبي اطلع فيني قصي وراح لبرا.. كنت عرفان انو رايح يشكي للمعلم وانا استغليت هالفرصة اياس: تعال انا بساعدك بس بالمقابل بدي تنكر كلشي قدام المعلم - اديه بتعطيني اياس: الف بتكفيك؟ - بتكفي😉 مشيتلو معاملتو للشب بين ما اجا المدير جواد: شو من أول يوم مشاكل؟! اياس: معلم انا ما حكيت شي ولا رديتلو لقصي عيلي حكاه اطلع جواد بقصي نظرة استفهام جواد: ليش مو انت يلي حكيتو كلام كبير وهو يلي سكت!؟ اياس: انا؟! استاذ جواد انا ما حكيت حرف وفيك تسأل الشب يلي هون.. كان موجود قصي: اي كان هون.. احكيلو شو عمل هاد - حضرة المدير الاستاذ قصي صار يقول عن الاستاذ اياس اجدب وما بيفهم متلي.. وغلط بحقك انك بعتلو ناس ما بيفهمو.. هيك حكى قصي بلش يعرق ويتوتر لأنو عرفان مالو مهرب قصي: كذب معلم جواد: شوف قصي.. انا مستحملك لأنك قديم بالشركة وانا متعود عليك.. المرة الجاية رح تشوف شو بعمل فيك.. اطلع حواليه وعيط جواد: انتوا شو جابكن.. كل واحد على شغله يلاا بثواني كان باب المكتب مفتوح وكل واحد قاعد قدام طاولته.. طلع جواد بهيبتو لبرا وقصي ضرب الشب كف وقلعو ابتسمت بخبث وقعدت على كرسيي.. بدأت تجيني معاملات وانا خلصها بسرعة وروح لعند جواد واخد شغل فوق شغلي حتى بينله اني شغيل وتعيب.. الدور اجا على قصي اني اخد مكانه.. بيوم اجتنا مناقصة كبيرة ولازم نربحا.. خلصا قصي وكنا متأكدين عالنهائي انو رح نربحا.. بس انا اخدت المناقصة قبل ساعتبن من المناقصة من درج قصي وعدلت عليها بحيث نخسر.. وقبل ما ندخل صالة الاجتماعات اياس: معلم خليني اتأكد من المناقصة قصي: انا متأكد منها اياس: معلم شو بتخسر انا بحب يطمن قلبي جواد: خلص لا تضل تنئ.. عطيه اياها قصي مد ايدو قصي بقرف وعطاني اياها.. تفحصتا شوي بعدين سكرت المناقصة واطلعت بجواد بتعجب جواد: شبك شوفي اياس: معلم تعا شوف هالتخبيص فتحت الملف وورجيتو الغلط يلي كان رح يخسرنا خسارة كبيرة جواد: الله لا يوفقك يا قصي شو هاد.. هاد شغل بتعملو.. مد راسو قصي ليشوف وين الغلط قصي: معلم انا ما كنت هيك عاملا جواد: لكن مين.. القلم هو يلي عاملها؟! انقلع من وشي قصي احسن ما انفجر فيك.. وانت اياس الك مكافئة كبيرة.. خود زبطلي هالمناقصة وابعت خبر انو الاجتماع تأجل.. برافو يا بطل اياس: ولو هاد واجبي معلم