منذ 3 سنوات
  • ما قبل الحمل
#الجزءالاول مسحت مراية الحمام بايدها انتبهت ع الكدمات الي بجسمها وصارت تشوف جسمها كل جزء فيه كدمة زرقا... (لاتبكي لاتبكي خليكي قوي لاتبكي) ..مسحت دموعها انتبهت. ع عيونها الحمر والمنفخات من البكا..... تبكي ع حالها ولاتضحك.... الحب والغرام صارت تشوفوا كلام فاضي ومالوا اي معنى.. لانها انسحرت فيه مالنا خبر بلي مخبى ورآه...ايام الجامعة تقول بدي فارس احلامي يحبني ويغار علي ويكون معو مصاري كتتير وبيت وسيارة.... كلوا كلام فاضي مافي شي بجيب السعادة.. بدون تمن... طلعت من الحمام فكرت انو رح يريحا بس بالعكس خلاها تشوف شغلات كانت عم تخبيها عن الكل حتى عن حالها ..لبست تيابها وهي موجوعة كتتير... بعدها فتحت درج بدها تضحك الي بشوف هل المهدئات عندها هلق.. بقول وين راحت رما المرحة الي شايفي الحياة طريق مغامرة.... انتبهت ع انعكاسها ع مرايا .. راما وقعت ع عقد موتها وقت الي قررت تتزوج... اخدت حبة مهدئ صارت بعيونها تتفتل بالغرفة... مافكرت ولا مرة انها رح تكون سجنها وجحيمها ...حست ع جسمها بلش يرتخي.. عرفت دوا بلش مفعوله... ححطت راسها ع مخدة بدهاتنام... بدها تغمض عيونها بلكي بكرا بتصحا وبكون كل الي عايشتوا كابوس... بدها تنام.. لتنسى مين وكيف صارت هون... وشو صار معها... النوم كان الحرية الوحيدة مسموحة ...غمضت عيونها واستسلمت للدوا لحتى تروح ع عالم تاني واحلام احلى من واقع الكوابيس.... حست ع ضو خفيف ضرب ع عيونها فتحت عيونها بصعوبة من ضو الشمس رفعت راسها لتشوف ساعة 11 شو يعني الها ...ولاشي... نزلت ع روس اصابعها من التخت وهي عم تتمطمط.. تتاوب وراحت ع حمام..بعد ماطلعت لبست.. وراحت ع غرفة كانت الخادمة مجهزي فنجان القهوة ..وشغلت الراديوع فيروز وقعدت ع تراس الي مطل ع البحر... قطع تاملها رنة تلفونها... (اهلين حبيبتي ايه.. اي ساعة.. تمام.. رح كون موجودة.. ولو بتعرفيني..سلام) هاي هي حياتها مع صحباتها وسهرتها... حياة روتين وبس... خلصت فنجان القهوة.. قامت تجهز حالها ..حطت اخر لمسة كريم اساس وبودرة لتخفي علامات الكفوف الي اكلتهن... بعد ماخلصت اخدت مفاتيح السيارة وشنتا.... ونزلت سمعت الخادمة عم تحكي معها (مدام ..شو قول للبيك اذا اجا وسأل عنك..) التفت مع ابتسامتها مايلة(انتي قلتيها اذا اجا... واذا صار معجزة وشفتيه اليوم قولوا.. راحت ع الهفا)

126 تعليقات

العضوة: 694206 , منذ 3 سنوات

حطت نظارتها وركبت السيارة..... عندها جوز غني ومال وسيارة وبيت كبير وعيشي الكل بيحسدها عليه.... بس ماعندها الي بدها اياه بتترك كل هاد لتعيش متل الكل..بدها تعيش مع رجل موجود.. مو مع زوج مابتشوفوا بالسنة مره ....اول ماخطبها كانت مغشوشي فيه ماكان هيك كشف عن وجه التاني بعد العرس مباشرة.....كلماتوا لسا لهلق عم تنعاد في راسها كل يوم كل ساعة كل ثانية... (انتي زوجتي منظر بس قدام الناس... زوجنا صوري بس مارح يصير اي شي بينا) حكا هل الكلمات وقتلها وقتل احلامها ..بتتذكر وقتها صابها انهيار وصارت تبكي من السعادة الي وعدها فيها... بعدها حاولت تعرف ليش عم يطنشها ويغيب عن بيت.....بس بعد محاولات لحتى تخليه يحبها ويرجع حبيبها الي حبتوا.. وعشقتوا ووقعت بغرامه. ... بدها يرجع الي حبتوا من اول يوم الها شافها وهي عم تعزف ع الكمان... انصدمت صدمت عمرها لما عرفت جوزها بحب وحدة تاني.. لما حكت الي بتعرفوا ماانكر.. (منيح الي عرفتي مشان تكوني بالصورة.. لمعلوماتك انا بحبها وبموت فيها.. بس للأسف مافيني اتزوجها) حاولت تتطلب الطلاق منو بس رفض كان وقتها بدو اياه بحياتو زوجة آلجميلة والمثالية... قدم الناس والحفلات بس بالبيت هو بالغرفة وهو بغرفة.. رغم انو اعترفلها انو بحب وحدي تاني بس مااستسلمت حاولت اكتر من مرة تتطلع بتياب جريئة ومثيرة... لما فكرت انو نجحت سحبها ع الغرفة ماحست غير ايده لفني ع رقبتها ويخنقها

العضوة: 694206 , منذ 3 سنوات

(اتركني...شو عم تسوي اتركني رح تخنقني..)... عمر(قلتلك لاتلعبي بالنار.. وهاد تحذير.. مشان ماتعيدها) تركها وهي عم تسحب نفس بصعوبة... صارت تبكي وتضرب وشها راما(انا الحق علي.. ليش هيك عم يصير معي يارب.. يارررربي) وصلت بسيارتها ع مكان جمعت صحباتها اتفقدت حالها ع مراية السيارة انتبهت دموعها نازعين الكحل.. مسحت وظبطت وجهها من جديد... حطت الابتسامة وفتحت باب السيارة... سلمت ع صبايا كلهن وسحبت كرسيه واخدت نفس اركيلة... (شو الخطة اليوم... شو رح نعمل..) سوزان (والله لحد الان ماقررنا عم نستناكي..) راما(شو رايكن نسافر ع لندن سياحة كتتير حلوي بهل الطقس) سوزان(فكرة حلو... دخليك رما مانك حاسي بالشوب بهل تياب.. كل مرة تيابك عم يطولوا اكتر) اتلبكت رما من هل سؤال شو تقلها انها عم تلبس طويل مشان تخبي علامات زرقا ع جسمها. والقهر ورا قناع سعادتها... رما(لا حبيبتي صايبتني بردي قوي.. مشان هيك بتعرفي).. سوزان(انتبهي ع حالك اكتر حببيتي.. شو سفرا ع لندن اي يوم رح تكون) راما(باي وقت بس انا بفضل بعد اسبوع احسن مشان نكون مجهزين حالنا) سوزان(بعد اسبوع بعد اسبوع...) هاي اخر محادثة الها مع رفقتها الي شافتها قبل ماتختفي عن الكل رما كانت عم تستعمل هل السفرا حتى تهرب من زوجها وحياتها مثالية..بعد ماظبطت امورها اخدت الشغلات البسيطة الي بس بدها اياها سحبت مبلغ متل كل مرة حتى ماحدا ينتبه ومجوهراتها كلهن .....حطت راسها ع مخدة اخر نومي بهل الجحيم .. اتذكرت جوزها كيف جن لم قالتلوا انو الي بحبها شقفت رقصة حقيرة.. وصارت تشتمها جوزها ماتحمل الكلام عن عشيقته وانهارح تخبر اهلو انو لساتوا ع علاقة

العضوة: 694206 , منذ 3 سنوات

وانهارح تخبر اهلو انو لساتوا ع علاقة معها..ماتحمل عقلوا هل الكلام وهجم عليها وصار يضرب ماتركها الي كان مخلص عليها من الضرب وترك بيت وقتها كانت غمياني... اجت الخادمة ااصبح شافتها ع الارض اتصلت باسعاف من وقتها بلشت تخطط لهروبها... صبح يوم الاخير الها في بلادها حبت تروح لعند اهلها الي التجأت الهن بس مااستفدت شي... بحجة انها اذا صارت مطلقة مارح تسلم من كلام الناس وابوها ماعندوا بنات مطلقات وجوزها الي صورتوا عند اهلها ملاك باختصار مالها مكان غير ببيت جوزها.... كانت كتتير متوترة اتفقت مع رفقتها انها تسبقن ع لندن... _--------_-----------------------------------------

العضوة: 694206 , منذ 3 سنوات

#الجزءالتاني اول ماركبت الطيارة وحلقت حست بارتياح كبير وعبئ انشال عنها كانت مقررة بس توصل ع لندن رح تغير اسمها ومكانها رح تكون راما كانها ماانخلقت ابدا.... اول ماوصلت اشترت شقة صغيرة عقدها... كانت سعيدة بمملكتها الصغيرة.. بس مكان متل لندن المصاري الي معها رح يخلصوا حتى لوكان مبلغ كبير... بعد مارتبت امورها حبت ضل فيها فترةاسبوع لانها متأكدة انو اهلها رح يقلبوا الدنيا عليها فكان فوتتها وطلعتها قليلي... بس للاسف ماكملت معها جوزها كان مرقبها من قبل ومعين ناس لحتى يرقبوها...كانت بالسوبر ماركت عم تشتري غراض بسيطة لبيتها... اول مافتحت الباب وشغلت الضوء... كان قدامها قاعد ع الكنبا وحاطت اجر ع اجر...

العضوة: 694206 , منذ 3 سنوات

مرحبا راما....) اول ماشافت وسمعت كلاموا وقعني الغراض من اديها..وصارت ترجف.. اجت بدها تتطلع من الشقة كان في شخصين جسدهم عريض ولابسين اسود..مسكرين الطريق.. (عمر... كيف.. امتى) عمر(انا من زمان..مراقبك يامدام.) صارت تلتفت بعيونها بدها تلاقي مكان لتهرب عليه مسكوها رجال الحراسة... وجروها لعندوا وقعت عند اجريه.. (مفكرة... بهل سهوالي رح تهربي مني... لاياروحي انتي مفكره .. دخول الحمام متل طلوعوا) مسكها من شعرها ورفعها لعندوا... عمر(بتعرفي انك هونتي علي... هلق بحسن خلص عليكي) راما(اعملها شو ناطر... اقتلني وريحني.. ياحبيب الرقاصة) سفقها كف ورجع مسكها من شعرها... عمر(بتعرفي شو رح نفذ طلبك.. وخلص عليكي.. بس قبل انتي طالق طالق طالق) مابتنكر انها انبسطت اول ماسمعت كلمات الي رح حررنها منو...بس حست عنجد رح يخلص عليها وقف ع اجريه وسحب حزام بنطلون.. وبلش فيها جلد..ضل يضربها ويرفسها لما عادت تحسن تتحرك قرب عليها دم معبي وجها..كانت خالصة.. قرب من ادنها وقلها (انا معي الضو الأخضر اني خلص عليكي... وخصوصا من ابوكي.. طلب مني نضف شرفوا..) كيف ضل فيها قوة مابتعرف ندهتلوا بصوت خفيف يقرب منها.. جمعت في تمها وبزقت بوجه... (حقير.. طول عمرك).. هجم عليكي متل الحيوان وصار يضرب باجروا ع بطنها لحتى ماسمعلا نفس... قرب من الحراس. . (شوفوا مكان تدفنوها فيه وارموها فيه.. الحقيرات الي متلها مصيرهن موت) ... سمعاني كل شي بس ماعم تحسن تتحرك كانت موجوعة كتتيير..حست فيهن لما حملوها.. بدها تبكي بس حتى بكا ماعم تحسن من الوجع..حطوها بالصندوق سيارة... ومشت سيارة فيها.. حست عليها انها وقفت.. هلق نهايتها رح تكون هيك رح تموت مدفونة تحت التراب... حست ع صوت غريب.. حملوها كل ماتقرب تسمع صوت ماي.. عرفت هاد نهر..بس ليش خالفوا اوامر معلمهن.. سمعت صوت سيارات الشرطة يمكن الحظ ضحكلها شوي... فجاة حست عليهن رموها فيه بارد بس ماحسنت

العضوة: 694206 , منذ 3 سنوات

باقي لبنات ما طلع معي لأسم اسفة نشالله تشوفو لقصة😗