بعد ما رجعنا عالبيت راحت السكرة واجت الفكرة 😩 حسيت حالي انضحك عليي ، اتطلعت ع حالي بالمراية لقيت نفس الحمار يلي بيطلع لتوم ب توموجيري .. حاليا رح مرقلو المقلب ، بس مستحيل مرقلو الشاورما ،، صفنت شوي وفكرت وصفرت ٣ صفرات لكيدي .. حتى يوقف معي بهالمحنة .. اجا جيش الكيد النسواني الانكشاري الخاص فيني لبى النداء 😎 حطيت شيطاني تحت باطي ورحت لعند جوزي قلتلو تعا تعا قبل ما تشلح تيابك شو رأيك نروح أهلك زمان ما زرناهن قلي : اي يله سابقك عالسيارة ،،، دقينا الباب اول ما فتنا فتحتلنا حماتي اهلت وسهلت بإبنها . بس وقت شافتني لوت تمها شمال ويمين متل أم زكي وعيونها عما تقول #الله_لا_كان_جاب_هالغلا 😒 قعدنا وسلمت على عمي ومحلانا ، حماتي فاتت عالمطبخ قال بدها تعمل كشكة للعشا ، مع انو بتعرفني ما بحبا 😒 انا هون استغليت الموقف بعتت مسج عالواتس للحجي كتبتلو فيه : يسعد اوقاتك حجي وبعتلو صورة جمعة مباركة مع حمامات عما تطير قلي : عرفني عن نفسك لو سمحت قلتلو : معجبة ❤️ مالقيتو غير فرفح قلبو للحجي وحك دقنو وسخسخ😂 صرخ صوت ونادى يا مرة جيبيلي مي فيها شوية سكر يمكن هبط السكر عندي قلت منيح ما قلتلو #بحبك كان انجلط من الفرحة وطلب حبة تحت اللسان 😂😂😂😂 رجعت قلتلو اكيد سهران مع الحجة رح روح ما بحب كون تقيلة دم ع حدا قلي : لك شو هالحكي ؟؟ مافي تقل دم اكتر من السمّاوية يلي عندي ااااه خليني ساكت احسن شي قلتلو : طيب شو عما تعمل ؟ قلي والله هلق الحجة عما تعمل كشكة كرمال ابني لانو بحبها كتير وكنتي معو فقلتلو : كرمال ابنك ؟؟ ليش مو كرمال كنتك كمان له يا حجي بعرفك ما عندك تفرقة قبلية 😂 قلي : لا والله بحبها كتير 😂 قلتلو : ولأنك بتحبها وما عندك تفرقة قوم وصيللا على شاورما اكسترا دبل 😉 قلي : دبللللليييين لعيونك .... اجت حماتي جايبة العشا ، قام عمي وقال لأبنو يا وليد قوم ع راس الحارة جبلها لمرتك شاورما دبليييين اكسترا واهلا وسهلا لك عمي .. حماتي قالت لشو دبلين ما دبلين .. ليش ما عاجبها الكشكة هالعينتين رح تصير من الاكل قاطرة مقطورة دبل كبين 😂😂 انا قعدت شياطيني يلي حوليي وجيش الكيد الانكشاري ، قلتهن قعدوا قعدوا طولو بالكن جاييها الدور ما رح مرقلا ياها والله اكلت الشاورما وعبيت بطني ولحوست اصابيعي و رحت عالواتس حظرت الحجي 😂 الحجي ما عاد تفسر وجهو واخد وضعية المصعوق 😅 رجعنا عالبيت ومسكت جوالي عملت شغلة وبلشت اضحك قلي جوزي شبك فارطة ؟! قلتلو : انشالله مفكرني هندية بريشة 😂😂 بمرق كلشي الا الشاورما مستحيل مرقها .. هيك هيك هيك عملت بالحجي .. حتى قبل شوي بعتت سكرين للحجة عن الكلام يلي حكالي عنها الحجي لكن انا بتحكي عني قاطرة مقطورة دبل كبين 😂؟! ......... جوزي اخد الجوال مني وطالع السيم كسرو بسنانو وبلعو ، واخر شي بتذكرو في شي خبط فيني وصار يدور براسي ٧ عصافير وبعدين غبشت الصورة وفقدت الارسال وشششششششششششش 💥ن💥💥 #بقلمي_المكيود #أم_اللول #جزء_2_ ويتساءل المراقبون من هو ثعلب في هذه القصه وربعي طلعو ثعالب وانا على نياتي بقلمي المتثعلب عليه ام اللول