الجزء الاول #
بجبروته و تكبره ، بغطرسته و قسوته ، لم يقدر على مجابهة عنفوانها و شغفها للحياة
هي لا تعرف اليأس ، لا تمل أو تكل من تحمل مسؤولياتهم ، لا يعرف الفشل لها طريقاً
إذا ما اعترضت طريقها المصاعب ، أشعلت نيرانها و ألهبت الأجواء ، لتتقدم الصفوف رافعةً راية انتصاراتها …………
…… : شو يا روح الماما ما بدك تاكل ، يلا لا تعزبني حبيبي
مممم ما دي (ما بدي)
…… : ما بدو ياكل الحلو ، شبعت يا روحي
ههههه ماما
…… : خليني اخدك غسلك و لبسك تياب نضيفة
لؤي : قمر وينك
قمر : ليكني هون عم غسل لكرم
لؤي : اي جهزيلي الحمام بدي اتحمم و اطلع على المشفى تأخرت
قمر: يلا ثواني
قمر : ماما كرم لا تعزبني ، يلا بدي لبسك و جهز الحمام لأبوك ، لك لا ترشني بالمي حبيبي
كرم : هههه مممي ههه ماما مي
قمر : هههههه لك خلص يا ازعر
لؤي : بربك قمر عم قلك اتأخرت على شغلي و انتي هون عم تلعبي بالمي ، طلعي و خدي كرم بدي فوت
قمر : يلا ثواني خليني لبسو كنزتو
يلا ماما ، خلينا نطلع حبيبي ، بابا بدو يفوت
كرم : با بااا
لؤي : اي بابا طلاع حبيبي يلا
قمر جهزي الفطور
قمر : اي رايحة جهزو
اخدت الولد و حطيتو بعربايتو جنبي و بلشت حضر بالفطور
طلع لؤي من الحمام، لبس تيابو و قعدنا نفطر على سفرة وحدة
قمر : لؤي بدي اخد كرم و نروح نزور امي اليوم
لؤي : أجليها لبكرا ، اليوم جاي ضيوف على بيت أهلي
قمر : مين هالضيوف
لؤي : في ناس جايين يطلبو أختي رندا، بتنزلي عند امي من بكير ، و بتشوفي ازا بدا مساعدة او شي ، لا تتركيهن ضلي جنبن
قمر : اي بدون ما توصي
لؤي : يلا انا رايح ، هات بوسة يا بابا
قمر : الله معك
بعد ما طلع لؤي رتبت السفرة ، اشتغلت شغل البيت
واخدت كرم و نزلت على بيت حمايي هنن ساكنين بالشقة اللي تحتي
قمر : صباح الخير مرت عمي
ام لؤي : صباح النور ، اجا حبيب تيتة ، تعا يا ستي
كرم : تااا. تااا
العضوة: 799516 , منذ 3 سنوات
@user-768521العضوة: 799516 , منذ 3 سنوات
@user-803942 @user-439426 @user-428676 @user-786697 @user-784979 @user-724645 @user-782632 @user-417063 @user-531883 @يأتعب السنين @user-764535 @لؤلؤة في محارة @user-790128العضوة: 428676 , منذ 3 سنوات
🏃♀️🏃♀️🏃♀️🏃♀️العضوة: 799516 , منذ 3 سنوات
ام لؤي : هاتي الولد يا قمر قمر: خدي مرت عمي على مهلك ، رندا جوا ام لؤي : اي عم تطبخ قمر : لكن فايتة ساعدا فتت على المطبخ لحتى شوفا ، كانت سرحانة و عم تضحك مع حالا قمر : رندا تعي لشوف ، مين يلي مطيرلك عقلك رندا : قمر اجيتي قمر: مزال عم تتبسمي معناها اكيد عماد رندا : اي عماد رح يجيب اهلو اليوم و يطلبوني ، ما عم صدق يا قمر ، مبسوطة كتير ، قمر : الله يبعتلك اللي فيه الخير ، نطرتو هاليوم كتير هاتي كمل الطبخة عنك و انتي روحي جهزي حالك رندا بنت حمايي الصغيرة ، بحبها كتير و بعتبرها متل اختي ، صارلها فترة عايشة علاقة حب مع زميل الها بالجامعة و بحبو بعضن كتير ، كانت على طول تحكيلي عنو و عن رجولتو و بالفعل طلع زلمة قد كلمتو و اجى طلبها ،اوقات كتير بتمنى انو كون مكانا و عيش حياتا ، بس ما تفكرو انو بغار منها لا ابدا ،على طول بتمنالها الخير ، بس كنت بتمنى لو انو كملت تعليمي و حملت شهادة لحتى افتخر فيها قدام زوجي لؤي ، هوي دكتور مشهور كتير ، حليوة و شخصية و على طول البنات بحومو حواليه ،بس لؤي شخص عملي و جدي و ما بيعطيهن وش او هيك كنت فكر المسا أجا عماد و عيلتو رحبنا فيهم كتير ، و كنا مجهزين كل شي بيلزم لاستقبالهن رندا : قمر خايفة كتير يصير معي شي او اوقع و اتفشل قدامهن قمر : ههههه شبك يا رندا ، اهدي ما حيصير شي كلا صينية قهوة رندا : تمسخري تمسخري ام لؤي : بنتي ليش تأخرتي فوتي ضيفي الجماعة راحت رندا حتى تضيف القهوة لعماد و عيلتو و انا كنت عم راقبا من بعيد كانت ملبكة شوي و خجلانة كان باين على الشب و عيلتو انن اكابر و حالن ميسور بس انا عيوني كانت على لؤي ، اي يمكن تستغربو انو كيف متزوجتو و براقبو متل المراهقات انا بحبو كتير للؤي جيزتنا كانت تقليدية و خطبتنا قصيرة و ما كنا نطلع فيها مشاوير لانو عيلتي محافظين ، صارلنا تلت سنين متزوجين و عنا ولد بس لسا بحس انو ما كسرنا الحواجز اللي بينا ، علاقتنا روتينية متل اي تنين متزوجين كل حدا فينا بيعمل واجباتو تجاه التاني ، لمن بشوف جلستو و هيبتو بينالعضوة: 799516 , منذ 3 سنوات
هيبتو بين الناس وسامتو ،طريقة حكيو و مناقشتو للأمور بغرق بعشقو اكتر و اكتر فتت اقعد بالغرفة انطر رندا لترجع و تحكيلي شو صار معن لؤي : قمر وينك قمر : لؤي هاد انت لؤي : اي جيبي الولد خلينا نطلع على البيت قمر : روحو الضيوف ، وينا رندا لؤي : اجو خواتي و فاتو سوا على غرفة امي حسيت حالي متل المنبوذة بهاد الموقف ، قد ما كنت قريبة من بيت حمايي و بناتهن و علاقتنا منيحة ، بضل بحس انو انا غريبة بيناتهن و ما فيني صير متل اختهن ابدا بضلني مرت اخوهن قمر : كرم نايم جوا ، رايحة جيبو لؤي : لحظة انا بروح بجيبو حمل لؤي الولد و طلعنا على بيتنا سوا ، كنت بتمنى لو مسكلي بايدي و طلعنا متل عيلة واحدة فتنا على البيت نيمت كرم على سريرو وفتت على غرفتنا ، كان لؤي متسطح على التخت و قاعد على جوالو قعدت على مرايتي مشطت شعري و حطيت مكياج خفيف ، قعدت جنبو على التخت و حاولالعضوة: 799516 , منذ 3 سنوات
ت احكي معو و اكسر شي من الحواجز اللي بينا قمر : لؤي لؤي : اي قمر : شو عم تعمل على الجوال لؤي : عم اقرأ عن حالة طبية قمر : طيب خليني اقرأ معك زهقانة لؤي : قمر لا تستلميني هلأ ، ماني فاضيلك قربت منو اكتر و مسكتلو بايدو حسيتو تدايق و سحب ايدو لف وشو على الجهة التانية و قلي : طفي الضو تعبان بدي نام يا قمر كسرلي بخاطري لمن عمل معي هيك بس عزرتو و قلت يمكن تعبان من الشغل انا كمان لفيت وشي ، طفيت الضو و نمت تاني يوم صحينا و بلشنا بروتينا اليومي المعتاد ، لؤي عم يتحمم و انا بجهز بالفطور سمع صوت جوالو عم يرن قمر : لؤي وينك ، شوف الجوال عم يرن يا لؤي يمكن مالو سمعان من صوت المي رحت انا لحتى رد مسكت الجوال ، كانت وحدة عم تدقلو اسما نيفين فتحت الخط و رديت لشوف مين هاي قمر : الو مين معي نيفين : انتي مين قمر : حضرتك داقة على جوال زوجي ، فيني اعرف مين حضرتك نيفين : قلتيلي زوجك يا بعدي ههههههه قمر : بتقولي حضرتك مين او بطفي بوشك نيفين : سألي زوجك بقلك انا مين سكرت الخط بوشها ، استفزيني كتير بوقاحتها لؤي : شو عم تعملي بالجوال يا قمر قمر : مين نيفين لؤي : مين نيفين قمر : عم اسألك لا تجدبها عليي ، مين هاي نيفين و ليش عم تتصل لؤي : ااه اي نيفين تزكرتها هاي مريضة عم تتعالج عندي قمر : مريضة عم تتصل عليك ، حاكتني بوقاحة و قالتلي سألي زوجك انا مين لؤي : حاااجتك شو عم تحاسبيني يعني ، انتبهي لنبرة صوتك لمن تحكي معي مريضة عندي و بتعاني من مشاكل نفسية هاي اخر مرة الك بترفعي صوتك بوشي عم تفهمي صرت ابكي من الأسلوب اللي حكاني فيه ، تركتو و رحت كمل بكي بغرفة ابني بعد شوي سمعت صوت طرق الباب ، عرفت انو طلع لبرا نقهرت من طريقة تعاملو معي ، ليش بكون منيح مع كل الناس و بيعاملهن بأسلوب منيح أما انا ازا حاولت حتى ابدي رأيي بيقمعني كنت عم ابكي لمن حس عليي كرم و صار يحطو ايديه الصغار على وشي صح هوي طفل صغير بس بيشعر فيني حملتو و اخدتو طعميه و حممو ما كان الي مراق اعمل شي بالبيت ، يا دوبني اهتميت بكرمالعضوة: 799516 , منذ 3 سنوات
بكرم ما طبخت ولا نضفت ولا حتى طلعت من البيت كسرة قلب مبارح و بهدلة اليوم ، انا ماني قوية كفاية حتى ما اتأثر و اتجاوز مشاكلي ببساطة و ما اهتم ، انا حساسة كتير و من أقل شي بتدمر نفسيتي و بيتزعزع كياني المسا رجع لؤي على البيت ما كان في اكل والبيت مكركب و انا لساتني حابسة حالي بغرفة كرم فتح لؤي باب الغرفة و شعل الضو و وقف يطلع فيني لؤي : شو قمر مرضانة شي تعبانة ، تعي اكشف عليكي انا ما حكيت شي اكتفيت بالسكوت لؤي : قمر احكي شي لا تضلي ساكتة ، شو اللي مدايقك قمر : بدك قلك شو اللي مدايقني انت مدايقني ، اسلوبك و تعاملك معي ، تصرفاتك ، مليت من هاي الحياة روتين روتين روتين ، ما عم تقبل تعطيني فرصة قرب منك و حبك متل اي تنين متزوجين لؤي : لك حاجتك جنان ، كبري شوي ، مانك منتبهة على حالك شو عم تحكي انا اصلا غلطت لمن اخدت وحدة صغيرة عمرا تنين و عشرين سنةالعضوة: 799516 , منذ 3 سنوات
سنة قمر : هلأ صرت غلطان لانو اخدتني صغيرة بس مانك غلطان تعطي ارقامك لمريضاتك المايعين و يتصلو عليك و يقللو من احترام زوجتك و انا مفروض مني انو اتقبل هالشي و ضل ساكتة لانو لازم كون واعية و مخي كبير و ما غار عليك مو هيك لا انا ماني هيك ، انا عمري تنين و عشرين سنة و بدي عيش على هاد الاساس لا تقتل الحياة فيني لؤي : قمر خلص اهدي ، ما تنفعلي حتى ما تخوفي الولد خلص نيمي الولد و تعالي على الغرفة اشتقتلك قمر : لك خلص حاج تستغبيني ، ماني لعبة عندك ما رح تسكتني هيك انت اصلاً ما بتتزكرني الا وقت بدك تنام ااخ عم تضربني كمان لؤي : خرسي و حاج تتواقحي انا زوجك عم تفهمي انا طالع من البيت و ماني رااااجع لك حتى القعدة بهالبيت بطلت تنطاق كرم صار يبكي على صوات صراخنا و مرت عمي طلعت تشوف شو صاير ام لؤي : شو عم يصير معكن ، لؤي كان نازل عن الدرج معصب و عم يحكي مع حالو قمر : ضربني و صرخ فيني و هلأ تركلي البيت و راح حاولت تهديني مرت عمي بس ما قدرت أصريت اخد غراضي و ابني و روح على بيت اهلي و طبعاً أهلي مانهن من النوع اللي بشجع البنت على خراب بيتا و بشد على ايدها امي لمن شافتني على الباب و حاملة ابني على ايدي و شنتاية تياب بلشت تبهدل فيني عن الباب ام قمر : لا تقليلي انو متخانقة مع زوجك قمر : اي امي بعديلي خليني فوت ام قمر : فوتي فوتي لنشوف اخرتها معك و مع اختك ، والله بدكن تجلطو لابوكن انتو ، يا مصيبتك يا زينب لمن فتت على البيت كانت اختي منال كمان بالبيت مع ولادها و اغراضها و الهيئة انو متقاتلة مع زوجها قمر : شو صاير معك انتي التانية منال : ادهم طلقني و حلف يمين الا يتزوج عليي ام قمر : صدق اللي قال همكن للممات فوتو فوتو انضبو بالغرف ليجي ابوكن و نشوف شو بدنا نعمل بهالمصيبة كنت بعرف انو ابي رح يعصب و يبهدلنا شوي ، لانو دقة قديمة بالتفكير و محافظ كتير مو شوي بس كان بدي لؤي يحس بغلطوالعضوة: 799516 , منذ 3 سنوات
حتى ما يتعامل معي بهاي الطريقة مرة تانية كان بدي يحترمني و ما يرجع يمد ايدو عليي لمن اجا ابي على البيت خبرتو امي انو انا و منال متقاتلين مع زواجنا نادى علينا ابي ليعرف شو صاير و جن جنانو و عصب كتير لمن عرف انو منال متطلقة و انا طالعة من بيتي بإرادتي ابو قمر : الله لا يعطيكن عافية ، من ايمتى اااه من ايمتى البنت بتطلع من بيت زوجا بدون ازن و بتحرد على خاطرها احكي ست قمر ، و انتي جاييتيني مطلقة ، شو اعمل بحالي شو يقولو الناس بناتو مالهن مربايين و ما بينسترو ببيوت قمر : ابي بس اسمعني ، لؤي ضربني كف و صرخ و عيط عليي و ما عم يحترمني ابو قمر : ريتو كسرها لرجلك قبل ما توصليني قمر : انا ماني راجعة حتى يعتزرلي عن اللي عملو معي ابو قمر : شو هاااد ،لااا انتو صار بدكن ترباية زمان ما اكلتو قتل مني زينب هاتي هالعصاية لهون منال : ابي بترجاك والله مو عليي الحق ، ادهم بدو يتزوج اخر فترة و لهيك طلقني ابو قمر : لك زينب يلاا امي بتخاف من ابي متلنا و ما بتتجرأ تقلو لا ابدا ، اصلا ابي ماسحلا شخصيتا ناولتو امي العصاية و صار يضرب فينا انا و منال قمر : ابي بترجاك خلص ما عاد عيدها اقسم بالله منال : اي والله ما عاد نعيدها ما سمع ابي لكل توسلاتنا بهديك الليلة و زرقلي جسمي من الضرب و طبعا منال متلي ابو قمر : من بكرا يا قمر بترجعي لعند زوجك و بتقعدي ببيتك و اياكي تعيدي هالتصرفات والا اقسم بالله بدبحك و انتي ولي منال بتروحي بتعتزري لزوجك و بتبوسي رجلو ازا لزم الامر لحتى يرضى عنك و يرجعك على زمتو عم تفهمو قمر و منال : اي ابي عم نفهم طلع يا ما احلى نار لؤي قدام جنة ابيالعضوة: 799516 , منذ 3 سنوات
كيف أواجه الحياة وحيدة ً ، وانا من قسى علي الزمان ، و استفردت بي الأحزان ، هل أضرب بجذوري أعماق الأرض لأستقيم في وجه التيار بثبات ، ليتني أستطيع ! تاني يوم من الصبح اخدت ابني و شنتاية تيابنا و رجعت على بيت لؤي ، ما كان في بايدي خيار تاني أبي رفض يستقبلني كنت حاسة بالزل و الإهانة ، صرت لوم بحالي ليش طلعت من البيت ، لو بقيت بالبيت ما نحطيت بهيك موقف ،هلأ شو بدي برر لؤي ، ما بقدر قلو أبي ضربني و رماني عليك وصلت باب بيتي ، تنهدت و فتحتو بالمفتاح اللي كان معي أول ما فتت سمعت صوت ضحك جاي من غرفتي رحت ركض و فتحت باب الغرفة شفت شي صدمني صدمة حياتي ، اخر شي كنت اتوقعو من لؤي لؤي و معو بنت نايمين على تختي بغرفتي ببيتي ،بوضع مخزي كتير شهقت و انتبهو لوجودي ما قدرت اعطي ردة فعل على الموضوع ، ما قدرت صرخ ولا بهدل لؤي: لك قمر شو جابك هلأ ………… اوووف خليني فهمك مو متل ما انتي مفكرة ما عملت شي ولا قرت انطق بحرف واحد أخدت ابني و نزلت على بيت حمايي و انا مذهولة من يلي شفتو رندا : قمر شو بك ليش هيك وشك مخطوف لونو و ما عم تحكي ام لؤي: يا بنتي احكي شو صاير معك ، تخانقتي انتي و لؤي من جديد ما كنت عم احكي ابدا ، مخي كتير مشوش بس عم اتزكر شكلن بغرفتي و صوت لؤي عم يقلي مو متل ما انتي مفكرة ام لؤي : اسم الله عليها البنت ،شو صايرلها ، رندا هاتيلي كاسة مي ركض جابتلي رندا كاسة مي و اجتالعضوة: 799516 , منذ 3 سنوات
رندا : قمر اشربي بعدما شربوني كاسة المي ، تجمعت الدموع بعيوني و صرت ابكي بصوت مسموع حضنتني مرت عمي هيي و عم تهديني ام لؤي : خلص يا بنتي مشان الله قطعتيلي قلبي عليكي رندا: لا تبكي قمر و فهمينا شو صاير معك لؤي: امي قمر هون ام لؤي: لك امي شو صايرلا للبنت ، ما عم تحكي شي ابداًبس عم تبكي لؤي : ما في شي امي هيي حساسة شوي بتعرفيها ، طلعو ازا بتريدو من الغرفة بدي احكي معها كلمتين اخدت مرت عمي الولد و طلعت مع رندا لؤي: قمر بما انو شفتي كل شي بعيونك ما رح كزب عليكي بعد هيك ولا رح بررلك الشي اللي صار قمر : اي كمل لؤي : البنت اللي شفتيها معي اسما نيفين ، بتكون حبيبتي من أيام الجامعة ، اهلا رفضو يزوجوني اياها لانو كانت محجوزة لابن عمها ، بس هلأ تطلقت قمر: و صار بدكن ترجعو ايام حبكن القديم ما هيك لؤي: قمر حاولي تفهميني ، انا و نيفين بيناتنا حب كبير كتير من سنين عم نتعزب ، و اليوم بعد ما رجعتلي ما رح ضيعها من ايدي ، بدي اتزوجا قمر : و انا و ابنك ، ما فكرت فينا لؤي: رح قلك بصراحة ، انا عشت معك تلت سنين بس ما قدرت حبك فيهن ، كنت عم قوم بواجبي تجاهك و تجاه ابني بس ما قدرت اتقبلك كزوجة بحياتي ، انا زلمة قلبي و عقلي مع مرا تانية بعتزر منك قمرالعضوة: 799516 , منذ 3 سنوات
قمر : اي و شو كمان لؤي : قمر بدي نتطلق ، رح اعطيكي حقوقك كاملة نفقتك و متأخرك و كل شي بس خلينا نتطلق بهدوء و بدون شوشرة و فضايح قمر : ما بدي منك شي ، بس بدي كرم يضل معي و لجهنم انت و نيفين تبعتك لؤي : بتحبي وصلك على بيت اهلك قمر : بدي ارتاح شوي هون بعدها بروح لحالي لمن يجي حدا و ببساطة يقلك ما عاد بدي اياك بحياتي و كنت عم اتحملك و جاملك لسنين مو اكتر مفروض انك تحس بالإهانة بس انا ما حسيت بالإهانة هالعضوة: 799516 , منذ 3 سنوات
المرة ، لانو تعودت على الإهانات منو استحقرتو و نزل من عيني كتير بس ما هاد اللي كنت عم فكر فيه ، كنت عم فكر وين بدي روح بحالي ، ابي المرة بموتني و ما رح يصدق انو ما دخلني فكرت كتييير و اخدت قراري قلتلو بدي اطلع جيب بقية تيابي و اغراضي و روح و بالفعل عملت هيك اخدت تيابي و دهبي و اشيائي المهمةو شفت شوية مصاري بالخزنة كمان اخدتهن ،و نزلت اخد ابني و روح ام لؤي : يا بنتي شو ما كان سبب المشكلة بينحل ، برضاي عليكن لا تخربو بيتكن و تضيعو هالولد قمر : صار اللي صار مرت عمي ، عطيني كرم بدي روح لؤي: رح اطلبلك تاكسي اجا التاكسي و حطيت اغراضي في و رحت الشوفير : لوين رايحين يا مدام قمر: شارع النصر عمارة الشيخ الشوفير : تمام وصلني الشوفير للعنوان اللي عطيتو اياه الشوفير : نزل الاغراض هون قمر : اي نزلهن وقفت على باب البيت دقيتو و استنيت الجواب …… : مين قمر : انا قمر افتحي يا منى فتحتلي منى الباب و لمن شفات الاغراض اللي معي سألتني منى : شو صاير معك يا قمر قمر : بدك تخليني واقفة على الباب ، فوتيني لقلك شو صاير معيالعضوة: 799516 , منذ 3 سنوات
منى : العفو منك ما تواخزيني ، بس ما توقعت شوفك بهالمنظر ، فوتي فوتي هاتي الولد عنك انا بنيمو جوا اخدت منى الولد جوا تنيمو و بعدها ساعدتني انو فوت اغراضي لجوا قعدت و قلتلها كل شي صار معي قمر : و هلأ ، مو انتي على طول كنتي تقولي بدك رفيقة بالبيت تساعدك بالاجار شوي انا جاهزة بتقبلي فيني منى : والله بتشرف فيكي ما بلاقي احسن منك ، بس عنجد زعلت عليكي انتي ما بتستاهلي هالشي قمر : انتي بتعرفي انو ما فيني الجأ لأهلي ، لهيك ما تقولي لحدا على مكاني والا ابي رح يجبرني ارجع لعند لؤي منى : ما بقول ولا يهمك منى كانت بنت بسيطة بتشتغل بالخياطة لتعيش حالها بعد موت اهلا و كانت تجي على بيت حمايي على طول و تبيعهن تياب من شغلها ، و انا تعرفت عليها و قويت علاقتي فيها و صرنا صديقات مقربات ، و اليوم انا لجألتها بمحنتي و هيي ما ردتني خايبة منى : انا رح بلش جهز بالغدا من زمان ما شاركني حدا بسفرتي ، انبسطت كتير انو فكرتي فيني و اجيتي لعندي ، انا ما كان قصدي قول هيك بعرف انو عم تمري بفترة صعبة ، بس عم عبرلك عن سعادتي فيكي قمر : جاية ساعدك ……………… عشت عند منى ببيتها حوالي شهر كنا نتقاسم كل شي الاجارات و الفواتير و شغل البيت و حتى الاهتمام بكرم كانت تحبو كتير ، كنت مرتاحة بهالفترة ما ضغط ولا في صراخ و عياط و مشاكل عايشة بهدوء و عم ربي ابني قمر : منىالعضوة: 799516 , منذ 3 سنوات
قمر : منى منى: اي قمر : انا لازم دور على شغل ، صارلي شهر هون و مصرياتي رح يخلصو و منها بلاقيلي شغلة اتسلى فيها منى : اي معك حق ، بننزل بكرا سوا نشوفلك شغل ، حتى انا صار بدي شغل تاني غير الخياطة هالشغلة متعبة و ما بتجيب دخل كتير قمر: و كرم وين بدي حطو منى: مندور على حضانة تكون منيحة و قريبة من هون قمر : خلص طفي هالضو خلينا ننام ، تعبت كتير منى : اي يلا تاني يوم نزلنا لحتى ندور على شغل بس لمن كانو صحاب المحلات يشوفو ابني على ايدي ما يقبلو يشغلوني ، و يتحججولي باي شي كانو خايفين انو صير غيب عن الشغل و اخد اجازات بحجة الولد منى توفقت و لاقت صالون نسائي قبل يشغلها عندو بدوام ليلي بس انا ما يأست و ضليت حاول قعدت يمكن اسبوع كامل و انا اطلع بالنهار و ضل لاخر الليل انا و عم دور على شغل لاقيت حضانة لكرم كنت حطو فيها لمن بروح دور على شغل و منى لما ما يكون عندها شغل ، كانت تطلع و تساعدني بالبحث على شغل منى: قمر ليكي هون في اعلان بدن موظفة مبيعات قمر : خليني فوت جرب حظي فتت على المحل ، كان ببيع البسة نسائية قمر : مرحبا …… : اهلا ، تفضلي بشو بقدر ساعدك منى : نحن جايين مشان الاعلان اللي برا ……: اي مين فيكن يلي بدها تشتغل قمر: انا