العضوة: 275918 , منذ 4 سنوات

‬‏‪١ وسام:هههه لعمى كتير صايرين قليلن ادب مهرا:اي من بعدك نحن وسام:لك حرام عليكن والله انا بخجل من هالحكي سامية:ومن وين جبتي تلات اولاد اه ليكون من الخجل وسام:يوووه هاد جوزي اجباري ماراح اخجل منو بس كلامكن ولييي مهرا:يعني تحممتي اليوم ولا وسام:لاا انتو خالصين  عنجد سامية:خلينا نسايرها اشلحي هالشاله لنشووف مبلول ولا لأ وسام:ههه فشرتي اشلحها بعدين محمد وصل يلا بكرة بشوفكن مهرا:التمسايه عندي ها وسام:اي خففولي هالعيار ..مضر يا روحي يلاا اجى لعندي مضر لبستو جاكيتو واطلعت وهنن عم يودعوني كان واقف محمد وابني جاد وبنتي فاطمة وسام:انبسطو عند التيته فاطمه:سألت عنك وسام:ههه كيفك حبيبي محمد:ساعه اتصالات وسام:لك بعدين لنتبهت محمد:ههه انبسطو واخيرا اجتمعتي فيهن وسام:هه اي بيضحكو صايرين محمد:شايفك مبسوطه كتير وسام:باين عليي محمد:حكيلي بابا شو حكيو النسوان مضر:ولاثي بابا وسام:ههه كان يلعب مع ولاد ساميه محمد:بدك تنكتي كلشي عندك وسام:ليش بتهتم محمد:بدي اعرف شو شكيتي لرفقاتك وسام:ههه اي مو عالطريق وصلنا للبيت كانت مسافه كافيه بين بيت رفيقتي وبيتي نيمت لولاد وغطيتهن ورحت لعندو كان عم ينطرني وسام:شو بلاقيك صاحي محمد:ههه اي ناطرك حابب اعرف سبب هالضحكه وسلم:لك زمان ما شفتهن وهيك خبروني اخبار حلوة

العضوة: 275918 , منذ 4 سنوات

محمد:بعرفك كنتي ناوية تكملي دراسه وسام:بس مهرا حكتلي صعب الدراسه ولولاد محمد:واتفقتو لاجتماع تاني وسام:يمكن ما روح محمد:ازا بدك بوصلك وسام:عندك شغل بكرى محمد:اي بس هيك وسام:ههه بتعرف هدول جانات رفقاتي محمد:ليش بقى وسام:بس بيضل سر محمد:هه لمين بدي احكي وسام:لك مجنونات طول السهرة بدهن يعرفو ازا شعري مبلول اولا محمد:ههه هلا هيك وسام:لك انتبهت بعدين شو بيقصدو محمد:ههه وشو كمان وسام:وكمان انو ازا بتخجلي من وين اجو ولادك محمد:ههه نهفه انتو النسوان وسام:هلا انا خجوله او محمد:لك هلكتيني لحتى صرتي متل ما بدي واقتنعتي انو هادشي طبيعي وسام:ههه لك شو بعرفني يمكن لانو تزوجت صغيرة هلا بسمع حكايا ولييي محمد:شو قليله شو تعزبنا لوصلنا لهون وسام:من وقت الي تخطينا مشاكل اهلك واهلي صفي راسنا محمد اي صح بصعوبه لقدرنا نتجاوزهن وسام:محمد عبالي اعزمهن محمد:اي يا عمري ايمتى ما حبيتي وكمان شو ما بدك جاهز انا من الغدا للتحلايه وسام:دخيل قلبك يا عمري محمد كم وسام انا عندي أه وسام:يي هادصوت مضر يمكن صحي محمد:هاد بحسو ضرتي ما بعرف ليش وسام:ههه طيب لا تنام رايحه شوف شو بدو يمكن بدو يفوت للحمام بتعرفو مدلل رحت بسرعه لعندو كان مغمض وعم يبكي وسام:شبك حبيبي شو بدك مضر:بدي روح للحمام ‏

العضوة: 275918 , منذ 4 سنوات

‪٢ وسام:صرت رجال ولسى بدك واحد ياخدك ولا فوق كل هاد علي صوتو اخدتو للحمام ورجعت لحتى نيمتو هلكت ورجعت لعند محمد والله عم يشخر اخ من حظي بعرفو ولهيك ما صحيتو خليتو مرتاح طفيت ضو الغرفه وتمددت حدو حطيت ايدي على خصرو وغفييت محمد:وسام يلا حبي يلا وسام:ههه صباحو محمد:تعالي سكري وراي وسام:ماشي بدك ترجع بكير محمد:راجع بعد الظهر ساعه وسام:طيب ماشي سكرت وراه الباب وبلشت رتب بالغرف والصاله لحد ما صحيو لولاد على خناق فاطمه:ماما تعالي شوفي جاد شد شعري وسام:يا ضراب السخن خلص جاد:انا بكره تطلع بوشي وسام:لا تطلعي بوشو فاطمه:بلا شو وسام:بدكن تخرسو ولا جيب الشحاطه مضر:جوعاان 😭 وسام وليش عم تبكي يا بعدي مضر:بدي بيض مقلي وسام:اي حاضر انا رحت للمطبخ عملت لفطور واجو ليفطرو قعدو قبالي كلهن الا مضر حدي وبحضني وسام:انت ولي دللتك فاطمه:هاد بس يكبر راح يضل هيك اجدب وسام:انت نقطيني بسكوتك جاد:ههه واع واع لصغير وسام:خلص حاجتكن مضر😭 وسام:حبيبي لاترد عليهن تهامسو جاد وفاطمة وضحكو وسام:ليش عم تضحكو جاد:ههه ماما ليش هيك صاير شكلك وسام:شبو ولاه فاطمه:انتي ماشفتي شعراتك وسام:يا مقصوفه الرقبه بدك دبح مضر:ماما طعميني وسام:من عيوني يا قلبي انت جاد:قلتلك نحن كماله عدد جابونا وسام:لا جبتك لتنكد علي عيشتي فاطمه:وانا وسام:ابوكي بدو بنت تحن عليه جاد:يعني مضرحبيبك بس وسام:كلكن بنفس الغلا بس مضر صغير فاطمه:ونحن وقت كنا صغار هيك كنتي تحبينا وسام:شي طبيعي كلكن ولادي ياريت تفتح المدرسه لأخلص منكن جاد:راح تخلص عطله الربيع ولسى ما طلعنا ولا سيران وسام:شو بدنا نعمل ابوك شغلو بالمطعم وهلا زحمه لانو الكل بيطلع رحلات فاطمه:انا بقنعو بحبني بموت فيني وسام:ايه بيطلعلك مضر:ماما بدي مي وسام:من عيوني يا روح قلبي زوروني وانافرطت ضحك  هيك كليوم نفس الموشح ع لفطور ولغدا طلعو يلعبو برا قدام البيت وانا رتبت المطبخ عملت القهوة وناديت ام حميد تقعد معي برا شربنا القهوة وولادنا عم يلعبو سوى.

العضوة: 275918 , منذ 4 سنوات

٣ ام حميد:اليوم بدنا نطلع سيران وسام:تتهنو ام حميد:قبل المدارس تفتح كيف شغل ابو جاد وسام:كتير منيح الحمد الله ام حميد:احكي معو يشغل حميد عندو وسام:مو بيدرس ام حميد:امبلا بس بالعطله وسام:اليوم بخبرو ام حميد:وين كنتو مبارح عند اهلك ولا اهلو وسام:لا عند رفقات الدراسه ام حميد:ههه الله عليكي بتحني لهديك الايام وسام:ههه كتير ام حميد:ئديش عمرك انتي وسام:٢٣ سنه ام حميد:بس مشالله تصرفاتك اكبر من عمرك وسام:تجوزت صغيرة وولادي مشالله صايرين بطولي ام حميد بيني وبينك احسن هيك وسان:اي احسن انا ما بهمني العمر بهمني انو ربي ولادي وكبرهن وافرح فيهن ام حميد:وابو جاد كبير ولا صغير وسام:ههه عمرو ٢٦ سنه ولاننا ولاد عم دغري تجوزنا بس ما بحس حالي الا بحضن اهلي ام حميد:هو حنون مشالله عنو وسام:اي وغير هيك كنا اطلقنا زمان ام حميد:قليله الي صار لحتى استقليتو وسام:شفتي بس الحمد الله الله نصرنا على كل مين حاول يفرقنا ام حميد:الله يخليلك اياه ويحميلك هالشمعات مشالله عنها بنتك صايرة فلقه قمر وسام:ههه تسلمي يارب ام حميد:يعني عدي سنين وبيندق بابها وسام:لا ما راح جوزها الا لتكمل دراسه وبعدها هي بتختار ام حميد:خير ما بتعملي ضبيت لولاد وقت راحت ام حميد وبلشت بتحضير اكله بيحبها محمد فاصوليا مع رز هي اكله مفضله عند لولاد كمان رجع هلكان من شغلو فتحتلو موضوع حميد وحكالي شوعليه وبعدهاراح ياخد قيلوله وانا رحت معو .مايا الحجازي. محمد:هيك نمتي مبارح ووسام:هه الي بيسمع بيسدء محمد:صحيني يا بنت الحلال وسام:شخيرك كان عالي محمد:اها بشخر كمان وسام:ههه ما تزعل بس قلت تعبان محمد:دخلك مضر وين وسام:عم يلعب مع اخواتو محمد:اقفليلي هالباب واناعم اقفلو صوت المسكه عم تنفتح محمد:مين مضر:انا محمد:شو بدك مضر:بدي ماما محمد:امك ماتت وسام:هههه محمد:روح انقلع ولاه وسام:بلا شو مضر:😭😭بدي ماما محمد:الله يلعن ابوك وسام:كملها محمد:😂😂 فتحتلو وحضنتو وسام:شو بدو حبيبي مني مضر:😭جاد ضربني واخد الطابه وسام:والله لالعن امو هالكلب مضر:😭بدي الطابه محمد:سكريلو هالمغارة صرعني وسام:بلا شو محمد:وسام خديه ولبرا بدي ارتاح وسام:ههه طيب ارتاح محمد:بس ما بسامحك ها وسام:شو طالع بايدي والحق ع جاد الي بكاه محمد:راح اعملو اللازم وسام:لا لا حرام لا تضربو محمد:لكن سكتي هالحمار

العضوة: 275918 , منذ 4 سنوات

‏٤ اعطيتو كيس شيبس وحطيتلو  ع افلام كرتون مضر بحياتي شي خاص غير انو لصغير بس مرض وحكولنا الدكاترة في فتحه بقلبو وحياتو مهددة بالخطر ولحد هلا ما سكرت وعلى طول بحس انو يمكن افقدو بأي لحظه من هداك اليوم معاد جبت ولاد حطيت لولب لاهتم ب مضر محمد بيحبو بس بنفس الوقت ما بيمزو عن اخواتو عندو فطومتو بالدنيا بحبها كتير ومضر من حصتي وجاد رايحه عليه عنجد بعد ما سكت سحبت حالي لراضي الزعلان ما كان نايم عم يشرب دخان وسام:بكره ريحتها محمد:ههه وين روح بحالي اه وسام:من مين حردان محمد:لا ولاشي بس كنت عم احسب شويه شغلات بدي جيب كم عامل جدد وسام:وكيف شغلك محمد:مشالله غير شكل وسام:دخيلو انا محمد:سكت غنوجك وسام:اي سكت محمد:ع فكرة صرت غاار منو وسام:ههه ناقصك انت غيرة محمد:لكن نمت بدون ماحس لحتى غفي الأفندي وهلا حرد وسام:هههه محمد:وسام وسام:عيونها محمد:صاير موت فيكي شو القصه وسام:ههه ابصر شو بدك مني محمد:ههه لا عنجد اليوم ما رحتي عن بالي وكل شوي قول ما بدها تمشي الساعه وسام:لهيك اخدتني بالأحضان محمد:هه مشان لولاد ومشانك بتخجلي من كلشي بس هلا اقفليلي هالباب وسام:مقفول محمد:ههه .......... عزمت رفقاتي على غدا وسهرة سوى ساعدوني بكلشي ضحك ومزح ولعب ومحمد ما رجع للبيت الا قبل تخلص هالسهرة اطلعت لودعهن وكان هلا جاي للبيت وسلمو عليه وفات لعندي محمد:هلا هدول رفقاتك وسام:اي محمد:امم حلوين وسام متجوزين محمد:ههه انبسطي وسام:كتير وين كنت محمد:قضيتها نص عند اهلك ونص عند اهلي وسام:خههه كيفهن محمد:اهلك هلا راجعين من سيران كانو واهلي بكرى طالعين سيران وسام:ههه جاد ونحن بدنا نطلع سيران خلصت العطلة بابا فاطمه:اي يا بابا يا بابا محمد:ولي على قلبي فطومتي تطلب مني طلب وارفضو لاا وسام:مشان شغلك بلاه محمد:وبلا ما افتح المحل يوم وين الغلط وسام:يعني محمد:جهزولي حالكن بلشو لولاد ينطو ومضر صار ينط معهن وحملتو دغري مضر:يا عيني ثيران جاد:ههه اسمو سيران فاطمه:الاهم نروح بابا بدنا نتغدا وجبات سريعه محمد:الي بدك اياه وسام:راح لاعبك بالمرجوحه يا قلبي مضر:ماما محمد:يلا لكن يا ولادع النوم وانت يا مدلل نام بين اخواتك بدون دلال مضر:ماما بدي ماما وسام:اتركو محمد انا بدي نيمو بحضني محمد:اي نيميه انا بدي نام تعبت وانا عم دور بالشوارع وسام:هههه.

العضوة: 275918 , منذ 4 سنوات

‬‏‪٥ نيمت مضر  غفي ورحت لعند محمد وعمل حالو نايم لف وشو للحيط وسام:اخر شي بتوقعو تحط عقلك ب عقل ابنك محمد:بحسو بجاكرني وسام:امم وبحس بتجاكرني ببنتك محمد:ههه وسام:انا بزعل ع جاد محمد:ههه منافقه انتي وسام:وانت منافق محمد:وليه انا منافق بدك كف هلا وسام:هه اضربني محمد:حاجتك شبعتك قتل اول ما تجوزنا وسلم:بس بتعرف كانت ايام حلوة رغم وجعها محمد:اي مو في حمار يصالحك وسام:ههه لا والله مو مشان هيك حلوة لمتنا ببيت حماي محمد:اي بعرف بس هيك اختصرنا الشر لا ابنك ضرب ابنها ولا هاد من هداك وعلى لعي فاضي وسام:ههه محمد:بدك تضلي بالبجامه وسام:ههه ليش دايقتك محمد:كتير كتير وسام:ههه صاير من المرة محمد:ههه بكرى منختير وسام:ههه اي يمكن محمد:الاهم نام مضر وسام:اي يقبرني محمد:😏😏 وسام:هه بحب غيضك كنت عم اركض ورا مضر ومضر عم يبعدعني لحد ما فات بغابه واختفى وسام:مضر...حبيبي لا تروح استنى حبيبي استنى مضر فزيت بأربعتي وانا عم اصرخ وسام:لا لا لا محمد:بسم آلله الرحمن الرحيم وسام:اعوذ بالله من الشيطان الرجيم محمد:شو صرلك وسام:منام يا محمد منام اعطاني كاسه مي وغمرني محمد:منام مو واقع وسام:مضر كان عم يبعد عني خايفه خايفه محمد:اهدي لا تبكي حملت حالي ورحت ل غرفه لولاد حطيت ادني على صدرو وسمعت دقات قلبو بوستو من جبينو ومسحت دموعي فيه وسام:الله لا يحرمني منك وتتعافى يا روح قلبي انت  الباب طالع صوت وشفت محمد واقف مبتسم محمد:اطمنتي عليه هزيتلو براسي حملت مضر وهو غفيان واخدتو لغرفتنا حطيتو  بيني وبين ابوه ومسحت على شعرو.مايا الحجازي. محمد ليش هيك خايفه عليه وسام:فجاة بعد عني خايفه ليروح محمد:تفي من تمك الله يشفيه الدكتور حكى ع وشك انها تسكر وسام:ولو قلبي مو مرتاح مو مرتاح محمد:سلمي امرك لله وسام:يارب احميه يارب محمد:هه بعدين بيشخر هالازعر وسام:بتحبو انت محمد:شو هالحكي قطعه من روحي هاد وسام:بحس انو ما حدا متلي بحبو محمد:يمكن لانك ام وانا اب بس وغلاتك عندي بحبو يمكن بتمنى موت ولا يمسهن سوء وسام:الله يحميك انت كمان معقول مجرد منام محمد:اي بكرى بالسيران راح ننبسط وسام:بلا هالسيران قلبي مو مطمن لشي محمد:لا بدنا نروح ونغير جو وسام:نام حبيبي محمد:وانتي نامي لا تفكري كتير.

العضوة: 275918 , منذ 4 سنوات

‏‮ ‬‏‪٦ هزيتلو براسي بوسناه ل مضر وغفينا حدو والصبح صحينا وهو عم يلعب بشعراتي ويبوس فيني محمد:دبحتها لامك مضر:هي ماما محمد:فهمنا انها امك وانا مو ابوك مضر:ماما بتحبني محمد:ههه مجنونه امك صح مضر:هي ماما محمد:ولي على هالعلقه مع ابنك لو لسانو كامل شو بدو يعمل وسام:بكرى بتشوفو محمد:صحيتي بشوفك وسام:ههه حدي مضر بدي اصحى هات بوسه محمد:ممنوع يبوسك عصبت هاا مضر:اموااح وسام:ههه اويلي ما اطيبها وما اطيب صاحبها كنت عم اتمايز لعيون البنيه الفاتحه ولرموش لكثاف السود والانف الحلو والتم الحلو والشعرات اويلي بعشقو انا .مايا الحجازي. محمد:اخ بس منك ومنو وسام:ههه ناوي ع السيران لسى محمد اكييد صوت الباب عم يندق محمد:فوتو فاطمه: مضر هون محمد :نام معنا جاد:العز للرز محمد:تعال نام انت كمان فاطمه:ههه نحن اكبرنا بس مضر صغير محمد:دخيلو الفهمان انا والي بيستوعب فاطمه:بابا نجهز حالنا محمد:لا بكرى منروح اليوم عندي شغل جاد:هي ما بتفهم مبارح باباحكى شي يوم موبكرى فاطمه خليت  الفهم والعقل الك وسام:ههه حاجتكن مناقرة محمد جهزيلي اواعيي وسام:حاضر راح عمل دوش وجهز حالو للشغل وانا طول لنهار عم ابكي خايفه ع ابني.

العضوة: 275918 , منذ 4 سنوات

٧ يوم السيران اغاني لولاد وصلت للمريخ لبسو جاد وفاطمه لحالهن وانا اهتميت ب مضر ومحمد جهز الاغراض بالسيارة وهلا دوري البست بنطلون اسود وبلوزة وفوقها جاكيت ولفيت شاله وحملت الشنته واطلعت قعدت حد محمد ومضر اجى لحضني دغري فاطمه:بابا جيبلنا بوظه محمد:من عيوني جاد:بدي اشتري طائرة ورقيه محمد:اي سجلو ع ورقه وانت سيد مضر مضر:انا بدي ماما محمد:لا حول ولا قوة الا بالله وسام:ههه وانا بدي اياك بس راح جيبلك لعبه بتجنن محمد:طالعين سيران ولا نتسوق وسام:على دور مضر هالحكي محمد:ههه مجنونه امكن يا ولاد فرطو ضحك كلهن وحتى مضر ودغري ضحكت ل ضحكتو وغمرتو وبوستو محمد:احم احم وسام:ههه محمد:الله يوصلنا باسلامه وسام:ياارب محمد:اخي حاتم طالع شو رايك نتفق ع مكان حلو ومرتب وسام:لاا بدنا نقعد بالحديقه محمد:خلص ع راحتك قضو لولاد طول الطريق وهنن يغنو( يا بابا دوس دوس الله يبعتلك عاروس حلوة وشقرا من طرطوس ما بتاكول الا مكدوس ) غفي مضر بحضني وغطيتو ووصلنا لهنيك جهزنا مكان ما قعدنا حطينا بطانيه ومخدات ولولاد راحو يلعبو مع مضر دغري قدام عيوني وانا عم راقبهن مبسوطه فيهن لحد ما وصل محمد وجايب معو اكلات طيبه وغدا وعصير اجو لولاد يركضو والتمينا مع بعض بلشنا بالاكل  تغدينا ورتبنا مكان القعدة انا ومحمد عم نتسلا بالبزر والشاي ولولاد راحو يكفو لعب ونحن عم نطلع ونضحك .مايا الحجازي. عليهن محمد:شايفه ما احلاهن وسام:الله يحميهن يارب محمد:مشالله فطوم كبرانه وسام:اي صايرة عروس محمد:بدها تصير تشبهك وقت تكبر وسام:ههه معقول محمد:مية بالمية وسام:وجاد مين بيشبه محمد:بيشبه اخوكي حسام وسام:ومضر مين بيشبه محمد:خهه هاد بقى بيشبهني وسام:اي صح كتير بيشبهك بالاخص لون لعيون محمد:يلا خلينا نجيب كمان بنت وسام:ههه والله حزرت انا محمد:يعني بكفي هاي طبق الاربع سنين مضر افندي معاد الا يروح للمدرسه وسام:خايفه عليه محمد:امم من شو وسام:راح يبعد عني يا محمد محمد:داومي معو وسام:ههه ياريت محمد:خليه يعتمد على حالو وسام:ههه بس بيضل صغير محمد:يعني ما بدك ولاد خلص وسام:لا راح شيل اللولب باخر الشهر منيح هيك محمد:اي ها هيك اخبار بتجنن بس بنت من هلا وسام:بلا شو ما اجى منيح محمد:بدي بنت انا وسام:قدم طلب ههه ما تسمعك حماتي لتجن محمد:ههه وبدي سميها ورد وسام:ههه محمد:يا ولاد.

العضوة: 275918 , منذ 4 سنوات

٨ اجو كلهن وهنن عم يضحكو فاطمه :شوفي محمد:ما تعبتو جاد:مو كتير محمد:طيب راح بشتريلكن بوظه مضر:بدي شعر البنات محمد:من عيوني جاد:وانا بابا بدي متلو محمد:طيب ماشي خليكن عند الماما اي وسام:مبسوطين فاطمه:كتير بكرى بس تفتح المدرسه بدي جاكر رفقاتي جاد:وهنن بيكونو رايحين وسام:مبسوط حبيبي مضر هز براسو وسام:ههه دخيل هالعيون شو بعشقهن جاد:نيالوو فاطمه:ههه  يامو جيبيلي اخت بدي العب فيها وسام:ههه اي لازم فطوم خانم مضر:وانا بدي بنت وسام:ههه اي سجلو طلباتكن جاد:انا مابدي غير تصيري تدلليني متل مضر وسام:هههه غمرتو ومضر غمرني جاد:حتى بهي ما بتهنى فيها وسام:هههه فاطمه:اجى بابا كان حامل الي طلبوه ولكل واحد بالون ولعبه صغيرة وسام:ههه وانا بدي لعبه محمد:ههه خلص بس نرجع الك عندي هديه وسام:ههه اكلو وفتحو العابهن سيارة ل جاد ولعبه ل فااطمه ول مضر رجل آلي لونو ازرق .مايا الحجازي. محمد:حاتم هلكني بدو يعرف وين انا وسام:ههه خبرو محمد:قلت بخبرك وسام:اي عادي منتسلى اكتر محمد:يلا لكن راحو لولاد كملو لعب ونحن كملنا حكي لحتى وصلو سلمنا عليهن وقعدنا ولولاد انضمو لولادي واجى مضر يركض لعندي وسام:شوفي مضر:بدي فوت للحمام وسام:طيب محمد:اقعدي انا باخدو وسام:متل ما بدك راحو ورجعو سوى سهير:ههه ولادك كبرانين وسام:هه زمان مو شايفيتهن حاتم:ههه اي يمكن كيف مضر وسام:الحمد الله حاتم:سكرت الفتحه يعني وسام:انشالله بتسكر سهير:بنت اخي كان معها متلها وسكرت الحمد الله عملولها تخطيط ومشالله عنها وسام:عنجد الله يسمع منكن محمد:الله كريم سهير:بدك تحطيه بالروضه وسام:هو لازمو روضه بس انا خايفه عليه سهير:وهي بنتي امل من جيلو وحاطتها بروضه عند سعاد  وعم تحكي اجنبي كمان وسام:والله؟خلص راح سجلو محمد:وانا هيك بحكيلها مشان يعتمد على حالو وسام:خلص انشالله شفت مضر وقع ودغري فاطمه حملتو وراضتو وابتسمت كتيرة حنونه الله يحن عليها حاتم:زورونا الليلة محمد:انشالله.مايا الحجازي

العضوة: 275918 , منذ 4 سنوات

٩ ضحك ومزح محمد وحاتم كل شوي يتناقرو على شي وبعدها قرر محمد نرجع للبيت هو وحاتم اخدو لغراض للسيارة وانا رحت لحتى لبس لولاد جواكيت دورت على مضر بعيوني وسام:وين اخوكي كانت عم تلبس الجاكيت فاطمه:هون كان من شوي وسلم:لك وين راح جاد يمكن لحق بابا وسام:البس بسرعه لروح شوف سهير:وين وسام:مضر يمكن مع ابوه خلي لولاد معك رحت  اركض بسرعه صرت فرجه للكل ودورت ع محمد وسيارتو كان عم يسكرها وبسرعه وسام:مضر معك محمد:لا تركتو مع لولاد وسام:لك مو مع لولاد يا محمد وينو بلش يتلفت حواليه دقات قلبي تجاوزت المليون واعصابي بلشت ترجف دخل للحديقه يركض وحاتم راح يركض من المدخل التاني وبلشنا ندور عليه رحت للحمام ودورت بين لولاد ووقت يأست بلشت اصرخ وسام:مضر...يا مضر...يا ماما سهير:لك ليش عم تصرخي وسام:ابني ابني ضاع سهير:طولي بالك هلا ببين لحديقه صغيرة وسام:ولي ولي على قامتي ولي وين راح الصبي مسكت البنت وبلشت هز فيها وسام:كان معك هلا شفتو معك فاطمه:اي كان هون ما بعرف وين اختفى وسام:وانت ما شفتو جاد:راح يلعب حد المرجوحه هون هون كان هو وامل اطلعت ب امل عم تلعب لحالها  لحتى رجع محمد وحاتم لحالهن وسام:وينو وينو محمد:ما بعرف مابعرف فص ملح وداب وسام:لك شو يعني حاتم:سالنا حارس الحديقه وحكا  كتير ولادطلعو مع نسوان ورجال وسام:لك والعمل محمد:حكا انو في مراة فاتت لحالها وطلعت مع مضر وسام:مع مين

العضوة: 275918 , منذ 4 سنوات

محمد:ولد لابس جاكيت بني وسام:بتقصد...ابني انخطف محمد:لك لا يمكن مو هو وسام:لك ليش مبرد قلبك ليش اه صرت دور بنفسي ورحت للحارس سالتو حكالي عن مواصفات المراة وما لمح الولد الا شو لابس وانا معاد فيني حيل بلشت ابكي وسام:مضر يا ماما ...لك مضر وبلشت اسال الموجودين عن مواصفاتو وشو لابس فكروني جنيت  لحد ما اجى محمد محمد:خلص خلص وسام:شو هو الي خلص اه ابني ضايع ضايع سهير:طولي بالك هلا بيلتقى وين بدو يروح وسلم:لك كيف غاب عن عيني مابعرف لساتني مراقبتو ياربي ياربي حاتم:محمد تعال معي اخدو على جنب ورجع. محمد:خلص راح رجعكن للبيت وانا بكمل تدوير وسام:لا والف لا ما برجع الا وابني معي سهير:الدنيا راح تعتم وسام:ما بتحرك الا ليرجع ابني عم تفهمو يا مضر مضر محمد:وسام فضحتينا خلص وسام:لك شو عم تحكي ابني ضايع وانت خايف من لفضيحه مضر ...يا مضر حاتم:هلا منبلغ الشرطه وسام:يعني خلص ابني راح راح سهير: بيلتقى خلص حاتم:اطلعو لوصلكن للبيت وانابرجع لعند محمد وسام:ما بتحرك عم تفهم محمد:حاتم خود ولادي وروح وانا بكمل تدوير مع وسام امرنا لله حاتم:طيب تعالو يا ولاد فاطمه:بدي اخي 😭 جاد:وين راح حاتم:خلصونا يلا

العضوة: 275918 , منذ 4 سنوات

‬‏‪١٠ عندو لولاد وما راحو الا لحتى صرخ فيهن صوت محمد وانا وياه كل واحد راح باتجاه وعم  نسال وندور وبالاخير عجزت قعدت بالارض وانا عم ابكي وسام:وين رحت كنت هون من شوي ...يارب يارب ابني يارب محمد:خلص يا وسام عتمت العين وسام:بدك ارجع بلا ابني محمد:بوصلك وبروح بقدم بلاغ وسام:لا لا محمد:خلصيني يلا هلا بجن عليكي ها وسام:روح لحالك انا من هون ما بطلع الا وابني معي عم تفهم محمد:استغفر الله العظيم ...الو وينك حسام...تعال انا بالحديقه...لك مضر ضاع وما بعرف شو اعمل ايديي مربطه ..اي لا تتاخر مشان الله كنت عم نوح وهو واقف فوق راسي وعم يطلع بالكل لحد ما اجى حسام يركض.مايا الحجازي. حسام:شو الي صاير محمد:مضر ضاع حسام:وين ضاع فهمني محمد:كان يلعب وفجاة فقدناه الحارس حكى لمح ولد لابس نفس لبسو وطالعه فيه مراةمن البوابه حسام:بتقصد مخطوف محمد:ما بعرف حسام:وقفي اختي ليش هيك عاملة بحالك وسام:هاد ابني يا اخي موغريب حسام:طولي بالك تعالي معي محمد:شو اعمل حسام:لازم تبلغ الشرطه وخلي الحارس يوصفلك المراة لحتى يتعرف عليها وسام:انا ما برجع الا وابني معي فهمتو محمد:لك يا مجنونه شو اعمل انا ...لك ويلي انتي وويلي ابني يا ناس يا عالم وسام:كلو  منك انا ما بدي اطلع سيران اخ يا ابني لك وينك بردان عم تبكي هو ما بحب ابعد عنو كيف  هيك كيف نزل لعندي حسام ورفع راسي حسام:وحدي الله خلص صرنا فرجه وسام:لك تعالو تفرجو انا ابني ضاع من بين ايدي هون لك ضاع يا ناس يا عالم محمد:سكتها احسن ما اطلع بروحها غمرني حسام حسام:خلص روقي روقي  التاخير مو لصالحكن محمد روح بلغ وخود معك الحارس وانابرجع مع وسام للبيت وسام:لك ما بدي بدي مضر بدي مضر هاد المنام المنام اي الي شفتو اختفى 😭😭😭😭 محمد بلش يخبط ايديه ببعض (حسبي الله ونعم الوكيل ).مايا الحجازي. حسام روح خلص انا معها محمد:طيب وصلها للبيت وتعال لعندي حسام:يلا ماشي راح محمد وراسي والف سيف ما بطلع وشحطني شحط حسام لبرا بلشت افتل بالشوارع وبالاخير طالعني بسيارتو غصب ورجعني للبيت فكرة انو ارجع بدون ابني خلتني هستر جن ع الاخر وقعت على طولي  قدام باب البيت واتاري كل العيلة دريانين وناطرينا حاتم وحسام مسكوني وفوتوني للبيت حماتي وماما وعمي وبابا.مايا

العضوة: 484595 , منذ 4 سنوات

تحمست ..كملي 😭

العضوة: 275918 , منذ 4 سنوات

‬‏‪١١ حماتي:لك كيف ضاع ابنك ماما:ولي عليي انا ولي عليي حاتم خلص يا جماعه المخلوقه مو متحمله حالها سهير:والله ليرجع سدءوني وسام:بيرجع صح سهير:طمني بالك خلص وسام:هههه اخ اخ وينو خطفوه لياخدو أعضائو ليش خطفوه ماما:كيف هيك غاب عن عيونك وسام:اختفى بالمنام يامو اختفى ياريت ما صحيت يومها ياريت حسام:حاتم تعال معي للمخفر  مع محمد مو عرفان يتصرف حماتي:ولي عليي عليك يا ابني ولي قعدت وبلشت هز بحالي لحتى اتونس وكل شوي اضرب على ركبتي ماما:وحدي الله وسام::لا اله الا الله فاطمه:يعني مضر ما بقى نشوفو حماتي:تفي من تمك ماما:طولي بالك يا بنتي ازا الو نصيب بيرجع وسام: سهير خدي سبحي واستغفري مسكت المسبحه وانا عم استغفر وكل شوي ينهمرو دموعي لحد ما سمعت هديك الجمله حماتي:لانو مريض يمكن ضاع لحتى ما تدوقو نار موتو وسام:شو عم تحكي انتي ابني مافيو شي ماما:خلص وسام وسام:لك ليش عم تحكي عن ابني ليش يعني منيح انوضاع شمتانه يا بعدي حماتي:ما قصدت هيك وسام:امبلا شمتانه كلكن شمتانين كلكن بابا:خلص يا بنتي عمي:اتركوها هي منفعله مشان ابنها زورت الكل وكملت بقلبي(يارب انت عالم بحالي يارب رجعو لحضني يارب امتحني بكلشي الا فيه يارب انا بعرف انو هاد امتحان لصبري يارب بردلي قلبي يارب يارب رجعو الي يارب) رجع حسام وحاتم وكانو نازله عليهن مي باردة وقفت بسرعه رحت لعندن وسام:شوصار حسام:حطينا خبر بالمخفر وسام:وين محمد حسام:رجع للحديقه يسال وسام:كانت باطلة ومحوله ساعه الي رحنا سهير نصيبو وسام:لاتقولو هيك عم تفهمو انقلعو لبرا انقلعو انا ما بدي حدا ما بدي ولاحدا حاتم:يلا سهير جيبي لولاد .مايا الحجازي. ماما:لا تردو عليها حاتم:ما زعلنا بس خليها ترتاح فلو كلهن وبقيت بس حماتي وماما وسام:يا لطيف ويا لطيف هيك قضيتها بالمسبحه لحد ما انفتح باب البيت ورحت اركض شفتو داخل لحالو مهدود حيلو ضرب الباب واطلع فيني وسام:ما لقيتو هز براسو وسام:شو حكولك بالمخفر محمد:بيصير خير وسام:ويعني يعني خلص ابني راح محمد: حماتي:ولي عليي عليك يا روحي انت والله ما بتستاهل غمرتو حماتي وشفتو مسح دموعو وانهرت بالبكي ماما:طولي بالك يا بنتي وسام:لك ااااخ من وين بدي طولو لبالي ابني مو معروف وين لا بارض ولا بسما ياريتو مات ولا ضاع ياريتو مات فاطمه:😭😭لا تحكي هيك يا ماما جاد:ماما

العضوة: 355145 , منذ 4 سنوات

كملي 😭