مال الشام
#العفاريت_بقلم_مال_الشام
الجزء الأول - الثاني - الثالث - (الرابع بمنشور جديد)
على الإشارة وظيفتي احمل شقفة قماش و مي ... اول ما تقفل الإشارة بركض انا و رفقاتي ومنبلش مسح بلور وشبابيك السيارات
ومناخود أجرتنا قبل ما ترجع تصير الإشارة خضرا
شغل بدو تركيز و دقة بالمواعيد ، وعينا على حالنا عم نشتغل هيك .. ما عرفنا ليش وما كان معنا وقت نسأل .. من طلوع الشمس
مننتشر بالشوارع و مع غيابها منرجع مهدودين من التعب والركض كل النهار
كل الي لازم نفكر فيه ونحسب حسابو ... انو نرجع وبأيدنا المبلغ المطلوب وإلا نمنا بدون عشا مع شتم وضرب واساءة ... بالنسبة ألي
ً كنت ارجع بمصاري كتيره
كنت المفضلة عند عاصم لانو دائما
بنت صغيرة بملامح بتفيض بالبراءة ... تياب بتكشف اكتر ما تستر... و بشرة محروقه من الشمس، عيون زرقا و شعر بني كثيف ملفلف و
متناثر على جسمي بشكل عشوائي. ... ما كان يتطلب مني الموضوع اترجى كتير اواحكي كتير .. نظرة العيون التعبانه لحالها بتخلي الي
بوقفو يدفعلي بدون تردد وبكل حب ورضى ..
العضوة: 694206 , منذ 3 سنوات
اسفة طولت عليكون بس ولله وقتي ديق كتير ..وكنت عم اتعشااا وشووو عشا عشا مابيتفوت شتهيتكون معي عملت محاشي باتنجان وكوسا ..ههه جوزي لي طبخ وانا لي أكلت😂العضوة: 694206 , منذ 3 سنوات
كنت واقفه على الإشارة عم اتطلع بالسما ... الشمس ساطعة كتير وحاميه كتير .. بلش وشي يتنفخ ويصير أحمر ... ماهر : أرجوان صرتي متل حبة البندورة هههههههه ما قدرت اضحك ... تطلعت فيه وبلشو عيوني يلمعو من الدموع الي تجمعت فيهن .. قرب لعندي باستغراب : عم تبكي ؟؟؟؟ أرجوان : تعبت ... حاسه اليوم ما رح اجمع مصاري منيح خايفه ماهر : مستحيل .. لسه النهار بأولو وانتي ما بينخاف عليكي يلا شدي حيلك واشتغلي منيح .. هزيت براسي وقبل ما اخود نفس دفشني ماهر لانزل بين السيارات لانو الإشارة صارت حمرا .. ركضت بشكل تلقائي وبلشت امسح بلور سيارة سودا مبينه فخمة كتير وفيها بنت ، مع الأيام بهل شغل الواحد بتعلم الأصول والقواعد والقاعده بتقول سيارة فخمة زائد بنت بداخلها .. يعني كنز بعد ما خلصت مسح نقرتلها على الشباك مشان تفتح وتعطيني مصاري ، بس هي تجاهلتني .. عقدت حواجبي و دقيت على شباكها بقوة اكبر .. نزلت الشباك وتطلعت فيني بملل : نعم ؟؟؟ أرجوان : مسحتلك السيارة يا خانوم .. ً هي : ما طلبت منك تمسحيها ، بعدين انتي وسختيها ما نظفتيها .. ايدك الي كلها جراثيم ابعديها عن سيارتي فورا فتحت الإشارة و مشيت السيارات وانا عم الحقها للمغرورة واشتمها بألفاظ بشعه .. رجعت قعدت على جنب وطلعت المصاري الي معي بخوف وبلشت عدهن ... اليوم تعبانه كتير وما عم اشتغل منيح .. ماهر هو الولد الي اكبر مني بخمس سنين عمرو 15 سنة ومشرف علينا بهاد الشارع بلشت تخطرلي افكار غريبه انو اشتري علبة عصير باردة مشان سد عطشي و خفف حر الشمس عن حالي ، لغيت الفكرة بس شفت المصاري كتير قلال .. بعد ساعه غلبتني الوساوس و فتت بالسر على سوبرماركت صغير اخدت عصير و رحت مشان حاسب عليه ... رفض صاحب السوبرماركت ياخود مني شي فرحت كتير وسحبت بسكوته وابتسمتلو و ركضت .. كنت متوقعه يعصب علي بس بالعكس بادلني بابتسامة مريحه انزويت بشارع لحالي بين الزواريب ورا اكياس الزبالة وبلشت اشرب العصير ... بسحبه وحده كانت خالصه .. باردة كتير متل قطعة التلج !! شربتها بدون حتى ما اخود نفس واحد ! اكلت البسكوته و طلعت بنشاط اكبر وكملت شغلي ... ومع غياب الشمس سلمت عاصم المصاري الي معي ولما عدهن كان واضح على ملامحو عدم الرضى ... سبقتو واعتذرت بخوف : انا اسفه بس عاصم : اليوم ما الك عشا انقلعي أرجوان : انا جوعانه ، بعوض بكرا بجيب الضعفالعضوة: 694206 , منذ 3 سنوات
أرجوان : انا جوعانه ، بعوض بكرا بجيب الضعف عاصم : قلتلك انقلعي أرجوان : مشان الله معلم صرخ ولد من وراي : معلم أرجوان جابت مصاري قليله لانها سرقت .. انا شفتها عم تفوت على سوبرماركت وتشتري منو ... شفتها بعيوني ... وهلأ بدها تتعشا كمان .. هجمت على الولد وصرت شدو من تيابو وهو يدفشني والاولاد ً فتحت عيوني على وسعهن وصرت عيط عليه وانكر الحكي تماما حوالينا يهتفو مع بعض ( علقت .. علقت ... علقت .. هااااااااااااااااااااااي ) صرخ عاصم فينا وبصوت واحد جمدنا بأرضنا وانا قلبي صار يخفق بسرعه من الخوف عاصم : عم تسرقيني ؟ أرجوان : لا معلم كزب ... ً يحمل بايدو عصا خيزران طويلة ، لابس شيال ابيض رايح لونو على السواد مع سروال قصير ... صار يلوح بالخيزرانه بالهوا كان دايما وصوتها يرن بأداني .. عاصم : ماهر !!!!!!! ركض ماهر لعندنا : نعم معلمالعضوة: 694206 , منذ 3 سنوات
عاصم : أرجوان غابت مكانها شي ؟ ماهر : _ _ عاصم : احكي ولك ماهر بتردد : أي .. بس ... بس يمكن راحت للحمام عاصم : للحمام قلتلي ... مسكني عاصم من شعري و صار يشدني ويصرخ بوشي بريحتو الكريهة وبصوت العالي .... وانا صرت العن الساعه الي ضعفت فيها ً موجودين وعم يراقبو .. ف كانت غلطتي غبية كتير وبستاهل العقاب بس للأسف كان وكسرت القوانين مع اني بعرف انو الفسادين دايما عقاب بدون رحمة وفوق طاقة تحملي .. طلب عاصم من ماهر يكمل جمع المصاري وسحبني انا لغرفة العقاب ، الغرفة الي تعودنا انو الي بفوت عليها ما بيطلع لتاني يوم ... بدخل ً نسأل بعض وقررنا اخر شي انو مريض وبس .. انسان ... وبطلع مريض ... مريض بشو ما منعرف بس دايما ما سبق وتخيلت ادخل هي الغرفة بيوم ، بس دخولي عليها كان شر لا بد منو ... و الواضح انو مو بسبب خطأي .. بس لانو عاصم كان عندو رغبة بهل شي واستغل اول غلط لينقذ رغبتو .. فوتني على الغرفة ورغم كل توسلاتي و اعتذاري بس ما في شي قدر يشفعلي ، وبهديك الليلة اكتسبت وشم على كتفي اليسار دام وجعو لأيام ... و دامت أثارو لسنين ... ومتلي متل الي قبلي طلعت من الغرفة انسانة تانيه بعد ما شفت الموت بعيوني ، وبعد ما عانيت من وجع فوق طاقة تحملي .. صرت عدائية اكتر .. انطوائية اكتر ... اكلي قل كتير ... و ماهر كان يحاول يتوددلي ويعتذر لأن حس بالذنب انو ما غطى علي بس انا كمان كنت حاقده عليه وعلى الولد الي فسد عني .. بس ضليت عم راقبو لقدرت شوفو عم يخبي جزء من المصاري ببنطلونو من جوا ... و رديتلو الضربة بنفس الموقف و شاف نفس الي انا شفتو بنفس الغرفة مع هيك ما برد حقدي عليه .. مع الأيام قدر ماهر يكسر الحاجز الي بيني وبينو ... كان يغطي علي كتير وما يرفضلي طلب ... حتى وصلت فيني الأنانية للحظاتالعضوة: 694206 , منذ 3 سنوات
طلب ... حتى وصلت فيني الأنانية للحظات كنت اتكاسل اشتغل وبنهاية اليوم اطلب منو يعطيني المصاري الي كسبهن مشان كمل المصاري الي معي .. ماهر : بس أرجوان : خلص معك حق ، اصلا انا ما لازم اطلب منك هيك طلب انت مو مجبور تتحمل العقاب عني ماهر : لا مو هيك انا ما بدي ياكي تتعاقبي نزلت عيوني بالأرض وحاولت نزل دموعي : انا بس خايفه من هديك الغرفة قرب لعندي بحنية : ما بدك تحكيلي شو فيها هديك الغرفة ؟ أرجوان : لا ما فيني قلك ! ماهر : طيب طيب .. خلص ما تخافي .. خدي هاد كل شي طلعتو اليوم أرجوان : كلهن ؟ ماهر : ايه خلص خديهن كلهنالعضوة: 694206 , منذ 3 سنوات
بسرعه البرق وبلشت غير موقعي بشكل يومي واتقاسم المصاري انا وماهر .. كنا عم نتعلم اكتر واكتر ونصير محترفين بالتسول والنشل والسرقه والاحتيال صار ماهر كل شي بالنسبه الي ، يحميني ويطلعني من المشاكل الي بوقع حالي فيها ... وكان مستحيل يخليني نام جوعانه حتى لو بيتقاسم وجبتو معي آخر الليل .. قربنا من بعض وعلاقتنا كانت شي نقي كتير ونظيف وسط كل القذارة الي عم نعيشها ... بلشنا نكبر سوا ... ونتعلم سوا ... ونقوى ببعض ... بعد اربع سنين .. لما صار عمر ماهر 19 سنة وانا 14 .. كنا عم ً كنا بالليل لما الكل ينامو نطلع على الأسطوح ونقعد سوا .. وبليلتها اعطاني وعد خلاني احلم بحياة جديده ومختلفه تماما نتقاسم وجبة العشا مع بعض والقمر مكتمل والسما صافيه ... مرقت نسمة هوا باردة وقوية ... ماهر : شوفي شو جبتلك لما تطلعت لقيت بأيدو سلسال دهب .. شهقت باستغراب وحملتو بين اصابعي : هاد دهب ؟ ماهر : ايه دهب أرجوان : ازا عرف عاصم انك مخبيه عنو بيقتلنا ماهر : بس هاد انا جبتو هدية الك أرجوان : من وين سرقتو ؟ ليش ما حكيتلي ؟ ماهر : ما سرقتو ضربتو بقوة على بطنو : بدك تكذب علي ؟ ماهر : والله ما سرقتو اشتريتلك ياه أرجوان : عم تحكي جد ؟ ماهر : خليني لبسك ياه أرجوان : لا انت بدك تروحنا بمصيبه ماهر : بس هلأ البسيه وبعدين منخبيه كان نفسي كتير جربو لهيك وافقت .. حطلي ياه برقبتي وقلي انو طالع كتير حلو علي .. ماهر : بتعرفي شغله أرجوان : شو ؟ ماهر :رح اتجوزك أرجوان : تتجوزني ؟ ماهر : لك ايه اتجوزك متل كل العالم الي بيتجوزو أرجوان : مممممم ليش بصير ؟ ماهر : ما بعرف بس ليش لأ ؟ أرجوان : يمكن ما بصير ... ماهر : بس انا بدي اخدك من هون ... بدي نتجوز ونعمل عيلة ونجيب ولاد أرجوان : ههههههههههههه ماهر : هههههههههههههالعضوة: 694206 , منذ 3 سنوات
ماهر : ههههههههههههه ضحكنا كتير لدرجة خفنا يسمعو اصواتنا ... شلحت السلسال و اتفقنا نخبيه تاني نهار ، بس نزلنا ننام بلشت فكر بحكيو ... وصارت تلمع الفكرة براسي و الاحلام تتسابق لمخيلتي ماهر كان أكبر ولد بيناتنا ...... وكان عاصم يعطيه كتير مهام ويوثق فيه لانو هو الي رباه ... بلش عاصم بالفترة الأخيرة يحكي لماهر انو بدو يصير معلم و هو اختارو بشكل خاص ليعطيه مهمة كبيرة ما اعطاها لحدا من قبلو ... كان ماهر يجي يخبرني شو بقلو عاصم هو و مبسوط وفخور انو مميز بس انا كنت مخنوقه كتير وخايفه و اعترفتلو انو ماني مرتاحه .. بس كان يطمني بثقة ... وبلش عاصم يقرب ماهر الو ... و يخليه يجمع المصاري منا اخر كل نهار .. ويوزع الوجبات ويعاقب الي بخالفو القوانين ً وضل الشخص الحنون ومصدر الامان بالنسبه الي .. صار يتعشا كان عم يصنع منو شخص بيشبهو بس مع هيك ماهر ما تغير علي ابدا ً مع عاصم دجاج ولحمة و يحاول يجيبلي شي معو وازا ما جاب يقعد يحكيلي عن طعم هدول الأكلات وكيف عاصم عم يكرمو يوميا ويهتم فيه وبليلة عادية متل الي قبلها .. كنا متواعدين نلتقي على الاسطوح .. طلعت وما لقيتو ... نطرت كتير وما اجا .. نزلت لتحت ومشيت على روس اصابعي بين الي نايمين .. كنا ننام كلنا بمخزن كبير كتير ... وصلت لمكان نوم ماهر و لقيتو لسه نايم ... و مثلت انو نايمة وجسمي كلو ً صحيتو كتير بس ما تحرك ... انتبهت انو في ضو خافت بالغرفة وحدا جاي باتجاهنا ... رميت حالي فورا عم يرجف ..العضوة: 694206 , منذ 3 سنوات
كان عاصم عرفتو من ريحتو ... حطيت ايدي على تمي وغطيت وشي بشعراتي .. بلش يتهامس عاصم ومعو شخص تاني (( - شيلو شيلو - طفي الضو الي معك وساعدني - ما بدي حدا ينتبه علينا - لا تخاف كلهن نايمين متل الأموات ، بعدين الي بشوف وبيحكي منشيل عيونو مشان ما عاد يشوف )) حملو ماهر اخدوه وطلعو من المخزن ... ضليت نص ساعه على نفس الوضع وما تحركت من الخوف .. بعدين التفتت وتأكدت انهن اخدو ماهر معن .. كان قلبي من جوا عم يرتعش طلعت من المخزن ورحت باتجاه غرفة عاصم ، كان الضو شغال بالغرفة وبدي اعرف وين اخدوه .. ً 1 بالليل وما في الا صوت كلاب الشوارع عم تنبح ، تطلعت من الشباك ما لقيت حدا بغرفة عاصم ... كنت بدي ارجع على الساعه تقريبا المخزن بس سمعت صوت جاي من غرفة العقاب .. مشيت لهنيك و تأكدت انو عاصم موجود جوا لما سمعت صوتو ... كتمت انفاسي وحاولت اتصنت واسمع شو عم يحكو .. كان في اكتر من صوت واكتر من شخص .. (( عاصم : رح تشتغل معنا كتير لهيك لا تطمع فيني ما رح اعطيك المبلغ الي طلبتو - غيرك بيدفع ، شوف حدا تاني يشتغل معك * طولو بالكن يا جماعه خلصونا هلأ وبعدين منتفق على الدفع عاصم : طيب بعطيك هاد المبلغ على الراسين .. مو لشخص واحد - ما بناسبني .. المخدر و المعقم لحالو بكلفني مبالغ كبيرة * معلم عاصم خلص اسماع مني رح تطلع دهب من ورا هالشغلهالعضوة: 694206 , منذ 3 سنوات
ما بناسبني .. المخدر و المعقم لحالو بكلفني مبالغ كبيرة * معلم عاصم خلص اسماع مني رح تطلع دهب من ورا هالشغله عاصم : طيب ... بلش شغل يلا - رح تضلو هون ولا بتطلعو ؟ عاصم : منضل نساعدك مشان ازا صحي هاد البهيمة - لا ما تخاف ما رح يصحى لتاني يوم عاصم : يعني ما في داعي لوجودنا ؟ - يفضل تتركوني اشتغل برواق لحالي عاصم : طيب شي ساعه وبرجع منستلم الشغل نظيف )) ً من ركضت للجهة التانيه و تخبيت بالأرض ... انفتح الباب وطلع عاصم هو والي معو عم يحكو عن السعر والمصاري ... بس غابو تماما المكان رجعت لعند الباب ... وتطلعت من ثقب المفتاح كان ماهر ممدد على السرير وعندو شخص اول مره بشوفو ومعو ادوات غريبه ... قبل ما افهم شي كنت خايفه ، بعرف انو في سبب قوي لازم خاف مشانو بس شو هو ما فهمت لبعد دقايق ... لما بلش الشخص الي جوا يشتغل ... فكرت حالي عم اتوهم او بكابوس ... ً بس كان عم يقطع رجلين ماهر والدم عم ينزل بغزارة ، وماهر ما عم يتحرك ابدالعضوة: 694206 , منذ 3 سنوات
مين متابع 🤔العضوة: 694206 , منذ 3 سنوات
مرحباااااااا هل من احد هنااااااا 😂العضوة: 694206 , منذ 3 سنوات
#العفاريت_بقلم_مال_الشام الجزء الثاني ما قدرت اتحمل الي عم شوفو اكتر من هيك ... حسيت صوتي اختفى ما قدرت صرخ ... كنت جبانه كتير لدرجة تخليت عن الانسان الوحيد الي اعطاني حب و امان و رعاية هربت وتركتو يواجه مصيرو ورجعت ارتميت بمكاني و صرت ابكي واشهق ، مع طلوع الضو بلشو الكل يجهزو حالهن لنطلع .. و بلشو يدورو على ماهر مشان نطلع معو على الشارع كل الليل كنت اتمنى يرجعوه بدون ما يكون فيه شي ، بس وقت فات عاصم الصبح وقلنا نروح على شغلنا .. ومسك ولد اسمو وليد كان الاكبر بعد ماهر .. قلو يشرف علينا اليوم لان ماهر عندو شغل طلعو الكل وبقيت انا قاعده بالارض ما قدرت اتحرك ولا وقف على رجلي ، رجع عاصم ليتفقد المخزن انو فضي وشافني قاعده بمكاني .. عاصم : وليه شو بعدك عم تعملي هون ارجوان : _ _ _ عاصم : قومي بسرعه قبل ما خلي الخيزرانه تاكول جنابك يلا رميت حالي على الارض وصرت ابكي بصوت عالي (( ما بدي روح ما بدي روح )) عاصم : على كيفك لأنو !! مين مكبر راسك .. صبري الو حدود بدي ارجع اندفس انقبري اطلعي يلا تابعت بكي بدون ما جاوبو ... وبعد دقايق بلشت حس بعصا الخيزران عم تقطع جسمي تقطيع ... وصرت اصرخ بصوت عالي مو من ً وما كان عندي الجرأة اسأل عن اي شي .. الوجع بس لان منظر ماهر ما عم يروح من بالي ابدا طلعت على شغلي مجبورة ورجعت بدون ما اجمع أي قرش و رجعت اكلت قتلة ونمت بدون عشا ، كل الوقت كنت دور بعيوني على ماهر بس ما شفتلو اي اثر ... سكرو علينا باب المخزن و صارو الاولاد يتهامسو بين بعض و يسألو عن ماهر مرق اسبوع كامل ما في اي اثر لماهر كنت شاكة انو بغرفة العقاب بس ما قدرت اوصل لهنيك و اتأكد .. بس بعد اسبوع بالليل بوقت النوم انفتح باب المخزن ومتل كل ليلة ما كنت نايمة وعيوني عم تراقب الباب على امل يجي ماهر بأي لحظة من تحت الغطا شفتهن حاملينو وحطوه مطرح ما بينام وطلعو ... بس تاكدت انو راحو ركضت باتجاهو ورميت حالي عليه : ماهر ... ماهر انت منيح ؟العضوة: 548864 , منذ 3 سنوات
اي كملي خوفتيني😲العضوة: 694206 , منذ 3 سنوات
من تحت الغطا شفتهن حاملينو وحطوه مطرح ما بينام وطلعو ... بس تاكدت انو راحو ركضت باتجاهو ورميت حالي عليه : ماهر ... ماهر انت منيح ؟ رد علي بصوت مبحوح : شو مصحيكي لهلأ ؟ أرجوان : من وقت غبت ما نمت ولا لحظة ، كتير خفت عليك ماهر : _ _ قربت لعندو اكتر وهمستلو بادنو : انا اسفه .. اسفه صار يبكي وكانت اول مره بحياتي بشوفو عم يبكي ... حطيت ايدي على مكان رجليه ما حسيت بشي ... ارتفع صوتو هو وعم يبكي وبلشو البقيه يصحو و يقربو لعندنا .. شغلت بنت ضو صغير كان معها و شافو ماهر متمدد عم يبكي وانا عم ابكي و رجليه مقطوعه ارتعبو الكل ... جزء يبكي و جزء يسأل شو الي صار ... سمعنا صوت جاي من برا وبلمح البصر الكل رجع لمكانو الا انا ما قدرت ابعد عن ماهر ، دخل عاصم وبايدو كشاف .. قرب لعندي ورفسني برجلو : روحي نامي مكانك ، ماهر تعبان ولازمو راحة .. بعتناه بشغل على منطقة تانيه وضربتو سيارة هنيك و خسر رجليه والي بدي اسمع صوتو بعد شوي رح يخسر لسانو .. نامو عندكن شغل وطلع وتركنا ... تاني نهار تفاجئنا لما طلب عاصم من ولدين يحملو ماهر ويحطوه عند الإشارة على الأرض ... محدا اعترض على الأوامر ونحنا طالعين قال عاصم لماهر (( متل ما فهمتك ها ، شغلتك هي اسهل و مربحة اكتر انت محظوظ )) وصار يشتغل ماهر متسول عند الإشارة والعالم وقت تشوفو شب صغير وبدون رجليه يتعاطفو معو ويرمو عليه المصاري ، كان يجمع مبلغ كبير كل يوم و عاصم ينبسط كتير وصار يعتبر المصاري الي منجيبهن نحنا ولا شي مقابل الي بيجيبو ماهر .. كان ماهر بحالة نفسيه سيئة كتير ، يبكي كتير ويتوجع كتير تحول لانسان قاسي لدرجة صرت حس انو بيكرهني وخفت خبرو انو شفتو بهديك الليلة لان بوقتها تخليت عنو وما ساعدتو لهيك خفت صارحو بس ضليت متمسكه فيه ... كنت اتمنى لو فيني اعطيه رجلي ليمشي فيهنالعضوة: 694206 , منذ 3 سنوات
هههه لا تخافي مابتخوف عنوانها هيك بس 😊😊