العضوة: 378864 , منذ 4 سنوات

ملابسي…. ولما اطلعت اتفاجأت بانو الست اللي شفتها بالعياده هي اللي رنت على الجرس وقاعده مع امي.. فتت عملت قهوه ورحت لعند الضيفه الغريبه… وضيفتها القهوه وقعدت.. حكتلي انو انا اطلعت من العياده وركبت تكسي وضليت استنى لحتى طلعتي من العياده ولحقتك لحتى اعرف بيتكن.. وانا كتير حبيتك يا حنان وبدي تكوني من نصيب ماجد ابني… تعالي اقعدي جنبي حبيبتي… انا خجلت وبنفس الوقت عصبت وتركت الغرفه واطلعت… وحكت الست لماما خلص اختي انا لازم استأذن انتي عرفتي كل شي عن ابني وانا عرفت كل شي عن حنان وهي رقم تلفوني وانا رح استنى منكم اتصال لحتى جيب ماجد وابوه ونيجي نطلبها رسمي.. يلا بالإذن …. طلعت الست وانا قعدت مع ماما لافهم كل شي… اسمعي حنان بنتي الجماعه هاي المره باين انهم ناس كتير محترمين وواضح انهم عيله فهمانه مو متل المره الماضيه ويا بنتي هاي اول ست بتيجي بتطلبك بعد ما اتطلقتي…. شو يا بنتي ما رح تنفك عقدتك.. خلص اللي صار صار وانسي وافتحي قلبك للناس وشوفي الشب اللي جاي….. انا جاوبتها طب يا ماما انتي خبرتيها اني مطلقه وحكتيلها كل شي… حكتلي اكيد يا بنتي كيف رح اخبي عنها هيك شي؟ وكمان ماجد فاسخ خطبتو من بنت عمتو.. يعني حالكم قريب من بعض.. ورح احكيلك عن ماجد.. هو عمرو 32 سنه.

العضوة: 378864 , منذ 4 سنوات

ورح احكيلك عن ماجد.. هو عمرو 32 سنه.. وبيشتغل محاسب بشركه كبيره وراتبو كتير منيح وعندو بيت مجهز….فوق بيت اهلو وعندو 4 اخوه شباب كلهم متزوجين واللي مسافر واللي عايش حياتو اما اخوات فعندو 5 اخوات 4 منهن متزوجات ووحده عمرها قريب من عمرك عايشه مع امها وابوها…. وامو بتدورلو على عروس من فتره.. شو يا بنتي شو ارد على الجماعه؟؟ امي بيصير خير خبري ابي واخواني واذا وافقو ما عندي مانع اني اشوف الشب واذا ارتاح قلبي الو بيصير خير…. وتركت الماما ورحت على غرفتي وبلشت ارجع بالذكريات ل سنتين لورى… كنت متخرجه جديد وبيوم العصر اندق الباب.. وكانو دار خالي ومعاهم سليم واتقدمو لخطبتي وابوي واخواني وافقو وتمت الخطبه 4 شهور وبعدها العرس… كنت كتير مبسوطه وكنت احب سليم من وانا صغيره وكنت دائما اتخيل انو يصير زوجي بالمستقبل والي حلمت في صار.. بس مش دائما بتكمل الفرحه مع الانسان … لما تكون ام زوجك بتكرهك بتعملك كل مصايب الدنيا لحتى تفركشلك حياتك وتنزعها.. عشت شهرين بالحب والعشق والهيام… لوقت ما بلشت حماتي تنزع عيشتي مع سليم وتدمرها واللي كانت ناويه عليه صار.. كانت تخترع قصص ما بعرف من وين بتجيبها لتهدم حياتي الزوجيه كذب وخداع وتاليف قصص وانا صابره وصابره واتحمل لوقت ما خلص فاق كل الحدود الصبر وخلاص نفذ مني.. وما ضل فيا حيل اتحمل واصبر وحكيت لحالي خلص يا حنان حبك مستحيل ما ضل شي اسمو حب انتهى كل شي الي بدها اياه حماتك صار ورح تفرقك عن حب طفولتك ومراهقتك الحب الاول اللي عشتيه انتهى

العضوة: 378864 , منذ 4 سنوات

الحب الاول اللي عشتيه انتهى…. دبرت مكيده هي وبنتها وقالت اني سرقت منها مبلغ كبير قال جمعيه واخذتها وانا سرقتها وللاسف سليم هاي المره سدق امو وشلع قلبي ودعسو… وانا روحت على بيت اهلي وما عاد رجعتلو اتطلقت بعد شهر وبتذكر اخر حوار كإنو صار امبارح مش قبل سنتين… سليم: انا اسف حنان انا عرفت الحقيقه واعرفت المكيده الي عملتها امي واختي ولزقوها فيكي… انتي سادقه ومستحيل تسرقي وانا غبي اني سدقتهم سامحيني وتعي نفتح صفحه جديده وننسى اللي صار حنان: مستحيل يا سليم اقدر انسى من وقت ما اتزوجنا وامك بتكرهني ما خلت كذبه ولا خدعه او مكيده الا وعملتها لحتى تطفشني وتبعدني عنك… انا لساتني بحبك ومستحيل انساك …بس اللي انكسر بعمرو ما بيرجع متل ما كان وانت كسرت ثقتي فيك وقت الي سدقت كذبه امك…. ما رح اقدر ارجع انسى اللي صار… وروح اتزوج بنت خالتك الي بدهاياها امك.. رح تكون مبسوط معاها لانو امك بدها هاي الكنه وما رح تخرب حياتك معاها… سليم: لا لا مستحيل وحده تانيه توخد مكانك حنان انتي حياتي وروحي بترجاكي فكري مره تانيه افتحي قلبك الي من جديد وخلينا ننسى اللي صار حنان: حبي معك مستحيل يا سليم انساني بترجاك وطلقني بكرى بالمحكمه من غير شوشره ولا عاد تتصل فيا مره تانيه خلص الي بينا انتهى…. سليم: ما رح اقدر اعمل شي تاني خلص… الي اكتر من اسبوع بحاول معك وانتي رافضه رح اتركك ورح اترك قلبي معك ورح اطلقك بكرى متل ما بدك… سكرت التلفون وقعدت ابكي للصبح واتحسبن على امو لسليم وادعي انو الله يوخدلي حقي منها ومن بنتها… وبعد شي شهرين كانت مزوجه سليم لبنت اختها…..

العضوة: 378864 , منذ 4 سنوات

مزوجه سليم لبنت اختها….. اصحيت على الواقع وانسيت ذكرياتي لما فاتت امي على الغرفه وحكتلي انو ابي واخواني وافقو على ماجد وانهم رح يسألو عنهم ورح يتصلو بكرى ويعطوهم موعد ليجو هم والعريس لحتى يشوفوني…. بعد يومين اجت ام ماجد وابوه وماجد لحتى يطلبوني رسمي… وانا ما دخلت على الغرفه الا لما اجى والدي وخبرني انهم ما رح يقرأو الفاتحه الا لحتى وافق وانو هو ارتاح كتير لهادا الشب وان شاء الله يكون من نصيبك…… فتت على الغرفه وكنت خجلانه بس كان كل شي بيتكرر براسي نفس اللي صار معي وقت زواجتي من سليم… قعدت على كنبايه قبال الكنبايه الي قاعد عليها ماجد ولما رفعت عيوني لحتى شوفو…. لقيت شب كتير جنتل ولابس رسمي ووسيم كتير وفاتح عيونو وكتير مركز فيا خجلت ونزلت عيوني بالارض… عمي ابو ماجد وقف وحكى لو سمحتو يا جماعه تعالو نطلع على غرفه تانيه ونترك العرايس يتفاهمو مع بعض….. راحو وتركونا سوا… قام ماجد واجى قعد جنبي…. وحكالي ارفعي عيونك واتطلعي فيا انا عجبتك شي؟ انصدمت من اول سؤال سألني اياه وضليت خجلانه ومو قادره ارفع راسي واحكي معو… رفعت عيوني واتطلعت بعيونو كانو كلهن حنيه وفيهن لمعه بتقلي يابنت شكلو حبك وشكلو رح يعوضك…. حكالي اسمعي يا حنان انا بالنسبه الي ما بدي كمان لقاء انا بدياكي وبدي هسه يقرأو الفاتحه وبكرى اكتب الكتاب واتزوجك اخر الاسبوع….. رفعت عيوني واتطلعت فيه وانا مصدومه وفاتحه عيوني…. ششو ششو؟ لك هيك بسرعه؟ انت فيك شي؟ عنجد غريب… واخجلت من حالي كيف هيك حكيت معو بس هوا عنجد غريب كيف هيك بسرعه… هوا ضحك وحكالي: ههههههههه لك انا طبست بعيونك ودخلتي لقلبي من اول لحظه وامي حببتني فيكي من قبل ما اشوفك ووصفتلي اياكي بشكل دقيق شعرك 

العضوة: 378864 , منذ 4 سنوات

فيكي من قبل ما اشوفك ووصفتلي اياكي بشكل دقيق شعرك وطولك وجمالك ولون عيونك كل شي…. وانا صرت نام وفيق وانا اتخيل شكلك وارسملك صوره بأحلامي لوقت ما شفتك اليوم وكنتي اكتر بكتير من توقعاتي… شو يا حنونه ما رح تحكي موافقه؟؟؟ خجلت ووقفت بدي اطلع من الغرفه وهوا مسك ايدي وحكالي: لوين رايحه بدي ردك… لفيت وجهي عليه وابتسمت وهزيت راسي باني موافقهواطلعت راكضه.. حكالي لك تسلميلو لقلبي والله شكلي حبيتك والسلام خلص يا قلبي راحت عليك…. واطلعت ورحت على غرفتي ومرقت بالطبع من قدام اهلي واهلو لماجد… رجعو لعند ماجد واجى ابي على غرفتي واخد موافقتي ورجع لعند الجماعه وقرأو الفاتحه وفعلا صارت الخطبه بسرعه والزواج صار اسرع… لما كنا بسياره العرس ومتوجهين لصاله الافراح كان ماجد قاعد جنبي وماسك ايدي وعاصرها وكان يضل يحكيلي كلهن ساعتين ورح تصيري الي بس الي وحياتي رح تصير كلها سعاده… انا ما كان جوا قلبي اي حب تجاههو بس كنت مرتاحه الو… خلصت الحفله وروحنا على بيتنا.. اول ما فتح الباب وكنت بدي افوت حكالي استني وحملني بين ايديه وحكالي ما رح تخطي اول خطوه بالبيت على رجليكي… وفتنا على البيت كان كتير مريح وحلو ومرتب بشكل حلو كتير وعلى طاوله السفره كان محضر عشا بيشهي حماتي كتنت محضرالي اياه…. ياه قديش كان في فرق بينها وبين ام سليم هون حب وامان ورحمه وعطف وحنيه وكانت تضل تحكيلي انتي بنتي مو كنتي…. عكس هديك الي ربنا اخدلي حقي منها او فيني احكي انو القدر كان عادل… بالنسبه لكنتها كانت كتير دلعوه ومغلبيتها ومنشفه ريقها ومزاجيه كتير.. وبنتها اخدت واحد مطلع روحه

العضوة: 378864 , منذ 4 سنوات

ومنشفه ريقها ومزاجيه كتير.. وبنتها اخدت واحد مطلع روحها وحماه بنتها طلعت اقوى من ام سليم ومورجيا بنتها نجوم الظهر.. هاد الحكي سمعتو من الناس والجيران والاهل…. نرجع لاول ليله زواج….. فتنا على غرفه النوم كانت حلوه وناعمه كتير ومزين التخت بالورد وفي ورد بكل مكان وفي بلالين طايره ولزقانه بسقف الغرفه… مسك ايديا وقربني منو حكالي رح اوعدك وعد يا حنونه قلبي من اول ساعه اني رح اعيش بس لحتى اسعدك واني ما رح ازعلك ابدا طول عمري ويا رب الله يطول بعمري لاسعدك وهنيكي يا روح الروح… وقرب لحتى يبوسني… وانا جفلت منه وبعدت عنو… حكالي ليش هادا الجفا يا حنان؟ انا بحبك وانا حاسس من وقت الي تعرفت عليكي وفي شي ببعدك عني كل ما كنت اقرب منك تبعدي.. كل ما امسك ايدك تشيليها.. كل ما كنت احاول ابوسك وكان هادا حقي تبعدي واحكي لحاالي معلش استنى يا ماجد لما تتزوجها وتصير عندك…. في شي يا حنان؟ ليكون اهلك غصبكي للتزوجيني؟ بس لا انا كنت حاسس انو في قبول منك!! ولا ليكون ما بتحبيني؟؟ هسه بدي افهم كل شي احكي ليش ساكته؟ اتطلعت فيه وكنت حاسه انو قلبو مكسور وانو في نار شاعله بعيونو وقلبو .. مسكت ايدو وحكتلو فيك تقعد ونحكي شوي ماجد… قعدنا على حفه التخت وبلشت احكي… سامحني ماجد انا بس بدي شويه وقت.. التجربه الي مريت فيها مع زوجي الاول ما كانت سهله عشت معو فتره عذاب وكره 

العضوة: 378864 , منذ 4 سنوات

فيها مع زوجي الاول ما كانت سهله عشت معو فتره عذاب وكره وحقد ومكائد ومصايب من كل شكل ولون… واني ارجع افتح قلبي من جديد مو سهله عليا… بس انا ما بنكر انو قلبي مرتاحلك واني حاسه معك ومع اهلك بالامان والحب والدفا اللي انحرمت منو بزواجتي الاولى… بس بدي شويه وقت ما صارت فتره خطبه طويله لحتى اتعرف عليك اكتر كل شي صار بسرعه… بس وقت هاداكل اللي بدياه.. فيك تعطيني هادا الشي يا ماجد؟ ماجد اخد نفس طويل ومسك ايدي وباسها وحكالي… انا وعدتك يا حنان اني اسعدك واني ما رح ازعلك طول عمري… انتي ملكتي قلبي وكياني من اول لحظه وانا ما رح اجبرك على شي وما رح ألمسك الا لحتى يجي الوقت الي اشوف فيه حبك وتحكيلي انك بتحبيني متل ما انا بحبك… قومي خدي راحتك ببيتك وتعالي بس تخلصي تبديل ملابسك لحتى نتعشى لاني فارط على الاخر من الجوع…. ياه قديش كبر بعيني وقديش احترامي الو كبر وزاد فعلا كتير كان حنون وقلبو كتير كبير… عشنا فتره شي اسبوع او اكتر بشوي عادي متل الاخوان وقدام الناس واهلو ما كنا نبين شي… وكان ما في ارق او احن او اطيب من قلب ماجد عليا واجو وقت السفر لشهر العسل وكان حاجز بتركيا لمده اسبوعين.. جهزت الشناتي ونمت وانا بحلم كيف رح اقضي هالاسبوعين معو بهالبلد الغريب… وسافرنا تاني يوم وانا بالطياره كنت كتير خايفه ولزقانه في ماجد وارجف وهوا كان حاط ايد على كتفي والتانيه ماسك ايدي ويقرأ عليا قرآن ويهدي فيا ويحكيلي اني ما اخاف… انزلنا بالمطار ورحنا على الفندق… كانت سفره بتجنن مرقو اول يومين عادي روتين نتفرج على البلد وناكل بالمطاعم ونرجع ننام عادي… وكنا جالسين ثالث يوم على البحر وفجأه البحر هاج وصارت الريح كتير قويه حكالي ماجد قومي يا حنان البحر صار بخوف لازم نرجع لورى ونبعد… اوقفنا واجت موجه عاليه وانا اتزحلقت وما بعرف كيف صرت جوا البحر وصرت اصرخ 

العضوة: 378864 , منذ 4 سنوات

عاليه وانا اتزحلقت وما بعرف كيف صرت جوا البحر وصرت اصرخ والبحر يسحبني هجم ماجد وانقذني بس انا كنت رح اغرق وانا ما بعرف اسبح ودخلت كميه مي كبيره عندي على الرئه لهيك دخلوني بالمستشفى مراقبه ليله… وبهاي الليله ماجد ضل جنبي وما تركني ولا لحظه كان يبكي ويدعي اني افوق وارجعلو سالمه هادا حكي الممرضه لما فقت لقيتو حاطط راسو على التخت وكل خدودو دموع وغفيان فاتت الممرضه وحكتلي زوجك كتير بحبك ما تركك ولا لحظه طول الليل ببكي وبدعيلك… بصراحه نيالك فيه… وانا اطلعت فيه وحكيت لحالي فعلا نيالي فيه وحسيت بوقتها انو قلبي رج وصار يدق من جديد وانو فتح ابوابو قدام حب ماجد… حطيت اديي على راسو وفيقتو.. فتح عينو وهجم عليا وحضني بقوه وحكالي الحمد لله الحمد لله الله رجعلي اياكي يا روحي… كنت حاسس اني رح اموت ما بقدر اعيش من دونك حنان…. ضحكت وحكتلو هيني ما فيا شي متل القط بسبع رواح ههههههههه لا تخاف عليا… ضحك وبعدها ارجعنا على الفندق وكملنا الاسبوعين برواق.. ورجعنا على البيت استقبلتنا حماتي احلى استقبال وكانت عامله عزومه كتييير كبيره وعازمه كل الاهل على شرف رجعتنا…. واحنا قاعدين امي همستلي :شو يا حنان انتي مش حامل يا بنتي؟ انا رفعت عيوني عليها وحكتلها بخجل لسا بدري يا امي وان شاء الله خير.. وصفنت بحالي. كيف بدك تحملي يا حنان؟ وانتي ما صار بينك وبين ماجد شي… لمتى يا حنان؟ 

العضوة: 378864 , منذ 4 سنوات

بينك وبين ماجد شي… لمتى يا حنان؟ انتي بلشتي تحبيه خلص لمتى هالجفا وارجعت واتذكرت سفرتنا وخوف ماجد ولهفتو عليا لما كنت رح اغرق.. وليلتها لما اطلعنا على بيتنا فتت بدلت ملابسي وزبط حالي كاني عروس واطلعت لعند ماجد على غرفه الضيوف الي كان ينام فيها من وقت ما اتزوجنا وحكتلو ماجد انا بحبك كتير بحبك اكتر من حالي… وقف وكان بعيونو لمعه وفرحه بحياتي ما بنساهن حكالي: شو يا حنان ارجعي عيدي كلامك شو حكيتي؟ ولك تسلمي لقلبي ارجعي عيدي كلامك ارجعي احكي… انا خجلت وحطيت عيوني بالارض وصرت احمر واخضر حكتلو خلص ماجد لاتحرجني… حكال ارجعي عيدي شو حكيتي اتطلعت بعيوني وحكتلو والله العظيم بحبك… حضني بقوه وحملني ولف فيا البيت وحكالي انا اسعد رجال بالعالم اليوم… وعشت حياتي سعيده معو لا تخلو من نقارات بسيطه بيسموها بهارات الزواج الي كانت تقربنا اكتر واكتر من بعض….. الحمد لله ربنا عوضني كل العذاب والوجع الي عشتو بزواجتي الاولى بزوج ما في احن منو وحمايه كانت امي التانيه وكان قلبها كتير طيب… الانسان لازم يخلي أملو بربنا كبير ويحط ثقتو بعداله ربنا.. وانو القدر رح ينصفك بالنهايه مهما الدنيا اسودت الا ما يجي يوم وتفرج.. واكيد بعد الليل في نهار…. النهايه

العضوة: 378864 , منذ 4 سنوات

أتمنى تعجبكم اكتبولي في كومنت أحبكم 💜 بسمة أمل 💜

العضوة: 378864 , منذ 4 سنوات

@user-385078

العضوة: 409519 , منذ 4 سنوات

بتجنن حلوه أ كثير 😍😍😍

العضوة: 382988 , منذ 4 سنوات

ماشاءالله عليك عندك اسلوب عجيب في سرد الاحداث😍 اشكرك استمتعت كثير

العضوة: 399607 , منذ 4 سنوات

القصة جميلة واسلوب راءع ومشوق اتمنى لك التوفيق

العضوة: 304218 , منذ 4 سنوات

يسلمو الايادي يا رب