منذ 4 سنوات
  • ما قبل الحمل
#حبيبتي_ليمونة_بقلم_مال_الشام.. فاتو لميس وقيس على عش الزوجية الي تعبو لوصلولو ... ست سنين من الحب .. كافحوا وحافظو على مشاعرهنلوقت ما وصلو لحلمهن .. و تتوج هالحب بالزواج .. كانت فرحتهن اكبر من فرحتي وفرحتك ازا منربح ورقة يانصيب بمليون ليرة .. العيون كلها عليهن ... وهن عيونهن على بعض ... زتو حكي العالم ورا ضهرهن وخلو حبهن وسعادتهن بين عيونهن ..  قيس : فوتي برجلك اليمين ليمونة  لميس : ازا بتئلي ليمونة مرة تانيه بدبحك بالسكين ها  قيس : لك عروس انتي عروس خلي عندك شوية نعومة #مال_الشام  لميس : نعومة ؟  قيس : ايه !! قربت لميس منو و شدتلو ادنو : ليك يا بيبي .. ازا بعد بتئلي ليمونة بدي حطك بالصحن قطعك بالشوكة وبالسكين وحط معك كاتشب و مايونيز... وبعدين امسح تمي بالمنديل وغسل ايدي و حط بارفان لانو بئرف  قيس : ادنييي .. ادنييي .. اتركي ادني رح تشلعيها من محلها  لميس : تيب  قيس : فوتي خلصيني  لميس : برجلي اليمين ؟ قيس : لك ان شاء الله تفوتي شقلبة بس خلصيني فوتي  لميس : شتور .. الله يرضى عليك قيس : ليمونة  لميس : شووو قللللتتتت ؟  قيس : ههه .. ههه .. ولا شي .. اقسم بالله العظيم ولا شي  فاتت لميس عالبيت .. وتنفست نفس من جواااات قلبها وهي عم تطلع حواليها. .. وفات قيس وسكر الباب  قيس : يا الله اديش كنت احلم تزيني هالبيت .. هلأ صار فيه حياة و روح 

36 تعليقات

العضوة: 378864 , منذ 4 سنوات

فيه حياة و روح  لميس : بتعرف عنجد ما عم سدء .. لك ازا بموت هلأ والله ما بزعل على شي حاسة حققت اهم واعظم حلم بحياتي  قرب قيس ومسك ايدها وباسها : صرتي الي .. مررررررررررتيييييييييييييي  لميس : ههههه بحبك  قيس : طالعه متل البدر ... سبحان الي خلئك شو حلوة  لميس : عنجد خلص ما متعوده على هالغزل هاد كلو .. بلشت استحي  قيس : لا بدك تتعودي .. هاتي بوسة لشوف  لميس : لاااااااا .. بالأول بدي فوت بدل تيابي والله الفستان رح يخنئني وبعدا بطلع ومنتفاهم  قيس : لا ياه ؟ لميس : اييييه... كرمالي...  قيس: طيب حبيبتي متل ما بدك.. رفعت لميس فستانها وفاتت على غرفة النوم و قفلت الباب على حالها  بعد عشر دقايق..    قيس : خلصتي ؟  لميس : هئة قيس : خلصتي ؟  لميس : لسه قيس : حبيبي خلصتي ؟ لميس : بس خمس دئايئ#مال_الشام قيس : لك ليكون علق الفستان فيكي ؟  لميس : ها ها ها .. مهضوم حبيبي قيس : لك جد ولو ما خلصتي ؟  لميس : اعمللنا كاستين عصير لاطلع  قيس : طيب .. ما تتأخري لميس : مااااااااشي  فات قيس عالمطبخ ومن فرحتو كان ينط متل الولد الصغير وقلبو عم يرفرف من الفرح  حط كاستين عصير بالصينية .. ومسك باقة الورد تبع لميس وفرطها بالصينية 

العضوة: 378864 , منذ 4 سنوات

لميس وفرطها بالصينية  قيس : هيك صارت غير شكل ..  حمل الصينية و راح باتجاه الغرفة .. و وقف ورا الباب مشان يسألها ازا خلصت  بس قبل ما يفتح تمو بأي حرف .. سمع صوت لميس جوا عم تحكي .. بس كان حكيها مو مفهوم... همس بعيد...   قيس بقلبو : مع مين عم تحكي هلأ !! .. حط الصينية من ايدو و رجع وقف ورا الباب .. وبعدا اختفى صوتها للميس قيس بصوت هادي : لميس ؟  لميس ما ردت عليه ابداً .. ولا سمع حركتها بالغرفة  قيس دئ الباب وحاول يفتحو ما فتح معو  قيس : لميس مع مين كنتي تحكي ؟  لميس : _ _ _ _  قيس : افتحي الباب بكفي .. لميس افتحي هالبطيخ احسن ما كسرو هلأ .. لميس ردي علي فوراً .. لميييييس ؟؟؟؟؟؟؟؟ #مال_الشام #يتبع

العضوة: 378864 , منذ 4 سنوات

#حبيبتي_ليمونة_بقلم_مال_الشام  الجزء الثاني  قيس : عنجد زودتيها كتير .. افتحي بئى .. يعني ما بدك تردي ؟  وفجأة سمع صوت الباب عم ينفتح .. طلعت لميس وهي لابسه فستان لونو زهر بارد .. و فاكة التسريحة وفاردة شعرها بنعومة ومخففة الميك اب ..  لميس بدلال : ليه هيك عم تعيط علي ؟  قيس كان عم يتأملها ومبسوط فيها كتيررر قيس : انا ؟ .. اسف .. يعني .. اصدي .. لحظة لحظة .. انتي مع مين كنتي تحكي ؟ لميس : احكي ؟ .. مع مين بدي احكي ليلة عرسي؟ اصلاً موبايلي مو معي ليكو هنيك عالطاولة عندك  التفت قيس عالطاولة ولقى موبايلها عنجد هنيك .. حس انو متوتر كتير ومتدايئ  قربت لميس وحطت ايدها على شعرو : حبيبي شبك؟  قيس : لا ولاشي يا البي ما بعرف خلص انسي  لميس : مممم اوكي .. وين العصير ؟  قيس : هنيك ..  لميس : لك شوووووووووو هااااااااااااااااااد ... من وين هدول الوردااااااااات ؟؟؟؟؟؟؟؟ظ ركضت لميس عالصينية وبحلقت فيها و قيس حس حالو بدل ما يكحلها عماها  قيس : هدول ؟ .. ههههه .. سبحان الله هدول ورداتك الي كنتي حاملتيهن  لميس : سبحان الله ورداتي هدول ؟ قيس : ايه والله سبحان الله  لميس : تعا لهون خليني ورجيك كيف الناس بتسبح .. لك نزعتلي باقة الورد تضرب تضرررب تضرررررررررررررب  مسكت لميس كاسة العصير وصارت تركض ورا قيس وهو يبعد عنها ويقلها بس طولي بالك لنتفاهم  وصلت لعندو .. ومسكت كاسة العصير حطتها فوق راسو وقلبتها عليه ... 

العضوة: 378864 , منذ 4 سنوات

راسو وقلبتها عليه ...  نزلو العصيرات على قيس من شعراااتووو على وشو بعدين على تيابو..  ضل بالكاسة شوية عصير .. ابتسمت لميس وشربتهن  لميس : اممممم طيبيييييييييييييييين  قيس : طيبين ؟  لميس ما قدرت تخبي ضحكتها اكتر وقعدت بالأرض وصارت تضحك متل الصغااار ما في ثواني و حست شي بارد انسكب عليهاااا  لميس : ااححححححححححح شو هااااااااااااد  مسك قيس الكاسة وشرب العصير الي ضل فيها و ابتسم : ايه والله معك حق طيبين كتير  لميس : انت قد الي عملتو ؟  قيس : ايه طبعاً قدو ونص  لميس : متأكد يعني ؟  قيس : ايه نعم متأكد  وقفت لميس و قربت منو : طيب .. اعتبر الحرب بلشت .. خليك ماخد احتياطاتك  لميس : شو رح تعملي يعني ؟  مسحت العصير عن وشها .. وابتسمت بخبث .. و اتطلعت على غرفة النوم  قيس : ما بتعمليها  لميس : على نفسها جنت براقش ..  ركضت عالغرفة وفاتت وقفلت الباب بلمح البصر و هو متجمد محلو ..  قيس : ما رح تفتحي الباب صح ؟  لميس : صح حياتي  قيس : ولا ازا اعتزرت منك صح ؟ لميس : صح حبيبي قيس : ولا ازا ئلتلك انو انا كتير ندمان ما هيك ؟  لميس : هيك يا حبي  قيس : رح نام بالصالة مو ؟ لميس : مو 

العضوة: 378864 , منذ 4 سنوات

لميس : مو  قيس : متأكده ؟ لميس : متأكده قيس : طيب ..  راح قيس عالمغسلة و غسل شعراتو و وشو وشلح القميص .. وقعد على الكنباية وطلع سيجارة وبلش يدخن  لميس : حبيبي نمت ؟ قيس بس سمع صوتا تمدد وعمل حالو نايم  فتحت لميس الباب شوي شوي .. وتطلعت من طرف الباب وشافتو نايم ..طلعت وقربت لعندو .. وحطت ايدها على خدو لميس : كنت امزح معك ليش نمت يعني ؟ مسك قيس ايدها فوراً وضحك : كأنك استسلمتي بسرعه ؟  ضحكت بخجل : هئة .. اعتبرها هدنة بس ..  _______________________________ تاني نهار صحي قيس .. و لقي لميس جنبو نايمة .. تأمل ملامحها وهو فرحان كتير فيها  قيس : دخيل الي خلئك ما احلاكي .. الله يقدرني واسعدك حبيبتي .. رح اتركك نايمة شوي .. خليني قوم اخود دش واعمل قهوة  قام من التخت وفتح الخزانة ليطلع بيجامة  قيس : وين تيابي انا ؟ ... وين حطتهن ليمونة  فتح الخزانات كلها بعدين صار يدور بين تياب لميس ..  وهو عم يدور .. وقعو تيابها عالأرض  قيس : اوووف .. هلأ ازا شافتهن ليمونه بتصير مجنونة خليني رجعهن  نزل وشال التياب من الأرض ... ولاحظ انو في شي بيناتهن  قيس : شو هاد ؟؟  رفع التياب عن بعضها ... ولقى موبايل صغير  قيس : موبايل ؟  اتطلع وراه على لميس .. ولقاها صاحية ومفتحا عيونها وعم تطلع عليه ..  رمى التياب من ايدو و التفت عليها ورفعلها الموبايل بايدو  قيس : شو هاد ؟!!!!! #مال_الشام #يتبع

العضوة: 378864 , منذ 4 سنوات

#حبيبتي_ليمونة_بقلم_مال_الشام  الجزء الثالث  لميس : هاد ؟  قيس : ايه هاد .. شو هاد ؟  لميس : وين لقيتو ليش ؟  قرب قيس وقعد عالتخت وهو معصب كتير  قيس : لميس .. شو هاد ؟  لميس : شو بعرفني انا ..  قيس : بس يا لميس الموبايل كان ملفلف بين تيابك .. كان مخبى .. وبخزانتك انتي .. وبين تيابك انتي .. مين بيعرف شو هاد غيرك ؟  لميس : شو قصدك ؟ قلتلك ما بعرف وخلص  قيس : متأكده ؟  لميس : اها .. متأكده  قيس : طيب .. هلأ رح افتحو وشوف كل الأرقام الي فيه و وقتا رح نعرف لمين الموبايل  قامت لميس من التخت ونزلت من الجهة التانيه .. لميس : اوكي انا فايته اتحمم .. وانت فتش براحتك  راحت وتركتو وهو كان جسمو كلو عم ينفض نفض .. فتح الموبايل وبلش يدور فيه  سجل المكالمات فاضي .. الرسائل فاضيه .. كل شي محززوووف .. ما في اي رقم ..فتح الموبايل وما لقى فيه شريحه ..  قيس صار يصرخ : يعني لميييييييييييييييييين الموباااااااااااااايل ... لمييييييييييييييييييييييييييييييين شو جابووووووووووووو لهووووووووووووووووووووون  وضربو بالحيط .. انكسر و وقع عالأرض وهو مية شقفة .. طلعت لميس بسرعه من الحمام وهي مرعوبة : لك شبك شبك شو صرلك ؟ قيس هجم عليها ومسكها من ايدها بقوة : ليش حازفه كل شي من الموبايل؟  لميس : لك مو الي هاد مو الي اتركنييييييييييي  قيس ترك ايدها : طيب .. طيب .. ماشي  طلع من الغرفة وضرب الباب وراه بقوة .. وبعدين سمعت لميس صوت باب البيت كمان انضرب بقوة ركضت و طلعت وراه ولقتو طالع من البيت .. سكرت باب البيت وقعدت بزاوية البيت وهي عم تبكي  تطلعت حواليها لقت البيت قايم قاعد .. العصير بالأرض .. و الورد معبي المكان ... وغرفة النوم مقلوبة قلب  و التياب معبين الغرفة ...

العضوة: 378864 , منذ 4 سنوات

و التياب معبين الغرفة ...  لميس : يارب ... يااا رب  قامت لميس ... ورجعت فاتت عالحمام .. كملت الدش و سشورت شعرها ولبست فسات الصبحية و بلشت تنظف البيت ..  بعدين اتصلت على قيس ورن موبايلو بالبيت لميس : تارك الموبايل هون ؟؟؟  مسكت الموبايل وقرأت اسمها عليه وهي عم تتصل  ( حبيبتي ليمونة )  لميس : ااااخ منك بس، خليني احكي مع عبير بما انو مو هون...   مسكت موبايلها و اتصلت على اختها عبير  لميس: ايه عبير كيفك؟ ...  انا؟ انا خايفه كتير وماني منيحه... كل شي خططنالو و كل الاحتياطات و التدابير ما مشي حالها... لك من اول ليلة حس علي... والله خايفه كتير...  لااااا التلك مليون مره مستحيل اقدر احكيلو الي صار... انا مابدي اخسرو...والله بحبوووو...  وبحب انس كمان... التنين بحبهن كتيرررر  رن جرس البيت... و ارتعبت لميس..   لميس: روحي روحي يمكن اجا قيس...  امككك؟ ليش طلعت من البيييت؟ اوووف طيب رح افتح باي..   سكرت الخط ركضت عالباب و فتحتو  لميس : اهلين ام لميس : صباحو يا عروس  ام قيس : صباااح الورد كنتي  لميس : ص--ب--ا--ح .. صباح ... الخير  ام قيس : شبك انخطف لونك ؟ ليكون ازعجناكن ؟ لميس : لا لا .. اهلا وسهلا  فتحت لميس الباب وفاتت امها وحماتها وحطو الأكل الي بأيدهن على الطاولة وسألو مباشرة عن قيس لميس : قيس مو هون تطلعو تنيناتهن ببعض  لميس : يعني هو راح يجيب شي ناكلو ام قيس : كيف يعني ؟ ما بدكن تاكلو الأكل الي عملنالكن ياه انا وامك ؟

العضوة: 378864 , منذ 4 سنوات

عملنالكن ياه انا وامك ؟ لميس : لا لا بس نحنا نسينا والله ام لميس : لك شو نسيتو مو انتو الي طلبتو هي الأكلات عالصبحية ؟ لميس : ايه بس  ام قيس : لك بس شو ؟ شوووووو في ؟ وقبل ما تجاوب لميس رن جرس البيت  لميس : بس لحظة لافتح الباب ( يارب يكون قيس يا رب يكون قيس )راحت فتحت البابوحست البها ارتاح بس شافت قيس قدام عيونها  لميس : امي وامك جوا خليك طبيعي التلهن انك رحت تجيب فطور  قيس قرب و همسلها( لكن حكينا بعدين ) بعدين رفع صوتو : حبيبتي تزكرت انو امي وامك رح يجيبولنا اكل وما جبت شي ..  لميس بصوت عالي : ايه حبيبي ليكهن جوا فوت .. قعدو كلهن وبعد ربع ساعة طلعت امها وحماتها .. و قيس حاضن لميس ولافف ايدو حوالين خصرها.. ودعهن وهو مبتسم .. وسكر الباب  وفجأة شد لميس بقوة لعندو وتطلع بعيونها : ليش حاويه موبايل بالسر لميس : قيس عم توجعني اتركني  قيس : مو قبل ما تفهميني .. من ايمت بتخبي عني ؟ .. من ايمت بتحملي موبايلات بالسر ؟ وليش كل شي فيه محزوف ؟ لميس دمعو عيونا من الوجع : امانه اتركني عم يوجعني مكان العملية كتير  قيس تركها من بين ايديه وهي فوراً بعدت عنو وحطت ايدها على بطنها و هي عم تبكي  قيس : اسف  لميس : وجعتني  قيس : نسيت انك شايله الزايده من فترة قصيرة  لميس : عم توجعني كتير  قيس قرب منها : اسف جد اسف .. تعي عالغرفة ارتاحي شوي وبعدين منحكي  قامت معو لميس ونامت بالتخت .. وبعد ربع ساعه رجع قيس يشق عليها ولقاها لسه موجوعه اتصل بالدكتور وطلب منو يجي على عنوان بيتهن وو بعد عشر دقايق رن جرس البيت وقام قيس وفتح الباب  قيس : اهلين دكتور لحظة بس خليها تجهز حالها  فات عالغرفة لعند لميس لقاها غفيانه قيس : لميس  لميس وهي مغمضة عيونها : ايه قيس : الدكتور اجا رح خليه يفوت  لميس : دكتوووووور لييييييييش ؟  قيس : لاطمن عليكي .. يلا جهزي حالك خمس دقايق ورح فوتو

العضوة: 378864 , منذ 4 سنوات

ورح فوتو لميس : قيس ما في داعي الوجع راح  قيس : خمس دقايق ورح فوتو يلا  طلع قيس وسكر باب الغرفة  لميس : اوووووووف هاد الي كان ناقص ..  قامت حضرت حالها وفات الدكتور وفحصها وطمنهن انو ما في شي بس الضغط على موقع العملية غلط وكتبلها على مسكناتوطلع الدكتور وقيس لحقو قيس : رح انزل جيب الدوا وارجع ما بتأخر عليكي  لميس : ماشي  طلع قيس من البيت وقفل الباب ..  و قامت لميس من التخت .. وتأكدت انو قيس طلع  راحت على خزانتها .. فتحت صندوق الدهب تبعا... و كان تحتو قطعة قماش رفعتها وطلعت منها خط موبايل  اخدتو وفتحت موبايلها وحطت الخط فيه لميس : الو .. كيفك ؟ .. لا انا منيحة عادي بس كان عندي ظروف وما قدرت احكي معكلا ما تزعل مني .. لا اكيد رح اجي لعندك ليش انا فيني اتحمل بعدك ؟ طيب خلص بس اعطيني يومين ورح اجي لعندك .. هههه وانا بحبك .. باي  #حبيبتي_ليمونة_بقلم_مال_الشام 

العضوة: 378864 , منذ 4 سنوات

الجزء الرابع  رجعت خطها عالموبايل ورجعت خبت الخط التاني .. ورجعت على التخت وبعد خمس دقايق اجا قيس ومعو اكل و الدوا  قيس : لميس لميس : ايه انا بالتخت قيس : طيب خلص قومي بلا دلال الدكتور قال انو ما في شي لميس : ما عم اتدلل بس زعلانه منك انك بتشك فيني .. هلأ هيك بعد ست سنين حب ؟ تضرب والله زعلانه منك كتير ترك قيس الأغراض من ايدو و قعد جنبها قيس : انا ما بشك فيكي بس ليش عم تخبي عني ؟ لميس : ما عم خبي عنك شي .. القصه وما فيها انو هاد الموبايل كنا نحطو احتياط بالبيت الي ينتزع موبايلو يستخدمو .. و شكلو اختي الله يصلحها حاطيتو مع جهازي بالغلط قيس : وليش ما حكيتي هيك لما سألتك ؟ لميس : لاني اتدايقت كتير انك بتشك فيني .. مو معقولة يعني تحاكيني بهل أسلوب  قيس : اها  لميس : شكلك ما اقتنعت مو ؟؟  قيس : _ _ _  لميس : طيب ، اعطيني موبايلك  قيس : ليش؟ لميس : خلص بس اعطيني ياه  قيس : طيب  اخدت لميس الموبايل منو .. واتصلت على اختها وفتحت مكبر الصوت  لميس : الو كيفك عبورة عبير : اهلين يا عروس ..كيفك لميس : ممممم تمام .. عبير بدي اسألك عبير: شو حبيبتي ؟ لميس : الموبايل الي منحطو احتياط بالبيت .. هاد الأسود الصغير الي ما فيه شريحة .. وينو ؟ عبير : الاسود الصغير ؟  لميس: ايه... الي مافيه خط ركزي معي  عبير: اييييه تزكرتو... والله الي اسبوع عم دور عليه ما لقيتو... ليش لتسألي عنو؟  

العضوة: 378864 , منذ 4 سنوات

لقيتو... ليش لتسألي عنو؟   اتطلعت لميس بقيس وقالتلو سمعت ؟  لميس : ولا شي بس موبايلي كأنو تعطل وبدي ياه لاستخدمو مؤقتاً عبير: خلي جوزك يجيبلك iphone 7 ههههههه لميس : هههههههه ماشي اختي ازا لقيتيه خبريني .. باي  عبير: ماشي حبيبتي .. باي  سكرت لميس الخط ورمت الموبايل على قيس .. لميس : ان شاء الله تكون تاكدت .. وقامت من التخت .. مسكها قيس وسحبها لعندو  قيس : اسف .. بس  لميس : خلص انسى  قيس : يعني مو زعلانه لميس : مممممممم .. قيس: خلص انتي الغلطانة تصرفك ابداً ما كان منطقي...  لميس: معك حق بس انت بتعرف اني عنيده و راسي يابس  قيس : طيب... رح سامحك لميس : غلييييييييييظ  قامت لميس وطلعت من الغرفة  قيس : ليمووووووووووونة  رجعت لميس واتطلعت عليه من طرف الباب : بدبحك ها  قيس : ههههههه بحبك  رجعت حياتهن هادية وطبيعيىة مع انو الموقف كان كتير سيء كبداية لحياتهن بس حاولو يتجاوزوه بعد اسبوع من العرس كان قيس بالحمام عم ياخود دش .. و لميس قاعده بالصاله ..  قامت على روس اصابعها وطلعت خط الموبايل التاني وحطتو بموبايلها  و كانت تحاول تتصل ويرن الموبايل وما حدا يرد ..  لميس: وينك يا انس ردددد...   وفجأة سمعت صوت باب الحمام عم ينفتح ارتعبت ووقع الجوال من ايدها..   قيس : شو عم تعملي حبيبتي ؟ لميس دفشت الموبايل برجلها و صار تحت التخت : نعيماً حياتي قيس : الله ينعم عليكي .. تعي هاتي بوسة لشوف  قرب قيس منها .. ورن الموبايل  قيس: في موبايل عم يرن  لميس : ايه بجوز موبايلي... يلا مابدك تبوسني؟  قيس : موبايلك وين؟   لميس : ما .. ما بعرف... 

العضوة: 378864 , منذ 4 سنوات

لميس : ما .. ما بعرف...  قيس صار يلحق صوت نغمة الموبايل..  قيس: تحت التخت!!!!   لميس : شو الي تحت التخت!!   قيس نزل على ركبتو و اتطلع تحت التخت وشاف الموبايل عم يرن  قيس: تعي نطلعو هاتيلي عصاية الممسحة  لميس: حبيبي بلاه مو مهم...   مد قيس ايدو و مسكو: اوووه جبتو  لميس: ما ترد  قيس رفع راسو و اعطاها الموبايل: خديه   سحبتو من ايدو وهي عم ترجف ولفت ضهرها لتطلع من الغرفة...   قيس: لك وين رايحة؟   لميس: هي عبير بدي رد عليها..  قيس: لا انا شفت الاتصال من رقم غريب!   لميس: لا هاد ليك الاسم طالع عندي عبير رح روح رد ماشي؟  قيس: لميس وقفت مكانها و انفاسها عم تتسارع و عم تدعي ما تنكشف...  وقف ورا ضهرها و مد ايدو: اعطيني الموبايل..

العضوة: 378864 , منذ 4 سنوات

#حبيبتي_ليمونة_بقلم_مال_الشام  الجزء الخامس  لميس: ليش بدك ياه؟   قيس: اعطيني ياه و بعدا منحكي… بدي رد  لميس: مو من حئك ترد على مكالماتي الخاصه… و نحنا من بداية علاقتنا متفئين انو كل واحد الو خصوصيتو… شايفه من اول اسبوع بلش يتغير الحكي!!   ضرب قيس ايدو بالحيط: طيب… طيب…. ماشي..  خدي خصوصيتتتتك….ردي هون لشوف..   لميس: لك ليش هيك بتعاملني صرت عم حسك بتكرهني حرام عليك انا شو عملتللللللك  قيس : موبايلك بعدو عم يرررن…   فصلت لميس الخط و طفت الموبايل…   قيس: وبعدين؟   لميس: ليك بكفي تفتح معي تحقيق لهون و بس… طلعت مريض بالشك… انا بنت بحب جوزي يوثق فيني و يحترمني ما يلاحقني عالنفس  قيس: اوك… حقك على راسي لميس خانوم… حقك على راسي. طلع قيس من الغرفة و لميس قعدت مطرحها و الدنيا عم تلف فيها..  لميس: سامحني… بس والله انت السبب… انت السبب… انا عم اتحمل نتيجة اخطائك… و لسه عم تحاسبني!! بأي حق بس فهمني… بأي حق!!   طلع قيس عالبرندة و بلش يدخن و هو يجمع الاحداث مع بعضها و يحاول يوصل لتفسير يقنعو انو حبيبتو و مرتو بريئة وهو جد ظالمها… بس كيف ما يفكر يوصل لطريق مسدود…   قامت لميس فوراً و بدلت الخطوط و رجعت الخط مكانو…  و غيرت تيابها و رتبت حالها و عملت قهوة و طلعت لعند قيس..   لميس: بصير اقعد معك؟   قيس: تفضلي..   لميس: عملتلك قهوة  قيس:....   لميس: بكفي… والله هي مو حالة… معقول هي ايام عمرنا الي كنا نحلم فيها؟ …  قيس حط ايديه على وشو و تنهد…   قربت منو لميس و قعدت عند رجليه… : بحبك…   قيس: بعرف  لميس: اكيد؟   قيس: اكيد..   لميس: طيب لكن قوم نفذ وعدك شال قيس ايديه عن وشو و تطلع فيا: انو وعد؟   لميس: مو مره التلي انو بس نتجوز شو ما طلبت رح يحضرلي حتى لو لبن العصفور؟   قيس: مزبوط 

العضوة: 378864 , منذ 4 سنوات

قيس: مزبوط  لميس: مشتهية كرز  قيس: هلأ!!!!   لميس: مشتهية عليه كتير من امبارح… عنجد مابعرف ليش  قيس: ليكون وحمانه!!!   لميس احمرو خدودها: مابعرف يمكن قيس نزل عالارض وحط ايديه على وشها وعيونو بعيونها: لك لميس معقول تكوني حامل؟؟؟   لميس: مابعرف هلأ انا شاكه و عم اشتهي شغلات غريبه ومو موسمها متل الكرز هلأ.. بس لازم اعمل فحص بالاول لاتاكد  قيس: لك قومي طيب لاخدك عالدكتورة  لميس: لا لا ما بدا… فيني اعمل فحص بالبيت… هاد شغل نسوان انت ما تهتم بس بدي كرز…   قيس: لك بس كرز؟ والله لو كان باخر الدنيا لجيبو…  و قام مستعجل ليطلع من البيت.. لحقتو لميس و وقفت عباب البيت: هههههه يا مجنون نسيت تاخود مصاري  قيس: معي معي مصاري… راجعلك…   لميس: ههههه طيب ناطرتك  سكرت لميس الباب وهي مبتسمة…  لميس: بلحق روح شوف انس قبل ما يرجع بس لازم استعجل؟!! هلأ لازم يلفكل المحلات ليلاقي كرز رح يتأخر اكيد..    لبست تيابها بسرعه و اخدت مفاتيح البيت و طلعت وهي مستعجلة…   قيس اتصل برفقاتو ليسألهن وين بيلاقي كرز بهل وقت من السنه و رفيقو قلو ارجع عالبيت انا بامنلك ياه و بجيبو و اعتبرو نقوط مني…   فات على محل الفواكي و جاب كل انواع الفواكه و رجع عالبيت عالسريع…  لميس اتصلت باختها و خبرتها انو رايحه تشوف انس لان اشتاقتلو… وخايفه يكون زعل منها لان الها شهر غايبه عنو..