العضوة: 275918 , منذ 4 سنوات

الجزء الثاني: ما اكتفت الأم و عادت سؤالها لسلطان سعاد:سلطان حبيبي ايمت بدي افرح فيك سلطان:لسانا انا و لميا عم نحضر سعاد:خليها تستعجل سلطان:بتؤمري اطلع سالم ببنته و يلي كانت عم تغص بكل كلمة و لهفة بتطلع من امها لأخواتها و هيي ما بتاخد منها غير البهادل سالم:كلي بابا كلي سعاد:لا تخاف عليها عم تاكل سالم:سمعينا سعاد عم حكي بنتي انا سعاد:ماهي بنتي كمان دهب:(بنفسها) اي بنتك بس بالإسم اما فعلياً فياريتك بتعامليني كأني بنتك بعد نص ساعة كل واحد طلع ع شغله و ع جامعته و بقيت سعاد وحدها بالبيت مع سالم سالم:سعاد اتعاملي منيح مع دهب حرام عليكي سعاد:ليش شو بعملها انا سالم:شو بتعمليلها لك استهيتك مرة تحاكيها كلمة حلوة سعاد:اي شو بعرفني شو بدي قلها سالم:سعاد اذا الله طعمك اربع شباب دهب بنتك و وحيدتك لا تعامليها بخبث و اتفضلي الشباب عليها سعاد:يعني شو اعمللها اضل كل النهار جالقتها و مارقتها متلك سالم:هلق انا جالقها سعاد:والله ما بعرف بضلك بدللها و عاطيها وجه زيادة سالم:سعاد..انتي بتعرفي كل شي الا دهب انتي بتعرفي اديش بحبها سعاد:اي و مستعد تتخلى عن الأربع شباب مشان هالبنت سالم:انتي بتعرفي انو دهب معاها القلب و هي صغيرة و مابيسوالها الزعل سعاد:يييي علينا خلص والله صرعتني بهالقصة طيب ليش ما بنجوزها و منرتاح منها و من مرضها سالم:سعاااااد خلص شو تجوزيها البنت لساها صغيرة سعاد:انا رايحة ابدل تيابي و اطلع مع رفقاتي سالم:اي طلعي -------------------‐------------ بالجامعة: ماريا:ع فمرة انتي بتبالغي لك هي امك يا بني ادمي دهب:لك والله ما بتحبني انا ماني عم اكذب عليكي ماريا:لك بجوز ما بتحب دللك كتير يمكن هي هيي المشكلة بس دهب:لا بدلل اخواتي الشباب و انا لا ماريا:يييي لا تكبري الموضوع دهب:كمان انتي مفكرة هيك اووف منكن ماريا:خلص ياعمري قومي عازمتك ع الفطور دهب:اي ها من زمان فردي ايدك ماريا:بس بشرط... #يتبع

العضوة: 275918 , منذ 4 سنوات

الجزء الثالث: ماريا:بس بشرط... دهب:ييييي علينا مرة بهالعمر عزمتيني خير شو بدك ماريا:طلب صغير والله دهب:طلبي خلصيني ماريا:كيفه سيف ارتبط شي دهب:هههههههههههههه ماريا:شبك ارتبط؟! دهب:لك هاد كل يوم بحكي مع وحدة ماريا:تضربي اي دهب:بتحبي!؟ ماريا:اي والله بحبه دهب:لا تخافي انا بدبرلك امورك ماريا:قولي والله دهب:لا تهكلي هم و قومي نفطر ماريا:يلا يا قلبي ________________ عند سلطان: سلطان:اي لولو لميا:كيفك سلطان:مشتقلك و انتي لميا:و انا كمان يا روحي سلطان:وينك حبي لميا:هي رجعتي من السوق..كان بدي دهب تروح معي بس قالت انو عندها محاضرات ضرورية اليوم سلطان:صح دهب هالفترة مشغولة بمحاضراتها لميا:الله يسرلها سلطان:امين _____________________ بأحد جامعات التجارة و الإقتصاد: الدكتور:مين احمد؟! احمد:هوي محمد:هوي الدكتور:لك انتو بدكن تجلطوني اذا ما بتحكوا هلق مين احمد تنيناتكن برا محمد:عم قلك هوي احمد:عم قلك هوي الدكتور:يااااارب مين احمد احمد:فارط ضحك اما محمد حاسس بإحراج عرف الدكتور مين احمد و قلعه برا القاعة احمد و محمد كانوا تؤام طبق الأصل ما بيتفرقوا عم بعض غير بالعادات محمد هادي كتير بس احمد عكسه (بدكن اكتر من انه و انا عم اكتب خربطت بناتهن🤦🏻‍♀️) بقي سيف تعوا نشوف شو عم يعمل: بمكتب سيف: سيف:ليش الزعل يا روحي رهام:خلصنا سيف صرلك يومين مو حاكيني سيف:والله يا مريم كنت مشغول رهام:مين مريم سيف:اااه خربطت دخيل ربك يا سوزي سامحيني هالمرة رهام:لك مين سوزي شبك سيف انا رهام ضرب سيف ع راسه سيف:لا يا حبي هدول موظفات عندي رهام:هااااا قلتلي سيف:اي والله ياروحي #يتبع ‏‮

العضوة: 275918 , منذ 4 سنوات

الجزء الرابع: ماريا:تعي ننزل ع السوق دهب:لا دخيلك هلق امي بتعملي مشكلة ماريا:اماني نص ساعة و منرجع دهب:المشكلة تلفوني طافي و الا كنت خبرتها ماريا:والله ما منطول يلا دهب:امشي يلا ماريا:و اخيراً نزلت دهب مع رفيقتها و ساعة جرت ساعة و هني مو منتبهين للوقت... هيك لحد ما صارت الساعة ستة ونص المسا دهب:لك انا لازم ارجع هلق ماريا:لك مرق الوقت و ما حسينا دهب:هلق امي رح تجن عليي ماريا:خلينا نمشي بسرعة ....بفيلا ابو سلطان... سلطان كا ن طالع عند خطيبته و سيف مواعد بنت احمد طلع مع رفقاته و محمد بغرفته عم يدرس سالم كان بغرفته نايم و سعاد ناطرة بنته لترجع و تبلش بهدلة فيها اول ما دخلت دهب ع البيت حطت ايدها ع قلبها و فاتت شوي شوي سمعت صوت وقفها سعاد:وين يا ست الحسن و الجمال وين كنتي لهلق بلعت ظهب ريقها بخوف و وقفت قدام امها وهيي متمالكة اعصابها دهب:ماما كنت مع ماريا سعاد:وين كنتي مع الضرابة دهب:انزلنا ع السوق سعاد:و لهلئ يا خانوم دهب:ماما مرق الوقت و ما حسينا سعاد:مرق الوقت قلتيلي لأنو اوتيل هون فايتة طالعة ع كيفك دهب:ماما هي اخواتي بيعملوا هيك كمان و ما بتحاكيهم ما لحقت دهب تكمل جملتها الا و كان كف جاييها ع وجهها سعاد:اخرسي و ما بتقارني حالك بأخواتك ابداً فهمانة هنن شباب و انتي شقفة بنت اطلعت دهب بأمها و عيونها كلها دموع و ركضت ع غرفتها تحت انظار خديجة يلي لحقتها اول ما طلعت بس وقفها صوت سعاد سعاد:خديجة اعمليلي فنجان قهوة روق فيه دمي خديجة:حاضر.....انشالله سم دخلت ع غرفتها و سطرت الباب وراها و انهارت بالأرض و صارت تبكي و تشهق قد ما بكيت حست انو دموعها بكيت و بكيت و ياريت بكيها بريحها كان عم يحرقها بزيادة و كأن البكي احياناً بكون عقاب اكتر ما يكون راحة قد ما بكيت داق نفسها و حست بشي كابت ع نفسها ركضت ع البلكون تبع غرفتها و وقفت و صارت تتنفس بصعوبة حطت ايدها ع صدرها و من داخلها عم تترجى ربها يموتها لتخلص #يتبع

العضوة: 275918 , منذ 4 سنوات

‬‏‪#ذهب الجزء الخامس: صحي ابو سلطان و نزل لتحت و كانت العيلة كلها مجتمعة ماعدا دهب قبل اي كلام وجه حكيه للجميع سالم:وين دهب سعاد:مسا الخير سالم:وين دهب سلطان:مابعرف سيف:ليش دهب ما كانت بالبيت احمد:هي جيتي مابعرف وينها محمد:انا كنت عم ادرس سالم:(بعصبية)عم اسأل وين دهب بدي جواب مابدي كلام فاضي سعاد:مقبورة بغرفتها سلطان:ليش هيك عم تحكي عنها امي سعاد:تؤبر قلبي يا روحي لا تهتم فيها سالم:شو ساويتيلها سعاد سعاد:شو بدي ساويلها ما ساويتلها شي تركها سالم بحالها و طلع ليشوف بنته دق الباب شوي شوي سالم:دهب بابا افتحيلي الباب فتحت دهب الباب لأبوها و كانوا عي نها منفوخين من كتر البكي سالم:شبك يا روح البابا ليش عم تبكي دهب:م.ا.م.ا ضربتني و مسحت دموعها يلي نزلوا غصب سالم:ليش ضربتك دهب:لأني تأخرت سالم:و ليش تأخرتي دهب:كنت مع رفيقتي سالم:و ليش ما قلتي دهب:تلفوني ما كان في شحن سالم:معلش حبيبتي امك بتعمل هيك كرمالك دهب:بس انا ما غلطت سالم:بعرف يا حبيبتي بس هي هيك دهب:طيب و اخواتي الشباب عادي سالم:لا يا روحي بس هدوليك شباب دهب:بس نحنا نفس الشي سالم:الشب ما بينخاف عليه متل البنت...البنت غير الشب دهب:اممم طيب سالم:قومي اتعشي يلا دهب:مو جوعانة سالم:بدك تزعليني منك دهب:له يا ابو سلطان ما عاش يلي بده يزعلك و لو كنت انا دهب:ماشالله عنك ههههههه..يلا انزلي تعشي دهب:يلا نازلة و نزلت دهب مع ابوها تعشوا كلون مع بعض و طيلة القعدة دهب بتتحلشا اطلع بأمها و عم تشغل حالها بالأكل #يتبع

العضوة: 275918 , منذ 4 سنوات

الجزء السادس: بغرفة سالم و سعاد: سالم:سعاد للمرة الألف بقلك لا تقسي ع دهب سعاد:يييي علينا دهب..دهب..دهب انصرع راسي سالم:سعاد و للمرة الألف بقلك لا تعاملي بنتك متل ما اتعاملتي انتي كانت عم تمشك شعرها نزلت المشط و حطته ع التسريحة و دارت وجهها و اطلعت فيه سعاد:شو قصدك سالم سالم:انتي فاهمة قصدي..لا تعاملي دهب متل ما عاملك ابوكي سعاد:انا ماني عم عاملها متل ما انا اتعاملت..ليش شلون اتعاملت انا سالم:سعاد انتي بتعرفي كيف تربيتي كنت خمس بنات و صبي و بتعرفي الباقي قديش تعذبتي عند ابوكي لأنكن كتار و قديش كان يدلل فاتح اخوكي سعاد:خلص سالم سكر ع القصة..و ما تدخل بحياتي السابقة سالم:معناها عينك ع دهب و كيف بتعامليها سعاد:نفخت بديق منه و تركته و راحت اتمدت ع التخت و ذكريات الماضي عم تجرحها و تتذكر كيف كانت عايشة عند ابوها قبل ما يتزوجها سالم و كيف كامت متعذبة عنده و قديش فرق بين البنات و الصبي يلي كان عنده غمضت عيونها و حاولت تنام غصب العنها ------------------------------- كانت دهب بالصالون عم تحكي ماريا و سيف قاعد قبالها دهب:بربك😹😹😹يا الله راح عليي احلى مقطع من المسلسل ماريا:توتوتو لك ليش دهب:سيف اعد قبالي عم يشوف فيلم اكشن ماريا:بربك سيف قدامك دهب:اي ماريا:امدحيني شوي بلكي بينتبه دهب:عهههههه طيب...لااااااا...بربك!!؟ دكتور يا هبلة و ماعجبك ماريا:انو دكتور دهب:قامت و صارت تمشي قدام سيف و تعمل حالها متفاجأة دهب:لك يا حمارة هاد دكتور و سفرة ع أمريكا شو بدك احسن من هيك ماريا:انو سفرة و انو دكتور يخربيتك صرلي ستة سنين ما طلعت برا هالمدينة دهب:(حاولت تكتم ضحكاتها)اي والله ع جمالك بيجيكي امير اول ما سمع سيف كلمة جمالها عدل من حاله و اعظته و صار بده بأي طريقة يسمعها صوته سيف:دهب شو رأيك بالبارفان يلي حاطته دهب:(فهمت عليه)شممني...يموووو بجنننن سيف:اي طيب و شعراتي دهب:مافي احلا منك يا اخي ماريا:اي والله مافي احلا منه دهب:طيب ماريا مع السلامة ماريا:يخربيتك لسا عم نحكي دهب:بحاكيكي يا قلبي..باي سكرت دهب و كانت طالعة ع غرفتها بس وقفها صوت سيف #يتبع ‏‮

العضوة: 275918 , منذ 4 سنوات

الجزء السابع: سيف:دهب..دهب دهب:معم اخي سيف:تعي عدي بدي اسئلك ع شغلة دهب:امور اخي و اجت اعدت جنبه سيف:هلق هي رفيقتك شو وضغها دهب:انو رفيقة سيف:شو انو رفيقة ماريا يلي كنتي عم تحاكيها دهب:و حفظت اسمها كمان...سنجل رفيقتي بس بيجيها كتير عرسان سيف:(بخبث)حلوة!؟ دهب:يماااا بطير العقل شقد حلوة يا اخي شي متل الخيال سيف:(انعجب فيها من وصف اخته الها)عطيني رقمها دهب:نعااااااام شو بدك يا روح اختك لك مو عيب عليك طبعاً بعد ما قامت وقفت و شبرت و علت صوتها وقف سيف و حط ايده ع تمها سيف:هسسسس فضحتيني...عدي دهب:يوليييي داق نفسي...مو عيب عليك سيف:طيب شلون بدي شوفها دهب:بكرى بجيبها معي اذا عجبتك بخطبلك ياها سيف:لا انا مو خرج خطبة و جازي دهب:معناها انا مارح جيبها لتتسلى حضرتك فيها سيف:و المعنى دهب:بتوعدني اذا عجبتك تخطبها سيف:طيب بوعدك دهب:بكرى بجيبها معي و تركته و طلعت ع غرفتها لتنام __________________________ تاني يوم: مشي الموضوع روتيني جداً و ما كان في اي جديد غير انو دهب اكلت بهدلة قبل ما تطلع الجامعة متل كل يوم و صار هالموضوع بالنسبة الها امر عادي و باليوم يلي ما بتاكل فيه بهدلة بتحس انو في شي ناقصها شي و خبرت رفيقتها برغبة اخوها انو يشوفها حذرت رفيقتها منيح من سيف و تصرفاته و بعد الجامعة انطلقوا ع البيت و الحمدالله كانت سعاد مو بالبيت وصلت هيي و رفيقتها و طلبت من خديجة عصير و اجا سيف دخل بهيبته و شموخه سلم عليها و اعد سيف:مرحبا ماريا:اهلاً سيف:انتي ماريا ماريا:و حضرتك سيف سيف:صح... و طبعاً سيف عجبته البنت و فوراً اخد وجه عليها و هيي كانت سلسة و كتييير طيبة و حس انو في شي جذبه الها و خاصةً لما طلب رقم تلفونها و رفضت تعطيه الرقم لأنه هالشي بسببلها مشاكل مع اهلها احترم سيف رغبتها بس عطبته و كترت كمان بعد ما مشيت ماريا طلعت دهب ع غرفتها و كالعادة استفئدت ابوها اليوم ما كان موجود ع الغدا لأنو عنده شغل #يتبع

العضوة: 275918 , منذ 4 سنوات

الجزء الثامن: كانت الساعة قريب الستة المسا و الأب لا اتصل و لا بين نزلت دهب لتحت لمحل ما كانوا يجتمعوا كلهن دهب:ماما بابا وينه ما شفته اليوم سعاد:حكى انو عنده اجتماع و رح يتأخر دهب:طيب اطمنتي عليه سعاد:(بنفاد صبر)اتصلت فيه قبل نص ساعة دهب:و ايمت جاي سعاد:اوووف رح يتأخر شوي دخل سلطان و زت حاله ع الكنبة سلطان:مين يلي رح يتأخر سعاد:ابوك عنده شغل و رح يتأخر سلطان:امممم...دهب تعي لجنبي عدي اجت دهب و اعدت جنب اخوها دهب:شو اخي ماذا تريد سلطان:ماذا اريد ههههه شكله مأثر عليكي دهب:شو هوي سلطان:هالروايات يلي بتقرأيها دهب:عالم تاني يا اخي شي خيالي سعاد:مانك شايفها دايماً مو معنا دهب:ماما الروايات هني شي كتيير... سعاد:خلص..خلص لا تبلشي تتفلسفي هلق دهب:😒😒😒 سلطان:هههههه _____________________ بغرفة احمد: احمد:ياسر جبلي ما ضل عندي ياسر:ع فكرة انت ما لازم تكتر هالحبوب مو منيحة احمد:يا اخي انت شو دخلك فيي انت جبلي و بس ياسر:طيب...ايمت بدك جبلك ياهن احمد:بكرى عطينياهن بالجامعة ياسر:طيب....دير بالك حدا ينتبهلك احمد:لا تخاف ماحدا بينتبه اصلاً ما حدا مهتم فيي ياسر:شكلك نسيان خديجة احمد:يا اخي انت جيب و بس ياسر:طيب متل بدك احمد:يلا سلام ياسر:سلام ______________________ عند سالم بيك طلع من الإجتماع و كان راجع ع بيته برغم من انه رجال كبير بالعمر الا انه بحب انو هوي يسوق السيارة و يخدم حاله بحاله عكس زوجته يلي بتحب التفاخر و التكبر و بهديك الليلة كان الجو ماطر و الرعد قصف السما و ساوا لونها فضية ركب سيارته و اتوكل ع الله و ساق بالرغم من انه نظره ما ساعده ابداً بس حاول قدر الإمكان انو يعين حاله من جهة تانية كانت ذهب خايفة ع ابوها و منتظرة اتصال واحد منه يطمنها عليه ماعد تسترجي تسئل كدا اكتفت بأعظة جنب الباب منتظرة دخلته ع البيت لينور بيتهن #يتبع

العضوة: 275918 , منذ 4 سنوات

الجزء التاسع: اشتدت الشتي و خف نظر سالم و بطل قادر يشوف الطريق و صار يقرأ بآيات من القرأن لعل و عسى يقدر يمشي حاله بس ماحس غير انو كان ماشي بأمان الله و فجأة صار في قدامه شاحنة كبيرة و ماقدر يسيطر ع السيارة و ....بوووووم كانت ماسكة كاسة المي لتشرب منها بس وقعت من ايدها حطت ايدها ع صدرها دهب:بسم الله الرحمن الرحيم.... سعاد:توتوتو شبك..شبك دهب:ماما دقي لبابا الله يوفقك سعاد:يووه لك عم قلك عنده اجتماع دهب:ماما نئزني قلبي حاسة انو صاير معه شي سعاد:حاج تفاولي عليه شبك دهب:يارب خير ........ و مرقت ساعة و ساعتين و ما بين اي اثر للأب زاد توتر دهب و بقيت رايحة جاي عم تقرأ قرأن و ايديهة ضلوا مشبوكين ببعض و تلعب فيهن من شدة التوتر... /بمكان الحادث/ كانت سيارات الأمن و الإسعاف تعرفوا ع المصابين و طلعوا جثة سالم يلي ما قدروا ينقذوه و مات و كمان صاحب الشاحنة مات و ما كان عليهن الا مراسم الدفن و يعلموا اهل الميتين اتصل واحد من الضباط يلي كانوا موجودين بسلطان لأنه كان على علاقة معه رن تلفون سلطان رفعه و رد بسرعة سلطان:اهلاً سيادة الضابط خير في شي الضابط:مابعرف شو قلك سلطان:قول سيادة الضابط الضابط: و الدك عمل حادث سيارة و عطاك عمره سلطان:(بصدمة ماعرف شو يقول حس انو الأرض تجمدت من تحته و للحظة خلص كل شي راح بموت ابوه) انت متأكد من يلي عم تقوله الضابط:اي للأسف و هلق بمكان الحادث سلطان:انت وين الضابط: ** هون مكان الحادث سلطان:انا جاي لعندك... سكر سلطان و التفت للكل يلي كانوا متلهفين ليسمعوا خبر منه سعاد:شو قلك الضابط شو بده منك سلطان:(مسك اعصابه و تظاهر بالقوة)راح الغالي امي راح الغالي ما لحق يكمل جملته الا ما جس ع دهب ما سكته من كتافه وعم تهزه بقوة و دموعها صاروا عرض خدودها دهب:شو عم تقوووول...شو عم تقول..مستحييل...مشان الله قول انو كلامك غلط..قول انو مو ابي يلي مات...قول انو عم تكذب سلطان اطلع بأخته و حس بضعف قدامها كان يحبها و لما مات ابوه حس انووخلص سندها راح ضمها و صار يهديها و هي تبكي و شهق اكتر و اكتر اما الباقي فكانت حالتهن ما بتقل عن حالة سلطان صدمة سعاد كانت واقفة و دموعها نزلوا اما الشباب كل واحد فيهن اعد و عم يطلعوا ببعض مو مصدقين بدهن اي تفسير للشي يلي سمعوه #يتبع

العضوة: 275918 , منذ 4 سنوات

الجزء العاشر: تاني يوم: يوم فتح العزا كانت الفيلا ملياني ناس سعاد كانت متظاهرة بالصمود و القوة تطبيقن لكلام سلطان لما قال انو الموت حق علينا و مو لازم ينهاروا قدام الناس اما دهب فكانت بغرفتها اعدة و مو مسدقة يلي صار و لما بلشت تستوعب و حست بضياع فتحت باب غرفتها و ركضت لتحت دهب:ماما وينه ابي سعاد:دهب اطلعي ع عرفتك دهب:(فقدت اعصابها و صارت تصرخ) عم قلك وينه ابي...ياربي بدي ابي سعاد:خديجة طلعي دهب ع غرفتها مسكت خديجة دهب لتطلعها ع غرفتها بس دهب رفضت و وقفت بنص الصالون و قدام الناس و بلشت تبكي و تنادي لأبوها دهب:يابيي وين رحت و تركتني..وين رحت يا غالي...يابيي مين قلي غيرك..راح سندي ياربي ليش هيك..يارب ليش تركني لحالي.. يارب ريتك جعلت يومي قبل يومه يابيي يا قلبي خلص انا انكسرت من بعدك بطل قلي سند من بعدك يا غالي بعد ما علت صوتها اكتر و اكتر كل يلي كانوا موجودين صاروا يبكوا بما فيهن سعاد بس ما كلفت نفسها لتقوم و تشيل بنتها بس قطع كل شي دخول اخوها سلطان يلي قرب ناحها سلطان:قومي معي دهب..قومي دهب:تركني بدي ابي انا...بعد عني سلطان سلطان:(دمعوا عيونه ع ذكر ابوه) قومي دهب خلص الغالي الله يرحمه دهب:لك ليش تركته يسوق بالليل لك انتو ولاده ليش تركتوه لحاله..ليش.. قلي بتعرفوه نظره ضعيف ليش تركته يرجع لحاله ما اتحمل سلطان كلام اخته نزل لمستواها و شالها ع ضهره و مشي فيها ع غرفتها و هي عم تصرخ و تقول مابدي نزلني..بدي ابي.. دخلها ع غرفتها و قفل عليها الباب مشان ما تطلع و ضلت لحالها بالغرفة خبطت و كسرت و بكيت و نادت و عيطت ما ضل شغلي ع حالها بالغرفة كسرت كل شي مسكت صورة ابوها و ضمتها لصدرها و استادت صرخاتها هيك لحد ما تعبت و وقعت ع الأرض... بعد ما خلص العزا ما حدا اتذكر دهب سعاد:ااااخ انا طالعة ع غرفتي و كل واحد من الولاد طلع ع غرفته خديجة:سلطان يا ابني اختك وينها سلطان:ضرب ع راسه بكف ايده...اووووه لك حسبتها بالغرفة ركض سلطان ع غرفة دهب و فتح الباب و اتفاجأ بمنظر الغرفة خديجة يلي كانت معه شهقت من الشي يلي شافته سلطان:وينها خديجة فاتت ع الغرفة و شافتها برمية جنب تختها خديجة:يا بنتي شو صار فيها ركض سلطان و شاف اخته شالها بين ايديه و سطحها ع تختها و طلبلها الدكتور #يتبع

العضوة: 275918 , منذ 4 سنوات

الجزء الحادي عشر: سلطان:خير دكتور الدكتور:بصراحة البنت صايبها انهيار عصبي من صدمة اكلتها خير صاير شي سلطان:الوالد عطاك عمره و هيي كانت كتير متعلقة فيه الدكتور:الله يرحمه هاد هوي السبب سلطان:طيب شو لازم نعمللها هلق الدكتور:لازمها راحة و لازم ما تقسوا عليها و ماتحسسوها بغياب والدها سلطان:ماشي دكتور انشالله خير الدكتور:خلص شغلي؛بالإذن سلطان:اذنك معك؛اتفضل نزل سلطان و معاه الدكتور و تركوا دهب لوحدها بالغرفة فتحت عيونها لأنها من الأصل ما كانت نايمة نزلت دمعة غصب العنها و دمعة بعدها دمعة ع غياب ابوها و بقيت هيك شي تلات ايام رفضت الأكل و رفضت تروح ع الجامعة حتى انها رفضت تعد مع اهلها من جهة سعاد فهيي ما حست بأي تغير بالعكس حتى حال بنتها كان عاجبها بعد مرور عشر ايام: بقدر اقول انو كل شي رجع لوضعه الطبيعي و كل واحد التهى بشغله الا دهب بقيت ع حالها مسكرة باب الغرفة ع حالها و هي مو مستوعبة يلي صار و لهلق مو مصدقة موت ابوها و غيابه عنها خديجة:دهب حبيبتي انزلي تغدي دهب:ما بدي. و ماعد تناديلي خلص تركيني لحالي خديجة:بس يا بنتي ما بصير هيك دهب:عم قلك ما بدي خلص تركوني لحالي اتنهدت خديجة بحسرة ع حال دهب و ع الشي يلي صابها و نزلت لتحت اما دهب فتمددت بتختها و ضمت رجليها لصدرها و بكيت متل ما كانت عم تعمل كل الوقت ع السفرة: سلطان:وين دهب خديجة:ما عم ترضى تاكل شي سلطان:قديش الها ع هالحالة خديجة:مابعرف شو بدي قلك يا ابني سعاد:تركوها بس الجاعت بتاكل لحالها سلطان:امي مارح تاكل الا اذا غصبناها سعاد:و مارح نغصبها ع شي...اطلعت الأم بوجه احمد يلي كان مبين عليه الإرهاق و حوالي عيونه سواد سعاد:احمد شبك ليش هيك وجهك احمد:مسح ع وجهه...لا مافيني شي..انا منيح و كتير كمان للصراحة احمد كان يتعاطى مخدرات و جبوب مهلوسة لفترة طويلة بس ما حدا من اهله منتبهله و كتر منها لما مات ابوه كان يسكر بابا غرفته و يشرب هالحبوب بدون ماحدا يشوفه...و كالعادة امه مو فاضيتله لا اله و لا لغيره #يتبع

العضوة: 275918 , منذ 4 سنوات

الجزء الثاني عشر: قريب المغرب كل واحد راح ع اشغاله سلطان نزل ليشوف خطيبته و احمد راح ع رفيقه يلي بيعطيه لحبوب محمد راح ع المكتبة و سعاد راحت ع احوها فاتح و مابقي بالبيت غير سيف و دهب رن جرس البيت معلن وصول ضيف..راح سيف و فتح الباب سيف:يا هلا..يا هلا..نورتي اتفضلي ماريا:اهلاً فيك سيد سيف سيف:عيب عليكي سيف و بس ماريا:ههه تسلم..انا جاي لشوف دهب ممكن سيف:اكيد ممكن...خديحة اعمليلنا عصير خديجة:حاضر اعد شوي سيف مع ماريا و كلها لحظات و نادى لدهب يلي نزلا غصب العنها بعد ما عندت و رفضت تشوف رفيقتها قربت دهب ناح ماريا و كانت تمشي و تسند حالها بشغلة لما شافتها ماريا شهقت من حالها لأنو صرلها زمان مو شايفتها و بالعزا ما كانت موجودة دهب:(ضحكة بسخرية)هههع شبك شهقتي ماريا:دهب شو صرلك ليش هيك صرتي دهب:راح الغالي يا ماريا راح و اعدت ع الكنبة و رجعتلها موجة البكي من حديد اول ما شاف سيف اخته هيك تركها و طلع ع غرفته ماريا:(قربت منها و مسحتلها ع ضهرها )تؤبري قلبي يا دهب...مشان الله ديري بالك ع حالك ما بصير هيك دهب:شو بدك ياني اعمل..انتي قليلي خلص انا تعبت بدي ابي ماريا:هسس يا عمري ديري بالك ع حالك ما بصير هيك الحياة هيك بتعطينا و بتاخد مننا بنفس الوقت دهب:بس هيي اخدت مني روحي شو بدك ياني اعمل يا ماريا ما بقدر كمل حياتي هيك ماريا:خلص يا عمري طولي بالك و ادعيله بالرحمة ............................................................................ بعد مرور شهر: سعاد:و الحل يا سلطان و الحل سلطان:ما بعرف يا امي مابعرف سعاد:لكن مين بيعرف لك انتي الرجال معقول هيك ما تعرف دير شركة سلطان:يا امي كل شي مسؤوليتي ما شفت حدا من اخواتي ساعدني شو شايفيني جبل سعاد:انت مانك جبل بس كمان هاد الشي من مسؤليتك و انت البكر تبع العيلة سلطان:خلص يا امي خلص يلي فيني مكفيني و عندي ديون كثيرة و ماني عارف شو اعمل كلشي الا المصاري سلطان:والله يا امي لازم تساعدوني سعاد:شلون يعني و بشو سلطان:امي خففوا مصروف سعاد:طيب بشوف و انشالله خير بهاللحظة كانت دهب طالعة ع جامعتها و وقفها صوت امها... #يتبع

العضوة: 275918 , منذ 4 سنوات

الجزء الثالث عشر: سعاد:دهب ع غرفتك دهب:ليش امي طالعة ع الجامعة سعاد:بعرف انك طالعة ع البطيخ و انا عم قلك ع غرفتك دهب:ليش امي سعاد:ماعد في جامعة من يوم و طالع دهب:امي هي اخر سنة و هالسنة انا عندي تخرج ماخرج وقف هون سعاد:انا قلت مافي يعني مافي دهب:بس يا امي سعاد:(بصريخ)شو انتي ما بتفهمي عم قلك ع غرفتك....يلا لشوف دهب:حاضر... سلطان:امي ليش وقفتي دهب من الجامعة سعاد:مشان المصاريف سلطان:شو دخل مصاريف جامعتها سعاد:امي انا بعرف شو عم اعمل سلطان:طيب متل ما بدك و نزل بعدها محمد و احمد سعاد:لوين ماما محمد:ع الجامعة سعاد:الله يسرلكن احمد:انا يمكن بطل سعاد:بغضب عليك اذا بتطلع من الجامعة احمد:(كانت الحرعة يلي اخدها مأثرة عليه شوي)طيب طيب ما تعملولياها قضية العرب هلق... سعاد:هههههههه مهضةم تؤبرني و طلعوا الشباب ع الجامعة سلطان:ليش ما وقفتهن من الجامعة متل دهب سعاد:سلطان بكفي خلص ما تدخل سلطان:امي لا تظلمي دهب سعاد:سلطان انا بعرف شو عم اعمل سلطان:طيب ............................................... عند دهب: دهب:يا ربي خلص انا ماعد اتحمل يا ربي صبرك ع هالحالة..خلص ماعد الي الا الموت قانت دهب بصعوبة و مشيت ع التسريحة و طلعت من الجرار "شفرة" دهب:يارب سامحني مسكت دهب الشفرة و كانت رح تقطع شرايين ايدها بس وقفها فتح الباب خديجة:(اطلعت بدهب بصدمة و ركضت عليها)دهب شو عم تعملي دهب:تعبت والله تعبت امي بتكرهني و ابي يلي كان يحبني مات ليش لكمل حياتي خديجة:لا يا حبيبتي حرام هالشي محرم عند ربنا ما بصير انتي تنهي حياتك استسلمت دهب و انهارت من البكي و كانت خديجة جنبها #يتبع

العضوة: 275918 , منذ 4 سنوات

الجزء الرابع عشر: بالشركة: سلطان:نعم!؟؟ هلق سيف ساحب هالمبلغ الموظف:اي والله يا بيك السيد سيف سحبهن سلطان:استغفر الله العظيم عليك يا سيف ايمت سحبهن الموظف:مبارح الصبح سلطان:طيب شو الشركات يلي باعتة منتجاتها لشركتنا الموظف:للأسف و لا شركة سلطان:و معنى كلامك الموظف:للصراحة سلطان بيك سلطان:اي الصراحة الموظف:الشركة بعد غياب سالم بيك فيك تقول انها تراجعت كتير و عنا ديون كبيرة لازم نوفيها سلطان:طيب و العمل الموظف:ما بعرف بس اذا ما لحقنا حالنا الشركة رح تعلن إفلاسها سلطان:مناخد قرض من البنك و منرجع منوقفها ع رجليها الموظف:سلطان بيك حضرتك قبل يومين سحبت ق ض كبير من البنك سلطان:مسح ع جبينه بعصبية و حس انو ممكن يخسروا كل شي سلطان:بتصدق نسيت...طيب القرض وين رحنا فيه الموظف:يا بيك القرض دفعنا فيه نص ديون الشركة سلطان:و النص التاني الموظف:ما اندفع سلطان:طيب...طيب ع مكتبك خليني شوف حل لهالورطة الموظف:امرك طلع الموظف و بقي سلطان لوحده عم يعيد حساباته رن تلفونه و رد بسرعة سلطان:الو لميا:كيفك حبيبي سلطان:لميا مو فاضيلك هلق بع.ين منحكي لميا:ع فكرة النا زمان مو حاكيين سلطان:قلتلك مو فاضي لميا:و انت كل يوم مو فاضي سلطان:اوووووف منك..خلص روحي من وجهي و سكر الخط بوجهها _________________________ بفيلا سالم بيك: و بغرفة احمد: كان ماسك بأيده جرعة مخدرات جديدة و عم يشمها و مستمتع باللي عم يسويه بعد ما خلص رجع لورى و اتسطح ع تخته و صار يحرك عيونه يمين و يسار و حس بوجع راس خفيف بعدين ارتخى و نام بعد ما راح كل عقله و انخوت الشب قديش في متلك بالمجتمع يا احمد عايشين حياتهن عم يتعاطوا و ماحدا منتبهلهن قديش لازمنا وعي لحتى مايصير فينا متل احمد #يتبع

العضوة: 275918 , منذ 4 سنوات

الجزء الخامس عشر: بغرفة دهب كانت اعدة بغرفتها طول النهار لأنو امها هيك بدها ما بدها تطلع من الغرفة مشان ما يشوف ها رفقات امها و لأنها ما بتحب رفقاتها يشوفوا بنتها و خصوصاً بعد ما تعبت نفسيتها ________________________ المسا: كانوا الكل مجتمعين سيف:امي انا بدي اخطب سعاد:و مين بالله سيف:رفيقة دهب ماريا دهب:(بصدمة)لحقت تتعرف عليها سيف:لا تخافي ع اخوكي دهب:اي ماشالله عنك سعاد:هلق الغي كل شي لبعد شهر سيف:و ليش بالله سعاد:عم نمر بظروف صعبة سلطان:سيف انت شو ساحب مصاري سيف:سحبت مصاري لأني احتجت سلطان:كان لازم تسألني سيف:هدول مو مصاريك لحالك سلطان:و لالهن مصاريك...اسئلني بس مشان اعرف ادير امور الشركة سيف:اااه مشان تعرف تسرق قصدك دهب:(وقفت دهب بوجه سيف لأنها الوحيدة يلي بتعرف اخواتها منيح ) سيف ما تحكي هيك ع اخوك سلطان عمره ما سرقنا سعاد:انتي انضبي مالك علاقة بأخواتك سيف:متل ما قالتلك امك..مالك علاقة بشي لا تاكلي هوا فيه سلطان:ماتحكي مع اختك هيك سيف:و من ايمتى صرتوا تحبوها ما طول عمركن بتكرهوها و امك اصدق مثال لكلامي سلطان:انتو يلي بتكرهوها اما انا هي اختي من لحمي و دمي سيف:اي حاج..حاج عواطف و مسخرة سلطان:سيف الزام حدودك احسن الك سيف:و شو رح تعمل يا رجال وقف سلطان و هجم ع اخوه ليضربه بس بعدته دهب عن اخوها دهب:خلص..مشان الله سلطان اهدى ..اخي اهدى بعد سلطان عن سيف لأنو اجاه اتصال سلطان:اي عادل شوفي عادل:****** سلطان:شو عم تقول انت عادل:******* سلطان:متأكد من كلامك عادل:******* #يتبع

العضوة: 275918 , منذ 4 سنوات

الجزء السادس عشر: سكر سلطان و اندار لعند امه و سفق بأيده سلطان:راح كل شي ما بقيلنا شي عير هالبيت و فوق كل شي علينا ديون للبنك سعاد:شو معنى كلامك سلطان:يلي سمعتيه و ماشالله ابنك المحترم ساحب مصاري من الشركة و مدري وين رايح فيهن سعاد:(اندارت لعند سيف)سيف وين المصاري يلي عم تسحبها لك عم تسرق اخوك محمد:طولوا بالكن يا جماعة ما تتخانقوا مشان المصاري سلطان:ع نصتك محمد شي ما بتفهم فيه لا تناقش فيه سيف:المصاري يلي اخدتها كانت من حقي و انا هلق طالع من هون و مارح ارجع لأنو ماعد الي رجعة سعاد:شو معنى كلامك يا سيف سيف:المعنى سحبت مصاريي و رج اتجوز "ماريا" رفيقتك يا دهب و رح سافر و كون حياتي الخاصة بعيدة عنكن و عن عيشتكن سلطان:ما بتطلع لحد ما ترجع المصاري و تخلينا نرجع و نوقف الشركة ع رجليها و نرجع القرض تبع البنك سيف:بتكون عم تحلم انا سيف و اذا اخدت شغلة انسى ارجعها ترك سيف اهله بحالة صدمة و طلع من البيت و ع قولته طلعة بدون رجعة رح تتفاجئوا بكلام سيف لما حكى ع ماريا سيف خطب ماريا بسرقة اهله و كتب كتابه عليها و نبهها انو ما تخبر اخته و تقطع علاقتها فيها دهب:اتاريها اتجوزت و ماعم تحكيني لا و تجوزت اخي يلي كانت تترجاني لحتى اسمعها صوته..لك لعما...ليش هيك حياتي انت شو ساويت لحتى يصير فيني هيك سعاد:هسسسس ع نصتك طلعي ع غرفتك لنفكر بحل طلعت دهب ع غرفتها و بقي سلطان و امه سلطان:هلق انكسرنا يا امي و ماضللنا حل و لا سند سعاد:شو الحل سلطان لازم تلاقي اي شي نعمله سلطان:يا امي راح كل شي ويني الخسارة يلي خسرناها من لما مات ابي و اخي يلي سرقني و انتو يلي عم تسحبوا بهالمصاري بطعمة و بلا طعمة اي و كل شي عليي و انا شو بدي لحق للحق سعاد:قلتلك حل مو تعد تندب سلطان:لازم نشتغل كلنا لحتى نحافظ ع بيت العيلة يلي بقي سعاد:من بكرى بتلاقي شغل لهي يلي بغرفتها سلطان:مين قصدك سعاد:شو مين قصدي دهب اكيد سلطان:بدك دهب تشتغل و نحنا تلات شباب #يتبع