العضوة: 378864 , منذ 4 سنوات

بياخدو حصتهم وبتسلى معهم ) نجاح ( طيب يلا ) ام لطفي ( ولك لا توكليها نية بكرة بصير بطنك يوجعك ) رحت عملت فتلة عند خالتي ام اسماعيل وخالتي ام بكر خبرتهم يجو يساعدو امي بالحاملات ويشربولهم فنجان قهوة خالتي ام اسماعيل طلعت قبلي وسبقتني على بيتنا وخالتي ام بكر قالتلي خمس دقايق وبجي فردنا هالشرشف بالحوش وصرنا نلقط ام لطفي( والله تاخرت ام بكر ها هي الباب بدق قومي يا نجاح افتحي الباب) ام بكر( يمسيكم بالخير يا جماعة خليكم خليكم يا جماعة والله ما بتقومو ) ام لطفي ( شو ليش تاخرتي يا ام بكر ) ام بكر ( كنت بالمؤسسة من شوي وصلت يباي فقعت من الشوب اي افتحيلك هالباب شوي يا نجاح نتفس عاملين عروض بتجنن اربع علب فول بنص ليرة وشوال الرز بليرة ونص وخمس علب سردين ب ليرة ) نجاح ( ليش ما جبتي صباح بنتك يا خالتي بتسلى انا واياها ) ام بكر ( هسا بتلحقني بس بتضب بالاغراض) ام لطفي ( هسا يا جماعة جبتكم لحتى تدلوني على عروس لابني مصطفى بدنا اياها حلوة ومنيحة وبنت ناس) ام اسماعيل( بدك تزوجي مصطفى قبل لطفي يا ام لطفي) نجاح ( خالتي ام اسماعيل انتي بتوكلي ولا بتلقطي) ام اسماعيل ( ياعليكي يا نجاح متبعتيلي شو باكل ) ام لطفي( وبعدين يا نجاح ما تسكتي ) نجاح ( شو حكيت انا ) ام لطفي( هسا بالاول بدي اخطبله لمصطفى ولطفي ما هو خاطب اول ما يطلعو المستأجرين الي فوقنا بزوجه وبسكنه ) ام بكر( وخطيبته قابلة ) نجاح ( هو من كثر ما بشوفها معطيته موعداثنين وخميس يروح عندها كانه ماشية هالسنة والله العليم بتصوم وبتتزكي صيامها بجية لطفي عندها )

العضوة: 378864 , منذ 4 سنوات

لطفي عندها ) ام لطفي ( ولك انتي مش ناوية تسكتي قومي من هون في كيس بالتلاجة في كم حبة كوسا كبار ما بنفعو للحشي روحي قطعيهم وجهزيهم نعمل عليهم كوسا حوس ) نجاح ( ااافت طيب يا رب تزوجي ولادك عالسريع ويجي حدا بساعدني شوي ) ام اسماعيل( عندي عروس بتجنن بس مش حافظة رقم اهلها ) ام لطفي ( ايدي بزنارك يا ام اسماعيل ولك يا نجاح يا نجاح وين بتغطي ) نجاح ( مش حكيتلي افوت اقطع الكوسا ) ام لطفي ( اتركي من ايدك هسا وروحي جيبيلي الدليل من جوا بسرعة ) نجاح ( ها وهي جبته شو اسم العيلة يا خالتي ام اسماعيل ) ام اسماعيل ( القنفذ ) نجاح ( يا خوفي نقرب منها تصير بتشوك القنفد القنفذ القنفذ القنفذ يا خالتي ما في القنفذ ام اسماعيل ( دوري منيح يا نجاح كيف ما في ) نجاح ( والله ما في ) ام اسماعيل( طيب جربي حسونة القنفذ ) نجاح ( عيلتهم حسونة ولا القنفذ ) ام اسماعيل ( بدك الصحيح عيلتهم حسونة بس لقبهم القنفذ ) نجاح ( ها هي حسونة شو اسم ابوها ) ام اسماعيل ( ابوها اسمه خالد ) نجاح ( يا خاتي زاغو عيوني وانا بدور ما في خالد ) ام اسماعيل( ما هو امه لخالد وسته تقاتلو شو بدهم يسموه فسجلوه خليل بس بنادوه خالد ) تجاح ( اللهم طولك يا روح ) ام اسماعيل ( اي مالك يا نجاح مش طايقة حالك كلي حاملة كلي ) رنت امي عالجماعة وبلشت تمدح وتوصف باخوي مصطفى انا للحظة انصدمت بهالمواصفات فكرت امي بتحكي عن بيت ناس تانين بس لا عادت اسم مصطفى تلت مرات اكيد رايحة تخطبها لاخوي مصطفى بهالوقت دخل ابوي عالبيت وخالتي ام اسماعيل قد ما بتيجي بتقعد عنا نسيت انه هاد بيتنا مش بيتهم قامت غطت راس امي وقعدت نجاح ( عفكرة يا خالتي هاد ابوي مش عمي ابو اسماعيل انتي الي لازم تغطي مش امي) مسكينة قامت عحيلها متل الي مسكتها كهربا بس يلا من قوة الايمان هاد روحو خالتي ام اسماعيل وخالتي ام بكر واحنا حطينا الغدا مع راس بصل وشوية زيتون وبعد هيك شويت الحاملة بالفرن مع كاسة شاي بنعنع وقعدنا مع ابوي نسهر شوي وبلشت امي تحكيله عن العروس ومصطفى قاعد جنب امي متل البنت المستحية بطلع بابوي وبنزل راسه واتفقو انه تاني يوم يروحو عند الجماعة بعد العصر تاني نهار صحتني امي الساعة 7 الصبح نشطف وننظف هالبيت الي كله غرفتين ونص وكل الي فيه قردين وحارس من وين بتوسخ ما بعرف

العضوة: 378864 , منذ 4 سنوات

بعرف نظفنا البيت ولا هو جرس البيت برن كانت خالتي ام بكر ومعها بنتها صباح فتنا انا وصباح عالمطبخ نسلق زهرة ونحضر للفطور حتى نعمل مشاط نجاح ( بتعرفي يا صباح انا لو علي اخدتك انتي لاخوي مصطفى طيبة ومسكينة وعلى قد الايد كمان ) صباح ( الله يسامحك يعني انا على نياتي ) نجاح ( يباي كيف فهمتيها وك انتي اختي اصلا ما بزبط اخدك لمصطفى انا بدي وحدة احرث عليها وانتي مسكينة ما بزبط ) صباح ( طيب طيب خلصي ركبي بريق الشاي وحطيلنا خلينا تفطر ولا تنسي تحطيلنا برازق بعد الفطور ) خلصنا فطور وصرنا نحضر بحالنا شو بدنا نلبس حتى نروح ننقد سعيدة الحظ هووالله ما انا عارفة هي حتكون سعيدة والا الله يعينها اجا مصطفى وقعد يزمر بسيارته ما هو بشتغل عسيارة بوظة بوزع اسكيمو ام لطفي ( وك يا نجاح خلصينا شو بتعملي ) نجاح ( يلا يلا حطيت النشا عاشاري بس بكوي فيه ) مصطفى ( يما شو بدنا نوخد بايدنا ) نجاح ( انا بقترح نوخد تنين كيلو وربات اوجه واحسن ) ام لطفي( طب خلصي انتي يا ام الاقتراحات ) والله ورحنا عند هالجماعة شو ناس مقدرين وصحاب واجب ضيافة رايحة وضيافة جاي ما خلو كولا وفواكه وعاملة امها كيكة زاكية بس شكله مكترة فيها بيض وبعد شوي دخلت سناء مبدئيا بس شفتها احاسيسي كلها تجمدت زمبركات شعري وقفت يخزي العين شو حلوة حكيت بيني وبين حالي مستحيل توافق عمصطفى بس متل ما بقولو كل قمحة مسوسة الها كيالها الاعور تربع ابوي وبلش يخطب ويعبر وطلبها لسناء واهلها طلبو يومين ليسألو عن مصطفى وبهاليومين مصطفى لا نام ولا ارتاح وهو رايح جاي يسألني نجاح فكرك اهلها بوافقو وبعد يومين الساعة تنين الظهر بالزبط رنت امها واعطتنا الموافقة والمسا تحركو الزلام حتى يحدو المهر ويتفقو عكل شي وامي تضرب اخماس باسداس خايفة يطلبو مهر عالي مهي بنت حلوة وبتساهل وصارت بدها تبيع سنسالها الذهب الحلبي قال عشان تدفع المهر نجاح ( يما استهدي بالله هالسنسال كل ما دق الكوز بالجرة بدك تبيعيه

العضوة: 378864 , منذ 4 سنوات

تبيعيه اذا بدك ترممي البيت بدك تبيعه واذا حدا بمرض بتصيري بدك تبيعيه حتى وصيتك لبعد ما تموتي نبيع السنسال ونعملك بيت اجر مرتب بحقه انا بقول اعطيني اياه وريحي حالك لسا الجماعة ما بين خيرهم من شرهم خلينا نروح ونشوف وبعدها لكل حادث حديث ) ام لطفي ( اااخ منه لسانك امشي قدامي امشي ) ……يتبع في الحلقة القادمة #حنين_طه

العضوة: 303364 , منذ 4 سنوات

كملي اختي

العضوة: 353845 , منذ 4 سنوات

@user-378864 شوقتينا في اخير ماتكمليها 😤😤😤

العضوة: 397824 , منذ 4 سنوات

شوقتينا

العضوة: 395385 , منذ 4 سنوات

وين الباقي 😟😢😢😢😢😪😪😪😪😪😮😮😮😮😯😯😯😯

العضوة: 303364 , منذ 4 سنوات

شوقتينا اختي كملي القصه

العضوة: 378129 , منذ 4 سنوات

قالت البنت كل يوم حلقة😂 وهذي كانت الحلقة الاولى وبكرة ال٢ وهكذا لحد م يخلص المسلسل😎

العضوة: 346090 , منذ 4 سنوات

اي ساعه الحلقه ال2 🤭🤭

العضوة: 67067 , منذ 4 سنوات

متى الحلقة الثانية

العضوة: 378864 , منذ 4 سنوات

الحلقة التانية يلا فوتي يما فوتي انتي ام عريس دخلنا عالبيت عند اهل سناء وبلش ابوي يتفاوض مع ابوها عالمهر قد ما قدر ينزل عصره عصر للزلمة بالاخير اتفقو على الف ومتين ليرة مهر وقرا ابوي الفاتحة مع الزلام واعطى الاشارة لامي انها تهاهي ام لطفي ( اييها ارفع راسك يا مصطفى واقشعها ايييها وكل ما حكتلك كلمة اسمعها اييها وكل المال الي حطيتو ايييها ما بيسوى راس اصبعها ) وامي ما شاء الله عليها صوت بيرن رن وصل صوتها لكل الحارات الي جنبنا بعد شوي ما شفنا الا سناء قامت من مكانها واجت سلمت على امي وباست ايدها هو صحيح انا احترمتها بالهحركة بس مش عارفة ليش قلبي مش مرتحلها وخلصت الجاهة وكل واحد روح عبيته تعبانين الا مصطفى روح بضحك مع حاله تاني نهار صبحو الجارات جايات عند امي يباركولها ويعرفو الاخبار منها ام اسماعيل ( الف مبروك يا ام لطفي والله فرحتله كانه واحد من ولادي) صباح ( بس ان شاء الله تكون بنت حلال مش تطلع متل نسوان اخواني بلال وطلال) نجاح ( اي اخوانك طراطير شو دخلهم بنات الناس خلص يما لا تطلعي فيي حطيت حبة ملبس بتمي وسكتت ) ام لطفي ( روحي يا نجاح جيبي هالعدسات من جوا انقيهم خليني اعملهم عالغدا)

العضوة: 378864 , منذ 4 سنوات

اعملهم عالغدا) ام بكر( ليش يا ام لطفي ما تعملي عرس لطفي ومصطفى مع بعض ) ام لطفي ( والله هي فكرة بس من وين بدي اجيب ازوج التنين مع بعض انتي عارفة المصاريف يا درب الواحد يلحق ) ام اسماعيل ( له يا ام لطفي هكلانة هم المصاري واحنا هون بعدين انا كنت بدي افتح معك الموضوع بدي اعمل جمعية وانتي يا ام لطفي بدخلك باسمين وبتوخديها اول وحدة كمان ) ام لطفي ( اذا هيك كتر خيرك يا ام اسماعيل ) نجاح ( بس مش يصير فينا زي دايما يا خالتي ام اسماعيل كل مرة بتعملي فيها جمعية ما حدا بدفععلك ايشي) ام اسماعيل( لا لا هالمرة انا مرتبة الفكرة منيح براسي ) ام بكر ( شو بدي احكيلك يا ام لطفي كمان ما في داعي تشتري دشداشة جديدة لعرس ولادك بتتزكري دشداشتي الي الي بعتتلي اياها اخته لابو بكر من الضفة قبل سنتين الي مطرزة من تحت ومن عند الصدر عليها شك خرز بتوخديها وبتلبيسها ) ام لطفي ( ييييي بخاف يصيرلها ايشي يا ام بكر ) ام بكر ( عحسابك ول الجيران لبعض ) ام لطفي ( خلص معناتو اليوم بحكي مع ابو لطفي وبشوف ) بس روح ابوي خبرته امي انه الجارات اقترحو عليها انه يكون العرس مشترك وعملت حالها هي ملهاش دخل بالفكرة والله وابوي رحب بالفكرة كتيرة هيك بيضرب عصفورين بحجر وبوفر عحاله مصاريف ابو لطفي ( خلص معناتو على بركة الله اصلا علي المستأجر الي فوق حكى معي من يومين وحكالي انه بده يطلع ) ول عليه هالعلي قديش ظليت رايحة جاي قدامه تكسرت اجري وانا طالعة نازلة عالسطح كل درجة من الدرجات بتشهد قديش قعدت بتنظيفها وانا احكي لحالي هسا بخطبني وهسا بيحكي مع ابوي بس عبس الي ما اله حظ لا يتعب ولا يشقى

العضوة: 378864 , منذ 4 سنوات

عبس الي ما اله حظ لا يتعب ولا يشقى خبرت امي اخواني بالفكرة وكل واحد فيهم راح يخبر خطيبته بطريقته وانا جبت حصالتي وقعدت اعد قديش فيها مصاري تمن ليرات تمن ليرات وربع تمن ليرات ونص تمن ليرات وخمس وسبعين ها وهي صارو تسعة تسع ليرات وعشرة تسع ليرات وعشرين ام لطفي ( ولك شو بتعملي يا نجاح ) نجاح ( بعد بتحويشة عمري ) كانت امي بتعبي بوجوه الفرشات تركت من ايدها وصفنت فيي ام لطفي ( شو بدك بالمصاري ) نجاح ( بدي اشتري فستان لعرس اخواني بصراحة ما بدي اخد من حدا بدي اشتري والبس انا ايشي جديد) ام لطفي ( وك ما هو هاللبسة وبعدين رح يرتمى بالخزانة ) نجاح ( مش مشكلة يما المهم البس ايشي جديد بلكي حدا في على عينه قشة وانخطبت ) ام لطفي ( اخ منك انتي قومي شوفي مين بدق عالباب ) نجاح ( ها لطفي هاد انت اجيت شو مالك هيك وجهك ما بتفسر ) ام لطفي( بصراحة هناء ما عجبتها فكرة انا نتزوج مع مصطفى بنفس اليوم ) نجاح ( خلص يا حبيبي يا لطفي لا تزعل انا هسا برن عليها وبحكي معها وبقنعها لا تخاف علي ) مسكت هالتلفون وبلشت ادور بالعجل تبع التلفون واضرب الرقم ردت علي هناء وفهمتها انه هيك احسن الها بدال ما تظلها سنة تستنى لطفي ليزبط وضعه وكلها هالليلة وبتمرق وبالنهاية هو بوفر الها والحمد لله اقتنعت بالاخير