منذ 3 سنوات
  • ما قبل الحمل
السلام عليكم ورحمة الله وبركاته انا كنت من حوامل يوليو وولدت يوم الأحد الماضي من هاد الأسبوع تاريخ 19/4 كنت مخلصة شهري من تسع ايام اصحيت الصبح متوترة وخايفة لأن لهلأ ما اولدت و زوجي كان مشغول بالو كمان حكالي جهزي مشان نطلع عالمستشفى نطمن عالوضع ليش لهلأ ما اولدتي بلشت حركة البيبي تخف قمت فطرت و جهزت أمور أولادي و بيتي و اتحممت حمام ساااخن واخدت شناتي المشفى واطلعت كان معي شد عادي مو قوي وما في طلق بس خلال الشهر التاسع كان ييجي طلق مو منتظم و يروح دخلنا المشفى فحصتني داخلي حكتلي توسع أربعة سانتي بس ما بنصحك تطلعي من المشفى لأن الك زمان مخلصة شهرك و هلا ببلش خطر عالبيبي وعملت تخطيط لنبص البيبي حكتلي التخطيط منيح الحمدلله بس ازا بدك تطلعي وقعي عورقة على مسؤوليتك حكتلها اعمليلي تحريض وبروح بس يسير طلق طبيعي برجع ما بدي طلق صناعي حكتلي تحريض ما بقدر اعمل و تطلعي من عندي عملتلك مساج لعنق الرحم اكتر من هيك ما بقدر اعمل وازا بدك تدخلي ولادة بدخلك بعطيكي حقنة شرجية و بعدها بنفقش مية الراس و بنحكم وراها ازا حتحتاجي طلق صناعي أو لا صرت ابكي خفت كتير حكا مع زوجي وامي واقنعوني اعمل دخول والتوكل على الله حكيت لزوجي بدي امشي اشوي امشيت وأرجعت للمشفى كان مأذن الظهر طلبت منهم اصلي دخلت على غرفة لحالي صليت فيها و دعيت ربنا يهونها علي و يخفف عني و يحفظلي جنيني... بعدها حكولي روحي غيري اواعيكي... غيرت اواعيي وخلوني ارتاح اشوي و بعدها اعطوني حقنة شرجية اول مرة بجربها هاي بتنظف البطن من أي أوساخ جواتو بعدها بنص ساعة طلبت ادخل الحمام اعزكم الله ما كان معي ألم عالساعة أربعة ونص حكولي بدنا نفقش مية الراس مشان يسير عندك طلق فقشتها القابلة و بلش بعدها الطلق محتمل بعدين حمي كتييييير و اعطوني مسكن أهديت اشوي ارتحت ورجع حمي الطلق اكتر من اول بكتير ومية الراس تنزل اكتر فحصوني لقوني جاهزة للولادة دخلوني عكرسي الولادة الساعة خمسة وربع و بعد الدفشة التانية عالخمسة ونص بفضل الله اولدت ابني الله يحفظه ويحفظلكم أطفالكم اجمع بعد ما اولدت اتخدرت عالاااخر بس ما نمت عندهم حطوني ساعتين مراقبة و اطلعت بفضل الله ورحمته... اعطوني إبرة مسكن قبل ما اروح من عندهم والله يجزيهم الخير قابلات المشفى كانو حناين الحمدلله

18 تعليقات

العضوة: 502409 , منذ 3 سنوات

الحمد لله ع سلامتكم انتي والنونو يتربى بعزكم وربي يقر عينكم بيه.

العضوة: 606151 , منذ 3 سنوات

ماشاء الله الف الحمدالله بسلامتك وسلامة البيبي .

العضوة: 656126 , منذ 3 سنوات

@user-502409 امييين يا رب حبيبتي وإياك وكل الحوامل

العضوة: 656126 , منذ 3 سنوات

@user-606151 الله يسلمك و يبارك فيكي حبيبتي عقبال سلامتكم جميعا انتو واطفالكم

العضوة: 656126 , منذ سنتين

@user-145757 هون التفاصيل

العضوة: 805458 , منذ سنتين

الحمدلله على السلامه الله يرزقك بره ويجعله من الصالحين

العضوة: 851833 , منذ سنتين

@user-656126 الحمدلله على سلامتك والف مبروك المولود حبيبتي 💕

العضوة: 793931 , منذ سنتين

الف الف مبروك والحمدلله على سلامتك وانا بعد خلصت شهري واسبوع ولسى ماودلت ادعي لي ربي يسهل ولادتي والله مرا تعبت خوف وقلق وكل شي وخايفه من الولاده مرا ادعو لي ربي يسرها لي واقوم بالسلامه انا والبيبيي🥺🥺😭💔

العضوة: 793931 , منذ سنتين

@user-798200 لا دا حملي الثالث

العضوة: 656126 , منذ سنتين

@user-805458 حبيبتي الله يسلمك بس هالموضوع من سنة 😅

العضوة: 656126 , منذ سنتين

@user-851833 حبيبتي تسلمي يا رب بس هالموضوع من سنة

العضوة: 656126 , منذ سنتين

@user-793931 الله يبارك فيكي و يسلمك حبيبتي الله يخفف عنك و يقومك بالسلامة انتي والبيبي و يسهلها عليكي بس هالموضوع من سنة 😅

العضوة: 254141 , منذ سنتين

الحمدلله ع سلامتك انت والبيبي 💐💐💐

العضوة: 968159 , منذ سنتين

الف مبروك يارب يعمري طيب سؤال الوجع مال الولاده الطبيعيه بيوجع اكتير بليز انا خايفه ❤