السلام عليكم الحمد الله ولددت بالسلامه وطبيعي امس فجر الثلاثاء في مستشفى الحبيب الريان اخر دوره لي 13 / 7 ميلادي ٢٩ /١٠ هجري كملت ٤٠ سبوع ع حساب السونار برنامج حاسبه الحمل ولدني قبل حساب السونار ب ٣ ايام في يوم الاحد نمت متاخر مره وصحيت الفجر اصلي ومانمت بعدها لما صار الساعه ٩ ونص الصباح رحت انام شوي كذا الا اسمع حاجه كذا تطق طق بقوه من تحت شيء ينفك بقوه الا المويه تنزل وانا اقوم مفجوعه نزلت مويه كثير واتصل ع زوجي وع المستشفى وفحوصات قالو مفتوح ١ ونص سانتي يلا تنويم لان المويه نزلت المهم يا بنات مكان في طلق او شيء خفيف ماحس فيه ويودوني الجناح وجت الدكتوره الدكتوره( قالت احنا بنتابعك وراح تتنومين اذا ماننظم الطلق كل ١٠ دقائف بعد ٢٤ ساعه بنحط لك طلق صناعي ويركبون قياس الطلقات وكانت تجي طلقات بس غريبه عجيبه مره كل ساعه مره كل ساعتين ٤ مرات كل ساعه عجزت احسبها بشكل متنظم وكان مره يوجع مره ومره خفيف ومره وسط المهم كان جدا المهم ع الساعه ٦ م بدا ينتظم بس مره بشكل متفاوت بسيط يعني كل نص ساعه ثم كل ٥ دقايق ثم كل ربع ساعه ومن الصباح الساعه ١٠ الى ١٠ اليل جت وكشفت قالت ٣ سانتي يالله غرفه ولاده لاني طلبت ابره ظهّر ودوني غرفه الولاده وركبو قياس الطلق وبعدها نص ساعه جت دكتوره التخدير وحطت بنج موضعي قبل الابره ودقت الابره تحسين بدخول الابره بس مايوجع المهم بدا البنج واختفى الم الطلق وكل شوي يجون يشفون قياس الطلقات ويقلون لسى مافي ولاده عاد هينا خفت يكون في عمليه اذا مانفتح وبعدها تقريبا ع الساعه ٢ ونص في اليل بديت احس بالطلق واستغربت الالم وكل ماله يشتد عادد قلت في نفسي ممكن انه قرب الفرج وراح اولد نسيت انه ممكن ان البنج خلص او حطت جرعه قليله وصار الالم يشتد وناديت النيرس جت قالت ايوا خلص يالله بحط لك المهم وتشتغل كذا وراحت والالم باقي المهم بعدها قلت الالم باقي خلي الدكتوره تجي تكشف ممكن ولاده الحين جت الدكتوره وتشوف قالت الابره خلصت الجرعه بنادي دكتوره التخدير وجت وحطت لي زياده وصرت ماحس بشيء المهم صار الساعه ٣ الفجر ويجون قالو مشاء الله الطلق صار منتظم يالله بنكشف تحت كشفت الا ٨ سانتي ويجهزوني استعداد الولاده وكذا ويتابعون الجهاز لما صار الساعه ع ٤ ونص كذا كشفت قالت يالله يالله ١٠ سانتي ويتجمتون وجت الدكتوره وجلست قدامي ومعها الطاقم ويقلون لي ادفعي وانا ماني حاسه بشيء بس اعرف طريقه الدفع اذا قالو لي ادفعي دفعت وكأنو مبسوطين من طريقه دفعي ممكن حول ٥ دفعات وطلع البيبي يابنات راحه فضيعه يوم طلع سبحان الله حسّيت براحه الثقل راح احس النفس رجع لي كني قبل مكتومه والحمد الله جبت ولد زي القمر مشاء الله عاد يا بنات لما كنت في غرفه الولاد اسمع بنتين يصارخون واسئل الطاقم الي عندي قبل اولد هم اخذو ابره الظهر قالت وحده ماخذت ووحده اخذت بس قللنا عليها الجرعه عشان تدفع لأنهم بكريات صراحه هاذي ولادتي الثالثه بعد ٧ سنوات وتحسفت أني قبل ماخذتها بس قبل كنت احسبها خطيره وشلل وماني عارفه ايش انصحكم يا بنات في ابره الرحمه بالنسيه للي يسبونها ممكن تكون الجرعه خلصت نفس ماصار لي يبي لك اذا حسيتي بالم تعلمينهم وتزنين فوقهم انا مادري ليش المستشفيات بعضها يبخلون علينا فيها رغم دافعين المبلغ ويقللون الجرعه ولازم تطلبين حتى لو شافتها خلصت تسكت ماتقولك فلازم تتكلمين وبس دعواتكم لي ولطفي