في الصباح يوم الخميس 10/11/2021كان عندي موعد و رحت وكل شيء كان كويس وقالت لي نعطيك اسبوع وطلق صناعي قلت لها حركة الجنين قليله وقالت خلاص سوي تخطيط سويت وطالع بالتخطيط طلقتين قويه وماعندي الم استشارت مع الدكتور وقال خلاص تنويم اليوم و طلق صناعي وانا قلت تم موافقه اهم شيء اخلص ودخلت معنا بالغرفه مراجعه ومن قلت خلاص صناعي جلست تغمز لي تقول لا ارفضي الله يجزاها الجنه الحمدالله اني سمعت لها و رفضت و قبل ارجع البيت تصدقت بماء بمسجد على نية تنفرج علي واولد فضل الصددقه عظيييم ي بنات و رجعت البيت افطرت وشربت اناناس من البقاله و رحت انام صحيت العصر وعندي تقلصات خفيفه توقعتها زي كالعاده من بداية التاسع ومااعطيت للامر اهميه و و جاء المغرب رحت فكيت اناناس معلب وشربت معه عصير وعادي يعني الا وبدأت التقلصات تشتد واحاول احسبها الطلقات القويه كان بينها بالبدايه 10 دقايق وبعدها صارت 8 دقايق و ولدي كان نايم قلت خلاص اذا صحي ولدي بروح المستشفى وصحي ولدي الساعه 10 والطلقات بدأت تشتد وتتقارب في الوقت ودخلت الطوارئ الساعه 11 ونص فحصوني 8 سانتي فررحتت 😍الم خفيف محتمل وهالقد فاتح على طول ودوني الكشك وجات دكتوره فحصت قالت 4 سانتي🙁 وبعدها جاء دكتور 5 سانتي 😑وتحطممتت وكنت اتنفس بشكل صحيح و سمعت الحريم صراخ و ولاده انفعلت معهم و صرت اصرخ ع الفاضي وجات الساعه تقريباً 3وعليها وجاء الدكتور فك موية الجنين واشتتد الالم اقوىى من الساعه 12 لساعه 5 الفجر 6 سانتي والالم يزيد و الضغط وصراخ وبكي وطلبت مسكن عطوني وحده بالوريد و ابره بالعضل وللاسف زي عدمها مامنها فايده واصررخ واحاول اتنفس مو قادره الم فضييع لدرجة اطلبهم قيصري معد اتحمل والحمدالله جات الساعه 7 الصباح يوم الجمعه 11/11/2021وانا والده ولدي سند الله يجعله سند لنا ☺️💙. بدون طلق صناعي و بدون شق عجان وسوو لي خياطه و صراحه تععبت جداً فيه بس الحمدالله على كل حال وزنه 2700 وماشاءالله على طول تقبل صدري ويرضع عكس ولدي الاول بعد طلوع الروح وكمان دلووع يحب امسكه تعود40 اسبوع في بطني حصل الراحه🤣😜. ملاحظة: لا تتعبو نفسكم بالخلطات والمشروبات و المشي والجماع واي شيء يقولو لكم يسرع الولاده او يسهلها لا تتعبو نفسكم و تسووه انا من اول يوم بالتاسع كنت اسوي كل شيء عشان اولد بدري مشيت مسافات تدفيت زين شربت كل شيء قرفه نعناع اناناس ماافادو معي بشيء و جماع و تدهنت بزيت زيتون و حبة بركه طلعت درج سويت قرفصاء اغلب التاسع كله مقضيته كرف وغسيل و شطف ونظافه بالبيت لان كان عندي طلوق كاذبه وحاطه امل اني بولد في اي لحظه اذا جاء يومه المكتوب بيطلعع حتى لو منسدحه نايمه خلاص وقته جاء بيطلع ماراح يجلس اكثر من 9 شهور واهم شيء راقبو الحركه و تقومون بالسلامه ان شاء الله ❤️.