السلام عليكم ورحمة الله وبركاته بتمنى لكل وحدة منكم التوفيق ، بنات انا جيت اليوم احكيلكم قصتي مع الولادة هاد ولادتي التالتة بيقولي انو الولادة التالتة بتكون قريبة من الأولى لانو الرحم بيكسل وبتكون ولادة طويلة المهم الحمد لله انا يوم السبت 27 فبراير على الساعة 8 صباح نزل مني ماء الجنين وكان عندي قبل توسع 4 سنتم رحت على طول للمستشفى وتاكدو من الماء انو ماء الجنين المهم اخدوني على طول على غرفة معزولة وعملولي تحاليل الكورونا وخلوني هنيك استنى النتيجة ضليت شي 3 ساعات وخرجت التحليل سلبية والحمد للله اتماء ل 3 ساعات والماء بينزل معي بس ما في الم او طلق ضلو يستنو شوي لربما يجيني طلق طبيعي بس ما اجا خلاص بعدين اخ و قرار انو لازم يعملولي طلق صناعي لاني بديت انشف من الماء دخلوني على الساعة 4 وعملولي طلق صناعي وبدأ شوي شوي يجيني الوجع بس في الأول خفيف ضل وجهد لحتى ساعة 5 وشي 20 دقيقة ابتديت احس بألم فضيع لا تخافو من الطلق الصناعي لانو مثل الطبيعي ما في فرق المهم اتصلو بزوجي ليجي يحضر للولادة اجا زوجي سبحان الله بدو معي الطلقات يا الله شكد بتوجع المهم وحدة ورا وحدة ورا وحدة والحمد لله خرج البيبي وحصل معايا تمزق حطولي البيبي على صدري وبعد شي 5 دقايق اخرجو المشيشية واعطو لزوجي المقص ليقص الحبل السري المرحة الي تعبتني اكتر هي بعد إخراج المشيشمة ضلو شي 20 دقيقة ينقوني من البقايا المشيمة وبعدين عملولي الخياطة و الحمد لله انتهت رحلتي هنا اخدو ابني ليطمنو على صحتو وزوجي ما خلوه يدخل معي هون بأوروبا ممنوع ورحت على الغرفة بس مش المعزولة كانو فيها اتنين اخرين والحمد حسيت براحة ما تتخيلي نمت شوي وجابولي حبيبي سهل الله يباركلي فيه ويفككم على خير يا رب ويعطيكم الذرية الصالحة