#تآجرة_حقارة بقلم روريتآ .. " الجزء الأول " سارة و مايا رفقات كتيرر و ثقتن كبيرة ببعض .. (مايا بنت حلوة كتير حنطاوية قصيرة شعرا أسود طويل عيونا بنيات كبار و حلوين و خدودا معبايين و مشكلجية كتير) (سارة سمرا جذابة و حلوة عيونا بنيات أطول من مايا بشوي و بتضل تتنمر ع مايا أنها قصيرة مع أنو مو هالفرق الزايد 😹) عم يتمشوا بالسوق فجأة شافو نايا .. نايا : لك سارة .. تؤبري ئلبي ليش ما ئلتيلي بدك تنزلي ع السوق كنت نزلت معك 😒 سارة : أي شو هالسلام هاد الله ياخدك من يوم يومك كلامك دج 😹 نايا : مين هالحلوة اللي معك سارة : هي رفيئتي مايا اللي بحكيلك عنها نايا : عنجد هي مايا .. ع فكرة حبيتك قبل ما شوفك سارة كتير بتحكيلي عنك و عن مواقف صايرة معكن مايا : دخيل ئلبك .. و أنتي باينتك طيوبة (نايا جارتا لسارة مو كتير صحبة بس بتحب الرفقات كتير من طيبة قلبا ) (نايا بنت حلوة كتير كربوجة و بتنحب شعرا أسود قصير ) .. سارة : يعني رح تضلو واقفين متل البقر 🙂 خلونا نروح ع شي مكان ناكل نايا : لك مو بأيدك أم كرش 😹 مايا : ...... نايا : شبك مايا وين صافنة ؟ مايا : آه .. لا مافي شي سارة : يلا لكن نمشي مشيو و فجأة وقفت مايا و صارت تتمرا ع بلور السيارة .. (السيارة كانت جبلية شبح و كتير حلوة) صارت تعمل حركات و تتغما بعيونا و تتغزل بحالها من عوايدها لهالهبلة 😹💚 سارة : لك يا الله دخيلك مايااا تعي لهون مايا ما ردت و ضلت معندة .. و إذ بينزل شباك السيارة 😹 آدم : شو يا حلوة أنتي مجنونة شي 😹 مايا : ييييي مين أنت شو جابك آدم : نعم ؟ 😕 لا هلأ تأكدت أنك جدبة .. مو هي سيارتي يا آنسة 🙂 مايا ما قصدا تسأل هالسؤال البايخ بس من الصدمة 😹 .. مايا : أنا آسفة آسفة .. مشيت و وشا أحمر من الخجل 😹 تمنت الأرض لو انشقت و بلعتا و من وقتا بطلت هالعادة اللي فيها .. (آدم شب متوسط الطول عيونو عسليات و شعرو بني ) سارة : خرجك 🙂 كم مرة قلتلك يا حيوانة تبطلي هالعادة مايا : لا تزيديها عليي ها جاية ع بالي اقتل حالي ع طول بحط حالي بمواقف بايخة 😞 نايا : خلص طولي بالك والله أنا حبيتك مايا : و أنتي التانية مين جاب سيرة الحب هلأ .. مو طايقة حالي باي مايا تركتن و راحت ع بيتها حقها الأخت تنزعج 😹 .. نايا زعلت من حكي مايا و أخدت موقف منها مع العلم إنها حساسة كتير و ما بتلقا مزح .. سارة متعودة ع جحشنة مايا و هيي متمسحة رجعت ع البيت دقتلا مشان تفهم منها شو صار بالتفصيل .. مايا : نعم شو بدك اتصلتي مشان تشمتي يا كلبة البدو موو سارة : لك كلبة لك سنفورة استني لاحكي لا تسكري مايا : خير شو بدك سارة : والله ما بدي اشمت فيكي احكيلي شو صار مايا : ما بدي هلأ بتضحكي عليي 🙁 سارة : لا بوعدك ما اضحك .. نحنا رفقات وليك مايا : لك عم اتمرا ع بلور السيارة و بتعرفيني بحب اتغالظ فجأة بينزل شباك السيارة و بيطلعلي واحد راسو مربع و بقلي أنتي مجنونة شي هون خرست ما عرفت شو احكي 🙁 هون سارة بدا تفرط 😹 بس ما قدرت مشان مشاعر مايا .. حبستا شوي بس هيي بتتميز أنو ضحكتا فضيحة و ما بتقدر تكتما 😹 .. سارة : لاااع مو معقول .. مايا : شبك وليك سارة : أنتي ما حكيتي معو شي ؟ ما عم صدق أنو ميوش المشكلجية ما تفتح إذاعة أف أم و تبلش ردح 😕 مايا : ما بعرف لساني أكلو القط بوقتا 🙁 بس قلتلو شو جابك لهون قام قلي هلأ اتأكدت أنك جدبة هون سارة ما عاد قدرت مع أنو حاولت كتير 😹 سارة : لك 😹😹 آخخخ فرطت .. الله لا يوفقك شو جدبة قال شو جابك قال 😹 لك مايا مايا وين رحتي طبعاً مايا سكرت بوشا و استحمرت حالا أنو حكت لأكتر وحدة بتتمسخر و ما حدا بيسلم من لسانها 😹 .. تاني يوم بدا تروح ع مدرستا و خايفة تشوف خلقة سارة أو خايفة من الشماتة و أنو سيرتا رح تصير ع لسان كل رفقاتا 😹😹😹 .. ( سارة و مايا رفقات بالمدرسة و هنن طلاب بكالوريا علمي سارة بتحب تفوت كيميا و مايا عشقا الصيدلة ) سارة : صباح الخير يا حلو مايا : ... سارة : إذا بتردي عليي ما بحكي لحدا عن اللي صار معك مبارح أما إذا ما بتردي وحياتك لأفضحك و بتعرفيني أناا 😹 مايا : أمانة يعني والله موقف محرج ما بتمناه لعدوتي 🙁 و اتخيلي صاير معك أكيد رح تنسطلي و ما تعرفي تحكي سارة : لك تؤبري ئلبي أنا اللي بعرف بس حبيت هز الورد لشمو 🙈 ع كلٍ هاد سر بيناتنا وعد مايا : لك بحبككك 🙊 بالفرصة نزلو ع باحة المدرسة فشافو بنت اسما ماسة .. (ماسة بنت من شب لشب حتى أخدت حبيب رفيقتا) سارة : ليكي مين 😹💦 تف ع هيك ناس مايا : أي عنجد .. لك سارة معقول حدا بيخطف حبيب رفيقتو .. والله حرام مو ؟ سارة : أيي 😞 لعماا بلا أخلاق هالبنت مايا : تعي تعي نسمعا حكي و نعمل مشكلة 😹 سارة : لا بربك أنا المديرة متحططة عليي مو ناقصني اتقلع آخر سنة بهالمدرسة 🙂 مايا : لعما شو جبانة 🙄 أنتي بعمرك ما رح تعرفي تتصرفي سارة : مين اللي ما بيعرف يتصرف يا حلوة 😹 متل مبارح مثلاً مايا : يا كلبة يا حقيرة 🙁 سارة : عم امزح معك طب لاثبتلك أني مو جبانة .. راحت سارة و وقفت ماسة .. ماسة : شو بدك و مين أنتي سارة : أنا أم السوس وليك ماسة : نعم نعم نعم .. وليك كمان .. ليكي وليك رح عد للعشرة إذا ما بتطيري من خلقتي بدي أجرم فيكي عم تفهمي مايا : نعم نعم نعم .. شو حبيبتي ما سمعت 🙂🙂 تطيري ما تهدي الهي 🙂 والله لاعمل خريطة الوطن العربي بوشك يا شرنة ماسة : و مين أنتي بالله مايا : انا كسارة راسك ماسة : يا مام عنجد خفت مايا : أي تعي لهون .. طبعاً مايا مسكتا من شعرا و بلشت سارة ضرب فيها 😹 و ماسة مو فهمانة شو القصة ماسة أكلت قتلة مرتبة و راحت شكت للمديرة 😹 المديرة زمرد : شو هاد شو صايرلك شو هالفوضى هي .. ماسة : يا آنسة ماشية بأمان الله ما بلقي غير تنتين شرنات مسكوني من شعري و بلشو ضرب فيي لك ما عملتلن شي و أول مرة بشوفهن زمرد : شو هالوقاحة هي ليش هيك عم تحكي ع القليلة اتذكري أنك واقفة جنب مديرة من الحزب جاية خصوصي لتدير و تحمل مسؤولية هالمدرسة ماسة : عفواً آنسة بس أنا شو عملت .. زمرد : هي اللهجة اللي عم تحاكيني فيها 🙂 ماسة : طيب بعتذر منك ما بدك تعرفي مين اللي عمل فيي هيك و تعاقبيه زمرد : تعي .. بربك تعي عدي مكاني وعلميني شو اعمل ماسة : لك يا آنسة.. زمرد : خلص خرسي و طلعي لبرا ما بدي اسمع شي ماسة : بس لقلك.. زمرد : طلعي لبراااا .. زمرد بتكره ماسة كتير و كان بودها تعرف اللي عمل فيها هيك لحتى تتشكرو بس بتضلا المديرة و ما لازم تميّز 😹 سارة : مو كأنو تأخرت المديرة 😹💦 مايا : ليكي ليكي ماسة 😹 سارة : عم تبكي أكيد بهدلتا و قلعتا مايا : لك ليش في حدا بحبها بهالمدرسة و فجأة ماسة بتجي باتجاه سارة و مايا .. ماسة : والله لتندمي أنتي و ياها .. مايا : يااا عنجد 🙁 أنا كتير بعتذر منك بس سامحيني كرمال الله ماسة : اعتذارك مو مقبول و أنا مستحيل ارحمك سارة تطلعت بمايا هديك النظرة و فرطو 😹 سارة : لك صدقت حالها 😹😹 تؤبري قلبي يا مايا شو بتعرفي تمثلي 😹 مايا : لك آخخخ فرطت كرمال الله خلينا نمشي رح موت 😹😹 مشيو و ماسة مقهورة منن و ما عرفت شو ترد لأن ما قدرتلن 😹 شرنااات .. رجعو ع البيت و بطريق الرجعة شافو آدم واقف مع واحد .. مايا : ييييييي 😕🙁 سارة : شبك شفتي شبح ؟ شو صرلك ؟ مايا : لك هاد الحمار اللي شفتو مبارح 🙂 سارة : أيّ حمار فيهن في تنين 😹 و التنين مبينين حمير 😹 مايا : هاد الزمك سارة : لك ولييي 😹😹😹 رايحة قلو بربك مايا : تسترجي يا كلبة و الله بموتك سارة : ع فكرة أنا ما بخاف من السنافر 🙂 لك معلم معلممممم آدم صار يدور ع مصدر الصوت و تطلع عليهن حكمت عينو بعين مايا 😹 مايا نزلت نظرا ع الأرض من الخجل 😹 آدم فرط ضحك لما تذكر موقف مبارح 😹 همام : شبك ولا جنيت آدم : لك اتطلع لهنيك 😹 همام : أي شو في ؟ آدم : شايف هي الزمكة 😹 همام : هي الحلوة آدم : أي هي أصلا خراس تنيناتن يقبرو قلبي بجننو همام : ليش في تانية آدم : أي اتطلع ليكا حدا همام : ويلي ع قلبي آدم مسكني بسرعة آدم : شبك ولاا همام : بتجنن 🙁 دبت .. يمكن هاد اللي بسموه حب من أول نظرة آدم : عن مين عم تحكي همام : مو الزمكة .. التانية آدم : تضرب أنت وياها .. منرجع لحديثنا هي الزمكة الحلوة مبارح كانت عم تتمرا ع شباك سيارتي و فجأة نزلت الشباك و تشوفها كيف تلبكت كتير 😹 بس بتعرف كانت عم تتغالظ بس حركاتا بتجنن لا و غير هيك قالتلي شو عم تعمل هون 😹 لا عنجد هالبنت جدبة بس حلوة طبعاً همام ما سمع شي و ما فهم شي مسطول سطل بالآنسة سارة .. و شوي شوي قرب منها و قلا هاي .. سارة : بااي 🙂 همام : دخيلوو سارة : أنت غبي شي ؟ همام : ليش شو عملتلك سارة : انقلع من خلقتي أحسن ما موتك همام : أي بأمرك يا آنسة و من وقتا همام دايب بالآنسة سارة و صار يلاحقا لحتى عرف وين بيتا و وين مدرستا .. و صار ينطرا ع باب المدرسة مشان يوزع ابتسامات 😹 سارة : لك يالله شو غليظظظ مايا : لا والله كتير حلوو سارة : أي روحي حاكيه 😒 مايا : ما بدي أنتي بتعرفيني أني بكره الشباب سارة : لك هاد بتحسيه أجدب مايا : والله كتير شخصية .. ليكي رايحة قلعلك ياه و هيك بترتاحي منو سارة : يا ريت والله مايا راحت لعندو و وقفت متل أبو شهاب مع إنها زمكة 😹 .. #يتبع ..