قدر ومكتوب🌺 الكاتبة :حلا #البارت الاول اوقات القدر ما بينصفنا وبيوقف بوجهنا وبيحرمنا اغلى ناس على قلبنا بتزكر منيح هداك اليوم وقت فقت من النوم الساعة3 على صوت انين امى كانت عم تطلق وقتا كان عمرى15 رشا:شو بيكى امى؟ ام رشا:عم موت ماعم اتحمل😢 ابورشا:بسرعة رشا هاتى شنتايت امك ولحقينى لتحت حملت شنتايت امى وركضت لتحت ركبت بالكرسى الخلفى لسيارة جنب امى كنت عم امسح على شعرها بايدى قربت منها وبستها على جبينها كان وجها اصفر وكتير بارد بتزكر منيح كيف كانت عم تطلع فيا كانت عم تودعنى كانت عم تشد على ايدى بقوة ما بدها تتركنى اول ما وصلنا على المشفا دخلوا امى على غرفة العمليات قبل سنة.... الدكتور:مابقدر طمنك حالتها صعبة وعضلة القلب عندها ضعيفة كتير ولازم تاخد احتياطاتها لحتى مايصير حمل بعد شهرين امى تعبت ونقلناه على المشفا وتبين فى التحاليل انها حامل كانت ارادة الله اقوى من كل شى الدكتور :حالحمل خطر عليكى لازم ينزل ام رشا:مستحيل نزله بدى اياه ابو رشا:انتى هيك عم تعرضى حياتك للخطر ام رشا:امك ما راح تقبل بدها تشوف اولادك وعم تضل تسمعنى حكى بدى اخ لبنتى ابو رشا:تركى امى شو مابدها تحكى المهم نحنا نكون مع بعض،مو حابب اخسرك انتى ورشا عندى بدنيا ام رشا:انا اخدت قرارى وماراح اتراجع بدى الولد ابورشا:بعصبية افهمى بقى مابدى ولاد بدى اياكى الك اصرت امى رغم خطورت حالتها تخلى الحمل ستى كانت قاسية كتير على امى وعم تسمعها حكى وتعايرها بمرضها وضعفها وانها ما بتجيب ولاد رغم تعب امى بشهور الحمل الا انى كنت انطر اليوم اللى اشوف اخى فيه ولاعبه واهتم فيه بعد 4ساعات بغرفة العمليات... كنت عم ابكى انا وابى وعم ننطر معجزة الهية تنقذ امى ركضنا انا وابى على الدكتور ابورشا:طمنى دكتور كيفا مرتى؟ الدكتور:مع الاسف ماقدرنا نسيطر على حالتها وخسرنا الجنين صرخ ابى بصوت عالى مستتتتحيل على قد ماكانت الصدمة قوية عليا ما بكيت حسيت حالى مو مستوعبة شو بيصر حوليا لعند ماشفتها مغطاية بشرشف ابيض قربت منها ومسكت ايدها وبستها رشا:قومى امى انا متاكدة انتى عم تسمعينى قومى بدنا نروح على بيتنا قومى ما بدى من هالدنيا غيرك مشان الله قومى ابورشا:😥امك ماعم تسمعك امك تركتنا وراحت رشا:انتا عم تكذب ما ماتت كلهم عم يكذبوا مستحيل تتركنا هيا بتحبنى هيا عم تمزح معى هلاء راح تفيق مابيهون عليها تتركنى وتروح صرت هز جسمها بكل قوتى بس ماكانت تتحرك استسلمت للموت وتركتنى وقتا بس حسيت انى فقدتها وللابد وقعت على الارض وصرت صرخ بصوت عالى على امل انها تفيق بس ماكانت تستجيب😭 ماتت سر سعادتى وهداية حيرتى وترجمان كيانى