قصة اليوم: #كانت_حبيبتي ............. قراءة ممتعة🦋💙" #ⴅÂÐЄĦÂالبارت الأول: ببيت حلو وصغير ع قدهن كانت حياتهن حلوة وهادية وكلها حب ماهر عمره 27 سنة متزوج من منى عمرها 24 سنة متزوجين من 3 سنوات وليس لديهم اطفال ماهر معو مرض ومابجيه اطفال كانت حياتهم كئيبة كتير وكانو يحسو بالوحدة والفراغ ومافي شي يسليهم ماهر كتير حنون وبحبها لمنى وبموت عليها واخذو بعض عن حب بعد مرور 3 سنين زواج وماعندهن اولاد منى بلشت تتغير اتجاه ماهر وتصرفاتها كلا تغيرت وصارت انانية يمكن بسبب الفراغ الي جواتها واحساسها بالوحدة بس رغم هالشي ماهر بحبها ومابيزعل منها لو شو ماعملت واوقات بتكون هي الغلطانة وهوا الي بيعتذر منها ماهر بحب التجديد والتغيير بحياتو وبحب المفاجئات ورومنسي كتير وطبعو هادي وبحب المرأه تهتم فيه ومنى كانت هيك بس بعد مرور 3 سنين تغيرت وصارت وحده تانية وبتزعل من ماهر ع اصغر شي ومابتتحملو ابدا مع انها كانت تموت عليه ماهر بيشتغل مهندس كمبيوتر وبيعرف كل شي بالأنترنت منى ما بتشتغل شي اخدت البكلوريا ووقفت منى كانت تحب واحد قبل ماهر اسمو فراس وطلبها من اهلها بس ما وافقو لأنو مانو دارس وماعندو بيت وسيارة هي كانت بدها ياه بس اهلها ما وافقو وبعد مرور فترة هوا ماقدر يستناها اتزوج وسافر وبعدها بفترة ماهر ومنى شافو بعض بالصدفة وحبها وحبتو وتعرفو ع بعض وتزوجو ونسيت حبيبها الاول ماهر كانت منى اول حب بحياتو في الليل ماهر. مسالخير كيفك حبيبتي منى. وينك لهلأ ماهر. وين بدي كون بالشغل منى. شوف الساعة كم صارت معقول لهلأ بالشغل ماهر. لك والله بالشغل شو يعني غيرانة عليي وبتفكريني مع شي بنت منى. لا ابدا بس انت ناسي انو انا بالبيت لوحدي وبخاف ماهر. حقك عليي بس اليوم كنت مشغول كتير منى. اي لابقا تعيدها ماهر. اي بس شو عاملتيلنا اليوم اكل والله ميت من جوعي منى. اليوم ماني عاملة شي شو هالحياة كلها انا بدي قضيها طبخ وشطف وتعزيل وبعدين يعني ماهر. طيب حبيبتي ولا يهمك افتحيلي معلبات او ايا شي مو مشكلة منى. طيب استنا شوي ماهر. اي حبيبتي ما تتأخري بعد ما تعشا ماهر وخلص منى كانت تتفرج ع التلفزيون قرب منها ماهر وحط ايدو ع كتفها ماهر. انا كتير اشتقتلك منى. بعد عني انا بدي روح نام تصبح على خير ماهر. بصوت عالي منى منى. نعم شو بدك ماهر. فيكي شي منى. لا انت بس تركني بحالي راحت منى ع غرفتها ولحقها ماهر لقاها عم تبكي ماهر. ياعمري انتي متدايئة من شي احكيلي ليش عم بتبكي زعلانة مني شي منى. لا مالي زعلانة منك بس متدايئة شوي ماهر. طيب مو حرام هالعيون هدول يبكو منى. خلص ماهر اتركني بدي نام ولو سمحت طفي الضو ماهر. متل مابدك انا طالع لبرا سهر ماهر لوحدو بالليل وعمل قهوة وشرب دخان وبالأخر مل وفات ينام في اليوم التاني يوم عطلتو لماهر قام وزبط حالو ولبس احلا شي عندو واتعطر وهنن عم يفطرو ماهر. منى بس تخلصي اكلك جهزي حالك خليني نروح مشوار منى. لوين بدنا نروح ماهر. اذا بدك بنروح عند واحد من اخوتي منى. اي لأ شكرا هاد هوا المشوار ماهر. طيب وين بدك قوليلي وين بدك بنروح اذا بدك ع بيت اهلك عادي بنروح منى. لا مابدي ماهر. وين لكن منى. مابدي روح ع مكان مو جايي ع بالي اطلع من البيت ماهر. بس اليوم عطلتي احسن مالنا قاعدين بالبيت منى. بطلت تعجبك قعدة البيت ماهر. مو هيك بس حابب انو نغير جو انا وياكي منى. هلأ صارت الروحة لعند اخوتك تغيير جو ماهر. هلأ شو دخل اخوتي انا قلتلك وين مابدك بنروح واذا بدك بنتغدى بشي مطعم منى. ماهر الله يخليك مابدي روح لمكان قام ماهر عن الاكل وهوا زعلان وطلع ع البلكون ماهر. الله يمضي هاليوم على خير اكيد رح نقضيه كلو مشاكل كالعادة بعد مرور ساعتين كانت منى بغرفتها وطلعت وهي لابسة ومجهزة حالا وماخدة شنتتها وماشية منى. ماهر قوم وصلني ماهر. وين رايحة منى. بدي روح لعند سماح رفيئتي عندك مانع ماهر. مو عأساس مابدك تطلعي من البيت منى. اي غيرت رئيي ماهر. ماهر مافي تروحي منى. ليش مافي بالعادة تمنعني ماهر. شو بدي ظل اعمل بالبيت لوحدي انو اجليها ليوم تاني كون انا اشتغل فيه منى. صرت مجهزة حالي ماهر. اي بنروح انا وياكي ع شي مكان وأجلي مشور سماح منى. خلص بقا ماهر بدك توصلني ولا روح لحالي ماهر. طيب امشي وهنن طالعين من باب البيت فتحو الباب لاقو بوجههن اخوه لماهر اسمو طلال ومرتو فاتن اتفاجئت منى بجيتهم واتوقعت انو ماهر متصل فيهم ماهر. اهلا وسهلا تفضلو طلال. لا اذا كنتو طالعين نحنا بنرجع ماهر. لا والله مابترجعو تفضلو اهلا وسهلا فاتن. كيفك منى طمنيني عنكم منى. تمام الحمدلله انتي كيفك فاتن. الحمدلله فاتن. عنجد نحنا بنعتذر اجينا بدون موعد منى. لا ولو ميت اهلا وسهلا شو تشربو قهوة ولا نسكافيه طلال. قهوة راحت منى تعمل قهوة وراحت معها فاتن فاتن. وين كنتو رايحين منى. كنا طالعين وماكنا عارفين وين نروح بس اكيد كنت رح اجي لعندك انتي لانو بحبك عن دون الكل