انا طفل رضيع عمري اسبوعين عاوز اشتكي ليكم شويه😔😔 واحكي معاكم شويه وياريت تسمعوني 🙏 انا قعدت 9 شهور ف بطن ماما مش باعمل اي حاجه عايش اخر مزاج وانتخه 😃😄😁 الحبل السري بيدخلي الاكل والشرب والاوكسجين وياخد فاضلاتي لبره لحد ماجه اليوم الموعود ونزلت من بطن ماما وفاجأة لقيتهم بيقطعوا الحبل السري قعدت اعيط 😢😢 ولاقتني باخد نفس بنفسي والميه اللي ف الرئه بدأت تمتص والهوا يملي الرئه عندي حسيت اني بقيت ف دنيا تانيه ولاقتني مش عارفني وتهت مني وانا مش انا 😳😳 بدات ارضع وباعمل مجهود عشان ارضع واشبع وكل شويه يحطوا سبرتوا علي سرتي وكل اللي رايح وجاي يبوس فيا وعمالين يلبسوني لبس كتير والدنيا حر وقافلين الشبابيك وانا بقيت حران ومدايق وفضلت اعيط 😭😭 وكل شويه ماما ترضع فيا زياده وتديني بيبي درينك وانا معدتي صغننه وعماله تتنفخ واتالم واعيط😢 وهما يقولوا ايه الولد الرخم ده كل حاجه يعيط 😒😒 طيب انا اعمل ايه مابعرفش اتكلم 😷مابعرفش اعبر مابعرفش اقول مالي اعمل ايه امابكون محتاج حضن ماما بعيط واما بجوع بعيط واما بيجيلي انتفاخات وحضرتك مش بتكرعيني وتنيميني علي بطني باعيط واما بكون حران بعيط واما البامبرز بيدايقني او يحصل تسلخات باعيط . اه بدايقكم بس غصب عني بليز حد يقول ل ماما ترضعني بانتظام اما اجوع بس وتضمني ف حضنها وتفك البامبرز وتهويني وياسلام لو تتمشي بيا شويه هاسكت وهابقي جميل صدقوني ثواني بعد اذنكم هاغير ع السره اهلا مامتي 🤝🤝 هاتغيري ع سرتي ايه ده ? ده مش سبرتوا 😳 اسكت يا واد سرتك بقالها اسبوعين ومانزلتش هاحطلك بيتادين عشان تنشف ونخلص ايه بيتادين 😱😱 اولا ياماما اسرة لحد 3 اسابيع عادي جدا لو مانزلتش مفيش مشكله ثانيا بيتادين يعني يود يعني حضرتك عاوزه تعمليلي مشكله ف الغده الدرقيه 😢😰 يرضيك يا مامتي مامتي حبيبتي غيري ليا بسبرتوا بس الله يخليك ليا عارفه ياماما انا بحب لبن حضرتك اوي ومش عاوز غيره بس عاوز اقولك وانتي بتغيرلي كده ياحبيبتي عارفه ان 78% من لبن حضرتك ميه عشان كده معظمه هاينزل ف البول وهاتلاقيني باعمل ميه كتير وماتدايقيش ياقلبي اني قعدت يومين او تلاته مش باعمل ستول ده مش امساك خالص ده عادي لحد ماتبدأي حضرتك تديني اكل وميه هابدأ اعمل حمام بانتظام ان شاء الله ❤️شير ومنشن للامهات للتوعيه