👇👇 قصة من علي لسان صاحبتها ( جوزي مجنون ) أنا كنت مخطوبة وأنا كنت أنا وخطيبي في كلية هندسة هو من أسرة ميسورة الحال والده عنده سلسلة محلات حلويات شرقية مشهورة جدا وأبراج سكنية في أماكن متميزة في المحافظة عندنا وأنا بنت نااااس بسيطة والدي مدير مدرسة وأمي أخصائية اجتماعية في نفس المدرسة طبعاً دخلنا عادي طبعاً لما جه خطيبي علشان يتقدم هو و أبوه كنت فرحانة جدا جدا جدا هتنغنغ بقي و الله وإتفتحت لك طاقه القدر يا شيمووو طبعاً جاااايين بأحدث عربية وداخلين معاهم كل الفاكهة وكل الحلويات وخاتم وحاجة فوق الوصف الأب إتكلم ... وقال : إحنا تحت أمركوا في كل حاجة وإن شاء الله أول لما يخلصوا يتجوزوا علي طول يقوم الشملول خطيبي ينسحب من لسانه وقايل لبابا : كماااان سنتين إن شاء الله علي لما أكون نفسي تكون نفسك إيه ده الشراب إللي لابساه أمك يجوز شارعنا !!! الأستاذ عاااايش في دور ( لن أعيش في جلباب أبي ) وعاااايز يكون نفسه بعيداً عن جلابيه أبوه بلااااش جلابيه إمسك في فستان أمك آي حااااجه بلااااش المثالية الأوفر دي أبوه يكلمه أمه تكلمه أبداً أنا مش هتجوز إلا من مالي أنا ( الله يحرقك يا بعيد ) أبويا وافق علي سنتين وأنا طبعاً وافقت غصب عني قولت مع الوقت ممكن أبوه يساعده ولا حاجه وبصراحة أنا كنت بحبه جدا جدا وهو كان بيحبني كانت قصه حب ملتهبه خلصنا الجامعة وخلاص بقي البشمهندس نزل يدور علي شغل طبعاً مفيش حد عاااايز مهندس حديث التخرج لازم خبرة لقي شغل بس هيروح موقع ويطلع سقالات ويرفع مقاسات بنفسه ومرمطة جامدة جدا هو مش متعود عليها هو مش عاااايز يشتغل الشغلانة دي خاااالص أنا ضغطت عليه علشان نتجوز بقي لازم يشتغل الوقت بيمر ومفيش شغل مناسب خلاص إمسك في دي مع الوقت هتلاقي إللي يناسبك كل يوم ييجي من الشغل هلكان ومش عاااايز يكمل وأنا أضغط عليه !!! لحد ما جه تليفون من عمو أبو خطيبي قالي : إنه وقع من علي السقالة وعنده إرتجاج في المخ بس مفيش إصابات الحمد لله روحت له ... لقيته قااااعد يضحك بصورة هسترية وكل إللي واقفين عليهم سهم الله فيه إيه يا جمااااعة ؟!! قالولي : الدكتور قال إنه فقد الذاكرة مؤقتاً وإن شاء الله هيبقي كويس خطيبي يشوفني يقولي : إزيك يا موحه موحه مين ؟!! أنا إسمي شيماء !!! حماتي قالتلي : إحمدي ربنا ده من ساعة ما دخلت وهو بيقولي إزيك يا فوزي أبوه قالي : أنا بيقولي ما تقومي تهزي لنا شويه كده طري القاعدة يا نوجه المهم كل شويه يتعافي بس مش ميه في الميه طبعاً أنا كنت شايله الذنب علشان أنا إللي ضغطت عليه وهو كان رافض الشغل أساساً المهم بعد لما آخد الروزع ده بقي إبن المعلم سردينه ووافق إن أبوه يجوزه { ما كان من الأول ... يعني كان لازم أتغابي عليك } طبعاً بعد لما إتجوزنا بقي شخص تاني الماكنه بتاعه دماغه كانت مفوته شويه مثلاً يبعتلي مسج من رقم غريب يقولي فيه إنه ماااات أتصل بيه أسمع صوت صويت وقرآن ونااااس بتعيط أتصل بمامته تقولي : مفيش حاجة تلاقيه بيهزر معاكي ( هزار إيه ده بس ) مرة قالي : أنا مقبوض عليا في قسم معين ومش عاااارف أعمل إيه أكلم أهله ونروح ... ما نلااااقيش حاجه ولا راح القسم وإسمه ولا كان هناك أصلاً ومرة قالي : إحنا لازم نسيب بعض وكان بيتكلم بطريقة جد جدا لدرجة إني عيطت وبعدين يقول : هاهاها ... إنتي صدقتى يا هبلة أول يوم الفرح لاقيته جايبلي رنجة وبصل وبيقولي تعالي كلي وخلاني آكلت بالعافية !!! وفي شهر العسل وداني عند أهله في قرية نقضي شهر العشل وركبني حمار !!! وخللي عيال خاله يزفوني وأنا راكبه الحمار والعيال تحدفني بالطوب وهو يحدفني معاهم وبقيت آجري بالحمار تخيلوا ؟؟؟ عروسة في شهر العسل راكبه حمار وطالعه تجري والعيال الصغيرة يقولوا الغازية آهي الغازية آهي وعريسي بيجري ورايا بالطوب هو وقرايبه وأنا من خوفي بقيت أقول للحمار هش هش وإجري إجري بقي يا حمار ده مرة واقفة عيد واقفين في البلكونة بالليل قاعد يتف علي النااااس ويستخبي أنا طبعاً كنت بستخبي علشان الراجل ما يشفونيش وصمم إني أتف أنا كمان وإلا هيزعل ومش هيااااخد العلاج بقيت بعمل كده ست عندها 24 سنه تتف علي النااااس وتستخبي وكمان لو إحنا مااااشيين في الشارع لو جنبنا عربية راكنة يقعد يتكلم معاها ويقولها : عاملة إيه ؟!! وما بتسأليش ليه ؟!! مرة دخلت عليه الصالون لقيته حاطط الجزمة السودة بتاعته علي الكرسي وبيقولها : إيه ... مش كفااااية حزن بقي نغير الإسود ونلبس ألوان وبلاش الخنقة دي وقااااعد يفك لها الرباط هي الجزمة كانت أمها ماتت وأنا ما أعرفش وأوقاااات كتيييير أصحي ما لاقيهوش جنبي وأقعد أدور عليه آلاقيه ناااايم في الدولاب !!! ويقولي بخ وأنا ببقي عارفة إنه جوا بس بعمل نفسي إتخضيت علشان بيزعل لما بيحس إن مقلب من مقالبه بااااظ مره لاقيته داخل عليا بطبله الساعه 2 بالليل وقالي : إنتي نبيلة وأنا أحمد قولتله نبيلة دي مين ؟!! قالي : نبيلة عبيد وأحمد زكي ف فيلم الراقصة والطبال وقالي هزي يا بت وفعلا فضلت أهز والغريب إنه نقطني بقرشين حلووووين مرة لاقيته جااااي يقولي : تعالي نرجع لأياااام قدماء المصريين ونلبس زيهم وناكل زيهم ونعيش حياة بدائية وفعلا والله يا جماعة عمل كده يومين وأنا علشان أخرج من الموقف قولتله تعالي نغير قالي خلاص تعالي نبقي أياااام التسعينيات وبقي يلبسني لبس مامته والله يا جماعة أنا كل ده ومستحملة بس إللي مش قادرة أستحمله ( إني حامل ) وهو مصمم إن هو إللي يولدني بيقولي : هما الدكاتير بيعملوا إيه يعني ؟!! إنتي هتفتحي بوقك والواد هينزل علي طول هيولدني من بوقي يااالهوى😆