منذ سنتين
  • مرحلة مابعد الولادة
فترة النفاس كيف الوضع.. عندي طفلين توأم ما شاء الله عمرهم الان سنتين وقت ما اولد حيكونوو سنتين 8 شهور ... حطر اجلس وقت نفاسي في بيتي مو عند أهلي لظروف وأسباب كتيره 😭😭 شايله هم مرره ايش اسوي لوحدي وزوجي حيكون دوام مو إجازة...وممكن ولادتي قيصرية اتمنى من الله انها تتيسر وتكون طبيعية... في احد قد جرب نفاس وعندها طفلين لوحدها وتكون قيصرية... ايش التجهيزات الي عملتها وخففت عنها الحمل شوية... ملاحظة مارح يكون عندي خادمة لوحدي تماماً.. الحمدالله على كل حال..

12 تعليقات

العضوة: 1037002 , منذ سنتين

الله يعينك ويسسرلك امورك

العضوة: 1055877 , منذ سنتين

الله ييسرلك امورك انشالله وتولدين بخير وسلامه

العضوة: 470944 , منذ سنتين

اذا عمليه ماراح تقدرين عليهم لازم لاازم معاج خدامه او زوجج ياخذ اجازه وحتمال يجيج اكتئاب من الضغط ثلاث اطفال وعمليه وبروحج صعب اختي نصيحه دبري لج خدامه على الاقل شهرين

العضوة: 1048472 , منذ سنتين

حبيبتي الله يقومج بالسلامه يارب ويعطيج الصحه والعافيه شوفي يا قلبي ها وقت حبايبج يساعدونج حتى لو صديقه او جاره اطلبي العون وبإذن الله تعدي.. وانصحج هاتي خدامه حتى لو الي بالساعات ضروري حد يعاونج انتي لو ف الامارات خبريني و من عيوني انا اساعدج واوقف وياج بالنسبه للاكل حاولي تفرزنين ع قد ما تقدرين عساس يسهل عليج فيما بعد وعيالج حاولي تنظمين الامور بحيث يلعبون ف مكان واحد وما يوصخون وايد... ريلج يوم يرد من الدوام خله يعاونج ويفضل لو تتفقين ويا حساب طبخ يطرشولج اكل يوميا عسب ما تتعبين والبيبي اول فتره معظم وقته رقاد اهم شي بدلي ملابسه وبامبرزه ورضعيه لين يشبع وعقب لفيه وحطيه ف غرفه ظلام بيسحب ف النوم... وفي زيت اندونيسي اخضر ينحط عالبطن ريحته فكس ممتاز ادهنيله ع بطنه ما بيعاني من المغص وبيطلع الغازات جربته مع عيالي ورائع ما يعرفون من المغص الا اسمه هاتيه من الحين ويوميا ادهني ع بطن البيبي بيرتاح وانتي بترتاحين

العضوة: 1019655 , منذ سنتين

الله يسعدك من طيبك وطيب اصلك... انا في مكة... بس شكله اخد من شركات الخدمات اذا ربي يسرها اخد عند شركة راحة تجي اقل شي تنظف وتكوي الملابس... الباقي شكله كدا يساعدني زوجي الله يعينني وبعينة دوام و يساعد في الأطفال من يوم جبتهم للآن فترة وحامي..

العضوة: 1025636 , منذ سنتين

الله بتمم عليك حملك ويسهلك يقومك انتي والبيبي بالسلامة يارب انا لي شهر وشوي والده قيصري اول اسبوعين بيكون التعب لو يقدر زوجك ياخذ اجازة فالاسبوعين هذي فقط ليساعدك و بعدها بيخف ويهون كل شي ان شاء الله و بتقدري تقومي بنفسك و اطفالك

العضوة: 1037510 , منذ سنتين

اشتري قدر الظغط الكهربائي كثير عملي وخذي حق الاولاد جولات حملي لهم اللعاب واشتري خفايف بسكويت شابوره حليب نكهات فشار كراسوان عوديهم من دحين يعتمدون ع نفسهم ياكلون لوحدهم يرحون الحمام لوحدهم يغسلون بعد الاكل او في حصانه دخيلهم حصانه علاقل يرحون 6 ساعات ويوم يرجعون بيكون ابوهم رجع بيساعدك شويه اشتري ملابس تي شيرتات بلو الاوان وشورتات وكل اسبوع ودي برا تتغسل او غسليهم بالبيت واكويهم برا

العضوة: 890137 , منذ سنتين

ما شاء الله عنك كتير حبيت ردك بدل عن اصلك الطيب الله يجزاكم الخير

العضوة: 47498 , منذ سنتين

تفكرين بالموضوع قبل 8 شهور ترا السلف تلف وتوكلي عالله ولا تفكري بالموضوع بيوم واحد بغير الله من حال لحال 😉

العضوة: 653671 , منذ سنتين

بشرينا كيف امورك الان؟؟

العضوة: 1019655 , منذ سنتين

الله يسعدك ع السؤال.. ❤️ الحمدالله لسى حامل بداية السادس.. الله يهديهم ويصلحهم يعقلوو عبال تجي ولادتي 🤭😁