لاحظت أمّ أنس أن طفلها مش على عوايده ،، طول الوقت مسطّل ونايم ،، برضع وبشفط شفطتين وبعدها برجع بنام ،، أول يومين تلاته كانت مبسوطه ،، انس نايم ومريّح بالها وما في نكد زي عوايده ،، المهم ، استشارت إمها وحماتها ،، بإعتبارها #Mamy_kG1 ،، قالولها يا ماما هاد بده دكتور لانه صغير ،، الوضع مش طبيعي ،، المهم ام انس جابت البيبي ،، أثناء الفحص ، أنس نايم ، هادي ، ساكت ،، بيفتح عينه وبرجع ينام ،، أنا فكرته بدلّع ، قمت قرصته مره ومرتين وتلاته ،، وقفته ، شقلبته ،، الولد حتى عياط وبُكى ما عيط ،، هون وفي هاي الحاله الدكتور بخاف لانه بنخاف من الأمراض الوراثية ،، أمراض الأيض والاستقلاب أو دلاله على وجود التهابات ،، طيب جينا لأهميه #التاريخ_المرضي ،، من متى يا ام أنس ابنك مسطّل ،، جاوبت من بعد موسم الخبيصه والعين طبيخ ،، يعني اديش إله ،، تقريبا اسبوع ،، اها كملي ،، واحنا بنقطف بالعنب 🍇 أعطيته حبه مصها وكيّف عليها ونام ،، ماشي الحال ،، بس حبه ما بتعمل هيك يا أم أنس ،، كملي كملي في اشي مخبيتيه علينا ،، لأ ما في يا دكتور ،، بس انا بضل اشربه عنب لهيدا وينام #بس الولد مزودها ،، طيب بتعطيه ادويه مغص يا ام انس : قالت اه وطالت دوا المغص من الشنته ومعاها قنينه ،، الغريب بالقنينه انه مش حليب ، لونه على خَضَار ،، أنا : أم أنس ، مش أنتِ قلتي انك بترضعي طبيعي منك ، وما بتعطيه صناعي ، صح يا دكتور أنا : طيب شو هاد ، ليكون اللي في بالي 🙆‍♂️🤦‍♂️ ، ما تقوليلي عنب معصووووور 🍇 ،، امبلا يا دكتور ، هاد عنب معصور ، وانا بعطيه ٥ سم كل ساعتين تلاته من شان يسكت ،، المهم فتحنا القنينه ، العنب متخمر ، ومركز ، الريحه فحفحت ،، والولد مسطّل تسطيييييييل منه ،، #للأسف 👇🏻 ،، الناس بيحكو أعطوه عصير عنب لهيدا ،، بس مش معناتها نعصرله قطف كااامل ونعطيه 🍇 ،، أنس حاليا بتعالج من أثار الإدمان و العنب اللي دمه ،، واللي زاد عن حده ،، عشنا وشفنا بيبي مسطّل ،، #ممنوع_العنب_للبيبيات ،، #ما_زاد_عن_حدّه_انقلب_إلى_ضدّه .. #نفختوووه_عنب ،،