منذ 4 سنوات
  • ما قبل الحمل
السلام عليكم ورحمه الله وبركاته حابه اتكلم عن النوعيه الي تأجج المشاكل بدل ماتهدي النفوس . مثلا وحده اشتكت من زوجها او من حماتها ماينفع نزيدها ونكبر الموضوع حراام نخرب بيتها ياتصلحي وتكوني عاقله ياتسكتي ماينفع تكوني شرانيه وتزيديها زعل و قهر . هيا ماجات الا تبى تصلح بيتها وتشوف حل مناسب مايخرب بيتها ف حقيقي استغرب لمن الاقي كم وحده تطلب منها تتطلق او تسيب بيتها ولا ترد ع حماتها وتقل ادبها معاها عيييييب وماينفعع اصلاً تقولي كلام زي كذا اي وحده من ذي النوعيه تراها ماتبغالك الخير بالعكس تبغاكي تخربي بيتك والظاهر انه هيا ممكن تعاني وماتقدر تسوي الي تقوله تقوم تجي هنا تعرض عضلاتها بالكلام الي ماله داعي . اي وحده ترسل مشكله زوجيه لازم تكون عاقله وتختار الردود المناسبه الي فيها صلاح لبيتها مو خراب انتبهي تسمعي لوحده تزيد لك المشكله هذي مو نصيحه خير هذي نصيحه شرر الله يكفينا من ذي النوعيات ويصلح احوالنا ويسخر لنا ازواجنا .

4 تعليقات

العضوة: 384254 , منذ 4 سنوات

أحسنتي حبيبتي اصلا انا عن نفسي اهدي وادعي الهم

العضوة: 46429 , منذ 4 سنوات

فعلا كلامك صح ليس منا من خبب بس برضو من وجهة نظر ثانيه لما تجي وحده تشتكي و مدعوس على كرامتها و الحل الافضل انو نقول لها تحرد او تنفصل معقوله نجلس نطبطب عليها و نقول لها اصبري و اسكتي بحجة عدم التخبيب !! كذا يكون ظلم والله و من ناحية ثانيه الاراء تختلف ممكن رايي يكون واقعي و انتي تشوفيه تخبيب و العكس

العضوة: 451231 , منذ 4 سنوات

مستحيل وحده يكون مدعوس كرامتها وساكته احنا بنشوف المشكله من شخص واحد عشان كذا ماينفع نحكم على طول بانها تروح بيت اهلها بالعكس نهديها ونقلها تفكر بعقل واكيد حيطلع معاها شي لو كل وحده شالت عفشها وراحت بيتها مابقي احد متزوج كل البيوت فيها مشاكل لليل بس الشاطره الي تعرف تتصرف وتمسك بيتها وتحل امورها بهداوه مو بالعناد والمشاكل . في مثلا وحده زوجها اتزوج عليها بالحلال كيف نقلها اتركي بيتك ؟ ماسوا شي غلط ولا حرام ال حرام الي حتسويه هيا انه تترك بيتها عشانه اتزوج عليها . كلامي جدا واقعي بس مؤلم فعشان كذا قلت يانهدي النفوس او نترك الموضوع مانزيدها هيا ادرى بنفسها وبيتها اذا يستاهل تصبر عليه او لا . بس صعبه جدا اني اقولها اتطلقي او اتركي بيتك عشان يتربى زوجك 😅 واحنا مانعرف زوجها هل حيتربى فعلا او يتركها في بيت اهلها . ونفس الشي على الحماه ماينفع نحكم يمكن حماتها شرانيه بزياده تستنى منها الزله عشان تخرب بيتها وممكن صاحبه المشكله تتبلى ع الحمى احنا مانعرف الحقيقه كامله فقط وحده جات واشتكت يانحل الموضوع بالسلم او نسكت .