منذ سنتين
  • ما قبل الحمل
السلام عليكم جميعاً انا ماعرف لين متى تصدقون هالخرافات .. الجدول الصيني ونظريه مدري مين ووحام الفلاني حامل بكذا !!! لين متى راح تظلون كذا كل مادخلت البرناممج هذي سالفتكم خلاص روحو للدكتوره وتاخذ سونار وتعلمكم الخرافات هذي ماتجوز وخرابيط .. وقاله تعالى بكتابه ( ويعلم مافي الارحام ) والجنس يحدده الزوج كل زوج يختلف عن الثاني الصين وخرابيطهم وش عرفهم ! واللي تبي بنت واللي ماتبي تبي ولد لين متى هالتفكير السيء ؟ كلهم نعمه من ربي ربي رزقك احمدي ربك وادعي بالبركه والرزق والهدايه والصلاح ترا غيرك يتمناهم ويمكن يكونو ابرك من الثانين وابر فيك من لو كان ولد قسم بالله كرهتونا بالبرنامج خلاص كفااااااااييييييه ماعندكم الا هالمواضيع الواحد وده يدخل يشوف يسأل يجاوب يتناقش وانتم هذي سالفتكم

8 تعليقات

العضوة: 1066990 , منذ سنتين

وربي صادقه قلتي الا بخاطري يليت يغيرونا طريقه كلامهم هنا عن هالمواضيع.؟🤝

العضوة: 1097499 , منذ سنتين

اللي يقهرني انهم مصدقينه ومتحمسين مع المنشور واذا سألتي عن حاجه ماحصلتي رد انا عندي بنت وحامل ببنت ومبسوطه كثيييييييير يارب لك الحمد نعمه من ربي وماكتبها الا انها خير لي ولو تصير كل ذريتي بنات بفرح كلهم نعمه من ربي ندعي بس بحسن الخُلق والخلق والصلاح والهدايه

العضوة: 1097499 , منذ سنتين

مابيتوبو الا لما ربي يبلاهم ويعرفو انهم كانو بنعمه وماشكروه

العضوة: 57807 , منذ سنتين

واللي يضحك اكثر انهم يكتبون للتسليه فقط ولما تشوفين كلامهم متحمسين ومصدقين

العضوة: 910276 , منذ سنتين

جزاك الله خير ياعسل بارك الله فيك

العضوة: 57807 , منذ سنتين

اخر همي كلام المجتمع اللي مو عاجبو يطق راسه بالجدار😂

العضوة: 66530 , منذ سنتين

كلام سليم الله يجزاك خير والله يعفي عنا فعلاً الله قاله في كتابه خلق الأنسان من عجل مستعجلين يعرفون جنس الجنين قبل اكتماله

العضوة: 1037282 , منذ سنتين

اصلا لو تفكري فيها الجدول الصيني احيانا يعطيك بعمر معين يكون خلفتهم كل الشهور بنات وشهر ولد او العكس يعني هل من المعقول كل حوامل اللي عمرهم مثلاً ٣٤ راح يجيبوا بنات بس او اولاد فقط في الاشهر هذي كلها !! طيب اللي بيمشون على هذا الجدول ومؤمنين فيه لو مثلاً حابه تجيب ولد وعمرها كل السنه حيكون بنت ماعدا شهر واحد فقط هل من المعقول بتقعدين هالسنه بدون انجاب بحجة انك تبين ولد ويروح من عمرك سنه والمرأه محدودة الخصوبه وعندها مخزون بويضات معين ! تبين ولد او تبين بنت تابعي الابويض عند الدكتوره وتوكلي على الله ومو اكيد بعد تنجح لكن ع الاقل قمتي بسبب طبي مو شركيات وشعوذه !وبالاخير والله ماراح تاخذي الا اللي الله كاتبه لك وياربي يطرح فيهم البركه وتمام الخلقه