نصائح في بيت اهل زوجك♡:
🏘البسي مليح ومستو ر قدام اهل الزوج من باب الاحترام اكيد وفي بيتك(شمبرتك يعني) البسي عريان قد لي تقدري ههه 😁.
🏠اذا قاتلك عجوزتك لي هي ام زوجك كلمة فوتيها ومتلصقيش في المشاكل ولكن اذا صمتطها بدلي السيستام تزيري مليح منين داك والحقرة ربي ميقبلهاش😏.
🏡ولاد سلافك سلافاتك المهم لي كاينين في العائلة حبيهم وجامي دخليهم فالمشاكل اولا وقبل كل شيء يبقاو ملائكة👼
🏠الاسرار الزوجية دائما نرجع وناكد عليها تبقى بينك وبين الزوج والمناقشة تكون في غرفتكم.
🏠كي اجيو ضياف عندهم مهما كانو لازم تكوني ديما حطة، ولابسة شباب وريحتك نظيفة 🌺 قابليهم بالضحك وابتسامة واخطيك من تمنشير معاهم😒 واذا عندك سلفك (حماك) مداسريهش كل واحد في بلاستو كاين ناس موسوسين كانش ميشكو ولا المهم اقعدي بعيدة على الشبهات
كي اجيو ضياف جربي متخليش عزوجتك وحدها فالكوزينة اوقفي معاها. واذا جابولك قفة فيها حوايج رجعي نتي ثاني يالوكان حاجة🍚.
🏠كي اكونو حاطين وحدة ولا واحد فالوسط امنشرو فيهم اجبدي بعيد وروحي ديري كانش حاجة يجي نهار يتصاحبو ويدورو عليك غير نتي لي اقولو قالت وقالت.
🏠ماشي غير تنوضي وتروحي ديراكت للكوزنينة ❌..مكيش بونيشة اعدلي ساعة روحك بدلي وامشطي وبارفان المهم فهمتولي....
🏠 اتقاسمي شغل مع صحاب الدار ماتولفيهمش كلش ديريه نتي بيني روحك شاطرة ومنبعد كي تمرضي ولا تعياي يعودو كامل يشنفو عليك كي مدرتيش هذيك الحاجة. 🌹🌹🌹🌹🌹
