انا اخر دورة ٣١ اغسطس خلصت التاسع طبعا وكان محددلي موعد طلق صناعي يوم الخميس القادم نرجع ليوم الاحد الصبح الساعة ثلاثة الفجر عملت بريق قرفة مع زنجبيل واشربتو والساعة ٦ اجيت بدي نام وهون بدت الحكاية بدا يجي معاي وجع محتمل لكن كل نص ساعة انا ماخدت بالي كنت مفكرة تقلصات عادية لانو من بداية تاسع وانا تجيني تقلصات وتروح المهم ماقدرت انام ساعة عشرة الصبح زاد الم اعرفت انو طلق غليت غسلة واشربت وفطرت ورتبت بيتي ونضفتو وساعة ثلاث العصر طلعنا انا وزوجي نعايد رفيقو 😅😅طبعا انا خايفة لان في الم وبنفس الوقت بدي اطلع مشان ماضل فكر بالالم طلعت لعندهن ورجعنا ساعة سبعة مساء عند العشاء عالبيت كنت ناوية روح جيب ضيافة لولادة بعدين تعبت وحكيت لزوجي اجلها لبكرة بدي روح ارتاح بالبيت 😥 اي هون رجعت لبيت وزاد الوجع وتقارب صار كل ربع ساعة في طلق لمدة دقيقتين تمشيت بالبيت وتحركت يابنات اهم شي يوم تحسو عندكم ولادة اهم شي حركو نفسكم وتشجعو ولا تخافو وتتوترو وشغلت سخان المي لحتى عمل مغطس مي دافيه وطلعت عجارتي اطلع درج وانزل لحتى شوف بزيد الوجع اي طلعت مرتين ونزلت وفتت عالبيت نزلت سدادة😦 طفيت السخان وبوجهي عالمشفى انا وزوجي فتت ساعة ١٢ بليل عالمشفى وكشف دكتور الافاتح رحم ٣ بسسسس😭😭😭 وانا كنت مبسوطة من صبح في وجع يعني لازم يكون خمسة اقل شي اي سجلت دخول وحجزوني بلمشفى لساعة ٦ الصبح اجت دكتورة فحصت لقت ٥ سانت بسسس يأست مرة تانية انا تحملت كل هالوجع بدي استنا كتيرر يعني ٥ سانت نزلوني غرفة المخاض ونزلت لتحت وبتدا الوجع ورا بعضو ورا بعضو اخخ مابدي اتذكر😭😭 اجيت طلبت ابرة الضهر لنو سستر بتحكي دكتور تخدير ربع ساعة وبيحي عندو تخدير قيصرية وانا حست راس طلع😶😶 واصيح للدكتورة راس طلع هي مو مصدقة لانو من شوي نزلت غرفة لولادة مامداه ينزل وانا اصيح وهيا تفكرني بمزح اجيت شلت البطانية والا دكتورة تصيح راس طلع😒😒😒😒 واجت بدها تسحب قلتها بدي ابرة ضهر بعدين اسحبي لانو اخر لحظة تعبت لانو يعتبر صارلي يوم اطلق 😭😭 وبدون اكل سبحان الله الوحدو بس تقرب ولادتها مالها نفس بالاكل اجت قالتلي دكتورة طلع راس ماعاد في ابرة ضهر 😁😁 صرخت صوتين قويات وطلعت بنتي الاميرة صوتين الحبال الصوتية نقطعت عندي منهن😂 والحمدلله هاي قصتي اهم شي يا بنات الدعاء يعني انا اقول للدكتورة بدي ابرة ضهر وبقلبي عم قول يارب اذا مافيها خير الي مابدي ياها وسبحان الله حتى ابرة مسكن ماعطتني وقص مافي لان بنوتي نعومة طلعت لحالها بس قطبة خارجية اجت ٣ كيلو الحمدلله وعقبال عندكم يارب شو رايكم بقصتي ❤❤