الخلطه عباره عن: كمون + ينسون + نينخه + شمر + حلبه + محلب + حبه سوداء(حبة البركه) طبعا كل المحتويات هاذى حبوب مش مطحونه اما طريقة تناولها فهي كالتالى: ملعقه صغيره من كل صنف تغلى في كاستين ماء الى ان يصبح المقدار بحجم كأس تقريبا تصفى وتحلى بالعسل وتشرب مع صحن صغير رطب تشرب هذه الوصفه بعد مرور اسبوعين من الشهر التاسع كل يوم مره واحده *طبعا ياحلوات بدايتا الله ييسر لكم ويفرح قلوبكم بما تتمنون وبالخلقه السليمه 💜 وثاني شي هذي الخلطه عطتني اياها زوجة ولد عمي عايشه بامريكا واستخدمتها على حملها الثالث وقالت انها ريحتها اكثر من ابرة الظهر اللي هناك متواجده في اغلب المستشفيات وهي جربتها على حملها الاول والثاني طبعا الاخت(انا)🌚 ماقصرت اخذتها والتزمت فيها رغم اني كسوله بس الخوف من الولاده خلاني انتظم وبنفس الطريقه الي كتبتها وكان موعدي يوم اثنين رحت اراجع كالعاده الدكتوره بغت تموت وتتكلم انقلش ومرتبكه انا خفت قلت اكييييد الجنين ميت او معاق 😢😨 شوي تقول ماحسيتي الم مانزل دم او مويه قلت لا قالت الرحم مفتوح 2 سم وبنومك لبكره ونشوف اذا زاد او نسوي لك توسعه طبعا طلعت عالتنويم والعب عالجوال ولادريت وين ربي حطني (اول حمل)👰 ونمت واليوم الثاني صحيت وجت الدكتوره وكشفت قالت 4 سم يالله ولاده {تخيلوووو بنات بدون الم حتى الم الدوره ماحسيته} قولو ماشاء الله 😄 وبس وبعدها توسع الرحم اكثر واكثر حتى وصل 6 بس بتأخير بس بدون الم وقالت الدكتوره تبغي نعطيك طلق تولدي بسرعه وانا مافهم وغبيه قلت اي وعطتني طلق بس القصه هنا عن الخلطه 💜💜💜💜💜💜 الله يسعدكم حبيت افيدكم يشهد الله وانقل لكم شي افادني وباذن الله استخدمها في حملي الان 👍👍👍