العضوة: 275918 , 5 years ago

#أحببتك_مرتين_بقلم_نسمات_الليل الجزء الأول: وجوه كتيرة عم تراقب الباب اللي ح يحدد مصيرا ... عيون مليانة امل ودموع ... ايدين محاوطة وجوهن وناطرة الخبر المنتظر .. وعيون تانية مليانة حقد وشماتة .. عيون متشائمة .. وغيرا متفائلة ...... انفتح هالباب بعد انتظار اربع ساعات ..... وصوت نزل متل الصاعقة ع قلوبن .... -الدكتور: البقية بحياتكن ..... شهقات متتالية .... دموع عم تنزل ... اهات عم تطلع ... ابتسامات مكتومة ...... وبين هالكل في كبرياء أنثى ... شهقت شهقة وحدة ... واستندت عالحيط ... قاومت دموعها .... وفتلت ضهرا .... ومشيت باتزان برا المستشفى ... والذكريات عم تقتحمها ........ من كم ساعة بس ما كان في شي .... وهلأ كلو ادمر ..... بلحظة ....... قطع كل افكارا صوت من ورا .... صوت مليان بالسم والحقد ..... -ليااااااان ....... لوين هربانة .... الحق عليكي ورح تتحاسبي ... شو فهمتي ؟!!! ...... صارت تمشي بخطوات سريعة .... وقلبا رح يوقف من كتر دقاتو ... لحد ما حست بإيد ع كتفا ... ايد بتحس بدفاها لو ما شافت صاحبا ... برمت بابتسامة حزن ..... واتاخدت بالغدر ..... ولزقا هالشخص بالحيط ...... وعيونو مليانة حقد ..... شادد ع مقبض ايدو .... بدون اي همسة ..... -ليان: حتى انت ؟؟؟! ..... انضميت الن ؟؟؟ بشو احلفلك انو ما دخلني .... فادي صدقني ..... -فادي: هوووس ..... اوعى .... اوعى تلفظي اسمي ع لسانك الوسخ ..... اوعى ..... العدالة رح تاخد مجراها .... وانشالله اللقاء التاني بكون من ورا الحدايد ..... ست ... ليان ..... دفشها ومشي .... غرغرت الدمعة بعينا ... ومن جديد قاومتها .... حتى هوي تركها متل البقايا ... اتخلى عنها وما صدقها .... وصلت ع القصر .... وطلعت ع غرفتها ... قعدت ع تختا ... لحقتها امها متجاهلة صرخات بيها الكتيرة ...... وليان عم تبلع بريقها ... خوفا من المصيبة المتوقعة ..... -ابو ليان (بصراخ): شووو ليااااااان ..... تعي يا بنت لهوون ..... اكيددد ماااات ماا هيييك يا فلتانة ..... حسابك عندي ح يكون كبيير ... اتجاهلو صراخو ... وربتت الام ع كتف بنتها جوا الغرفة .... -ام ليان: روقي بنتي ... روقي ... لعلو خير .....

العضوة: 275918 , 5 years ago

-ليان: ايا خير امي ... ايا خير ... انا ادمرت ....... لك حتى فادي ... حتى هوي كان ضدي ... كلن كانو عيونن عليي ... حتى الست شادية بهدلتني ... لك نسيت تبكي ع ابنا اللي مات وانشغلت فيي وبذلي .... ولا عيون رامية اللي عم تشمت ... لك من وين بدي جيبا لجيبا ..... -ام ليان: عيلة مترباية عالحقد ... بيطعنو بضهور بعض ... شو ناطرة منن اتجاهك انتي الغريبة ..... اطلعت ليان ع باب الغرفة ... وحكت بتمتمات خفيفة واستهزاء ... -ليان: ع اساس نحن عيلتنا مثالية .... وبيي لهلأ عم يزت حكي هون وهون .. اسمعيه .... -ام ليان: بس ما تنسي شو السبب اللي وصلو لهون ليان .... -ليان: ما دخلني انا باللي عملتو اختي ... اي ؟؟ ... -ام ليان: بس ما تنسي انك انتي اللي هربتيها ..... كانت ساعة نحس لهلأ عم ندفع تمنا ... -ليان: ماني ندمانة ... ولا بندم ... لطالما شايفتا مبسوطة .... مع رجل ما كانت رح تلاقي متلو لو بتبرم الدني كلها ...... قطع حديثن دخول بيها ... -ابو ليان: انت صايرة ما نافعة لشي ... انا الحق عليي ما كان لازم اكتفي ببنتين .. كان لازم جيب الصبي اللي يحمل اسمي ... كنا رح نربح المناقصة ... ومن ورا غبائك خسرناها .... -ليان: ع اساس كنا المدللين ومدري شوو ... كلو اتبخر يعني لانو لين هربت مع ابن انسان قانوني ما قبل يرتشي من واحد متلك ..... وعملتو عدوك ..... سكتها ضربة كف قوية .... هاي تاني مرة بتنضرب بكل حياتها .... اول مرة كانت لما ساعدت اختها التوأم بالهرب مع انسان بتحبو من صغرها ... هني توأم بس بالاسم ... بس ما بيشبهو بعض ... لين اخدة من امها الشقار والعيون الزرق ... وليان اخدة من بيها السمار والعيون العسلية .... كانت المميزة عند بيها لانها شبهو .... بس كل الموازين انقلبت لما اتخرجت ليان من كلية الادارة لتساعد بيها بالشركة واكتشفت شغلات كتير غير قانونية ....

العضوة: 275918 , 5 years ago

ضهر بيها من الغرفة معصب .... وهيي صارت ترشق حكي بصوت عالي ليسمعا .... -ليان: نحن كنا مخدوعين بقناع الابوة تبعك .... ليه هداك الانسان القانوني ما منع ابنو بالزواج من بنت واحد متلك ..... لانو بيعرف انو الولاد دايما هني ضحايا وما الن علاقة بأفعال ابوهن ..... لك اصلاااا الك الشرف تصاهرن ..... منيح اللي حاويين بنتك .... وبدللوها ............. لك انا اساسا شو خصني اذا السيارة انفجرت بالريس ميار شاهين ومات .... واتعرقلت امورك الاقتصادية ....... -ام ليان: خلص بنتي ... هلأ بيرجع بيضربك ..... ____________________________________ كان الكل لابس اسود بالمقبرة ... وعم يدفنو ميار شاهين ابن التلاتين سنة .... وعم يقرو عليه .... بس الكل كان هامد ووجوهن باردة .... متل الواح الخشب ناطرين الجنازة تخلص ليفلو ع بيوتن .... وفي نسوان عم يتمتمو ع جنب .. -ليكو الست شادية مسترخصة دمعة لابنا .... -لا اوعى بينتزع بريستيجا .... -ع اساس احمد بيك زعلان ع موت ابنو ..... -انا بقول الاستاذ راجي بيها لليان ورا الحادث ..... -لا ما بعتقد ... لانو الو مصالح مع شركتن ... العيلتين اضرب من بعض ... بتاجرو بالممنوعات ... و ... لك انسو ... الله يسترنا من هيك ناس ... خلصت مراسيم الدفن والكل فل ع بيتو ..... وعيلة احمد شاهين اتلملمت بقصرا ... وكل واحد منن فات ع غرفتو ...... بغرفة كمال ... الابن الاكبر .... ابن ال ٣٤ سنة ..... كان قاعد عالتخت ودافن وجو بين ايديه ..... -رامية: شفت كيف كلو بينحل حبيبي ... ليه موتر هيك ... -كمال: حاج تغزلي قدامي بالكعب ... قعدي ... عالاقل كرمال اللي ببطنك .... -رامية: هاي قعدنا ... قللي ليه موتر .... -كامل: خايف ميار يكون ترك شي وراه .... لازم بكرا فتش مكتبو ... والا بنتهي ... بلا شي اخر فترة ما كنت عم بسلم من تهديداتو انو يفضح كل شي .....

العضوة: 275918 , 5 years ago

-رامية: ما بدا كل هالقد ... خلص مات .... وفيك تكذب كل شي .... -كمال: لك انتي بتعرفي شو يعني عم بنصب ع بيي كرمال كم مليون ... لك اذا بيوصلو خبر انا وياكي منصير بالشارع ..... -رامية: انت وخيك فادي بحياتكن ما عرفتو تكسبو بيكن لصفكن ليسجللكن كم قطعة ارض او شي معمل او شركة من ممتلكاتو .... بس ميار كان ما يحتاج ينطق واللي بدو ياه بصير .... -كمال: شو فادو كل هاد ... ولا شي ... ليكو بالقبر .... بسبب انانيتو وتمردو عالناس ... ربى عداوات وفي مين دبرلو حادث مفبرك باتقان بدون دلائل .... فترة وبتتسجل القضية ضد مجهول .... وبصير ميار من المنسيين ..... ___________________________________ كانت شادية قاعدة قدام المراية وعم تحاول تخبي تجاعيدها ... وكبرتها ..... -شادية: انت لازم تلاحق ليان ... هيي السبب .....

العضوة: 275918 , 5 years ago

-احمد: ليان مجرد بنت عادية .... ما لازم تاخد ولا حيز من حياتنا .... بعدين انتي بتعرفي مصالحنا مع بيها ... ما منا مشاكل ..... -شادية: هيي دخلت عالعيلة متل الحية ... وقبل الحادث هيي كانت معو عم تحرضو ضدنا ... كرمال اخر مناقصة .... والمناقصة اللي قبلا كمان اصراروا عليها كان بسبب ليان واكيد الاطراف التانية دبرت هالمكيدة الو ..... -احمد: شادية خلصنا ... راسي ما بقا يحمل ... حاج تحكي فوق راسي ... بدي نام وارتاح ..... قبل ما تبلش الشرطة تنخر براسنا ع تحقيقات وقصص ...... رفع الحرام ... ونام .... _______________________________ كان فادي قاعد بغرفتو وصافن بالسقف ..... وعم يحكي حالو ..... -فادي: كل شي مضى وكل شي صار كان مدبر ... انا متأكد ليان الها دعوة باللي صار ... ترددا الزايد عند ميار بأكد شكوكي ....... هيي شو الها علاقة بالمناقصات ... من اي متى بتهتم بهالقصص .... مش ع اساس كنا انا وياها برات هالعيلتين وعايشين مبسوطين .... دق تلفونو .... اخدو ورد .... كان رفيقو عالطرف التاني .... -حامد: العمر الك صاحبي .... انا من شوي وصلت طيارتي .... بدي شوفك ...

العضوة: 275918 , 5 years ago

-فادي: عال ... منيح في مين اشكيلو .... منلتقي بذات المكان .... قام ركض ... ركب سيارتو ... وعالكافيه المعتاد نطرو ... دقايق ووصل حامد ... اتعانقو وقعدو مقابيل بعض .... -فادي: ايااام ... ما خبرتني انك جاي .... -حامد: كنت حابب اعملا مفاجأة .. بس صدمني خبر وفاة خيك ... رغم اني ما بشوفو ... بس بتذكرو من ايام الدراسة .... كان صارم كتير .. -فادي: اي رغم كل شي موتو اثر علينا كلنا ..... -حامد: واضح ... -فادي: بلا مسخرة ... الحزن بالقلب .... -حامد: كيفا ليان .... -فادي: متخانقيين ...... قبل ما تسأل ليه ... ح قللك ... بسبب ميار .... ما بعرف اخر فترة تغيرت كتير .... اساسا ليه انا بقنع حالي بكذبات ... هيي من البداية ما بتحبني ....

العضوة: 275918 , 5 years ago

-حامد: مين قال هالحكي ... من لما كنا بالمدرسة عاملين حلف انا وياك وياها ورفيقتا رولا .... لولا خيك كان اوقات يفرقنا بس يشوفنا سوا ... ويقلنا ع صفكن ... ههه ... ايام ..... -فادي: وقتا انت ورولا حبيتو بعض وكنتو تنزوو لحالكن ... ونضطر انا وليان نضل سوا لحالنا .... حبيتا من كل قلبي ولتخرجنا سوا ولهلأ ... بس هيي دايما كانت تصدني ... بس بتحبني ... فهمني كيف بتزبط هاي ..... -حامد: هلأ بلشلي من الاول ... حبة حبة ... من لما سافرت لهلأ ..... رولا وليان كانو اصحاب من الطفولة ... وحامد وفادي كانو يحاولو يدخلو بيناتن ... لانو حامد كانت تعجبو رولا .... مع الوقت صاروا يتقربو من بعض .... وهيدا الشي خلا فادي وليان يبقو لحالن .... كان فادي يحميها من كل شي بطريقة طفولية .... وهيي صارت تشوفو دفا وامان ... كانت تحب قعدتو ومزحو ... بس ولا يوم عشقتو .... لحد ما صاروا الاربعة رفقا وتراجعو بدراستن .....

العضوة: 275918 , 5 years ago

ميار كان اعلى منن بتلات صفوف ... كان دايما يبهدلن ... ويفرقن عن بعض ليلتفتو لدراستن ... وبالدرجة الاولى اكيد كرمال خيه .... واتخرجو بعد ما فاتو ع ذات الجامعة .... وحامد صار شغلو بين البلد والسفر ... وفادي بشركة بيه ... يداوم يوم ويعطل عشرة يلتقي فيهن مع ليان ..... ورولا ضلت فترة تتواصل مع حامد ... بعدا خف التواصل لحد ما انقطع عالاخر ..... _________________________________ رولا: كيفك خالتي ... وين ليان ؟.... -ام ليان: فوق ... عم تبكي بغرفتها .... من ساعات ما نشفت دمعتا ... الله يرضى عليكي طلعي روقيها وخليها تاكل .... -رولا: شو اشبااا ؟؟ .. طالعة شوفااا ...... طلعت لعندا ... وسحبت الحرام عنا .... هيي وعم تضحك ...... -رولا: ولي قومي ... شو مبكيكي الزمن .... انصدمت مجرد ما اطلعت فيها ليان ... ولقت عيونا مورمين وحمر من كتر البكا ... -رولا(بفزع): شو اشبكككك .... شو صاااير معككك .... ؟؟؟؟ -ليان: انت وين عايشة ؟؟؟ ... ما بتشوفي اخبار ؟؟؟... -رولا: لك احكي شو في ... ليه هيك عيونك .... -ليان: ميار مات .... -رولا: شووووووو .... -ليان: ما كان في شي ... كلو كان طبيعي ... كنت عم حاول اقنعو يبعد عن اخر مناقصة لانو بابا عم يحضرلو مكيدة ... ما كان عم يسمعني ... قللي ما ادخل ... مشي وركب سيارتو ... ومجرد ما شغلها انفجرت فيه .... كل شي صار قدامي ... ما قدرت صدق .... من دقيقة بس كنا واقفين عم نحكي عادي .... وضعو كان سيء جدا .... بس كان عندي امل انو يضل عايش ..... رولا انا عم موت ...... -رولا: اهدي يا قلبي ... بعيد الشر عنك ... -ليان: الحياة هيي الشر .... -رولا: ع اساس انتي البنت المتفائلة .... ما علينا شو كان بدو بيك منو .... -ليان:كان بدو ياني اقنعو ينسحب ... وانا هيك كنت عم بعمل ... بس مش كرمال بابا ... كرمال مصلحة ميار ..... وبابا جن لانو مات ميار ... ساعتا اي مرحبا مناقصة ....... اساسا الكل حاطط الحق عليي ... لانو قبل اخر مناقصة انا قلتلو ما ينسحب ... ولانو كسبا في مين انتقم .... -رولا: يمكن ما يكون هيك ..... -ليان: شو ما يكون .... انا رح انتقم شر انتقام من اللي عمل هيك ...... قطع حديثن دخول امها .... -ام ليان(بخوف): امي الشرطة عالباااب .... بدن ياكي ..... اطلعت بصدمة برفيقتا ... وبعدا بإمها .... وهمست "شووو" .... يتبع .....

العضوة: 353845 , 5 years ago

@user-275918 كل القصص قريتهم

العضوة: 477598 , 5 years ago

كمليلنا😢

العضوة: 477598 , 5 years ago

نحنا ما بنعرفها للقصه😥

العضوة: 275918 , 5 years ago

@user-477598 رح كملها تكرمو

العضوة: 477598 , 5 years ago

عم نستنى

العضوة: 353845 , 5 years ago

@user-275918 اي كمليها

العضوة: 275918 , 5 years ago

الجزء الثاني: بقسم الشرطة .... -ليان: انا مالي علاقة بشي .... -المحقق: بس امو قالت انها شاكة فيكي ... -ليان: اه والله كل واحد بدا تشك فيك بدكن تجرجروه لهون بلا ادلة .... اصبح انا كمان بشك فيها ... ليه ما بتروح حضرتا بتراقب عيلتها وبتطلع بحالا كيف شتتت الكل من ورا حبها للمال مربية كل واحد حقود اكتر من التاني ... ما عندن لا إلفة ولا محبة .... بسبب انانيتها وتعجرفها ... وكل واحد منن عامل حلف ضد التاني وبشوفو مين بجمع مصاري اكتر من التاني من ورا تجارتن الفاسدة بالاشيا الغير قانونية .... حضرتك جيت تركت كل هالفساد وجاي تقللي انو انا لغمت سيارة وفجرت شخص .... فيك تقللي شو مصلحتي !! ... انا ما عندي وقت لهالامور التافهة العائلية .... بس تبقو تلاقو شي دليل يمسني ... تعو اشحطوني ..... بالاذن .. -المحقق: من واجبك تحترمي وجودك بمكتب محقق بفرع جنائيات ... وتحترمي امن الدولة .... -ليان(قاطعتو): اوووه شو هالدولة اللي مأمنتلنا كل شي ... بتقبض رشاوي كرمال سلامتنا ... ويا حرام بتاخد منا ضرايب وبتنهب اموالناا ... ونحن منا نحترمها ... اي الواحد فينا من قبل ما يخلق عالحياة بكون مديون بسبب شجعا وطمعا .... ضرب المحقق ايدو عالطاولة لتسكت .... بس هيي كملت .... -ليان: لدرجة المحقق قدامي عينك كنت عينك حكيت عن امور غير قانونية عم تصير تحت الطاولة وما تحرك ساكن ..... -المحقق(صرخ): يا شرطييي ...... انت لسانك لازملو ترويض ... ومن وراه ح نستضيفك عنا بالفرع ..... خدا عالحجز .... فات الشرطي وهوي وعم يمسكا .... صرخت عليه ..... -ليان: اي انتو هااا اللي شاطرين فيه تروضو الناس عالسكووووت متل البهايم لحتى تقبضو مصاري وتعيشو برفاهية ...... وانت ما فيك تحبسني وما عليي شي .... بقدر ارفع دعوة عليك ..... هوي صحيح انو ما حدا ح ياخدا بعين الاعتبار لانو رؤسائنا فارطين ..... بس وسايطي بتسد طمعكن ....... وبظن وصلت الفكرة .....