العضوة: 275918 , 5 years ago

اشار المحقق للشرطي يتركا ويروح ..... -المحقق: فيكي تقعدي تحكي ... وتشيليلي كرهك للدولة الفارطة ع جنب .... وتسمعيني للآخر ...... قربت وقعدت ... وهوي كمل حديثو ..... -المحقق: وانا من واجبي اني قوم بالمهمات اللي عم قوم فيها كونو اجا تبليغ عنك .... -ليان: طيب قوم بواجبك وروح اقبض ع شادية انا عم بلغ عنااا ..... عصب المحقق وحاول يكتم غضبو ...... رفع حواجبو ودكا ضهرو عالكرسي ... وكمل حكي بهدوء ..... -المحقق: اتفقنا خلص للاخر .... انت بذاتك قلتي وسايط ورشاوي ... وانا بعرف باعمالن الغير قانونية متل ما بعرف بأعمال بيك ... وانا بمطرحي ما عم بتحرك لانو الوسايط عم تلعب دورا بإخفاء الادلة ... وانا ما الي الصلاحية اقبض ع حدا دون دليل ... انشالله تكون وصلت الفكرة .... -ليان: اه صحيح ... وزيد عليهن بيي .... لك هدول بدن سجن خاص ... لك السجن اللي عبارة عن حيطان وحدايد ح تهرب من افعالن القذرة ....... اه صحيح يمكن كمان هيي بترتشى ... مش بعيدة ...... -المحقق: انت اكيد مانك طبيعية .... -ليان:انت ادي عمرك ؟ .. بعرف ما ح تجاوب ... انا ح قللك ... بحدود التلاتين ... وزيد عليهن كمان تلاتين سنة زيادة او اكتر لسن التقاعد ... بضل تفني هالعمر كلو كرمال شووو ؟؟؟ .. قلي بيستاهلو اللي عم تقدموو ؟؟؟ ... وشو عم تستفيد ... حتى المعاش الشهري بكونو ظالمينك فيه ...... انا صار عمري ٢٦ سنة واللي عامليتو بحياتي افضل منك ع مليون مرة .... -المحقق: اللي عم قدمو ... ما عم قدمو للدولة ... عم قدمو لبلدي ... لترابو ... لأهلي ... وللناس اللي ما شوهتا المصاري ..... متل ما انت هلأ عم تحاربي بالكلام .... انا عم حارب بالفعل .... الاخلاص بكون للبلد ... لننتشلو من اللي فيه ...... مش للدولة .... في فرق ..... -ليان: ............ جوابو عجزها عن النطق .... قام وقف وابتسملا .... واشر عالباب .... -المحقق: طلعنا عن اطار اللي كنت جايبك مشانو ... وما بعتقد ح تفيديني بشي ... فيكي تتفضلي .... مع السلامة ...... -ليان: بالاذن ..... _______________________________

العضوة: 275918 , 5 years ago

قعدت ليان ع شط البحر مهمومة ... رفعت تلفونا ودقت لرفيقتا تجي .... رجعتو ع جيبتا وصارت تبكي ... دمعة ورا دمعة ... وذكرى ورا ذكرى ..... ////الذكريات: -ليان: درست منيح ؟ ... فادي ليه هيك مستهتر بالدراسة نحن صف تاسع ... مرق من قدامن ميار ... ابتسمت وصارت تراقبو كيف حاطط ايديه بجيابو وعم يحكي مع رفيقو خالد ..... طلعت من صفنتا ع ايد فادي عم تلوح قداما ... -فادي: هاااااي .... لك الي ساعة عم بحكي معك .... وانت ولا هون .... -ليان: قللي شو كنت عم تقول ... اسفة شردت شوي ..... -فادي: كنت عم قللك انو كيف بدي ادرس وانتي اخدة كل عقلي وتفكيري .... -ليان(كانت بعدا عم تراقب ميار): فادي انا لازم روح شوف رولا ... -فادي: ييي ... مع مين عم بحكي انا ...../////// /////// -ليان: وينك فادي ... ليه ما فتت عالمحاضرة .... كانت مهمة كتير .... -فادي: ما بطيقو لهالدكتور .... التفتو عالسيارة السودا اللي اجت .... وتمتمت ليان "هاد خيك" ... -فادي: اي انا قلتلو يجي ياخدني ... سيارتي اتعطلت .... -ليان: اها .... كانت عم تراقبو بكل تفاصيلو وحركاتو ... بلبسو وعقدة حواجبو .... ولا يوم فكرت انو ممكن تكسب قلبو .... او ممكن يحبو بعض ... لانو ببساطة خيو بحبها ... بس رغم كل هالحواجز اللي مستحيل انها توقع ... ما منعت حالها منو ... كانت فرحانة بهالشي حتى لو من بعيد .... حتى لو بس عم تلتقي فيه بأحلاما .... ///////// طلعت من ذكرياتا ع ايد انحطت ع كتفا .... رفعت عيونا الحمر ... واشارت لرولا تقعد حدها ..... حطت راسا بحضنا وصارت تشهق .... ومن بين شهقاتها تحكي ....

العضوة: 275918 , 5 years ago

-ليان: رولا ما عم صدق ... موتو اكبر من انو يتحملو عقلي .... ما عم بقدر اتخايل انو صار بدني تانية ... انو هوي تحت التراب وانا فوقا ..... روحو بالسما وانا عالارض .... -رولا: حبيبتي .... لازم تنسي .... خلص صار لازم تبعدي عن كل هالعيلة والمشاكل ...... -ليان: موت ميار ح يغير كتير شغلات ... وبكرا شركتن ح تكتشف اشيا كتيير ... وقولي ليان قالت ..... ________________________________ بعد مرور عدة أشهر ....................... بمكتب احمد شاهين ..... كان واقف مع كمال وفادي والشر عم يطلع من بين عيونو .... -احمد: وضع الشركة كل مانو عم يسووووء وانتووو متل الحمير ما بتعرفو تديرو شي .... لك انا مربي بهايم ولا بشرررر .... -كمال: نحن شو دخلنا اذا ابنك ميار كان مستلم كل شي وما حدا بيقبل الا يتعامل معوو ..... -احمد: صرت قايل مليون مرة سيرة ميار ما عاد حدا يجيبا ع لسانو ... مياار خلص مااات .... وشبع مووت ... وانتو بدكن تشتغلو بديكن واجريكن وحتى راسكن لتكونو احسن منو وتحسنو وضع الشركة .... -كمال،فادي: ........... -احمد: فرجوني ابداعتكن هلأ ... مع الاستاذ جو عبدالسلام ... بدي تكسبوه لصفنا بأي تمن .... قبل ما ياخدو راجي مننا .... بنتو قوية .... بحسدو عليها ... انا شبين اد الحيط ما قادرين تعملو شي ........ ومن وقت ما مات ميار وقبل ما تتسكر قضيتو للابد امكن المجنونة الا ما عملتلنا مشاكل مع هالعيلة واشتكت ع ليان .... لحد ما خسرنا كمان طرف كان من مصلحتنا يضل ..... -فادي: مين جو عبدالسلام ... -احمد: طلبت من المحامي تقرير عنو .... (اندق الباب).... ليكو وصل ..... تفضل ....

العضوة: 275918 , 5 years ago

-المحامي: مرحبا ريس ...جبتلك تقرير عن جو عبدالسلام .... عمرو ٣٢ سنة ... امو استرالية ... كانو عايشين هون ببلد بيو بس لما مات راحو استقرو باستراليا هوي وامو ... عندن اموال ما بتاكلا النيران .... وكان عندن شركات ومؤسسات هون وباستراليا .. بس من فترة شي سنتين باع كل شي هون لانو ما بقا بدو يرجع ... واستقر باستراليا ... وفاتح شغل بأميركا شراكة مع ناس كل فترة بروح لهونيك ...... بس موت امو من فترة غير مجرى الاحداث ... رح يجي يستقر هون ... وابن عمو ح يدير كل شي باستراليا ... وهوي ح يفتح شغل هون ... وبصير كل فترة يروح يشوف الوضع هونيك .... -احمد: عال ... كتير منيح ... لازم نكسبو لصفنا ... ويفوت معنا شريك ..... -المحامي: اه صحيح ... اسمو الحقيقي يوسف عبدالسلام ... بس ما بيقبل حدا يناديلو بهالاسم لاسباب مجهولة .... وهلأ الكل بيعرفو ع انو جو ...... ومانو من الناس اللي بفوت شراكة مع حدا ... بحب يكون شغلو مستقل .... -احمد: بس نحن منخليه يحب الشراكة مش ع زوقو ..... صار لازم نتصرف بممتلكات ميار ... ونسحب كل رصيدو من البنك ...... -المحامي: نعم ؟؟ ... انا بعتذر استاذ احمد فكرتك بتعرف ... -احمد: بعرف شووو ؟؟؟ -المحامي: ميار بيك قبل ما يموت بيومين سحب كل رصيدو من البنك ... ونقل كل ممتلكاتو بإسم خالد بيطار ....... -فادي، كامل: شوووووووو ..... حط ايدو احمد ناح قلبوو ... صرخ من شدة الألم .... ووقع عالارض ..... وركضو ولادو لعندو .... -كمال: بااااابااااا ..... -فادي: طلبووو الاسعااااف فوراااااا ...... __________________________________

العضوة: 275918 , 5 years ago

بقصر راجي بحر ... -ليان(بعصبية): شو يعني بدك ياني اوقف متل الهبلة بالمطار حاملة ورقة مكتوب عليها جو عبدالسلام بالخط العريض وانطرو ت يتعنى يشوفني ... لا ما حزرت .... روح انت استقبلو ..... -راجي: بنتي ما تجنينيني .... بتروحي بتنطريه بالمطار ... لازم نكسبو لصفنا .... -ليان: لك عالاقل جبلي صورتو اي شي بيتعلق فيه ... لينضرب ع قلبي واعرفوو ... -راجي: لك بدك ياني قللو للزلمة بعتلي صورتك ... لك انا ما بعرفو .... واساسا هوي ما بيعرف اني بعتك ولا شي ..... بس انا بدي ياكي تروحي تزبطيه بلكي منستقبلو عنا .... -ليان: شو شو شووو ... حلووو حتى ما بيعرف انو في مين مضروب ع قلبا ورايحة تنطرو ... يعني ما رح يطلع بالناس ليلاقي وحدة حاملة ورقة باسمو .... ما في اتفاقية بيناتكن ؟؟ ... هيك من حالك بدك روح ارمي حالي ع الزلمة قللو مصرياتك ما بتكفي تستأجر سوييت ب اوتيل محترم تعا لعنا عالقصر ..... -راجي: يا ربي الهمني الصبر بس .... لك لو انك مانك زكية وبتفيديني بشغلي كنت من زمان قعدتك بشي روضة تدرسي هالولاد لانك شبهن ...... لك نستقبلو عنا بالاوتييل مش بالقصر .... لك اموالو ما بتاكلا النيراان .... بيقدر يستأجر اوتيل كامل مش بس سويت ....... -ليان: لك انا فكرت في تواصل بيناتكن بالشغل وكلو متفق عليه .... -راجي: اذا كلو متفق عليه ليه عم قللك اكسبيه لصفنا قبل شركة شاهين ..... خلص ما في نقاش بكرا بتروحي بتلاقيه بالمطار .... -ليان: رح روح ... بس مش كرمالك ... ولا كرمال شركتك ومصاريك ..... بس كرمال ممتلكات شاهين تصير بالوحل ويصفو عالحديدة .... لاخر نفس ح ضل حاربن واخد كل شي من بين ايديهن ...... -راجي(اتنهد): هيك بدي ياكي ......

العضوة: 275918 , 5 years ago

-ليان: ما يروح فكرك لبعيد .... كل شي قانوني ... ما بقرب ع ممنوعاتك .... طالعة ع غرفتي ..... __________________________________ بغرفة بمستشفى خاص .... كانو كمال وفادي حولين بيهن .... -احمد: جيبولي خالد فورا ..... -كمال: دقيتلو من شوي هني والدكاترة عندك ... قللي مسافة الطريق .... اندق الباب ... وفات خالد ..... -خالد: الحمدلله عالسلامة يا بيك .... والعمر الكن ... موت ميار كان صدمة ... رفيق العمر .... -فادي: عشان هيك حضرت جنازتو .... -خالد: ما كنت بالبلد ... قبل وفاتو بيوم سافرت ع اميركا كان عندي مؤتمر مهم .... واتلقيت صدمة كبيرة ببلاد الغربة ... وما قدرت احجز واجي ..... -احمد: نقل كل ممتلكاتو باسمك ؟؟.. خالد: كنت عارف كرمال هيك طلبتوني ... بس اتأخرتو .... كل ممتلكاتو تم بيعها والتبرع بحقها للموؤسسات الخيرية والايتام والمحتاجين ..... هالفترة كانت كفيلة اني خلص كل هالامور وفقا لوصيتو .... -احمد: انت شو عم تحكي .... ليه هيك عمل ....؟؟!!! -خالد: قبل بجمعة من وفاتو كانت عم توصلو تهديدات حسب ما خبرني .... وقللي بدو ينقل الممتلكات باسمي كرمال ما يبقالكن شي .... وقبل بيومين كان خالص كل شي وموجود باسمي ... وانا سافرت ... بس رجعت نفذت وصيتو وبعت كل شي ..... بظن ما عندكن مشكلة لانو هاي وصيتو وانا نفذتا ..... كان ع اساس لما يصير بأمان رجعلو كل شي ... بس الله اخد امانتو بكير ..... -فادي: ليش ما قلنا انو مهدد ... ليه ما وصانا نحن نتبرع بممتلكاتو ....

العضوة: 275918 , 5 years ago

-خالد: يمكن لانو بيعرف انكن مش قد الامانة .... -كامل: خراس يا كلب .... -خالد: رجاءا احترم حالك ..... -احمد: انقلع من هون .... انا ح دمرك ...... -خالد: شوفو حالكن قبل ما دمروني ... عيلة مفككة وهمها الاول المصاري ... كرمال هيك ابنكن ما كان بدو تتنعمو بمصرياتو بعد وفاتو .... والله اعلم يمكن انتو دبرتولو الحادث ...... -كامل: مش يمكن انت كرمال تاخد ممتلكاتو اللي يمكن ما بعتا من الاساس .... وسافرت قبل بيوم لتبعد الشبهات عنك ... ووكلت حدا يقتلو .... -خالد: الطعن بالظهر من شيمكن .... مش انا اللي بطعن صديقي .... بالاذن ...... -فادي: حيوااان .... -احمد: امن للغريب .... الله يغضب عليك ... متت ولساتك عم تحارب اهلك .... اكلتك الديدان تحت القبر ولساتك عايش معنا ..... -فادي: روق بابا ... ما بيسوالك العصبية ... -احمد: انت خراس .... __________________________________

العضوة: 275918 , 5 years ago

في اليوم التالي ..... كانت ليان عم تجهز حالا لتروح عالمطار .... اندق تلفونا .... -ليان: اي رولا ... لا لا ... ليكي بعدين منحكي ... مشغولة شوي ... باي باي ... تركت التلفون وحملت الروج .... رجع اندق تلفونا ... ردت بلا ما تشوف المتصل ... -ليان: رولا قلتلك بعدين بحكيكي ..... اه اسفة ... مين معي .... اهلين حضرة المحقق .... اي ماشي ... بس فيني بكرا ... اليوم مشغولة شوي .... اي عال ١٠ الصبح بكون عندك ... مع السلامة ....... شو بدو هاد هلأ ...... انتهت من لبسا ... بنطلون جينز وبلوزة بوردو مع كندرة سبورت بوردو ... كان لبسا سبورت ... ومكياج خفيف ............. اتوجهت عالمطار فورا بسيارة بيها الفخمة والشوفير عم يسوق ... وهيي عالطريق فتحت عالنت وعملت بحث عن جو عبدالسلام ... لتعرف شكلو .... بس كان في كتيير اشخاص بيحملو ذات الاسم .... سكرتو بملل وراقبت الطريق ..... وصلت بعد ساعة .... -ليان: انطرني هون ... وبس تشوف حدا معي بتنزل فورا وبتساعدو باغراضو ..... انشالله ما يكون واعد حدا يستقبلو ..... فاتت ووقفت مع المنتظرين ... ولما شافت في مين حامل اوراق وناطرين وصول الزوار ... خف احراجا وحملت ورقتها .... تأففت وهمست .... "الله يعيني ع هالنهار" ....... بلشو الزوار يوصلو ... وكل ما يبين حدا بتعتقد يكون جو ترفع الورقة ... وترجع تنزلا لما تلاقيه لقا ناسو ...... ضلت هيك حوالي الربع ساعة وبلشت الناس تخف .... وجو عبدالسلام بعد ما بين ....... -ليان(بهمس): يي ... الكل اجا وهوي لسا ما بين ...... معقول لغا الحجز .... لمحت شخص جاي من بعيد لحالو ... مأخر عن الكل ... جارر شناتيه ورا ... وكل ما يقرب كانت توضح هيبتو اكتر ..... ولما قرب منها وقفتو .... -ليان: عذرا ... حضرتك جو عبدالسلام ...؟! -جو: اي نعم ... انت مين ؟! ... يتبع ....

العضوة: 275918 , 5 years ago

اعتذر عالتاخير بس ما كنت ناسخه القصه كامله والفيس بوك علق مارضى ينسخ اضطريت انزل برنامج جديد للنسخ

العضوة: 275918 , 5 years ago

الجزء الثالث: مدت ايدها للسلام ..... رجعت سحبتها لما لقتو ملبك بشناتيه وصعب يسلم ... -ليان: انا ليان راجي بحر ...... -جو: بشو فيني ساعدك ؟؟ ... ابتسمت وركضت لوراه ... ومسكت الشناتي منو ... وهيي عم تحكي ... وهوي مصدوم .... -ليان: ايييي ... فيك تساعدني كتيير .... اتفضل معي .... السيارة بانتظارك برا .... -جو: لو سمحت ... يا آنسة ..... ما سمحتلو يكمل وضلت ماشية لبرا وهوي لاحقا والشر عم يطلع من عيونو .... اخد الشوفير الشناتي منا وحطن بالسيارة .... وقرب فورا فتح الباب الخلفي للاستاذ جو .... -جو: هيدا تصرف مانو محترم ابداا ...... خليه يرجع الشنت ... احسن ما اطلب الامن .... -ليان: عيب انسان محترم متلك يركب تكسي ...... وفي سيارة فخمة متبرعة تاخدو ع اوتيل مرتب .... يا استاذ جو ... روق ... مانك سامع برجل الاعمال راجي بحر ... اي انا بنتو .... شوف هاي الهوية ..... اسم الاب راااجي بحر .... وهوي وكلني اجي استقبل شخصية مهمة جايي عالبلد ..... -جو: يعني بفهم القصة مصالح .... -ليان: هوهووو .... هاي لقطتها .... وقبل ما ترفض شي ... انا ما خصني ... عليي وصلك عالاوتيل وبتنتهي مهمتي ... فالله يرضى عليك طلاع بالسيارة وبتتفاهم انت وبيي ع زوقك .... واذا بدك اقتلو عمال اللي بدك ياه مهم اطلع ..... -جو: انت اكيد انسانة طبيعية ؟؟؟ ... -ليان: لا شق بطن .... يلا ما تكبرهاا ... كنا صرنا بالاوتيل .... ابتسم ابتسامة مخفية ... وطلع بالسيارة ..... وهيي ركبت فورا ... واتوجهو ع اوتيل بحر ..... وعالطريق كان مشغول بتلفونو .... وقاطعتو .... -ليان: ما عندك قرايبين هون بالبلد .... ؟ ما حدا استقبلك .... -جو: البركة فيكي ..... امي استرالية ... وابي عندو اخ واحد ساكن هوي وعيلتو باستراليا ..... -ليان: اها ... وليه حضرتك تركت مشاغلك وعيلتك هونيك وجاي تستقر هون ... -جو: لإجي شوف هالوج الحلو ... معقول حشريتك ؟؟ ... اسكتي ثانتين بس لابعت هالايميل .... -ليان: ............. خلصو الثانتين .... برم وجو ناح الشباك وابتسم .... رجع دقق بتلفونو ..... ثواني ودق .....

العضوة: 275918 , 5 years ago

-جو: اهلا بابن العم ..... اي اي وصلت ..... بعدا صار يحكي بالاسترالي معو .... وليان قاعدة وعم تحاول دقق بحكيو ... هيي انكليزيتها كتير قوية بس لهجة الاسترالي صعبة كتير وبتختلف عن الانكليزية اللي تعلمتها .... ما فهمت الا كم كلمة يا دوب يطلعو كيف واي ولا ..... وصلو عالاوتيل ... ونزل الشوفير فورا فتحلو الباب ونزلو الشنت .... -ليان: طلعن فورا عالسويت اللي مجهز خصيصا للإستاذ جو ...... تفضل ريس .... -جو: ح تطلعي معي عالغرفة كمان ... -ليان: ههه لااا ... بس مهمتي بتخلص عند باب الغرفة .... اتفضل ...... مشي قدامها ... وكان عم ينحرف لجهة الاستقبال .... -ليان: لوين يا ريس ... الاصنصير من هاي الجهة .... اه ... اي كلو واصل ... ما تعتل هم .... جهزنالك كل شي .... وصلتو ع باب الغرفة ... وفلت .... فات ولقا كل شي مرتب ... سويت بخمس نجوم .... ثواني واندق الباب .... فتحو ... ولقا قدامو خدمة الغرف ... طاولة مليانة اكل .... -الاكل يا بيك .... -جو: لا شكرا ... رجعو ... بس بدي بطلب ....... -بتأمر يا بيك ..... سكر الباب .... وفات قعد ..... راقب المكان .... وعبرت بمخيلتو صورة ليان من جديد .... ابتسم .... هز راسو وهمس "مجنونة هالبنت" .... رجع طالعا من فكرو وفات ياخد دوش ..... ______________________________ -ليان: الوو .. بابااا ... الريس بالسويت ... مهمتي انتهت ..... -راجي : لك كنت بعرف انك قدهاااا ... بنت بيهاااا .... سكرت الخط ... وحطت تلفونها بالجيبة .... اتنهدت ... واطلعت بالسما ... وعبرت صورة فوق ... وهربت دمعا من عينا ... كملت طريقا مشي ... بعد ما قالت للشوفير يفل ...... تراقب الطرقات ... الناس ... الضجيج .... السيارات .... -ليان: ادي في ناس مهمومة ... وغيرا مبسوطة ..... ادي بكون في ناس متل بيي واحمد شاهين ... عم يوسخو البلد .... وغيرا عم تحاول تنتشلو من القرف ...... ليه الناس المنيحة هيي اللي دايما بتموت بالاول ..... لك اخخخ اخخ ..... -سلامة قلبك من الأخخخ ....

العضوة: 275918 , 5 years ago

برمت فورا عالصوت اللي اجا وراها .... عقدت حواجبها .... وحكت بعصبية ... -ليان: انت شو جابك لهوون ..... -كنت راجع من عند بيي من المستشفى ولقيتك عالطريق ... صفيت السيارة ولحقتك .... اشتقتلك .... -ليان: فادي حل عني .... منظرك صاير بلعيلي نفسي .... تفه ... كيف كنت مخدوعة فيك ..... كيف كنت شوفك الامان ما بعرف ..... -فادي: انتي عم ترمي سنييين بالبحر ...... -ليان: سنين كنت مخدووعة فيها بوج بريء .... فشرت بنص خلقتك تكون خيي من يوم ورايح متل ما كنت شوفك ....... تكسييي ..... -فادي: بس ....... تركتو ومشيت .... ضرب اجرو بالارض بعصبية ... وفل ..... ___________________________________ وصل احمد بيك ع قصرو ... وفوتوه ع غرفتو يرتاح ..... ومرتو حدو .... -احمد: كمال ... وين خيك فادي ... وكلتو بشغلة ولهلأ ما بين .... -كمال: هلأ بدقلو ... بشوفو وين ... -فادي: انا اجيت .... كيف صرت بيي ... -احمد: منيح ... استفسرتلي عن جو عبدالسلام .... -شادية: ييي حتى وانت بهاالحالة شغل ... ريح حاالك ... -احمد: فوتي عالمستشفى بهالوقت كانت غلط ... ضيعنا فرصة كبيرة اكيد ... يلا ابني قللي ... وصلت لشي ... -فادي: ا .. اي ... ا .. الاستاذ جو عبدالسلام بأوتيل بحر .... -كمال: حلو حلووو .... خسرنا الزلمة .... -احمد: انت خراس ... بلا ما واحد فيكن يضل معي والتاني يروح يزبطو للزلمة ... لزقتو فيي ... هلأ لازم نعرف عرض راجي بحر ... لنقدملو عرض احسن ....

العضوة: 275918 , 5 years ago

-كامل: رح حاول استفسر هون وهون .... -احمد: زبطلي اوراق الخروج قبل ..... _________________________________ نزل جو من غرفتو لتحت ... ليستفسر كم شغلة ... واول ما وصل عالريسبشن ... حكا الموظف بعد ما أشر ع شخص قاعد بالاسقبال .... -الموظف: صاحب الاوتيل راجي بحر طلب لما تنزل تتفضل تشوفو ... -جو: كتير منيح ..... قرب جو من راجي اللي قاعد والجريدة بين ايديه ... لما حس ع حركتو اطلع وراه ووقف .... ومد جو ايدو للسلام .... -جو: مرحبا استاذ راجي ... انا جو .... -راجي: اهلا وسهلا ... نور الاوتيل ..... انشالله يكون كلو ع زوقك .... ترك جو ايدو من ايد راجي بتوتر .. وابتسم .... فك زر بدلتو الفخمة ... وقرب قعد .... -جو: شكرا لحسن ضيافتكن .... بس ما عرفت شو مقابل كل هالشي .... -راجي: شي بسيط ... شراكة ..... -جو: واكيد لازم يكون عندك عرض مغري لحتى وافق ..... -راجي: اكييد ..... هيدا الملف ... اتفضل .... معك وقت اد ما بدك ... قراه ع مهلك ... وغير فيه متل ما بدك .... والبنود قيد التعديل .... اخد جو الملف منو ... وقف راجي ومسك مفاتيحه وتلفونو .... -راجي: طيب ...هيدا كرتي ........ (برم ت يفل رجع اطلع فيه) .... اه صحيح ... كيف لقيت البلد ... مغير عليك صح .... -جو: اي اكييد ... الي سنتين ما جيت ... حتى الشوارع ... كلو اتغير .... صار بدي دليل سياحي لارجع اتعرف عالبلد .... هه ... ابتسم ابتسامة خفيفة .... صار يفتش راجي بجيابو هوي وعم يحكي ..... -راجي: خلص بوكل بنتي .... لازم يكون معي كرتا ....

العضوة: 275918 , 5 years ago

-جو(بانفعال): مين بنتك ... اللي جابتني من المطار ؟؟؟؟ -راجي(عقد حواجبو): لتكون ضايقتك بشي ؟؟؟ .... -جو: لا لا ابدا ... قمة الاحترام .... -راجي: عال .... كرتا مانو معي ... ح دقلها ..... ايا ساعة بتحب تكون عندك ؟ ... ليك ع فكرة بنتي حافظة البلد زاوية زاوية ... شاطرة بهالاشيا .... -جو: لا ما في داعي لبكها معي ... بشوف .... -راجي(قاطعو): الو .... اي ليان .... بنتي تعي عالاوتيل .... -ليان: ليه ؟ ... -راجي: رح تكوني دليل سياحي للاستاذ جو .... -ليان: اكييد عم تمزح ... ما بدييي .... -راجي: اي بنتي هلأ ... ليكو ناطرك ... -ليان: بابااااااا .... -راجي: بنت بيها ... ما بترفضلو طلب ... قال بتقلك تكرم عيونك .... -ليان: لاااااااا ... ما قلت هيك شي .... رح اعملك مشاكل بشغلك هلأ بتشوف .... -راجي: ههههه ... استاذ قال بتقللك .... -ليان(قاطعتو): خلص خلص سكتتت ... سكتتت ... بعرف هلأ شو بيطلع معك ... سكرت ليان الخط وهيي عم تتأفف ... -رولا: شو صار ...؟ -ليان: لك انا شووو عاااملة يا الله شوو عاملة لباليني بهيك قصص ...... لك اووف .... بيعرف كيف يسكتني .... ما بعود يخليني اطلع بالشب ..... -رولا: لك فهميني شو في .... -ليان: بعدين منحكي ... انا لازم روح .... فتحت خزانتها ... واخدت تياب سبورت ... لبستن ... وضهرت عالسريع ... ركبت سيارتها ... وعالاوتيل .... صفت السيارة ونزلت .... لقتو قاعد بالاستقبال .... برم وابتسم ....

العضوة: 275918 , 5 years ago

-جو: انا قلتلو ما في داعي ... بس هوي اصر .. -ليان(بهمس): اه والله ... مش ع اساس حضرتك عنيد وصارم ... صاحب كلمة .... -جو: شو قلتي ..... -ليان: ولا شي عم قول بعرفو لبيي بس يعند ع شي .... اتفضل معي .... ادي الك مش جاية عالبلد .... -جو: سنتين ... بس جيت وبعت كل الاملاك ... ما برمت بالبلد .... يعني فعليا الي ٧ سنين ....... (وصلو عالسيارة) .... ما تقيليلي انتي ح تسوقي فيي .... -ليان: لا ابن الجيران ... ما معاجبك ؟؟ .... -جو: لا عادي ... اتفضلي ... -ليان: اه فكرت ..... طلعو بالسيارة ... ومشيت ... كان عم يراقب الطريق ... وبذات الوقت كل شوي يسرق نظرة لعندا ..... شخصيتا وحركاتا بتجذب اي شخص ليتعرف عليها اكتر .... -جو: نتغدا بالاول ؟ ... بعدني ع اكل الطيارة ..... -ليان: شوووو ... بتاكل من اكل الطيارة .....؟؟؟ -جو: ليه شو اشبو ؟؟؟ -ليان: لا ما اشبو شي ... بس بتكون ريحتو مقززة ... وبلا خبز ... وشكلو مدري كيف .... -جو: ههه ... لا بالعكس عادي .... -ليان: اي عادي كتيير ..... رح اخدك ع اطيب مطعم بالبلد ... وصلو ... نزلو واخدو طاولة .... وهيي وحاملة المنيو لمحت شخصين ... غطت حالا بالمينيو ... رجعت اتذكرت جو ... ابتسمت ... ووقفت .... -ليان(باستهزاء): عم قول في نور سابقكن ..... مرحبااا .. قربو ... وبرم جو لعندن .... اشرت عليهن وبعدا عليه .... -ليان: كمال احمد شاهين ومرتو رامية ..... وبعرفكن الاستاذ جو عبدالسلام .... الصدمة كانت واضحة بعيون كمال ..... بس حاول يتمالك حالو ومد ايدو .... -كمال: اتشرفتا ..... النور بوجودك ست ليان .....