العضوة: 275918 , 5 years ago

-جو(اشر للجرسون): عندك بنادول ... ؟ ... او اي شي يسكن وجع الراس ..... -كمال: سلامتك استاذ جو .... بالاذن ....... راح الجرسون يجيب الدوا ... وكمال ومرتو اخدو طاولة .... حمل تلفونو ودق لبيو ..... -كمال: انت بتعرف مين في قدامي بالمطعم ... ؟ ليان مع جو عبدالسلام ........... -رامية: شو قللك ؟؟ -كمال: متل العادة .... بهدل وقال ليان اشطر منكن وطبش الخط بوجي ..... وصل الجرسون معو ظرف البانادول ... اخدو جو من ايدو واخد ٣ حبات .... وحمل كاسة المي وشربن .... وليان فاتحة عيونا ع وسعن ... -ليان: من شوي ما كان اشبك شي ..... بعدين في عاقل بياخد ٣ حبات ؟؟؟ .... -جو: العيار اللي باخدو اقوى ... حبة ما بتعمل شي ... عالفاضي .... -ليان: خير .. شو اشبك .....؟ -جو: وجع راس بصيبني دائما بس كون مضغوط ..... -ليان: سلاامتك ...... طلبو اكل واكلو وهني ساكتين ..... جو معصب وعم يحاول يخفف غضبو وليان عم تفكر .... لحد ما فك وجع راس جو بعد ما دخن سيجارة ... وهدي شوي ... رجعو لحالتن الطبيعية سوا .... -جو: ايي يلا نكمل مشوارنا .... وقف ... وزت مصاري عالطاولة .... حمل تلفونو ومفاتيح سيارة ليان ... وسحبا من ايدا لبرا ..... -ليان: اح اححح ... بعدني عم باااكل ..... اححح ... احح .....

العضوة: 275918 , 5 years ago

ما رد عليها ... بقيو طالعين من المطعم والغيرة عم تشعل نار بعيون رامية .... وكمال ما عم يصدق شو صار .. وكيف صار ... وايمتا لحقو ياخدو وج ع بعض .... وصلو لعند السيارة ..... وراح جو يركب محل الشوفير .... -جو: اذا بدي انطرك لتخلصي اكل منضل للمسا .... رح اكل المطعم وانت لساتك بأول كم لقمة ...... -ليان: صباح الخير .... جاوب بكرا ..... بعدين لوين طالع ... هاد محلي ..... ما رد عليها ... طلع ودور السيارة ... تأففت وركبت حدو .... وصار يمشي من دون وجهة .... -ليان: ايي ... لوين ماخدنا .... بتعرف الطرقات ؟؟ .... صار يضحك بدون سبب ... وكإنو حس باحساس معين .. او ربح جائزة .... ويأسرع بأقصى سرعتو ... وهيي تبهدلو لحد ما بالاخر صارت تضحك ... كانت سرعة السيارة تفوق الطبيعي ... وكل واحد منن عم يضحك .... وليان تصرخ بسرور كبير ... قضو يوم كامل سوا ... وهني من مكان لمكان ... ومن شارع لشارع .... ومن شجرة للتانية ..... اغربت الشمس وهني ع شط البحر عم يراقبوها .....

العضوة: 275918 , 5 years ago

-ليان: اجمل منظر ..... -جو: اجمل يوم ......... -ليان: .................... -جو: ليان .... -ليان: يلاااا نرجع ... تأخر الوقت .... بس انا ح سوق ..... ركضت وركبت السيارة وهوي مكانو .... ثواني ولحقها ... ركب حدها ... وكل واحد منن ساكت وصافن قدامو بدون حتى نفس ........ لحد ما وصلتو عالاوتيل .... -جو: شكرا .. عذبتك .... -ليان: بتمنى تكون انبسطت .... -جو: اكيد .... تصبحي ع خير .... -ليان: وانت من اهلو ... لييك ... خفف دخان ... -جو: نعم ؟؟ .. -ليان: اليوم ١٢ سيجارة دخنت ... ما بيسوا .... -جو: عاددتيهن ... هه ... رح جرب اخد بنصيحتك ..... حكاها وهوي عم يمشي عالاوتيل ... شغلت السيارة ومشيت .... وصلت ع بيتا ... وركضت ع تختا فارطة نعس متجاهلة اسئلة بيها عن المشوار وصراخو المعتاد .... واكيد لحقتا امها لتروقها وتعرف ليه راجي معصب .... بس طلعتا من الغرفة وهيي تقلها .... "نعسااانة بكرا منحكي" ..... وعيت تاني يوم الصبح ... اطلعت بالساعة وانتفضت من مكانها .... -ليان: المحقق ..... غسلت ولبست بسرعة واتوجهت فورا عالفرع .... ___________________________________ -فادي: صباح الخير شريك ... كيفك ...؟ .. بعدك لهالساعة ناايم ..... يلا ثواني وبتنزرع قدام الكافيه المعتاد .... -حامد: شو بدك من ع بكرا بكير ولوو .... -فادي: ضايع وبدي مساعدتك .... -حامد: ما ترجع تقللي ليان .... -فادي: لك اي اي ليان ليان ..... -حامد: يي علينا رح يصير معك فايروس اسمو ليان ... -فادي: بلا كترة حكي ... يلا تاع .... -حامد: جايي جايي .... ________________________________ -ليان: انت عم تحكي جد ؟؟ -المحقق: ليه مستغربة ؟ ... -ليان: انت سامع حالك شو عم تقول استاذ كنان ؟؟؟ ..... اكيد اللي عم بسمعو غلط ... او في شي مزحة بالموضوع ..... يتبع ....

العضوة: 275918 , 5 years ago

الجزء الرابع: -كنان: ليه انفعلتي زيادة ... ما بدا هالقد .... -ليان: انت بدك ياني بإيدي سلم البابا للعدالة ... بإيدي فوتو عالسجن ... لك اي اوكي هوي انسان سيء وانا ضد اعمالو هوي وشركة شاهين .... بس رغم كل شي هيدا بيي .... وبحبو كتيير ... ما رح اعمل هالشي ابدا .... بدك تمسك ادلة حاول لحالك ... -كنان: بعد كلامك عن بيك وشركة شاهين بأول لقاء بينا توقعت تساعديني بجمع ادلة لتوقعن ..... -ليان: قصدك بحفر حفرة لبيي ..... انا ما بطعن بالظهر ... مين ما كان يكون .... ما تعب حالك كتير ... اذا مكتبلن يقعو ح يقعو بلا محاولاتك ..... بالاذن ..... -كنان: ليان استني .... ما ردت عليه وضلت متوجهة لبرا .... وقفت جنب شجرة ودكت حالا عليها وصارت تبكي ... وترردت بذاكرتا جملة قالتلا وعم يعذبا ضميرا عليها .... ///اه صحيح ... وزيد عليهن بيي .... لك هدول بدن سجن خاص ... لك السجن اللي عبارة عن حيطان وحدايد ح تهرب من افعالن القذرة ....... اه صحيح يمكن كمان هيي بترتشى ... مش بعيدة ....../// ..... مسحت دمعتا .... وبرمت ضهرا لقت كنان بوجا عم يلبس جاكيتو والمسدس ع خصرو ...... مسكها من معصمها وركبها بسيارتو ... طلع وقفل السيارة وبلش يسوق .... -ليان: انت شو عم تعمل حضرة المحقق ...... -كنان: كنان ... كنان حاف .... شيلي الرسميات ..... انا جد بعتذر .... كان طلب سئيل ..... بس كنت عم حاول قوم بعملي ...... -ليان: بيي رغم كل سيئاتو بحبو ..... بحب عدم قدرتو عالتخلي عني .... بحب انو لهلأ بحاول يعرف اخبار اختي لين بدون ما يرمي ع حالو غلب انو خسر معركتو مع هديك العيلة .... بحب حرصو ع ماما رغم انها بضلها خادمة عندو .... بحب تعاملو الهمجي اوقات معنا ..... بس شو اعمل اذا هوي هيك ... مصاريه بجمعها من مال حرام .... وانا بشتغل لاصرف ع حالي كرمال ما اصرف من هالمال .... رغم كل شي ما فيني بإيديي سلمو ........ -كنان: نيالو ع هالحب ..... لما انسان بكون عندو سيئات كتير وفي حدا بحبو رغم هالسيئات .... دليل ع حب حقيقي صعب يزول او يختفي ......... انا بجد اسف ... كنت غبي لما حكيت معك بهيك موضوع ...... -ليان: ولا يهمك .... بالنهاية كنت عم تقوم بشغلك ..... هلأ لوين رايحين ؟ -كنان: ما بعرف ... ح رجعك عند سيارتك ..... كنت بس بدي احكي معك ع رواق بدون ما تحاولي تهربي ..... -ليان: لا ما ترجع .... قدملي خدمة .....

العضوة: 275918 , 5 years ago

-كنان: أامري ..... -ليان: عطيني تلفونك ... تلفوني ضل بسيارتي .......... (اخدتو وطلبت رقم) .... الو بابا .... بعد اللي عملتو ما بستحق مكافأة ؟ .... ههه اي مبلا ....... اجازة ٣ ايام ..... بتعرفني كل فترة بدي جرعة وحدة ...... خبر ماما وقلها تخبر رولا ........ متل العادة ما معي تلفون ....... باي .... ليك بابا ..... رغم كل شي انا .... بحبك ...... نزلت دمعتا بعد ما سمعت منو الرد ... وانا كمان يا بنتي ...... سكرت التلفون ... ورجعتو لكنان ..... -كنان: لوين ؟ -ليان: شكرا كتير ... نزلني هون ..... -كنان: بس .... -ليان: انا كل فترة بختفي كم يوم لارتاح .... بحب الوحدة بين الفترة والتانية .... وما بحب مخلوق يعرف مكاني ..... ف رجاءا نزلني ...... -كنان: ماشي .... انزلي ....... ليان ... انتبهي ع حالك ..... -ليان: شكرا ..... نزلت وصارت تمشي بالشوارع وصوت زمور السيارات بآذانها ..... لحد ما حست انها اخدت جرعاات قوة من الارض والمشي والهوا والوحدة ..... وقفت تكسي .... -ليان: شارع ارجي اوغلو ... البيت السابع ...... وصلها للمكان المطلوب ... دفعتلو ونزلت ..... دقت الباب ..... ثواني وانفتح .... وطلعت صرخات فرح .... وغمرة من الصمييم ..... -ليااااااااان .... حبيبتييي .... اشتقتلك ...... -ليان: وانا اشتقتلك اكتر اختي .... -لين: فوتي فوتي .... -ليان: علي بالبيت ؟ ... وين لولو ..... -لين: لا لا بالشغل ... يلا فوتي ..... لولو نايمة ...... -ليان: بدي وعيها ... ما فيي ...... (صرخت) ... لوووولووووو يا لولووو ... اجت خاااالتك ...... ركضت ليان ع غرفة الصغيرة .... ورفعتا من سريرا ..... غمرتها بقوة .... -ليان: كبرانة كتير .... -لين: اي هدول ٣ شهوور ... مفكريتن قلال ع بنت ٤ اشهر ما تتغير ...... -ليان: صارت سبع شهور ... ما تقليلي ما عم تحاولي تمشيها .... يلاا حبيبة قلبا لخالتو ... وحدو وحدو لحالااا ..... -لين: لك ع مهلك عالبنت ... يا دوب بعدا عم تقعد .... مانك شايفيتها لساتا غفلانة .......... شو ماما خالتو نزعتلك نومتك ........ -ليان: هههههه ....

العضوة: 275918 , 5 years ago

-لين: ليان ..... (سكتت شوي) .... كيفو بابا ..... مسكت ليان الصغيرة منيح وفاتت ع الصالون ... قعدت وقعدتها بحضنها .... ولين قعدت مقابيل اختا ..... -ليان: ع حالو ..... ما بيتغير .... ما في امل ..... اوعى تبكي اييي ... هربانة من هداك الجو الكئيب كرمال اجي اضحك هوون ... مش كأب بزيادة ..... -لين: كيفك ع فراق ميار ....؟؟ -ليان: يي علينا شو حكيناااااا ........ شيليني من هالاحاديث .... -لين: طيب طيب سكتنا ...... هاه ليكو اجا علي ...... (رفعت صوتا) ... علييي احزر مين عنا ..... -علي: مين غيير ليااان ......... -ليان: هههههاااي ... متل العادة اكيد ح يعرف .... وقفت ومجرد ما لمحتو ابتسمت وقربت غمرتو وهيي عاقدة حواجبا .... -ليان: كيفو الصهر ...؟؟؟ شو هالشيب بشعرك ... كنو بلشت تختير .... -علي: مشتقلك ..... ومشتاق لهالزناخات ..... الشيبة هيبة ..... -ليان: لك عال ٣٤ شيييب ؟؟؟ .... هههه ... شفتي يا لولو بيك .... شفتي ... ختير قبل ما يشوفك عروس .... لك دخييييلووو ..... -لين: يلا رح ولع تحت الاكل ....... وجهز السفرة ........ حمل علي بنتو وصار يلعبها وهيي تضحك ... وتآغي ..... هربت دمعا من عين ليان .... حس عليها علي .... وقف وراح حط بنتو بتختا واجا .... قعد حد ليان ... ومجرد ما دكت راسا بحضنو بلشت تشهق .......... -علي: روقي ... روقي ... كلو ح يتصلح ... ح يجي اليوم اللي تشوفيني وما تبكي .... كانت لين ورا الباب عم تبكي ع اختا .... رجعت راحت قعدت بالمطبخ وتركتا مع علي .... لانها بتعرف انو علي اكتر من اخ بالنسبة لليان .... وبترتاح لما تحكيه .... هوي السند اللي فقدتو عند بيها .... هوي الشخص اللي لما تشوفو بتحس انو كل الجبال اللي ع ضهرا فيها تحطن ع ضهرو بدون ما يقول اخ ..... -علي: ليونا ... اختي ... ما رح قللك ما تبكي ... ابكي ... ابكي وطلعي كل اللي بقلبك ...... ابكي ...... اي اي .... اصرخي وعللي صوتك .... الدنيا كلها ح تسمع اهاتك وتخفف اوجاعك ......

العضوة: 275918 , 5 years ago

-لين(تبكي وتشهق): علي ميار راح يا علي ..... راح وما قدرت اشكي لحدا ... ما قدرت اجي لهون .... وبيي وامي .... هموم الدنيا كلها ع راسي ... ما عم بعمل شي لحالي .... بس عم فكر بالكل ح حسابي انا ..... وفادي بين ح حقيقتو ما بيفرق كتيير عن عيلة شاهين ... كنت مفكرتو سند ... طلع هوا ...... اوقات بقول منيح مات ميار قبل ما شوفو متل بقية عيلة شاهين .... خليه بنظري نظيف .... بس ما بقدر طالعو من فكري ..... رفضت عرسان كتير وانا عارفة انو بحياتي ما ح احصل ع نظرة من خي واحد بيعشقني .... بس كنت عايشة عالاحلام اللي موتت ميار فيقتني منا ووقعتني خبطة قوية كسرتني من جوا كسر صعب يترمم ..... حبي للولاد عم يدبحني .... بدي ولد بس مش قادرة حب اي رجل وابني معو عيلة والتفت لحياتي .... عم شوفن كلن بابا ........ علي انا بحس انو مستحيل صير ام بيوم من الايام ...... -علي: هششش ... ما تحكي هيك .... العمر قدامك لساتو طويل .... وهالمحن اللي الله حاطك فيها بكرا كلها ح تجتازيها لانك بنت قوية ..... انا بعرفك قوية قدام الكل باستثناء شخصين ... انا .... والانسان اللي ح تحبيه ..... ميار كان ذكرى طفولية انتي جسدتيها معك بطريقة حقيقية على كبر ... بس هيي مانا حقيقة ... لهلأ ما اجا الحب الحقيقي لياخدك للسعادة الحقيقية ..... لما يجي ح تقولي ميار ما كان شي ..... كان ولا شي ... كان فراغ وبس ...... اللي عم تعيشيه بسبب الكبت والحصر اللي جواتك ..... انتي مفكرة كل الرجال بيك ... بس ما تنسي انك بتحبي بيك رغم كل شي ..... وانا متأكد انك ح تحبي الانسان الصح والنظيف .... لانو قلبك ما ح يحب من فراغ .... ح يحب الاستثناء .... لانك انتي استثناء .... ورح تصيري ام .... اذا مش لولاد من صلبك .... لولاد يتيمة ..... تأكدي انو مش مهم صلة الدم لتكوني ام .. هلأ اذا بدك فيكي تكون ام ل لولو ... وام ولاد كتيرة بس انتي بدك ... ما تسمحي لحالك توصلي لليأس .... حتى لو كنتي ما بتجيبي ولاد من الاساس .....

العضوة: 275918 , 5 years ago

ليان: دايما الله بيبلي الناس باكتر شي بحبوه .... وانا بحس بلائي الاكبر اني ما احمل ابدا ..... لاني بعشق الولاد وكل شي بيتعلق فيهن ..... -علي: اي اذا بدك رضا الله ... مرحبا بالبلاء .... قوليلو انا جاهزة الن ورح اتحمل ورح اثبت للكل ايماني بالله ...... -ليان: علي انا كتير بحبك .... دايما بتريحني .... -لين: اووووه انا بلشت غار .... بتجي ليان بتروح ايامك يا لين ..... كانت عم تحاول تلطف جو بعد ما مسحت دموعا وعرفت انو اختا هلأ اخدت جرعة قوة .... وبحاجة بس للبسمة .... ضحكو الكل .... وقامو ياكلو ..... بس ركضت ليان لعند لولو وجابتا ..... -ليان: كانت عم تلعب مع حالا تؤبر قلبي ..... بدي اشبع منا قبل ما صير بدي فل .... -لين: ما تقيليلي بس تلات ايام .... وطت راسا بحزن بعد ما شافت ال اي بعيون اختا .... اكلو بهدوء وغفيت لولو ع ايد ليان ... اخدتا لتحطا بغرفتا ..... -علي: اختك تعبانة هالمرة كتيير .... اصعب من قبل ....

العضوة: 275918 , 5 years ago

-لين: بتهوون ...... وينا لهلأ ... بعدا عم تحطا .... -علي: بتكون عم تتأملا .... -لين: يا عمري انا يا اختي .... الله يبعتلك ايام حلوة وتلاقي الانسان اللي يطلعك من سراديب الكره والماضي .... -علي: امين .... وتجيب ولااد يا رب .... -لين: ههه اكيد ... اهم شي ..... انا متأكدة رح تجتاز كل شي .... من صغرا كانت اقوى واجرأ مني .... كانت بكل شي افضل مني ..... انا كنت البنت اللي كل حياتا العابا ومدرستا وبعدا ضهراتا وجامعتا .... وهيي كان كل الشغل عليها وهلأ عم تحمل هموم فوق طاقتها .... طول عمرا بتفكر بالناس ع حساب سعادتا .... -علي: صعب ع وحدة متلا تصير انانية ... بس لازم تفكر بحالا عاد .... بكرا ما بتلاقي حدا حدها ..... كلو بيتصلح ...... -ليان: شو عم توتوتو عليي .... ايي .... -كلن سوا: هههههههههههه ....... بعد مرور ثلاث ايام ............................ مرقو هالايام بقمة السعادة عند ليان ... ولما اجت اللحظة الحاسمة لتفل ...... علقت دمعتا بعينا .... غمرت لولو من قلبا .... وبعدا اختا وصهرا ...... -لين: سلمي عالماما .... قليلا تحاول تجي .... -ليان: ما تعبتي من هالجملة ... ما رح تجي .... امك اضعف من ما بتتخيلي .... ما رح تعمل شي من ورا ضهر بيك ....

العضوة: 275918 , 5 years ago

-لين: يمكن تحن ... شي يوم ...... -ليان: حبيبة قلبي .... يلا بخاطركن ..... -علي: انتبهي ع حالك .... مجرد ما برمت ضهرا واتسكر الباب ... كفتو دموعا .... رجعت اتأملت الباب ... وعبرت صورة لولو بمخيلتا .... قربت لتدق وتاخد جرعة تانية من حضنن ... اترددت ... وفلت ... ركبت تكسي .... وراحت ع بيت اهلا ..... لقتا امها بصرخات .... -ام ليان: لك وينك انتييي ... ما عاد تعيدييهااا ... بتصيري تاخدي معك تلفون .... -ليان: ليه معصبة .... مش اول مرة .... -ام ليان: لك الدنيا قايمة وما قاعدة .... بيك واصلة معو للسماااا ... ومش عارف يوصلك .... احكييه عالسريع ..... -ليان: سيارتي لساتا قدام الفرع والتلفون بقلبا .... شو صاير ... ما عاد فيه يعمل شي بلااااي .... هه اجا ... اذكر القط ..... -راجي: اجت ليااااان .... اي اهلا وسهلا .... بكيير ... خليكي كماان شهررر .... -ليان: شو صاااير .... ليه محسسيني اني اول مرة بروح تلات ايام ..... اول مرة برجع بلاقي الوضع هيك مشحوون .... -راجي: قلتيلي شوو صاااير .... ولا شي ... بس استاذ جو تبعك اللي ع اساس كسبتيه طااااار ....... اي لا تستغربي .... كلو بيركض ورا القرش .... مني وبالجر يعني ما تفكري مستثني حالي ..... شركة شاهين قدمتلو عرض احسن من عرضنا ... وبلش يبني فرع جديد لشركتو اللي باستراليا هووون ... وشررريييك مع شركة شاااهين ..... برافوو بنتي برااافووو ....... -ليان(عقدت حواجبها): انت شو عم تحكي .... يتبع ....

العضوة: 477598 , 5 years ago

كملي

العضوة: 275918 , 5 years ago

الجزء الخامس: -راجي: ما عم بحكي شي ... عم بستشعر .... لك شو بكي ضاربتك الصفنة .... شو عم يدوور بهالراس الفااااضي .... كانت عم تتذكر ذكرياتها معو .... اللي صارت بيوم واحد بس .... بساعات بسيطة ممكن تزول بليلة .... -ليان(بهمس): اي صحيح .. كيف كنت ضامنة شراكتو معنا ...ما رح أثر عليه بساعات .... شكلي كنت طايرة منيح .... اول مرة بضمن شغلة هيك .... بس ليه ضمنتو لصفنا .... -راجي: خدلك هلأ ... بلشت ترغل مع حالا ..... يا بنت ... بدي حل ... عم تفهمي .... -ليان: انا شو دخلني .... راح ... اي عمرينو ما يرجع ... في بدالو مليون .... -راجي: والله ...جيبيلي ياهن لهالمليون ..... لك انا بس بدي افهم هني كيف كسبوه ووضع شركتن كل مانو للأسوء ....... ________________________________ -كمال: اي والله هيدا اللي صار ... -جو: والله ... ووينو هلأ هيدا اللي اسمو خالد ...؟ -كمال: بعتقد انو حاليا بأميركا ..... -فادي: ليه صفنت ؟! بتعرفو ؟ .... -جو: قلتولي كان عندكن اخ اسمو ميار ؟ ... كان يسافر ع اميركا ؟ (صفن شوي بعد ما هزو براسن بمعنى اي .. وصرخ) .... عرفتننن .... من حوالي ال٣ سنين اشتغلنا سوا ... اي اي ميار وخالد .... لك هدول بقينا كمان ع تواصل بعد ما رجعو عالبلد .... بس من حوالي شي سنة ونص فقدنا التواصل .... لك ميار شاهين كيف ما اجا ببالي ترابط العيل ...... الله يرحمو كيف مات ؟ -كمال: مكيدة من شي منافس او عدو .... قنبلة بالسيارة .....

العضوة: 275918 , 5 years ago

-جو: زعلتوني عليه ... حاولو خدولي موعد مع خالد ... لشوف وحاول اخدلكن معلومات عن الارض اللي حد الشركة اللي عم نرممها ... بهمني اشتريها ووسع ...... (رن تلفونو) ... الو ... اي اي ماشي ... مسافة الطريق ........ بالاذن شباب ... لازم روح استلم الفيلا ..... وزبط اوراق السيارة ..... -كمال: اذنك معك .. موفق ...... فل جو مع فوتت احمد بيك معصب ..... -احمد: فظيعين انتو عنجد .... حكيتولو قصة حياتكن وما صرلنا يومين منعرفو .... لك هاد مجرد شرييك ... قاعدين تلتو حكي متل النسوااان .... اكيد ما حدا كلف خاطرو وشاف وضع العمال بالمبنى اللي عم يصلحوه للشركة الجديدة .... -فادي: ما جو مستلم كل شي ..... -احمد: اتكاليتكن بتدبحني ..... يلا اتحركو كل واحد ع شغلو ...... ________________________________ -رولا: انا كم مرة فهمتك بس بدك تختفي احكيني ... لك كنت ح طق هالتلات ايام .... -ليان: ههه ... كرمال ما تفلقيني اتصالات ... طيب امشي معي بدي جيب سيارتي .... تكسيييي .. -رولا: من وين ؟ ... -ليان: من الفرع ........ وصلو عالفرع ... دفعو للتكسي .... وفاتو عند كنان ... ومجرد ما لمحا وقف دغري ... قرب سلم عليها .... وللحظة لو ما شالت ايدها كان ضل ماسكها ... ابتسمتلو .... -ليان: جيت اخد مفاتيح سيارتي ....ضلو هون .... شالن من جيبتو وهوي عم يحكي ... "كيف كانت هالوحدة؟" .... -ليان: تمام ... ريحتني كتير ... الحمدلله ... (حملت مفاتيحا وعقدت حواجبا) .... وين العللاقة .....؟! -كنان: اي .. مم ... ضاعوا ..... -ليان: ضاعو بلا المفاتيح ..... ع كلن شكرا كتير ... بالاذن ..... -كنان: اذنك معك ...

العضوة: 275918 , 5 years ago

ابتسم مع اخر شعرا اختفت فيها ... قعد وسند ضهرو عالكرسي .... سحب العللاقة من جيبتو ... تأملها ...وزتها لفوق ورد رجع مسكها وسكر عليها ايدو .... هيي طلعت بسيارتها صافنة .... ورفيقتا حدا ... مشيت من غير صوت .... لحد ما قطعو ثواني ... -رولا: شو بكي ؟... عم تفكري بكنان ..... -ليان: شو بهمني فيه ... ما ضل غيرو يشغل تفكيري ..... -رولا: لا ابدا ... بس كان ح ياكلك بعيونو ...... ما اهتمت ليان لحكي رولا .... وضلت صافنة بالطريق قداما .. رجعت حكت رولا وقطعت هالصمت .... -رولا: ما علينا .. لكن شو شاغل تفكيرك .... -ليان: بعرض شركة شاهين اللي طير جو عبدالسلام من ايدنا ....... _________________________________ وصل حامد صديق فادي عالشركة .... وفات ع مكتب فادي .... -حامد: كيفك شرييك ..... -فادي: اهلين حامد ..... -حامد: شو بك ؟ ... حاسك مهموم ...؟ -فادي: شو اللي عم يصير ؟ ... ليه اتغيرنا هالقد .... كنا بذات الصف وذات الجامعة ... كنا تنين ما بيفترقو .... ليه هيك هلأ منفصلين .. ليه كلو مقلوب ع بعضو ... ما بعرف انا بحبا او لا .... -حامد: رجعنا ل ليان ... يا اخي انساها ... اعتقا ... من الاساس ما كنتو سوا كحبيبين ... كنتو زملاء وبس .... ضلك مذكر هالشي .... -فادي: بس انا بحبا ..... -حامد: لو بتحبا ما شكيت فيها يوم اللي مات خيك انها السبب بكل شي ... اللي بحب بيغفر ... كنت وقفت معا ضد اهلك وامك اللي سمعتا حكي وكانت بدها تجرجرها بالسجون .... انت بس بتعجبك شخصيتا وقوتا .... انت بس بدك تمشي بين الناس وتقول شفتو مين تجوزت ... ليان ع سن ورمح مرتي .... القصة بس لترضي غرورك وتكبرك .... بس انت ما بتحبا .... اعترف ....

العضوة: 275918 , 5 years ago

-فادي: اي اي ... بعترف ... هيي انثى لا تعوض ... الرجال كلها بدا نظرة من عيونا ولو غضب ... وهيي كانت بين ايدي ومتل المجدوب ضيعتا ..... ع كلن صار من الصعب رجعا ..... هيي بجميع الاحوال كانت بس جسد بين ايدي ... لا عقل ولا قلب ولا روح ........ -حامد: شفت ... قلتلك زملاء ..... -فادي: بدفع نص عمري ت اعرف مين هوي اللي كان ماخدلا عقلا ..... مين هالمحظوظ .... -حامد: اكيد استثناء .... دايما الاستثناءات بتحظى باستثناءات ....... -فادي: قصدك انا ماني استثناء .... -حامد: اذا كذبت عليك وقلتلك مبلا استثناء ... بتصدقني ؟ ..... -فادي: ......... قطع حديثن دخول كامل عالمكتب ..... -كامل: انا رايح شوي شوف رامية بالكافيه اللي عالجنب ... اذا سأل بيي عني غطي عليي ماشي ؟؟ ... -فادي: كامل هاي مرتك لازقة بخلقتك بالبيت ... ليه تترك عليي الحمل ..... -كامل: كانت بالسوق ومرقت عالكافيه وقالتلي اجي شوفا ... عشر دقايق بس وبرجع .... -فادي: ما تتأخر .... -كامل: بحاول ....... ____________________________________