العضوة: 275918 , 5 years ago

-رامية: اتأخرت .... -كامل: هلأ لقدرت اجي .... ليكي خدي هالملفات شليهن بالمكان المعتاد ... اي قلبي كان بين اجريي لحد ما وصلت لعندك .... -رامية: واخيرا تحركت بشي شغلة ... النا زمان ما عملنا شي .... -كامل: ع اساس كان الوضع بيسمح ... شيليهن منيح ... مش وقتن هلأ ... لازم نهدا شوي ليرجع كل شي متل ما كان ....... -رامية: ماشي .... كيفكن مع جو ؟ انشالله ح يكون هالموضوع لصالحنا .... -كامل: ما بعرف ... شكلو مانو لصالحنا ابدا ...... -رامية: لا تقولا ..... ___________________________________ شحطت فرام قوية .... ويتبعها خبطة بالدركسيون ...... -رولا: العمى ... مين البهيم اللي عاطيه دفتر سواقة ..... بشو صاافنة ليااان .... -ليان: البهيم اللي عاطيه دفتر سواقة ... او الحظ اللي ما بعرف اذا زفت او شو اللي خلاني من بين كل هالناس ما يطلع قدامي الا هالشخص ... مع اني ما بآمن بالصدف ...... -رولا: مين هالشخصية ...؟ ولي لياااان من وين بتعرفيه ...... رفعت فريم الايد ... وفتحت الباب .... وهيي عم تشوفو نازل من سيارتو وجاي ناحيتن .... وهمست "جو .. جو عبدالسلام" ........... نزلو من سيارتن ووقفو مقابيل بعض .....

العضوة: 275918 , 5 years ago

-جو: قبل ما تحكي اي شي معك حق ... كنت شارد .... وما انتبهت انو في طريق فرعي هون ..... -ليان: ولا يهمك ... حصل خير ... ع شعرة بس كنا صرنا بخبر كان ... يا ريت تنتبه مرة تانية .... يلا بالاذن ... طلعي رولا ... -جو: لحظة لحظة .... -ليان: اي نعم ...؟ .. تفضل ....... -جو: ما رح تحكي شي ؟ -ليان: بخصوص ؟؟ ... -جو: انو صرت شريك مع شركة منافسة الكن ..... ولانك اختفيتي تلات ايام ولما رجعتي اتوقعت تجي تعملي خناقة ....... -ليان: اعمل خناقة ؟؟؟؟؟ ... انك شريك !!!!!!! .... استاذ جو يمكن حضرتك ناسي انو هاي حياتك انت ... وانت بتختار مين بكون شريكك ومين لا ..... وبالتالي كمان انت شو الك علاقة وين بختفي ؟! .... -جو: بعتذر ع ازعاجك .... ما توقعتك لامبالية .... -ليان: اذا في مسابقة للامبالاة بطلع الاولى ..... انت بحياتنا وجودك وعدمو واحد ... ليه بدي بالي ؟؟ .. انت مش موجود في عشرة ... وعشرة مش موجودين في مليون بيستأتلو ع شراكتنا ..... -جو: بس هاد ما كان رأيك لما استقبلتيني عالمطار .... -ليان: يبدو اني عطيتك اكتر من حجمك لحتى نفخت بحالك هالقد .... بس نصيحة انتبه تفقع .... كان مجرد رجاء من البابا ولبيتو .... لا اكتر ولا اقل ...... يلا رولا نمشي ...... برمت ضهرا لتمشي وهوي ساكت ..... رجعت اتذكرت شي ..... -ليان: اه صحيح .... كل واحد بشارك اللي ع شكالتو ... ما بدك مين يقللك مين شركة شاهين .....

العضوة: 275918 , 5 years ago

برمت وطلعت مع رفيقتا ب سيارتا ..... ودورت السيارة بأرضا وبرمتاا بسرعة وفلت مع شحطة قوية وراها ورفيقتا ساكتة حدا ..... ومجرد ما اختفت السيارة عن انظار جو .... ضرب اجرو بقوة بدولاب السيارة وصرخ ""غبييية"" ..... طلع ومشي ........ _______________________________ -رولا: اوووووووه ..... شو هالشخصية .... والهيبة .... والرجولة ...... -ليان: رولا بعيني سكوتك .... اي ؟ ..... -رولا: ليه بس كون عم بحكي شي صحيح وما يعجبك ما بتتقبلي .... فيكي تنكري الصفات اللي قلتا .... -ليان: لا ... بس زيدي عليهن الغرور والتكبر والانانية ... والخيانة .... وووو ..... -رولا: اوه اوه اوه ... عملتيه للزلمة دغري خاين لانو راح لشركة تانية ...... طيب ما علينا المحقق شو اشبو ؟؟؟ -ليان: ما اشبو شي ... شيلينا من هالسيرة ..... -رولا: لا ليه بدي شيلك .... مسكرة ع قلبك باحكام وكل الرجال بتحطي فيهن علل شكل ..... -ليان: ع اساس مقتلين بعض ... شو بدي بجو ولا بكنان .... حدا منن اجا حكاني شي مثلا وجاي عم تتفصحني من عندك انو معجبين فيي .... بعدين روحي التفتي لغرامياتك وتركيني بحالي .... -رولا: من وين يا حسرة .... لك الله بيعطي الحلاوة للي ما عندو اسنان ..... خليكي هيك حياتك شغل وبس ... لنشوف اخرتها ..... -ليان: رولا خلص سكري عالسيرة ..... -رولا: بس تنسي ميار كلو بينحل .... -ليان: ناسيتو .... ما تخافي ....

العضوة: 275918 , 5 years ago

-رولا: كذبي ع حالك بس عليي لا .... عم تحاولي تخبي ضعفك وحبك وتكتمي مشاعرك بس انا ماني عمية ...... غدرتا دمعتا .... مسحتا بسرعة وضغطت عالدركسيون وركزت بالطريق اكتر ..... لما حست رولا انها بلشت تغمق بالحكي وهلأ رفيقتا بتكإب ... سكتت وما عادت حكت حرف ..... ___________________________________ -كمال: الو ... استاذ جو ... حكيت مع خالد ... هوي هون بالبلد .... وقللي انو نص ساعة وبيجي عالشركة ..... اذا بتحب تجي تشوفو كرمال الارض .... اي ماشي ... عم ننتظرك .... -فادي: شو قال ؟ ... -كمال: مسافة الطريق ...... -فادي: شو كان بدا مرتك منك ...؟ -كمال: ما شي مهم ...... كل واحد شرد بأفكارو وبالمواضيع اللي يتهمو ... لحد ما وصل جو .... وبعدا بخمس دقايق وصل خالد ... دق عالباب ... ودخل .... -خالد: مرحبا شباب ..... وقف جو ... وقرب من خالد .... مد ايدو للسلام .... رفع ايدو خالد وسلم عليه وهوي صافن فيه كتير .... رجع فورا ابتسم .... وهز اصبعو ع جو .... -خالد: يوسف عبدالسلام ... صح .... ذاكرتي ما بتخوني .... -جو: هههه بالزبط ..... بس من سنتين تركنا هالاسم .... بفضل تناديلي جو .... -خالد: ع راسي شريك ..... والله اياااام .... -جو: معك حق ... القعدة باميركا رغم ضغوطات الشغل ... اياما حلوة .... -

العضوة: 275918 , 5 years ago

خالد: ايي ...... قللي هلأ ... شو سبب استدعائي ... ؟ -جو: الارض اللي فوق الجسر .... حد شركة الاوركيد .. كانت باسم ميار ... بهمني امرا ..... -خالد: للاسف من زمان انباعت ... -جو: بعرف ... بدي اسم المشتري ... عم نرمم شركة الاوركيد ... وبدي اعملا فرع من فروع شركتي اللي بأستراليا .... والارض اللي حدا للتوسيع .... -خالد: بحاول ساعدك .... عطيني رقمك ... وبس اوصل للمشتري بحكيك .... -جو: ماشي ... حاول بأسرع وقت .... هاد كرتي .... -خالد: طيب انا بالاذن .... عندي شغل ....... اه صحيح ... شو رأيك نجدد ايام امريكا هون .... المسا بكافيه الامين ... -جو: ماشي اتفقنا ...... فل خالد .... وكمال وفادي ساكتين وبس عم يراقبوهن .... ومجرد ما اتسكر الباب ... -فادي: ما عرفتو والله ... -كمال: والله طلع بيعرف يضحك ويحكي .... -جو: طيب شباب ... انا لازم فل ... بشوفكن بكرا .... -كمال: الله معك ... مبروكة الفيلا .... ارتحت من الاوتيلات .... -جو: الله يبارك فيك .... اي والله اليوم رح نام مرتاح ...... __________________________________ وصلت ليان ع بيتا بعد ما وصلت رولا ... فاتت عالبيت وشافت امها عم تحكي مع الطباخة بتوتر .... -ليان: شو في امي ؟ .... -ام ليان: بيك عازم ضيوف المسا عالعشا ... وبدي يكون كل شي ع اوصولو .... -ليان: مين هالناس .... ؟! -ام ليان: نورس الباشا ....... -ليان: شوووووو ..... لو بتطبق السما عالارض هالرجال ما بيدعس بيتنا ...... يتبع ........ شخصية جديدة دخلت قصتنا .. مين نورس؟ .. وشو سبب الرفض القاطع عند ليان بدخولو عالقصر ؟ ... رح نعرفن بالجزء الجاي ......

العضوة: 275918 , 5 years ago

الجزء السادس: -راجي: شو في لياااان ... مين اللي ممنوع يدعس بيتنا .... كان جاي بيها من اخر الممر معصب .... وقفت الام بتوتر ... وقربت ليان من بيها بتحدي ... -ليان: نورس الباشا .... ما لازم اجرو تخطي عتبة هالباب ... -راجي: انتي بتعرفي انو كلمتي اللي رح تمشي ... ليه بتتعبي حالك بالحكي ... انا عزمتو في موضوع شغل بيناتنا ..... -ليان: شغل شو ... بيع وشرا ؟؟؟ ... ومين السلعة المطلوبة .... انا ؟؟ .... قسما بالله يا بيي قسما بالله .... انو اذا بيدعس هالبيت انا طالعة منو بلا رجعة .... واللي هربت لين بتقدر تطلع منو ببساطة وقدام عيونك وبدون هريبة .... وانت ما فيك توقفني .... -راجي: انا ربيتك عالقوة ... بس ما كنت عارف ح يجي يوم تستعمليها ضدي .... -ليان: انا حكيت اللي عندي ... والباقي عليك .... -راجي: وانا قراري ما بغيرو ... ح يجي بموضوع شغل بعيدا عنك ... -ليان: بعيدا عني ما بعيدا ما بفهم هيك .... اذا انت الموضوع عندك شغل عادي ... ف هوي نواياه مختلفة ... انا متأكدة .... بالاذن ...... فاتت ع غرفتها وطبقت الباب بقوة ... وراجي نزل لتحت ... ثواني وفاتت ام ليان عم تبكي لعند ليان ... -ام ليان: بنتي بترجاكي ما تعملي مشاكل ... بكفيني بعد اختك ... ما تضبي غراضك ... ما الي غيرك بالدنيا .... -ليان: مين قللك امي ح فل ؟ ... مين قال اني ح ضب غراضي ؟ .... اه بالنسبة للقسم ؟؟؟ .. اي لا تخافي انا متأكدة ما ح يفوتو عالبيت بعد اللي صار ..... -ام ليان: ليه متأكدة هالقد .... -ليان: امي بكفي ... خلص ... حاجتك خوف وذل .... اعتقي حالك منوو ... انت مانك جاارية عندوو ... ولا بقا تقولي ما الك غيري .... الك لين ... وصهرك علي ... وحفيدتك لمار ....... بس انتي ما بدك الا الخوف من بابا اللي يضل مرافقك .... بابا رغم كل عصيبتو وسيطرتو والخ ... هوي عندو نقطة ضعف ... انا ولين ... لين شالا من زمان ظاهريا ... بس داخلو ما عم يقدر ... لهلأ بياخد اخبارا من بعيد انا بعرف .... ومستحيل يتخايل انو يخسرني متل ما خسر لين ... وضيفي ع كل هالشي ... انو ما فيه يستغني عني بالشغل ... ولا بالشركة .... اذا اللي مش مدللة اثرت فيه هيك ... كيف اذا انا اللي مدللة عندو فليت ..... انتي لا بقا تبكي ... بكفي قهر ... حاجتك امي ..... -ام ليان: شو بعمل ... انتو بناتي ... بخاف عليكن ....

العضوة: 275918 , 5 years ago

-ليان: لا ... انتي بتخافي ع حالك وبس ... لو ما هيك كنتي من زمان دعستي ع كلمة بابا ورحتي شفتي بنتك اللي ناطف قلبا ع شوفتك ..... قعدت الام عالتخت وهيي صافنة .... والدمعة بعينا ... وصورة بنتا لين قدامها ... فاتت ليان عالتواليت .... ولما ضهرت كانت امها صارت برا الغرفة .... وطت راسا بحزن .... ندمت ع الحكي اللي سمعتو لامها .... بس كانت معبية بقلبا كتير اتجاه ضعف امها اللي مش قادرة تحولو لقوة .... ____________________________________ المسا ........ كان قاعد راجي بمطعم فخم ... وصافن .... مسك تلفونو .... وحكا اتصال .... -راجي: اي استاذ نورس .... ناطرك بمطعم الثراء .... لا لا مش بالبيت ... بحب افصل شغلي عن البيت .... ههه ... اي بهالسنين تغيرت كتير .... ناطرك ... شو قصدك؟ .. كيف يعني انسى الشغل ؟ .... براحتك ...... (سكر الخط ودق لمرتو) .... الغي العشا ... انا ماني جاي ....... ///كل انسان بيضحك ... كل انسان منشوفو قوي ... بكون انسان طيب كتير من الداخل ... بكون انسان بيبكي من جواتو ... بس لإنو قوي ومعروف بين الناس انو بيملك صفة القوة ... بيبكي بقلبو ... بكون صارم وقاسي ... وممكن ظالم ... أناني ضمن محور حياتو وولادو ..... القوة الله بيخلقا مع الانسان ... مع الرجل ... ومع المرأة ... صعب حدا قوي يضعف بهالسهولة .... بس وقت المواقف اللي بكون الانسان فيها بين نارين ... بين بنتو ... وبين شغلو .... صعبة عليه كتير انو يخسر بنتو التانية .. لهيك فضل يخسر عشاء عمل مع رجل اعمال كبير ... ع انو يخسر بنتو و قطعة من روحو ... /// اتنهد راجي ووقف .... زت المصاري عالطاولة حق قهوتو ... ومشي لبرا ... ركب سيارتو وهوي عم يفكر .... ومهموم ..... _______________________________ -ليان: ههههه شفتي امي ... بتخافي عالفاضي .... هاي ما رح يجي ... وصدقيني انو خسر العشا ... لانو نورس هدفو يجي يشوفني .... وهلأ كل مخططو خرب ... وبكون البابا عرف انو كل شي عم يقدمو نورس فالصو .... خليه يوعى ع حالو شوي .... -ام ليان: خير انشالله .....

العضوة: 275918 , 5 years ago

-ليان: انا قايمة البس ... بدنا نروح انا ورولا عالسينما ..... لبست عالسريع ... وطلعت من البيت .... ركبت سيارتها ... ومجرد ما برمت المفتاح ... سمعت نقر عالشباك .... اطلعت ع مصدر الصوت ... وشافت هديك العيون .... نفسا اللي كانت تهدد وتتوعد من سنين ... عيون صارمة ... عيون بتقول اللي بدي ياه بصير لو شو ما صار .... دقن خشنة وسودا ... حواجب كثيفة ومقطبة .... وشعر عبي كتير واسود متل الليل .... جسم رياضي .... وتياب رسمية .......نزلت الشباك بهدوء ... مع ابتسامة مصطنعة .... هزت راسا بخفة ناطرة انو يحكي .... بس هوي اكتفا بس بالنظر بعيونا .... قفلت سيارتها .... ورفعت الشباك بسرعة .... وحاولت انها ترجع بالسيارة لورا .... بس وقوفو وراها مع صرخة بصوت اجش مليانة قوة مرعبة ..... خلاها توقف وتتلبك ....... -لياااان ... انزليييي ..... نزلت بهدوء ... وقفت مقابيلو تماما .... ورفعت راسا ... -ليان: نورس الباشا .... بعد زمااان .... _______________________________ وقف راجي سيارتو عالطريق ... وتأمل اللافتة اللي قدامو .... اللي مكتوب عليها بالخط العريض "شارع ارجي اوغلو" ..... فكر كتييير ... لحد ما دور السيارة واتراجع .... ورجع من محل ما اجا .... والذكريات عم تقتحمو ..... لحد ما وصل لذكرى مستحيل تنتسى ... عيلتو النادرة بيوم عيدميلادو وبناتو حواليه عم يغنولو ... كيف كلو اتشتت وراح .... اتبخر تماما ......... ضربات راسو قويت ..... شحط فرام وبرم السيارة بأرضا .... ومشي باتجاه شارع ارجي اوغلو ...... وقف قدام باب البيت السابع ........ نزل من سيارتو .... ورفع ايدو ليدق ..... تردد كتيير .... ورجع نزلها ....... بس بنفس التكة انفتح الباب وطلت صبية حاملة بنتا وبارمة راسا وعم تحكي بصوت عالي ...... -يلا علييي ... رح نتأخر ... هلأ بتضوج لولو .... رح استناك بالسيارة ..... مجرد ما اطلعت ناح الباب .... جمدت بمحلها .... تفكيرا وقف ... ونظرا غبش ... وسمعا خف ... وما عادت سمعت جوزا عم يناديلا من جوا ... لحد ما اجا ....

العضوة: 275918 , 5 years ago

-علي: لييين عم بحكيكي ... ليه ما ع ....... وقف مكانو ... وطبت عيونو بعيون راجي .... ونطر انو تبرم لين لعندو ليشوف عيونا ... هل حزينة او خايفة او مبسوطة ؟! ... لحد ما نطقت بصوت مخطوف ..... -لين: بابا .... -راجي: كيفك ؟ ... -لين: مشتاقتلك ....... كتييير ...... متل اللي كان في حاجز كبيير من بلور بيناتن .... شايفين بعض بس مش قادرين يقربو خطوة .... نزل نظر راجي من لين لعند عيون لولو ... تأملها لحد ما ضحكتلو ضحكة طفولية وصارت تأشر عليه لياخدا .... قربتا لين شوي ... ووقعت حالا بحضن جدها راجي ... مسكها راجي كإنو أول مرة بيحمل طفل .... تأمل ايدها الصغيرة اللي ماسكة اصبعو ببراءة ...... -لين: شبهك .. انت وليان ...... ابتسم .... وعطاها ياها بسرعة .... وبرم ضهرو مع دمعة هاربة خاف انو بنتو تشوفا ... وركض ع سيارتو متجاهل صوت بنتو اللي عم تناديلو ..... -لين: بابااا ... بابا ما تفل ........ (تبكي) ..... -علي: روقي حبيبتي ... امشي لجوا ...... __________________________________ -نورس: كيفا ست الحسن ؟ -ليان: كنت منيحة لحد ما شفتك ..... -نورس: اكيد صرتي احسن .... -ليان: قصدك اسوء ..... -نورس: لطالما في شي عم يتغير لما تشوفيني ... فهاد تفائل .... -ليان: من الاخر .... شو بدك ؟؟ .... -نورس: بدي ياكي .... كان كلو ماشي تمام لحد ما بيك لغى العشا عندكن ..... -ليان: بعيدة عنك ... بأحلامك بتعتب عتبة هالقصر .... -نورس: لساتك متل ما انتي ... ما تغيرتي ... انانية ... ومغرورة .... -ليان: تركتلك التواضع الك استاذ نورس .... -نورس: رح حل عنك للأبد ... بس بشرط .... انك تكوني حبيبتي لاسبوع واحد .... تروحي معي ع سهراتي وحفلاتي ... تكوني معي من الصبح لليل ... والمسا برجعك عند قدام باب هالقصر ... بشروطك انتي ...... -ليان: .............. موافقة ..... انا لازم فل ... منتلاقى وبقلك شروطي ...... ____________________________________

العضوة: 275918 , 5 years ago

-كمال: شو صايرلك .... رامية احكي .... امي ... يا اميييي .... -رامية: اخخخ .... ااااااه ..... -شادية: لك شو صاير ابني ... شو هالصراخ .... رامية شو بكي ... شو حاسة ؟؟ ... انت بعدك بالسابع ... مش وقت ولادتك ..... -رامية: اااااه يا مرت عمييي ... ما عاد قادرة ... وجع فظييع ..... -شادية: كماال جهز السيارة ابني ..... ام محموووود تعي ساعدينيي عالسريع .... لك يلا ابني شو واقف عم تتصفن ..... -كمال: يلا امي يلا ... نازل ..... -ام محمود: امريني ستنا ..... -شادية: تعي ساعديني نلبسها ... شكلو حفيدي مستعجل ..... ____________________________________ -رولا: واااافقتي !!!!!!!!!!!!!!!! -ليان: فيكي تهدي لانو لميتي الدنيا علينا ... وتسكتي لنركز بالفيلم .... من اول ما بلش ما فهمت شي وانت حكي حكي ..... -رولا: انا اللي عم بحكي قصة حياتي او انت .... طيب هلأ قومي قومي لبرا ... هالشاشة وجعتلي عيوني .... هيك هيك ما فاهمين شي .... بدي افهم قصتك هلأ اهم .... يلاااا تحركييي .....

العضوة: 275918 , 5 years ago

وقفو .... ومرقو بين الحضور لضهرو لبرات صالة السينما ...... قعدو ع مقعد برا .... ورولا كلها اذان صاغية ...... -ليان: شوو ؟؟ ... اه بدك تعرفي ليه وافقت ؟ ... يا ستي من ٥ سنين كانت اخر مرة بشوفو فيها .... تذكرتي ؟ .... وقت تخرجي ... لما حاول انو يستغل البابا لياخدني لطرفو ..... صح بسببو بلشت اكتشف اعمال بيي الحرام .... بس اوقات الواحد بيتمنى لو ضل اعمى .... وما شايف الشي اللي رح يإذيه من جوا ...... ونورس من اول لقاء كان عم يحاول يتحداني ... وفتح حرب نفسية وكلامية بيناتنا .... لحد ما قرر يحول هالحرب لجسدية .... -رولا: اي هول كلن بعرفن .... وانو بحفلة تخرجنا كان سكران وحاول يعتدي عليكي ...... المهم قطعيلي عنن وبلشيلي بالمهم ..... -ليان: ييي علينا بصلتك شو محروقة .... بعرف انك بتعرفيهن بس في اشيا بدي زكرك فيها لتعرفي ليه هلأ وافقت ..... المهم ... بعد هديك الحادثة اختفى نورس الباشا لهاي الساعة .... رجع بنفس نظرة العيون والحدة ..... لحتى يرجع يستغل بابا من جديد ..... وبما اني صرت اقوى قدرت اني امنع بابا من العشا .... وهيدا اللي صار ....... بس طلبو كان مناسب كتيير الي .... اسبوع كفيل انو هالمرة بالفعل ينتهي كل شي للأبد ...... انا بالنسبة لنورس فرصة لا تعوض ... انثى واعية .. بزنس ومن ... حلوة .. مثقفة واجتماعية ... الخ ... انا وحدة بتشبع غرورو ... وبتناسب بريستيجو قدام الناس .... هوي بس بدو يشوف حالو فيي ... بس ما بحبني ..... بدو ياني كون مرتو بس يضهر عليي ويعيش فري متل ما بدو ... بس فشر ... وهوي عرف انو مستحيل بأي شكل اني صير مرتو ... كرمال هيك قال اسبوع احسن من بلا ... فهمتي عليي ... -رولا: اي هيدا تحليلك ... ومنطقي ... بس يمكن ما يكون صح ..... ولنفترض صح ... شو هدفك من الموافقة ..... -ليان: اضرب تلات عصافير بحجر واحد .... اي لا تفكري كتير ح قللك .... اول عصفور انو نورس رح يحل عني للأبد ... تاني عصفور اني رح انتقم ع اللي صار بحفلة تخرجي .... تالت عصفور ...... جو عبدالسلام .... #يتبع😪

العضوة: 353845 , 5 years ago

@user-275918 ماكملتيها

العضوة: 304218 , 5 years ago

متابعه معك 😘

العضوة: 275918 , 5 years ago

احلى متابعه 😘

العضوة: 275918 , 5 years ago

مو حكيتلك بطل ينسخ عندي😥 يلا رح كملها