العضوة: 275918 , 5 years ago

الجزء السابع: -رولا: اول عصفورين فهمتن ... اما التالت قليلي بقا كيف يا شاطرة ..... -ليان: رح تشوفي ...... -رولا: اي بس ..... (انفعلت) .. ليااان شوفي مين اجا ... لك مش هاي الجهة .... عاليمين ..... العاشق الولهان ..... هههههه ... -ليان(معصبة): رولاااا .... بنظرتين عملتيه عاشق ..... اسكتي قرب .... -كنان: اووه شو هالصدفة الحلوة .... لو مخططتلا ما زبطت ..... كيفك ليان .... -ليان: الحمدلله ... انت كيف .... -كنان: هلأ صرت منيح .... اكيد ما في مشكلة تعزموني ع فنجان قهوة لبين ما اجا صديقي .... -رولا: اي اي اكيد ... تفضل .... زورتها ليان ... وابتسمتلا رولا ... قعد كنان ومسك تلفونو .. بعت مسج لصديقو "اتأخر شوي" ....... ثواني صمت ... ما حدا عندو حديث يفتحو ... لحد ما وقفت رولا واستأذنت عالحمام متجاهلة نظرات ليان اللي عم تقلها ما تتركيني لحالي .... -كنان: ليان ... انا .... بصراحة ... حابب نتعرف ع بعض .... انو ... انو .... انتي بتعجبيني كتير ... صرلي فترة عم حاول شوفك لاحكيلك .... بس كنت خايف من ردة فعلك ..... معالم وجها كانت باردة ... وجدا عادية ... وهوي كان ملبك وعم يحكي ... وهيي عم تسمع بصمت ... لحد ما انتهى من كلامو ... مع مجية رولا ..... ندب حظو ... لانو ما قدر يسمع اي همسة او كلمة عن اللي حكاه .... ابتسمت ليان واطلعت برفيقتها .... -ليان: رولا لو سمحتي تركينا لحالنا ..... اتسحبت رولا متفاجأة ... وكنان رجعتلو البسمة ..... بس فورا اختفت بعد ما قربت ليان ... وحطت ايديها قدامها عالطاولة .. وركزت بعيونو .... شي نابع من جوا قللو ما رح تسمع شي يفرحك ..... -ليان: شوف حضرة المحقق ... لقائين مانن كافيين ابدا للاعجاب ... ف ما تجي متل غيرك تسمعني اشايا ما بتهم ولا بتفيد ... انا انسانة صريحة ... بس الله يوفقك بعيد عني ..... -كنان: الاعجاب بصير بنظرة .... اذا قلتلك اعجاب وهيك كانت ردة فعلك ... كيف لو قلتلك حب .... طيب ما بتآمني بالنظرات براحتك ... بس انا طلبت نتعرف ....

العضوة: 275918 , 5 years ago

-ليان: انا اسفة ... ما عندي وقت لهالتفاهات .... -كنان: بس انا .... (رن تلفونو من بعد ما فصلو كذا مرة) ... يي علينا ما رح يحلو عني .... الو ... اي ..... شوووو .... قول انو حكيك مانو جد !!!! احجزلي ع اول طيارة عالسريع .... بالاذن ليان حديثنا لسا ما خلص .... بس ارجع منحكي .... كان ملبك ومستعجل .... اخد مفاتيحو وركض ع سيارتو ..... -رولا: شو صار ؟ لوين راح ؟ ..... -ليان: ما بعرف ... _______________________________ كان قاعد جو بقصرو الجديد ... شارد وعم يفكر ... ويحكي حالو .... -جو: شو صاير معي ... ليه ما عم بقدر شيل التحدي من راسي ... ليه ما عم اتحمل لامبالاتها القاتلة .... اتعاملت مع الشركة المنافسة وما اهتمت ... من بعد ما قضينا يوم كامل نفتل من مكان لمكان ... فجأة اختفت وكإنو ما فارق معا شي بهالكون ... ورجعت لقت الدنيا قايمة وما كلفت خاطرا تبهدلني لاني اتخليت عن اتفاق بيها ... كيف فيها تكون غير مهتمة وانا عم اتفلفل من جوا رغم اني انا اللي درت ضهري ... اي وشو يعني ... من ايمتا بهتم انا ... لازم يكون اخر همي عبرتني او لا ... اي اي مبلا اخر همي ....... (رن تلفونو) .... الوو .. اي اي ... ماشي ... عملت كروت للعمال ... ادفعلن اليوم كبداية ليتشجعو انن يشهلو بسرعة ... لازم تنتهي الشركة بأسرع وقت ..... كيف يعني ما منا نجلقن ليشتغلو .... اه صح انا ماني باستراليا ... شوف المناسب واعملو ... المهم كل شي يكون ع اصولو ... انا اليوم بحاول امرء عالورشة ... ماشي باي ..... زت التلفون حدو عالكنباية واتنهد ... اطلع بالساعة ... وبالتاريخ ....

العضوة: 275918 , 5 years ago

-جو: اتأخرت كتير باللي جايي مشانو من اخر الدنيا .... بس الايام جايي يا شركة شاهين .... رح مرمركن بالطين .... وما بكون يوسف عبدالسلام اذا ما بربيكن ع ايدي ...... انتو واللي اسمو راجي بحر .... نار الحقد اللي جواتي رح تحرقكن واحد واحد ..... (رجع مسك تلفونو وعمل اتصال) ... الوو لساتك عم تراقبا ؟ ... وينا ؟ ... سكر الخط ... حمل مفاتيحو ومشي ..... ____________________________ -كمال: طمنا دكتور .... -الدكتور: مبروك .. اجاكن صبي متل القمر ..... -شادية: الف الحمدلله .... بحمدك وبشكرك يا ربي ... -كمال: وكيفا رامية ...؟ -الدكتور: وضعا تمام الحمدلله ..... -كمال: فيني شوفا ... وشوف الولد .... -الدكتور: اكيد بس لننقلا ع غرفتا .... والولد بعد ما يفحصو اخصائي الاطفال لازم يضل بالكوفاز عشان خلق قبل وقتو ... فيك تشوفو من ورا البلور بس .... -كمال: شكرا دكتور ..... اجا فادي ركض ... ورفيقو حامد وراه .... -فادي: شوو كيفا مرت اخي ... وابن اخي ... -كمال: تمام ... الحمدلله ..... -فادي: يعني واخيرا صرت عم ..... -شادية: هههه ... اي وانا تيتا .... -فادي: شكلك مقهورة انك ختيرتي .... -شادية: سكوت يا ولد ... وينو بيك .... -فادي: عندو اجتماع مهم ... بخلصو وبيجي .... _______________________________ -ليان: الو ... اي استاذ نورس ... -نورس: شيليلي استاذ ع جنب ... بكرا المسا في حفلة للاعمال الخيرية ... رح تروحي معي ... من بكرا بيبدا الاسبوع .... -ليان: ماشي .... سكرت الخط ... وحطت ايدا ع بطنا وركضت عالتواليت بالكافيتيريا اللي قاعدة فيها هيي ورولا حد السينما ..... راجعت كل شي ببطنا .... غسلت وجها ... واطلعت عالمراي ودقنا عم ينقط مي ورموشا مبللين ....

العضوة: 275918 , 5 years ago

-ليان: العمى بقلبك لعيتلي نفسي ..... مسكت محارم ونشفت وجها .... ومجرد ما شالتن عن وجها ... اطلعت عالمراي ولمحت حدا وراها ... عقدت حواجبها وبرمت ..... مسكا من ايدا ولزقا بالباب .... -ليان: شو عم تعمل هون ... انت بحمام بنات ... بعد عني واضهر فورا ..... استاذ جو لو سمحت ... ما تضطرني صرخ ولم عليك العالم .... -جو: صرخي ... ليه مصرة تنرفزيني ... كيف فيكي تكوني هيك لامبالية ... -ليان: نرفزك ؟!! ... ليه انا ويين قربت صوبك .... انفتح الباب عليهن .... -رولا: وينكك ليااا .... اا .. اا ... شو عم يصير هون ؟ ... تركا جو وطلع لبرا الحمام ... ثواني واختفى .... وضهرت ليان معصبة ... لحقتا رولا .... طلعت بالسيارة وطبقت الباب بقوة ..... -رولا: فيكي تفهميني شو صار ... لك احكي .... شغلت السيارة ودعست بانزين بقوة .... ضلت كل الطريق ساكتة ورولا ما عم تهدا اسئلتا ..... لحد ما شحطت فراام ... واطلعت برفيقتا .... -ليان: انزلي ..... نزلت رولا قدام بيتا متفاجأة .... وكملت ليان سواقة ..... -ليان(معصبة): شو قصدو اني لامبالية .... شو قصدو اني عم نرفزو .... كيف اتجرأ يعمل اللي عملو .... _______________________________ -كمال: انتي منيحة ؟؟ -رامية: وين البيبي .. احح احح .... بدي شوفو .... -كمال: عم يفحصوه ... وما فيهن يجيبو لهون ... لانو بالكوفاز .... -شادية: ايي شو رح تسمووه ؟؟؟ ... -رامية: ميار .... -كمال: شوووو ؟؟ ... رغم وجعا بس بضل تحاول تنرفز الكل ... زتت هالاسم واطلعت بعيون حماتها اللي ما نطقت حرف .... رجعت ابتسكت وكملت حكي ... -رامية: عم بمزح ... هادي ... هيك اتفقنا انا وكمال .... -كمال: اها ... وانا قول ...

العضوة: 275918 , 5 years ago

-شادية: عال ... يعيش ويحمل اسمو ... يلا انا رايحة شوفو .... -كمال: وانا لاحقك ..... لك رامية ليه هيك حكيتي .... -رامية: كان بدي شوف شكل وجا لما تسمع اسم ابنا اللي نسيتو ... شيلنا منا .... خلي الممرضات يجو يساعدوني بدي انزل شوف ابني .... -كمال: الله يصبرني بس ... ___________________________________ تاني نهار المسا بالحفلة .... بمكان مرتب وكبير ... صوت موسيقى كلاسيكية .... رجال ببدلاتها الرسمية ... ونسوان بفساتينها المميزة .... فاتت ليان بفستان نيلي ... ورافعة شعرا بطريقة مميزة .... وع يمينها نورس بتياب انيقة كلها هيبة ... ماسك ايدها ورافع راسو لفوق بغرور وتكبر ....... ومجرد ما بلشت الناس تلمح وصولن .... ما كانت تنشال عيونن عنن ... شخصين كان من المستحيل بيوم من الايام يشوفوهن سوا ..... وبلشت الهمسات والنظرات "نورس وليان سوا !!!" .... ليان كانت عارفة شو بكون عم يدور بعقل الحضور ... بس اكتفت بالابتسام .... لحد ما لمحت جو عبدالسلام واقف آخر الناس ... وماسك الكاس بإيدو .... بحركة لاارادية تركت ايد نورس .... اطلع عليها نورس بعد ما عقد حواجبو ... انتبهت ع حالا وابتسمتلو هيي ومبلكة .... -ليان: يلا ناخد شي طاولة .... مع حدا منعرفو ....

العضوة: 275918 , 5 years ago

بلش الكل يقرب منن ويسلم عليهن ... ونورس كلو شوفة حال ... وعم يفكر كيف يخللي هاليوم للأبد .... كيف يضل بين كل هالحضور مع انثى راقية وغنية وواعية .... ويطرد فكرة انو هالعز بس لاسبوع مش اكتر ....... وليان صافنة بجو وعم تفكر بالحركة اللاارادية اللي عملتا ... ليه بدون وعي تركت ايد نورس ؟؟ .. يا ترى كرمال ما تنزل من عين جو انها مع هيك شخص ... او لانو في بداية مشاعر ... لا لا مستحيل ... طردت هالافكار واطلعت بنورس بابتسامة مصطنعة .... -ليان: رايحة عالتواليت .. ٥ دقايق وبرجع ..... رغم انو نورس ما عجبو الوضع .. بس سكت وتركا تروح ... ثواني ولحقها جو .... وقفها عند باب الحمام وعيونو عم تطلع شرارة غضب اول مرة بتشوفا .... -جو: تركتي رجال الدنيا كلها .. ومشيتي مع هااااد ؟؟؟ -ليان: شو زاعجك ؟؟ -جو: برادتك هاي بتخوتني ... لك .. لك هاد نورس .... هوي هون ليشوف حالو بأعمالو الخيرية .... -ليان: وانت ؟ شو عم تعمل هون ؟ .... -جو: انتي مغرورة ..... بس بكرا بتشوفي ست لياااان .... رح تركضي وراي ... رح تطلبي مقابلتي بس بوقتا انا رح ارفض ...... -ليان: وليش بقااا ؟؟ ... كرمال تشاركنا ؟؟ .. او تهتم فيني مثلا ؟ ... هههه ... بأحلامك .....

العضوة: 275918 , 5 years ago

مسك ايدا بقوة ... وكز عليها .... واجا بدو ينطق بس سمع صوت ... -نورس: هشششش .... شو عم تعمل ... بعد عناااا .... مسكو من ايدو ودبعو عالحيط ..... ورفع سبابتو بوجو .... -نورس: اوعك تقرب مناا ... شو فهمت ؟؟ ... عقد حواجبو جو ... ونفض جاكيتو من ايد نورس ... نكت حالو ... زور ليان ومشي .... فورا قرب نورس من ليان ... -نورس: عملك شي ؟؟ ... شو بدو ؟؟ .... -ليان: لا .. بس غيران منك ..... هيي بتعرف كيف تسكتو ... جملة صغيرة بترضي غرورو كفيلة انها تسكتو مع ابتسامة كمان ... طلعو لبرا ... وخلصت الحفلة ... وكل الوقت ليان تهرب من عيون جو ونظراتو الواضحة ... طلعت مع نورس ومشي بسيارتو .... -نورس: شو رأيك نكمل عالاوتيل .... -ليان: نوووورس .... نحن شو اتفقناااا ؟؟ -نورس: طيب طيب ماشي .... ح وصلك عالبيت ... بس ما تعصبي ..... ____________________________________

العضوة: 275918 , 5 years ago

تاني يوم الصبح ..... كانت ليان بغرفتها عم تلبس لتطلع عالشركة ... وتحكي حالا ... -ليان: الله يهدي البال ... من زمان راجي بيك ما حكا معي بخصوص شي ... كإنو في شي طبخة عم تتحضر .... (رن تلفونا) ... الو اي رولا ..... -رولا: فتحي التلفزيون فوراااااااا .... عالاخبااار .... خبر صاااعق ..... نزلت ركض من غرفتا ... وفتحت التلفزيون .... وانصدمت .... -خبر عاجل: حصل امس حادث سير أدى إلى وفاة رجل الاعمال المشهور نورس الباشا الذي ..... وطت صوت التلفزيون .... وطفت الخط بوج صاحبتا ... وقعدت عالكنباية مصدومة .... اجا بيها من وراها .... -راجي: شو صاير بنتي .... -ليان: نورس الباشا .... مات ..... -راجي: انتي شو عم تحكي ؟؟؟ علي صوت هالتلفزيون ..... -وتأكد بعض الفحوصات انه كان يأحذ كميات كبيرة من المخدرات ... وتوجه سكرانا بعد الساعة الواحدة ليلا من المقهى مع عشيقته التي الى الآن تركض في العمليات وحالتها حرجة ..... ويصرح فرع المخابرات ان الحادث ربما قد يكون مدبرا ...... -راجي: اوووه ... واحد متلو هيك رح تكون نهايتو ... سكران مع بنت ليل ...... انتي ليه مصدومة .... -ليان(بهمس): لانو انا اللي كان لازم انتقم ..... -راجي: شو عم تحكي ؟؟ -ليان: ولا شي ... ريح البشرية منو ..... انا لازم روح ... -راجي: عالشركة؟ -ليان: لا ... ساعتين وبروح .... ركضت لفوق ... كملت لبس ومسكت شنتايتها ومفاتيحا ... ونزلت .... ركبت السيارة وساقت بطريقة جنونية ..... لحد ما صفت قدام قصر كبير ومرتب .... والخضار والورود معبي المكان .... نزلت ودقت الباب .... فتحتلا الخادمة .... -الخادمة: عندو اجتماع مهم .... -ليان: قليلو ليان راجي بحر .... دخلت الخادمة عالقصر ... وطلعت عالحديقة ... كان قاعد عالفطور مع ناس مهمة ... قربت من دانو وهمست .... -الخادمة: استاذ جو .. ليان راجي بحر عالباب ..... فتح عيونو ع وسعن ومسك الشقفة ... مسح تمو .... ووقف ملبك ومصدوم .... -جو: بالاذن دقيقتين ..... يتبع ...

العضوة: 275918 , 5 years ago

الجزء الثامن: -جو: اووه ... نور القصر ... ما قلتلك يا حلوة انو رح يجي يوم و .... -ليان(قاطعتو): انتو ورا حادث نورس الباشا ؟ ... -جو(مصدوم): شوو ؟؟ .... -ليان: بلا حركات الصدمة هاي .... وجاوبني .... -جو: نورس عمل حادث ؟؟ -ليان: ومات .... -جو: نعمممم ؟؟؟ .... -ليان: انت ما بتشوف اخبار ... ع كلن اسفة عالازعاج ... فيك تكمل اجتماعك .... بالاذن .... -جو: لحظة لحظة ... استني .... -اجا صوت من جوا وطل راسو: استاذ جو بسرنا لقائك .... بس قرب سكت وما كمل حكي .... وانصدمت ليان ...... -ليان: شااااااادي ..... -شادي: ليااااان ....... قربو فورا واتعانقو .... وجو واقف مصدوم ..... -شادي: بعد زمان ...... -ليان: اه ع اساس انت عم تبين ... بتجي من اميركا وما بتسأل .... -شادي: والله الغربة اخدت كل وقتي .... ٧ سنين انقطعت انقطاع تام عن هالبلد ... مبارح اجيت ولقيت كلو مغير ... حتى اخبارا ما عدت سمعتا .... -ليان: اي اكيد بدا تتغير عليك ... اتخرجت وسافرت دغري وما عاد اسمعنا اخبارك .... -شادي: ولا انا ما سمعت اخبار حدا .... بس بدا قعدة سوا .... قريبا ..... اكيد تزوجتي انتي وميار .... كيفو اخونا .... تلبكت ليان وفاتت ببعضا بعد ما سرقت نظرة لعيون جو اللي انصدم فورا ..... حس شادي ع حالو انو اتسرع بالسؤال ... وحس للحظة انو في شي بين ليان وجو عشان هيك تلبكت .... اجا بدو يزبط الموضوع ... بس ليان حكت .... -ليان: مات ..... -شادي(بهمس): شووو ... -ليان: بالاذن .... -شادي: طيب استاذ جو ... فرصة سعيدة ... سلملي ع باقي الاعضاء ... لازم فل .... بالاذن .... لياااان وقفي ....... تركو ولحق ليان ..... وضل جو واقف مصدوم وعم يفكر بالحديث اللي صار كلو .... وهمس .... -جو: ليان ... وميار !!!! .... سوا !!! ... ما عدت فاهم شي ...... ________________________________ -شادي: عازمك ع فنجان قهوة ... ارجوكي لا تقولي لا .... -ليان: تفضل ..... مشيو كل واحد بسيارتو ... وفاتو ع كافيه ... كل واحد اخد مكانو بصمت ... لحد ما قطعو شادي .... -شادي: انا بجد اسف ... يمكن حرجتك قدام حبيبك .... -ليان: حبيبي ؟؟؟؟ .... ما في شي بيني وبين استاذ جو .... -شادي: اسف مرة تانية .... بس توقعت بعد اخر لقاء بيننا بعد التخرج وقبل سفري .... وقت قلتلك انو ميار بحبك ... تتذكري الحديث .......

العضوة: 275918 , 5 years ago

//////في الماضي .... -ليان: شو عم تخبص ... مستحيل ميار يكون بحبني .... -شادي: لك فتحي عيونك ... هوي اكيد ما ح يعترف ... لانو خيو بحبك ... بس صدقيني انا مأكد .... -ليان: ما تأملني كتير شادي ... خلص ... خلينا ع اساس اني مجرد اخت بالنسبة الو ..... -شادي: انا بشوف نظراتو .... اعترفيلو ... وشوفي شو بصير ... انا رح سافر وبدي ارجع لاقي عندكن ولاد ..... -ليان: مجنون .... رولا التانية .... -شادي: شفتي ... حتى رولا من رأيي .... وعديني انك تكسبيه ... حتى لو ما بحبك ... وقعيه ... ليان شو قصتك .... بطلتي تعرفي تتصرفي .... -ليان: طيب رح حاول ... /////// -ليان: وقتا ما اجتني الجرأة ولا بيوم قللو .... وضليت هيك لحد ما مات .... -شادي: هبلة .... كنتي ولساتك هيك .... كيف مات .... -ليان: انفجرت فيه السيارة ..... -شادي: قهرتيني .... بس جد ما توقعت انو كل هالسنين ما تكونو اخدتو بعض ... كنتي تعشقييه .... -ليان: وما زلت ..... بشتقلو كتيير اوقات .... بس مانا صعبة عليي كتير لانو ما في بيناتنا ذكريات ... بس اشتقلو بتفرج ع صورو ... لانو من الاساس بالماضي كان مجرد صورة قدامي بتتحرك ...... -شادي: ............. -ليان: ............. -شادي: تشتغلي معي ؟؟ ... جو فك الشراكة مع شركة شاهين .... وانا شريكو الجديد .... -ليان: انت شو عم تحكي ... ما سمعت بهيك خبر ...... -شادي: ما بعرف ... بس شو رأيك .... هوي عم يشتغل مع خالد بيطار ... كان معنا بالاجتماع ... رفيقو لميار عرفتيه .... -ليان: اووه اووه ... في اشيا كتير صايرة وما بعرفا ... بس اكيد مستحيل اشتغل معو ... -شادي: لييه ... -ليان: رح احكيلك ..... ________________________________

العضوة: 275918 , 5 years ago

-احمد: كلكن حمييييير .... لك خسرنااا بلاااوي من ورا فضة الشراكة اللي عملاااا الاستاااذ جو ابن الكلب .... وراح تعاون مع عدونا خالد .... -كمال: شو نعمل يعني .... للهفا .... -احمد: حلو حلووو ... اي قول مرحبا شركة ...... نحن ع باب الافلاس يا محترم ... -فادي: رح نحاول نسيطر عالوضع .... -احمد: انتو سيطرو ع حالكن بالاول .... بعدين سيطرو عالوضع ..... _________________________________ -ليان: بقا هاي كل القصة .... -شادي: بس انا برأيي انو تحطي ع عينو وتشتغلي معي ... اذا هوي حقير وعم يلعب ع كل الاطراف ... انتي كمان كوني متلو .... -ليان: انا بدي دمر الكل ... وارجع لحياتي الطبيعية .... -شادي: اذا دمرتي ... ما رح تعيشي مبسوطة بعدا ... تأكدي من هالشي .... -ليان: ........... -شادي: بس شو قلك ... كنتي اد عشر رجال ... وهلأ صرتي اد مية .... قويانة .... -ليان: انا ماني اد ولا رجل ... انا امرأة وبس .... القوة ابدا مانا مقياس للرجولة .... -شادي: حلو حلوووو ... طيب شو قلتي ... منشرب كاس الشراكة .... -ليان: ههه منشرب .... -شادي: جرسووون .... __________________________________ -جو: قولك شو اللي خلاه يسأل اذا تزوجت هيي وميار ... -خالد: لك يا زلمة انسى الموضوع ... عنا شغل .... -جو: علاقتن سوا ما حبيتا ... لك لحقهاا وراحو سوا ..... -خالد: انت شو زاعجك ..... -جو: ماني مزعوج .... بس ... لك خلص انسى .... ايا ساعة رجعتو نسقتو الموعد .... -خالد: المسا عال٩ بمطعم النرجس ح نلتقي ونحكي بتفاصيل الشغل ... -جو: تمام .... لكن انا فالل ... عال٩ بشوفك ..... -خالد: الله معك .... ________________________________

العضوة: 275918 , 5 years ago

-راجي: الو ... وينا بنتك لهلأ ما شرفت ... عم دقلها ما عم ترد ؟؟؟ .... -ام ليان: ما بعرف ... من لما طلعت ما رجعت ..... -راجي: صايرة ماخدة وج ومكترة .... ما بكفي ضيعتلي صفقة بآلافات الدولارات مع نورس .... كان كسبني شي قبل ما يموت .... -ام ليان: انت هاد اللي بهمك ... حاول دقلا كمان مرة ..... -راجي: ماشي ماشي ... باي ........ لك نفسي اعرف وين بتختفي يا ليان .... الوووو واخيراااا رديتي ... وينك .... لمين تاركة شغلك .... -ليان: عم حضرلك مفاجأة رح تعجبك ... حاج تقللي ضيعتلك صفقتك مع نورس ... جبتلك الدوبل ...... -راجي: حلوو حلوو ... اي لكن اشتغلي عالمزبوط ... الله يسمعنا الاخبار الطيبة ..... سكرت الخط ... والتفتت ع شادي .... -ليان: اي قلتلي عال ٩ المسا ؟؟ -شادي: اي ... شكلو لساتو بيك ع حالو .... -ليان: ما بيتغير ... بيعبد القرش .... وواثقة من اليوم اللي ح زورو فيه بين حدايد السجن ... انشالله لوقتا ينهدى ... -شادي: يلا ... الله بعين ..... طيب انا ح فل ... منتلاقى بالليل ... هاد كرتي ... المسا بمر وراكي عال ٨ ونص .... لساتو عنوانك ذاتو صح ؟؟ ... -ليان: اي بذاتو .... _________________________________ المسا ..... -شادي: وينك ... انا تحت ... ماشي بانتظارك ..... دقيقتين وطلت ليان بفستان اسود لعند الركبة بيلمع ... وشعرا مرفوع بطريقة مميزة ... وكعب باللون الاسود .... نزل شادي من السيارة وقرب فتحلا الباب .... -شادي: اوووه .. شو كل هالجمال ... اتاريني الليلة برفقة اجمل انثى ....

العضوة: 275918 , 5 years ago

-ليان: لا تبالغ .... -شادي: وحياتك مانا مبالغة .... -ليان: ميرسي .... مشي شادي بسيارتو ... وعال ٩ تمام كان قدام المطعم ..... نزل .... وعطا المفاتيح للموظف .... قرب من ليان .... ومشيو سوا ..... فاتو عالمطعم وصاروا يبرمو بعيونن ليشوفو طاولة جو وخالد ...... شافن خالد واشرلن .... ونغز جو ... -خالد: اطلع مين في معو ..... -جو: !!!!!!!!! ....... -شادي: مرحبا .... انشالله ما نكون اتأخرنا ..... بحب عرفكن ع مساعدتي الجديدة ... انا جديد بالبلد ... وبحاجة لوحدة متلا ..... -جو: اهلا وسهلا .... -خالد: شرفتو ..... قعدو وصاروا يحكو بتفاصيل الشغل ... ولمعة التحدي بعيون جو وليان .... طلبو العشا .... وقعدو ياكلو ... وجو مزعوج كتيير ... لحد ما بحركة مفتعلة وقع كاسة المي ع شادي .... -جو: يي يي اسف .... -شادي: ولا يهمك ... بسيطة ... قايم عالتواليت ...... مشي عالتواليت ... وزور جو خالد .... فهم عليه خالد ووقف .... -خالد: بالاذن دقيقة ... عندي اتصال مهم ..... مجرد ما بعد عنن ... قرب جو من الطاولة اكتر وليان مقابيلو ... كز ع سنانو .... وحكا من بين غضبو بتحدي ... -جو: بدك ياها حرب .... فلتكن ........

العضوة: 275918 , 5 years ago

-ليان: انت شو عم تحكي ... ما عم بفهم عليك ... شادي ما الو غيري هون ... طلب مساعدتي وما قدرت ارفض ..... -جو: لياااان ... ما .... -شادي: ايي ويين راح خاالد ... عدل جو قعدتو ... وزور ليان بمعنى حديثنا ما خلص ... ورجع خالد .... وكملو اكل وكلام عن الشغل .... وبأخر السهرة ... وصل شادي ليان ع بيتا ومشي .... وجو وصل ع قصرو واتسطع ع تختو وراسو للسقف عم يفكر ب ليان ..... شوي ورن موبايلو ... -جو: لك خلص بكفيييي ... بكفيييي تالياااا ... اعتقيييه لرقمييي .... بكفييي .... -تاليا: ليش معصب ... اول مرة بتحكيني بهالطريقة .... -جو: لانو طفح الكييل .... -تاليا: فجأة بتعصب مني بدون سابق انذار ..... كنت بدي خبرك اني جيت من استراليا ... بس طلعت غلطانة .... باي ... سكرت الخط بوجو ... وهوي صرخ ... "اوووف اووووف" ....... _______________________________

العضوة: 275918 , 5 years ago

بعد مرور ٣ اسابيع ......... مضت هالايام وجو وليان كل يوم بوج بعض ... والتحدي بينن ماشي .... جو بغضبو ... وليان ببرادتها ..... عم يشتغلو سوا اغلب الاوقات ... لانو شادي ملتزم بأمور تانية ... وموكل ليان بكل شي ..... -ليان(معصبة): لييك ما تجنني ... بكفي بقا استاذ جو ... لو قاتلتلك بيك ما بتعاملني بهالطريقة .... نحن بمكان عمل ... مانا بشاارع .... فيني افهم شو دخلك بحياااتي ... لك بصفتك شووو عم تتحكم فيي وبطلعاتي ..... -جو: بصفتي ... بصفتي ... اني ..... -ليان: توقعت ... ما في اجابة .... بالاذن ...... طلعت من عندو مع دخلة خالد اللي سمع الحديث كلو .... -خالد: ليه ما قلتلا ... بصفتك انك بتحبا .... -جو: نظرات الكره اللي بعيونا ... بتمنعني احكي .... لك ما توقعت بيوم اجي لهون عالبلد كرمال هدف معين .... واطلع مغرووم ... عم ضل انكر بس عبس ... كل حواسي بدا ياها بجنون ..... اول مرة بتطلع عن برودتها وبتعصب هالقد .... كنت مشتهي سكتها ببوسة تعرفها اديه بحبها .... بس ما بضمن ردة فعلا .... -خالد: خليك ساكت ... لتطير من ايدك ... وقتا يا ريت ما عاد تنفع .... -جو: انا بدي بس اشارة لاعترفلا .... اشارة صغيرة .... -خالد: هيني هاي ... العب ع وتر الغيرة .... وشوف اذا رح تهب نار الغيرة بعيونا .... هيي بعد ما شافت تاليا صح ..... -جو: انا ما عم شوفا ... هيي بدا تشوفا ... -خالد: دقلها .... -جو: انا مش من هالنوع خالد ... ما بدي أمل البنت ... -خالد: ضحكتني ... بنت استرالية اخر هما تركتا او لا ... بتتسلى معك كم ليلة وبترجع ع بلدا ... دقلها .... -جو: يمكن ساعتا لو في امل ليان تحبني ... يتلاشى بسبب تاليا .... -خالد: شو متشائم ... دقلها ..... واعزما ع حفلة المسا ... لاعلان افتتاح مشروعنا ...... اه هاي هيي انتبهت لسبب عصبيتك ... انتهاء مشرووعنا ... يعني ما بقا تتلاقو انت وليان ... هيي مستلمة بس هالقسم عن شادي ... بس هوي ح يكمل بعدا .... -جو: خاالد ... اعتقني من تحليلاتك .......... خلص رح دقلا .... __________________________________ -رولا: شو بكي معصبة ؟؟؟ .... كل ما اجي بعد شغلك لاخدك بكون نفس شكل هالوج ..... -ليان: لك جبااااان ... ما كان يعرف يقولاااا .... لك شو رح يخسر لو قالاااا .... يتبع ......